ماني يتيم قبيلة العِشِق .. و جاتني كعكة هواكْ ..

شرح مفصل و معلومات للتقديم للوتري 2020
فتحي الضو في أستراليا
التحالف الديمقراطي بمنطقة ديلمارفا يدعوكم لحضور احتفاله بالذكري 54 لثورة اكتوبر
Etihad Airways APAC
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 18-10-2018, 11:09 PM الصفحة الرئيسية

مكتبة جلال داوؤد(ابو جهينة)
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
15-05-2006, 01:23 AM

ابو جهينة
<aابو جهينة
تاريخ التسجيل: 20-05-2003
مجموع المشاركات: 20250

للتواصل معنا

FaceBook
تويتر Twitter
YouTube


ماني يتيم قبيلة العِشِق .. و جاتني كعكة هواكْ ..

    مجرد فضفضة


    ***


    يا وحشة غيابك ...
    و إنت معايا ..
    و بعدك ..
    و إلى الآن .. و ما بعد الآن ..
    يا كُبْر الأفق الممتد منك أمامك ..
    على مدّ البصر ..
    يرتاح خيالك في سماوات الدواخل ..
    زى شمس الشروق و شفق المغيب
    و كل المدة دي .. في نفس المكان ..
    بعيش ذات لحظة لقانا الخالد
    نفس المكان و عين الزمان ..
    باقي فيني لا زال هيامك ..
    وا شوقي ليك ....
    شوق شديد حراق .. حُرقة حشاى
    كنتَ كيف .. و بقيتْ الليلة كيف ؟
    ملِكْ زماني كنتَ ..
    مالْكَ الدنيا بي حالا ..
    قمة في جبل السعادة ...
    أختال كما الطاوؤس ..
    نافش ريش الوِلِفْ ..
    نشوة حد الثمالة ..
    منك بسمة بس .. كانت كفاية ..
    برمي كل تعب الكون ورايا ..
    بس بسمة .. تموسق يومي كلو ..
    تضبط خطاوي الروح ..
    تدوزن الكيف و المزاج ..
    تهدهد جدران الكيان
    تلولي.... ليالي سهري الطوال ..
    تختزل كل أيامي العصيبة ..
    تجعل كل أوراق الروزنامة عيد
    تخلي كل شرْبة موية نخْب ... و في صحة هوانا ..
    تمسح من تجاويف ذاكرتي كل الغضب ..
    ينزاح كل التعب ..
    و تروح كل القساوة .. كل الغشاوة ..
    كنتِ طوق النجاة ..
    دعوة صلاة ..
    عرفتِ كيف كنتِ لما كنتِ معاى ؟
    ثم ... و بعدين ..
    و يا ويل قلب العِشِق من بعدين .. و ثُمَّ
    و يا حسرة مركب الأفراح لما تتهادى عميانة صوب المصير ..
    ليه الفرح زى رمشة جفن .... ؟
    الغريبة كان عندي إحساس دفين
    بإنو سعادتي دي فوق طاقتي ..
    و فوق طاقة أي واحد من جنس البشر ..
    سعادة ما عادية ..
    هدوءا يسبق العاصفة ..
    أماناً جاي وراهو كل الخطر ...
    سعادة بي طعم كل الفصول ..
    تهب من كل صوب و من كل إتجاه ..
    فرح كاسح مِتِل موية الدميرة ..
    شيتن يفوت زى هرولة سحاب شايلو النسيم ..
    و شيتن زى خطْفة بَرِق
    أقابض فيهو .. يمرق ما يِتْلَحِق
    و أكلم الناس و أحكي و أهاتي ..
    ماني يتيم قبيلة العِشِق .. و جاتني كعكة هواكْ ..
    و الحزنان أقولو إن شاء الله فالي فالك ..
    و ال بِقَتْ فيني تبْقالَك ..
    حسدت نفسي براى ..
    ندمان إني ما ختيتك في صَدَفة ..
    و نزلت بيك أعمق أعماق البحار ...
    ندمان ما سافرت بيك لي واحة نائية ..
    كان بكفيني منك طيبة قليبك زاد طول العمر ..
    كان بتكفيني بسمة ... تعريشة من كل الهجير ..
    ( شفتي إزاى ؟ )
    دة أنا ال شُفْتَ و بضوق يوماتي وحشة غيابك ..
    و حسع بعد طول الزمن ..
    و بعد شبعتَ من بحر الحُزُن ....
    بقيت أحس لغيابك طعم تاني ...
    طعم براى سويتو من كُتُر شوقي الكثيف ..
    جمَّعْتَ كل ألوان طيف الإشتياق ..
    رسمْتَ لوحة من وحْى السهاد
    بقيتْ لما أحزن .. أجيب صوتك المعتاد : ( مش قلنا بلاش نكد ؟ )
    و يروح كل الأسى .. يتلاشى كل الكَدَر ..
    و بقيت إتعايش مع هكذا إحساس ..
    و لما أغوص في ذكراك و أنبش دفتر أيامنا الخوالي ..
    ما بتجيني صورتك ... إلا و إنت ضاحكة و مستبشرة ..
    هاشة زى عادتك ..
    و باشة رغم الألم ..
    بعدك ..
    كنت بتحاشى أقعد أسمع غُنية كنتِ بتسمعيها معاى ..
    فاكرة ؟ يا أول غرام و يا أجمل هدية .. ؟
    و تقولي : إنت أجمل هدية من ربنا ..
    فاكرة ؟ : اللي شفتو قبل ما تشوفك عيني .. إزاى يحسبوهو الناس عليَّ ؟
    و تقولي : كأني عرفتك من زمان ..
    تتذكري ؟

    ( كان نفسى قولك من زمان
    سطوة محاسنك عندى ما كسرة جفون
    وكت العيون تعبرنى زى خاطر المسا ؟)

    و تدمع عويناتك ..
    و أسألك : مالك ؟ و تنكري ...
    و أحلفك بي إسم الله و بي جاه الرسول ..
    و تنكري ..



    تتذكري ؟

    ( عينيك مدن..
    منسية فى كتب التواريخ والزمن
    عينيك وطن...
    مشدود على وتر التباريح والشجن
    ممدود على حروف الكتابة
    مكدود عَـنا .. ومكتول صبابة
    وفيهو حـطّ النيل .. سكنْ ؟ )

    تتذكري ؟ و تقَبِّلي هناك ..
    و أسمع مكتوم نحيبك ..
    و تكملي الباقي في دفا حضني .. حصون هواك ..



    كل الغنا دة .. كنت بديت ما أطيقو ..
    حسع بقعد أسمعو بمزاج من أول جديد ..
    بس ما بتخيلك قاعدة جنبي ..
    مش مجرد تخيل و خيال ..
    فعلا بتكوني جنبي ..
    تصدقي ؟
    نفس الحكاوي .. و الونسة الدقاقة ..
    كل كلمة و كل حرف بتْجَسد وجودك ..
    كل أنَّة كمان ... بتَدْلِق جوة روحي مطر كتير من حنانك الكان بينهمر ..
    في كل إيقاع ... بسمع نبضات قليبك المترع عِشِق ..

    عاوزة الحقيقة ؟
    برضي لسع بخاف .. أقعد وحيد
    أنا و ذكراك المجيدة في هجدة الليل
    و أحس بغيابك الموحش .. و ترجع تاني حزمة الأحزان
    و تنْفَتِح طاقة الحسرات ..
    و أتوه .. في عوالم تانية ماليها حد ..

    شايفة كيف عامل فيني الغياب ؟
    يا وحشة غيابك ..

    (عدل بواسطة ابو جهينة on 15-05-2006, 04:25 AM)

                   |Articles |News |مقالات |بيانات

العنوان الكاتب Date
ماني يتيم قبيلة العِشِق .. و جاتني كعكة هواكْ .. ابو جهينة15-05-06, 01:23 AM
  Re: ماني يتيم قبيلة العِشِق .. و جاتني كعكة هواكْ .. بدرالدين شنا15-05-06, 03:03 AM
    Re: ماني يتيم قبيلة العِشِق .. و جاتني كعكة هواكْ .. ابو جهينة15-05-06, 06:21 AM
  Re: ماني يتيم قبيلة العِشِق .. و جاتني كعكة هواكْ .. AMNA MUKHTAR15-05-06, 03:11 AM
    Re: ماني يتيم قبيلة العِشِق .. و جاتني كعكة هواكْ .. ابو جهينة15-05-06, 08:09 AM
  Re: ماني يتيم قبيلة العِشِق .. و جاتني كعكة هواكْ .. أبوذر بابكر15-05-06, 03:14 AM
    Re: ماني يتيم قبيلة العِشِق .. و جاتني كعكة هواكْ .. Muna Khugali15-05-06, 08:17 AM
      Re: ماني يتيم قبيلة العِشِق .. و جاتني كعكة هواكْ .. ابو جهينة16-05-06, 05:48 AM
    Re: ماني يتيم قبيلة العِشِق .. و جاتني كعكة هواكْ .. ابو جهينة15-05-06, 02:11 PM
  Re: ماني يتيم قبيلة العِشِق .. و جاتني كعكة هواكْ .. حمزاوي15-05-06, 08:16 AM
    Re: ماني يتيم قبيلة العِشِق .. و جاتني كعكة هواكْ .. ابو جهينة16-05-06, 08:28 AM
  Re: ماني يتيم قبيلة العِشِق .. و جاتني كعكة هواكْ .. شتات15-05-06, 09:06 AM
    Re: ماني يتيم قبيلة العِشِق .. و جاتني كعكة هواكْ .. Mohamed Abdelgaleel15-05-06, 09:56 AM
      Re: ماني يتيم قبيلة العِشِق .. و جاتني كعكة هواكْ .. ابو جهينة17-05-06, 02:10 AM
    Re: ماني يتيم قبيلة العِشِق .. و جاتني كعكة هواكْ .. ابو جهينة16-05-06, 02:33 PM
  Re: ماني يتيم قبيلة العِشِق .. و جاتني كعكة هواكْ .. معتصم دفع الله15-05-06, 10:26 AM
    Re: ماني يتيم قبيلة العِشِق .. و جاتني كعكة هواكْ .. ابو جهينة17-05-06, 07:01 AM
  Re: ماني يتيم قبيلة العِشِق .. و جاتني كعكة هواكْ .. (Re: ابو جهينة) Ahmed Daoud16-05-06, 07:10 AM
    Re: ماني يتيم قبيلة العِشِق .. و جاتني كعكة هواكْ .. (Re: ابو جهينة) ابو جهينة18-05-06, 00:36 AM
      Re: ماني يتيم قبيلة العِشِق .. و جاتني كعكة هواكْ .. (Re: ابو جهينة) ابو جهينة01-08-06, 08:50 AM
  Re: ماني يتيم قبيلة العِشِق .. و جاتني كعكة هواكْ .. عزاز شامي01-08-06, 10:01 AM
    Re: ماني يتيم قبيلة العِشِق .. و جاتني كعكة هواكْ .. ابو جهينة02-08-06, 01:11 AM
  Re: ماني يتيم قبيلة العِشِق .. و جاتني كعكة هواكْ .. تيسير عووضة01-08-06, 01:55 PM
    Re: ماني يتيم قبيلة العِشِق .. و جاتني كعكة هواكْ .. ابو جهينة05-08-06, 07:50 AM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de