|
Re: صبري الشريف (Re: أمين محمد سليمان)
|
سلامات حبيبنا العوض المسلمي
يا سبحان الله نفس العنوان كنت قد كتبته في العام الماضي في موقع ملتقى ابناء الكوة
Quote: وانا ضيف في مناسبة لاحد الاصدقاء وانا حديث العهد في ولاية فرجيناغفذ اسم صبري الشريف من احد الحضور
فسألته ده صبري المن مدني ولا واحد تاني قال
لي ده من رفاعة وواحد تاني اكد انه من مدني فاخذت الرقم واتصلت عليه لاحقا هكذا ،،،
الو السلام عليكم
وعليكم السلام والرحمة ( يا سبحان الله نفس النبره وجرة الصوت الرخيم )
الاخ صبري الشريف
بالحييييل
ياخوي انت صبري الشريف بتاع مدني ولا رفاعة
والله منهم الاتنين اتفضل يا خوي اي خدمة
يعني انتو الكنتو ساكنين في اشلاق البوليس مدني
بالضبط كده
ياخي والله السلام عليكم ،، ومعاك واحد من الكوة
يا اللللللللللللللللللله ياخوي مالك داير تقلب علي المواجع منو من ناس الكوة والله
طيب انت بتعرف منو من الكوة
ياخي انا بعرف الكوة كلها من حلة فلاته لي خور دوره
ذي منو مثلا
بعرف بكري جابر
وتاني منو
بعرف الكروماب وديل اكتر من اهلي
ذي منو من الكروماب مثلا
بعرف اسامة علي كروم ونزار يوسف كروم
معاك نزار يوسف كروم يا صبري
لا حولة الا باللللللللللله ياخي اصلو ما ممكن يا زول كيف حالك واحوالك واهلك ان شاء الله كويسن ومتبن في البلد دي
والله كلو تمام والاهل بخير وجيت البلد قريب لي كم شهر
والله لو قلت لي عمر يوسف بصدق الزول ده اصلو جنو سفر ومخارجات اظنو تشاد ذاتها مشى ليها
والله تقول شنو اهو ده حال الدنيا جينا بلدكم دي نشوف جكتها معانا شنو
يا زول حمد الله على السلامة وان شاء الله البلد ترحب بيك
سالني من الكروماب فردا فردا ومن ناس الكوة وكنت استغرب من قوة زاكرته وحفظه للاسماء بصوره مدهشه
ولم يلتقي معهم اكثر من خمسة وعشرين عاما سالني من
ا ام سهمين وحسن الشريف وهويدا حمذة وايضا من عصمت ووليد حسن حسين وعمر النصري وعمر يحي وبدري
وعباس علي عبود ومحمد عبدالرحمن توت اللي
انكسرت رجله في الكوره يوم العيد وذهبوا به الي البصير في قرية الطقيع جوار المناقل محمولا على بوكس
عمنا بشير مامون كروم وايضا كان حاضرا عقد قران
بهجه حسن كروم في الخرطوم والماذون مولانا احمد الميرغني ،، وسألني من ناهد يوسف واميمة مصطفى
ومامون صديق كان ببيع حاجات لسعاد الشريف جايباها
من الخرطوم وكان حاضر لزواج هنادي عباس كروم والصبحية في الجميزات بالفنان كمال ترباس ،،، وسألني
من بابكر اب شريعة و من الحريف ابو مدين مامون
صبري الشريف من مدني نشا في اشلاق البوليس وتربطهم جيره وعلاقة جعليين مع اسره عمنا المرحوم بشير
كروم ليست بالساهلة وهو صديق حميم وزميل دراسة
لمحمد بشير كروم كان ياتي معهم في المناسابت والاعياد في الكوة وهو لاعب كره حريف كان يعلب لجزيرة
الفيل مدني وفي الكوة بلعب مع الاشبال طبعا ،،
وتغير ملابس لعبية الاشبال كان في بيت ناس عمنا عثمان ميرغني ولا ينسي مشجعين الاشبال عمنا المرحوم
عثمان كروم وعبدالله الكعاكي ومراد احمد عبود ،،،
وعندما يحاور الخصم ويحرز هدف كان يغتاظ ويهتف الجمهور المضاد (( مأجر،، مأجر)) حكى احد لاعبي
الاشبال انه اول مره اشوف(( شنكار)) في حياته كان
لابسه صبري الشريف في ميدان الكوة الاهلي ،،
اخر مره زار فيها الكوة كان على عجل وودعها بزيارة لضريح حاج عبدالله برفقة الخالة خادم الله ميرغني
والدة صديقة بكري جابر ،،،
|
Quote: انتهت المحادثة بودعناك الله التي تعود عليها دائما ووعدني بالحضور للسلام والتحية في اقرب
اجازة لنهاية الاسبوع وفعلا
اوفى بوعده وجاءني من لاية نيوجرسي مسافة 3 ساعات تقريبا بالعربة وقضى معي يوما جميلا في خضم
الزكريات الانيسة في الكوة وناس الكوة ،، وايضا اخذني معة ليعرفني على بعض اصدقائة في فرجينيا وكان
يقول لهم الزول ده من الكوة اعظم مدن السودان ومن اسرة ال كروم العريقة فاذاد غبطة وسرور ،،، كما
قمنا بزيارة لاسرة اميمة عمر ابنة محاسن الفاضل حسن واسرة هنادي عثمان حميرا فترك صبري في نفوسهم
اثر طيب واعجاب بهذا الشاب الذي يعشق الكوة ويحب ويحترم الناس المن الكوة ،،
صبري الشريف بجانب عملة الخاص بادارة وتشغيل شركتهم وشقيقة صداح في ولاية نيوجرسي فهو ناشط
فلته في مجال حقوق الانسان وعضو نشيط في كثير من المنظمات والجمعيات المحبة للسلام والحريات وهو
متحدث لبق في هذه الناحية كما ايضا مشارك في كثير من الندوات وورش العمل في تداخل الثقافات
والمعايشه السلمية للاديان وله بعض الاراء والابحاث في الاحاديث النبوية الضعيفة وبعض النصوص القرانية
من ناحية مكان وزمان نزولها ،،،
ابان الحملة الانتخابية الرئاسية الامريكية الاخيرة تطوع الاخ صبري وعمل بجد ليل نهار دعما للمرشح
اوباما
في ولاية نيوجرسي والتي اكتسحها ومهدت له الطريق نحو البت البيض واثناء تلك الحملة التقي به وتحدث
اليه بجانب التقاطة معة لبعض الصور التزكارية ،، وبعد فوز الرئيس اوباما بجائزة نوبل للسلام مؤخرا
بعث بايميل لصبري الشريف شكر وعرفان ،،
التحية من هنا للاخ صبري ،، وهو يتأهب للدخول للقفص الذهبي في الايام القليلة الفادمة ونقول ليه الف
الف مبروك زواج مبارك وان شاء بيت مال وعيال ،،،، |
مع كل الود والاحترام
|
|
|
|
|
|
|
العنوان |
الكاتب |
Date |
صبري الشريف | العوض المسلمي | 04-05-10, 03:02 PM |
Re: صبري الشريف | العوض المسلمي | 04-05-10, 03:08 PM |
Re: صبري الشريف | العوض المسلمي | 04-05-10, 03:14 PM |
Re: صبري الشريف | خضر حسين خليل | 04-05-10, 03:18 PM |
Re: صبري الشريف | العوض المسلمي | 04-05-10, 03:32 PM |
Re: صبري الشريف | خضر حسين خليل | 04-05-10, 03:39 PM |
Re: صبري الشريف | العوض المسلمي | 04-05-10, 03:48 PM |
Re: صبري الشريف | ismeil abbas | 04-05-10, 04:07 PM |
Re: صبري الشريف | العوض المسلمي | 04-06-10, 08:42 AM |
Re: صبري الشريف | وجن | 04-05-10, 04:08 PM |
Re: صبري الشريف | رهف | 04-05-10, 08:08 PM |
Re: صبري الشريف | baha eassa | 04-05-10, 08:49 PM |
Re: صبري الشريف | عفاف ابوكشوه | 04-05-10, 09:09 PM |
Re: صبري الشريف | أمين محمد سليمان | 04-05-10, 09:12 PM |
Re: صبري الشريف | نزار كروم | 04-05-10, 09:55 PM |
Re: صبري الشريف | Sabri Elshareef | 04-06-10, 08:04 AM |
Re: صبري الشريف | حمور زيادة | 04-06-10, 08:21 AM |
Re: صبري الشريف | Mohamed E. Seliaman | 04-06-10, 08:25 AM |
Re: صبري الشريف | حمور زيادة | 04-06-10, 08:31 AM |
Re: صبري الشريف | Mohamed E. Seliaman | 04-06-10, 08:47 AM |
Re: صبري الشريف | العوض المسلمي | 04-06-10, 08:59 AM |
Re: صبري الشريف | العوض المسلمي | 04-06-10, 08:51 AM |
Re: صبري الشريف | Mohamed E. Seliaman | 04-06-10, 08:59 AM |
Re: صبري الشريف | العوض المسلمي | 04-06-10, 09:18 AM |
Re: صبري الشريف | عادل سمير | 04-06-10, 09:17 AM |
Re: صبري الشريف | عبداللطيف خليل محمد على | 04-06-10, 09:27 AM |
Re: صبري الشريف | Sabri Elshareef | 04-07-10, 02:29 PM |
Re: صبري الشريف | Sabri Elshareef | 04-07-10, 02:34 PM |
Re: صبري الشريف | عزان سعيد | 04-08-10, 05:21 AM |
Re: صبري الشريف | jafar hashim | 04-08-10, 06:23 AM |
Re: صبري الشريف | Tragie Mustafa | 04-08-10, 06:39 AM |
Re: صبري الشريف | ناصر احمد الامين | 04-08-10, 07:09 AM |
Re: صبري الشريف | Sabri Elshareef | 04-08-10, 08:20 PM |
Re: صبري الشريف | يسرى معتصم | 04-08-10, 09:46 PM |
Re: صبري الشريف | Sabri Elshareef | 04-08-10, 10:13 PM |
Re: صبري الشريف | Sabri Elshareef | 04-09-10, 02:39 PM |
Re: صبري الشريف | السيد المسلمي | 04-10-10, 02:14 PM |
Re: صبري الشريف | Mohamed E. Seliaman | 04-10-10, 02:58 PM |
|
|
|