|
|
|
 Re: شول اشوانق دينق رئيسا لبورداب الخرطوم (Re: امادو)
|
امادو ... القاليك كده منو؟ إنت جادى فى إنو أى جنوبى حركة شعبية؟!
ماشى كويس والله يا امادو قررربت تجى الأول.[
هههههههههههههههههههههههههههههههههه
حلوة قربت تجي الاول دي
بس الا كان الاول مشترك
لانك اسة هنا انت الاول
وبعد 2011 يحلها الحلال
تمنياتي لك بالتوفيق
وارجو ان توفق في اختيار امين عام بنفس ادبك وروحك
| |
 
|
|
|
|
|
|
|
 Re: شول اشوانق دينق رئيسا لبورداب الخرطوم (Re: امادو)
|
Quote: تحالف جوبا
يا شول انا مع تحالف جوبا |
انا ما مع تحالف جوبا ... تعرف ليه؟
كان داير السبب بجى أوريك او أفتح بوست بجيك فيهو ... تمام
ولا ما المؤتمر الوطنى وأظنك عارف كده كويس ... وكمان ما حركة شعبية.
طبعاً حتتحير وتقول لى طيب إنت مع منو؟
افتح البوست او ممكن ارجع ليك هنا.
Quote: هههههههههههههههههههههههههههههههههه
حلوة قربت تجي الاول دي
بس الا كان الاول مشترك
لانك اسة هنا انت الاول
وبعد 2011 يحلها الحلال
تمنياتي لك بالتوفيق
وارجو ان توفق في اختيار امين عام بنفس ادبك وروحك |
يا امادو انا لا أول ولا حاجة ... والله الرئاسة قنعان منها أصلاً (قبلتها لظروف سفر العوض) وهسع جيت قنعتنى ليها مرة واحدة
بعدين 2011 بعيدة ... من أول مداخلة لى معاك بقيت بعيد من حكاية الرئاسة دى وبورداب الخرطوم يتشاوروا يشوفوا ليهم رئيس تانى.
تمام يا بورداب الخرطوم الكلام ولّ أفتح خيط منفصل بالكلام عشان الناس تاخد وتدى فى الموضوع ده؟
| |
|
|
|
|
|
|
|
|
|
Re: شول اشوانق دينق رئيسا لبورداب الخرطوم (Re: شول اشوانق دينق)
|
(والله الرئاسة قنعان منها أصلاً (قبلتها لظروف سفر العوض) وهسع جيت قنعتنى ليها مرة واحدة)
لو رجعت للبوست من بدايتو الاغلبية متفائلة بيك
وانا رأي الاقلية
هل تعودنا جميعا ان من يصبح علينا رئيسا ان شاء الله في بورد لايريد صوتا معارضا؟؟؟؟؟
نتمنى لك التوفيق
ورغم راينا سنعمل على انجاح ودعم كل برامج المكتب
لاننا فقط ديمقراطيون حتى النخاع
وحدك 2011
| |
|
|
|
|
|
|
|
|
 Re: شول اشوانق دينق رئيسا لبورداب الخرطوم (Re: امادو)
|
شول يا ريّس:
طوّل بالك الله يرضي عليك ..
ياما اتقال لأعضاء في البورد ده كلام فارغ,
انت عارف نفسك ونحن (بورداب الخرطوم) عارفينك و اخترناك بالاجماع ,
والريّس بكري بارك ..
تاني المشكله وين؟
حركه شعبيه, مؤتمر جوبا, ده موضوع ما بيخص زول غيرك ..
وبورداب الخرطوم ما كيان سياسي, وانما كيان اجتماعي ..
---
العوض المسلمي أحضرنا ..
| |
|
|
|
|
|
|
|
|
|
Re: شول اشوانق دينق رئيسا لبورداب الخرطوم (Re: ناذر محمد الخليفة)
|
شول ياصديقي العزيز
ماعهدتك بهذه الروح الإنهزامية ياخ !
مالك ياشول دي حساسية منك ولا عدم ثقة في مقدراتك ؟!
شول
بطل حساسية وإنت عارف روحك محل ثقتنا كلنا وعارف كيف كانت الفرحة الصادقة
باختيارك رئيس لبورداب الخرطوم ولا ماكده ؟
صفقنا لمن يدنا وجعتنا من الفرح لأنك أهل للمكانة والمنصب ولأنك (خير خلف لخير سلف )
ولأن العوض المسلمي ما إختارك إعتباطاً وإنماإختار الرجل المناسب للمكان المناسب بدون أدنى مجاملة !
شول
برامجنا قائمة زي ما إتفقنا وأفتح تلفونك أو إتصل بي عاوزاك ضروري سمح ؟
| |
|
|
|
|
|
|
|
|
|
Re: شول اشوانق دينق رئيسا لبورداب الخرطوم (Re: نادية عثمان)
|
Quote: لو رجعت للبوست من بدايتو الاغلبية متفائلة بيك
وانا رأي الاقلية
هل تعودنا جميعا ان من يصبح علينا رئيسا ان شاء الله في بورد لايريد صوتا معارضا؟؟؟؟؟
نتمنى لك التوفيق
ورغم راينا سنعمل على انجاح ودعم كل برامج المكتب
لاننا فقط ديمقراطيون حتى النخاع
وحدك 2011 |
شوف يا امادو ... بلا ديمقراطية بلا بطيخ.
إنت جيت قلت كلام واضح وصريح هنا ده وشبكتنى أبناء الغابة وكلام فاضى ما ليهو ساس وما ليهو راس لانك فى الأساس ما عارف عنى أى حاجة.
شنو الديمقارطية وحكم الشعب الشابكنى بيهو ... ياتو ديمقراطية البخليك تنط فى رقبتى بدون أى عرفة وفى النهاية تجى تقول لى نتمنى لك التوفيق ... توفيقك ده كان وين لمن قلت كلامك القلت فى البداية؟
وبعدين حدك 2011 ده ياهو ديمقراطيتك يا امادو؟
Quote: شول يا ريّس:
طوّل بالك الله يرضي عليك ..
ياما اتقال لأعضاء في البورد ده كلام فارغ,
انت عارف نفسك ونحن (بورداب الخرطوم) عارفينك و اخترناك بالاجماع ,
والريّس بكري بارك ..
تاني المشكله وين؟
حركه شعبيه, مؤتمر جوبا, ده موضوع ما بيخص زول غيرك ..
وبورداب الخرطوم ما كيان سياسي, وانما كيان اجتماعي ..
---
العوض المسلمي أحضرنا .. |
يا أمانى كلامك على العين والرأس بس لمن يجيك واحد زى امادو ويطلعك أى كلامك لازم تتحسس موضع قدمك إضافة إلى عدة تحفظات وطريقة الإختيار وإختلاف ما كان فى أرض الواقع والذى يحدث هنا أونلاين (إختلاف كبير جداً بين ما إتفقنا عليه وبين ما يقال هنا)
عليكم يا أمانى إختيار من ترون مناسباً لهذا التكليف ... أما عنى فلى الحق أن أعتزر والآن.
Quote: الاخ شول,
كوج جويج اداى إكى لويل إتن. انقو لوى مونج? أه لويل ين ران رور و كو قاق و ين نقوت يي جام!!!?
و الله بالك طويل يا اخى.
بلا رئيس بورداب بلا بطيخ. |
نيالج اديد زكريا ... داى فض ... أشن كى شول بآنج تانى.
كل سنة وإنت طيب وميرى كريسماس
Quote: شول ياصديقي العزيز
ماعهدتك بهذه الروح الإنهزامية ياخ !
مالك ياشول دي حساسية منك ولا عدم ثقة في مقدراتك ؟!
شول
بطل حساسية وإنت عارف روحك محل ثقتنا كلنا وعارف كيف كانت الفرحة الصادقة
باختيارك رئيس لبورداب الخرطوم ولا ماكده ؟
صفقنا لمن يدنا وجعتنا من الفرح لأنك أهل للمكانة والمنصب ولأنك (خير خلف لخير سلف )
ولأن العوض المسلمي ما إختارك إعتباطاً وإنماإختار الرجل المناسب للمكان المناسب بدون أدنى مجاملة !
شول
برامجنا قائمة زي ما إتفقنا وأفتح تلفونك أو إتصل بي عاوزاك ضروري سمح ؟ |
تعرفى يا نادية ... الحاصل ده ما إسمو إنهزامية ولا شيتين ده إسمو الواقع المفروض نعيشو.
رئاسة بورداب الخرطوم ما عايزو ... فى الحيقول إنهزامى وفى الحيقول ما واثق من قدراته وفى الحيقول ما كلمناكم أبناء الغابة ما قدر التحدى وفى وفى وفى ...
عندى كمية تحفظات خلتنى إنى اراجع موقفى من الحاصل ده كلو.
عموماً حاتصل عليكى وبس عليك الله حكاية البرنامج ده أنسيهو خالص.
سلام
| |
|
|
|
|
|
|
|
|
|
Re: شول اشوانق دينق رئيسا لبورداب الخرطوم (Re: محمد البشرى الخضر)
|
طبعا من حقك تعتذر يا شول عن اي تكليف وثقة وضعوها فيك اخوانك ما حد يقدر يقول حاجة غير كدا
كمان من حق اخوانك يراجعوك و يرفضوا اعتذارك او يقبلوه | Quote: بس لمن يجيك واحد زى امادو ويطلعك أى كلامك لازم تتحسس موضع قدمك |
دي بالذات ما مقبولة لو اكتفيت بالجزء التاني من كلامك دا | Quote: إضافة إلى عدة تحفظات وطريقة الإختيار وإختلاف ما كان فى أرض الواقع والذى يحدث هنا أونلاين (إختلاف كبير جداً بين ما إتفقنا عليه وبين ما يقال هنا) |
بقول ليك اوكي عندك تحفظات على الشي التم بينكم او الاتكتب في البورد ودا بتعالج طبعا وحتى لو ما اتعالج في النهاية وجهة نظر لابد للكل احترامها
لكن عشان كلام امادو او غيرو دي ما مقبولة ابدا
اتمنى انك ما تقفل الموضوع وتدي فرصة لنفسك و اخوانك الختو ثقتهم فيك يعالجوا اي شي عليه تحفظ
واتمنى الشي دا يتم بين الناس على الواقع وبعيد عن البورد
الناس المهمومة بـ و شايلة كيان بورداب الخرطوم على اكتافها وما بتكتفي بالتنظير و الكتابة من بعيد
شي تاني يااخوان
قريت من بداية البوست اشارتكم لإقتراحات الزميل كمال سالم و اشادتكم بيها
و كنت منتظركم ترتبوا اموركم و تشركونا معاكم
| |
|
|
|
|
|
|
|
|
|
Re: شول اشوانق دينق رئيسا لبورداب الخرطوم (Re: محمد البشرى الخضر)
|
Quote: شي تاني يااخوان
قريت من بداية البوست اشارتكم لإقتراحات الزميل كمال سالم و اشادتكم بيها
و كنت منتظركم ترتبوا اموركم و تشركونا معاكم |
إقتراحات كمال سالم من الحاجات الخلتنى أوافق على التكليف ده.
عموماً كلامك القلتو ده سليم ومافيهو أى حاجة بس لو لاحظت من بداية البوست تصوير المسالة كانو خلاص شول ده ياهو رئيس البورداب بالرغم من إنو الحيثيات كما وضحت قبل كده ما كانت بالطريقة الجو بيهو الأخوان هنا وإستغربت فى بادئ الامر من كلام العوض وتانى جات إنعام وأمن على كلام العوض ولما إعترضت على إنو الكلام ما زى الإتفقنا عليهو طبطبو على و...
اها بعد داك جا الأشتر الإسمو امادو والظاهر فى مخو مافى غير إتفاقية السلام الشامل والشراكة وكل مخلفاتو (جا شايل عكازو وقال ندى الزول ده فى راسو) ...
فى حاجات كتيرة ما المفروض تتقال اونلاين عشان كده ما فضلت افتح بوست جديد للموضوع من أساسو.
شكلى كده يا ود البشرى مجتمع سودانيز ده محتاج ابتعد منو ولو لفترة عشان الواحد يعرف الحاصل شنو.
سلام وحمدلله على سلامة الرجعة (للحتتين) وكلامك على العين والرأس بس أمورى جايطة من يومو وما عندى قدرة أجوطا زيادة فوق العليها والله
وشكراً
| |
|
|
|
|
|
|
|
|
|
Re: شول اشوانق دينق رئيسا لبورداب الخرطوم (Re: شول اشوانق دينق)
|
والله يا شول ياخي بتبالغ عديل كدا.... الكلام الكتبو امادو دا فعلا كلام شين و سخيف. لكن تعمل شنو في ناس كدا ربنا كاتب على الواحد إنو يلاقيهم... في البورد في الشارع يركب جنبك في الحافلة يكون جارك. لو في أ سباب تانية لقرارك دا موضوع تاني... لكن عليك الله ما تخلي الكلام دا يكون سبب لأي قرار و زي ما بقولو أهلنا أمسح لينا الكلام دا في وشنا مع إنو صدقني أثره علينا ما كان أقل من أثره عليك.
| |
|
|
|
|
|
|
|
|
|
Re: شول اشوانق دينق رئيسا لبورداب الخرطوم (Re: Elawad)
|
(شوف يا امادو ... بلا ديمقراطية بلا بطيخ.
إنت جيت قلت كلام واضح وصريح هنا ده وشبكتنى أبناء الغابة وكلام فاضى ما ليهو ساس وما ليهو راس لانك فى الأساس ما عارف عنى أى حاجة.
شنو الديمقارطية وحكم الشعب الشابكنى بيهو ... ياتو ديمقراطية البخليك تنط فى رقبتى بدون أى عرفة وفى النهاية تجى تقول لى نتمنى لك التوفيق ... توفيقك ده كان وين لمن قلت كلامك القلت فى البداية؟
وبعدين حدك 2011 ده ياهو ديمقراطيتك يا امادو؟)
(شوف يا امادو ... بلا ديمقراطية بلا بطيخ.)
كلام لا يليق برئيس ؟؟؟؟؟؟؟؟
(إنت جيت قلت كلام واضح وصريح هنا ده وشبكتنى أبناء الغابة)
من ما قمنا بنعرف السودان ده فيهو ابناء الغابة وابناء الصحراء ....اما لوعندك مشكلة في في رمز الانتماء ده فنحن ليس لدينا مشكلة مع رمزية ابناء الصحراء ويمكنك ان تنادينا به .
(لانك فى الأساس ما عارف عنى أى حاجة)
بدات الان اعرف عنك , واصلا بكرة تجمعات البورداب عشان الناس تعرف بعض , اما مداخلاتي فكانت عن ( رئيس البورداب ) وليست عن شول الشخص والانسان والذي لا اعرفه , وانا اصلا حساس من فكرة فلان خلف فلان , اي جعله خليفته , واعتقد انو المسلمي لو كان فتح بوست بعنوان من يخلفني في غيابي ؟؟ كانت احلى , وفي الغالب كنت حتكون الخليفة رغم انفنا ديمغراطيا ,
(ياتو ديمقراطية البخليك تنط فى رقبتى بدون أى عرفة وفى النهاية تجى تقول لى نتمنى لك التوفيق ...)
ودي قمة الديمقراطية , انط في رقبتك , ولما تكون بالاجماع الحاصل فوق في البوست ده فايز , اقول ليك بالتوفيق , واسعى لانجاح برنامجك
ولا انت عاوز المور كوووووووووووووووول , لووووووووووووووووووووووووول , ( سودانيز اون لاين هو عالمنا الافتراضي الذي لم نتمكن من ان نعيشه في حيانتا الفانية , مساحات ما نتمنى ان نكون عليه , ديمقراطية , حرية , ولحمة اجتماعية , هو وطن اسفيري نصارع فيه بلا قبضات , ونحارب فيه بلا سلاح , نخرج شرورنا ومخاوفنا لتغتسل في بورد عالمنا لتعود بردا وسلاما وامنا داخل نفوسنا )
(وبعدين حدك 2011 ده ياهو ديمقراطيتك يا امادو؟)
سار العرف عبر التاريخ من ان منظمات التجتمع المدني تكون دورة مكاتبها سنة , لما في منظمات العمل الطوعي من جهد عام متعب على حساب الخاص , ونحنا اسة 2010 يعني حدك 2011 بعد سنة , ام اصبحنا نتحسس من تواريخ معينة .
هذا توضيح كان لابد منه , اما مسالة بقاءك رئيسا او لا فهو امر يرجع لك ,
خاتمة
(لم نتعود يوما منذ ان ولدنا , ان نصفق لرئيس , لاننا وببساطة ولدنا معارضين, ودولتنا لم تولد بعد )
| |
|
|
|
|
|
|
|
|
|
Re: شول اشوانق دينق رئيسا لبورداب الخرطوم (Re: امادو)
|
الأمنجي المتصابي.
طبعا القصة بالنسبة لك تجسس على الشرفاء ولهط وعزومات فقط، يا لك من بطيني دنئ .
وجودك في لجنة بورداب الداخل أو في لجنة منظمة الموقع الخيرية خطاء كبير يجب تصحيحه.
عزوف الاعضاء من مشاريع المنظمة أنا أنسبه لوجود شخص مشبوه مثلك بها.
يا حليلك يا إنعام حيمورة.
الأخ شول.
نصيحتي لك أن لا تقود مثل هذا الجمع الذي يضم عناصر عنصرية ومندسة .
أبعد من الشر وعني له .
| |
|
|
|
|
|
|
| |
امادو
شول اشوانق دينق
Zakaria Joseph
ناذر محمد الخليفة
محمد البشرى الخضر
Elawad
Deng
فيس بوك
تويتر
انستقرام
يوتيوب
بنتيريست