هذا الفيديو لمن فاته ..

Quote: وبعدين .... نسبة الأبناء الغير شرعيين فى تزايد مستمر والقوانين بتحد من أنه يكون فى single mother علشان تتحمل مسؤلية أبنها وتعترف بيه لأنه ليها أو ليه عقوبة الزنا ولأنه أصلا فى عقبة أولى وهى الأسرة وسمعتها وبالتالى مافى قيمة ممكن تكون أسمها تحمل مسؤلية الطفل الناتج عن خطأ ممارسة الجنس خارج أطار الزواج طيب وبعدين ؟؟؟ لا الناس حتبطل ممارسة الجنس ولا حتبطل رميهم فى الشارع أو التواليتات علشان الفضيحة ولا أظن أنه فى يوم من الأيام مجتمعاتنا ممكن تتقبل فكرة أنه بتها عندها ولد غير شرعى وتخلى واحد فيهم (الأم أو الطفل )حى طيب الحل شنو وكيف نعالج مشكلة مسفحلة زى دى ننكر ونقول مافى ؟؟ لا فى نقول أحنا الدين عاصمنا ؟؟ أمال الفوق ديل دينهم شنو نقول أحنا مجتمعات محافظة ؟؟ بلا محافظة بلا نيلة الأطفال ديل ذنبهم شنو نقعد فى الواطة دى ونشوف حل آيات تحريم الزنا ما منعت الناس من الزنا والعقوبة الموجودة والجلد ما منعت الناس برضو والنتيجة شنو ؟؟ الناس بقت ترمى أطفال فى الشارع ما عندهم أى ذنب كدة يعنى ربنا حيكون راضى علينا لازم نتحرك ونشوف طرق لتطويع فهم الناس وتقبل حقيقة أننا مجتمع غير قادر على التقيد بما أمر به الشرع وبالتالى لازم نتعامل من هذا المنطلق لحماية أطفال أبرياء من نهش الكلام وعفن التواليتات ومراجعة قوانينا دى وتوعية الناس والتربية الجنسية فى المدارس وتوعية الفتيات بأستخدام موانع الحمل وتعاون الأطباء والصيادلة فى أسداء النصح ومايجى زول ويقول بدعو لممارسة الجنس بأستخدام الموانع لكن ما دام الموضوع أصلا حاصل حاصل وبالنسب أعلاه يبقى لازم نسير فى أتجاه التوعية الجنسية على وعسى يقل المعدل