|
Re: إلي أساتذة وخريجي جامعة الجزيرة في كل الدنيا (Re: Abulbasha)
|
صلاح الباشا
Quote: إستمر الراحل بروف ودالعبيد مديراً للجامعة منذ تعيينه في عام 1977 م وحتي تخريج الجامعة لأول دفعة فيها في عام 1984م حيث شرف الحفل الرئيس الأسبق جعفر نميري .. وبعدها بقليل تم إعفاء ودالعبيد من إدارة الجامعة .. |
الاخ صلاح تخريج الدفعة الاولى (واعفاء ودالعبيد) .. موقف يجب ان يخلد للمقيم الراحل ، وهذه شهادة لتاريخ.
عندما طلب النميري حضور تخريج الدفعة الاولى اعترض ودالعبيد ورفض وقال بالحرف الواحد النميرى مابعرف عن الجامعة دي اي شي غير قرار اصدره في عام 75 والجامعة دي بنوها اهل مدني والاقليم الاوسط ودافع الضرائب السوداني .. وهو (اي نميري) ما عندو حق يجى هنا.. بالطبع لم يابه النميري بذلك ووقرر الحضور.. في مساء اليوم السابق لاحتفالات التخريجاالتقينا بودالعبيد اثناء تجواله لتفقدسير العمل في معارض الكليات المقامة ضمن احتفالات التخريج .. سالناه عن حضور الريس.. فقال اسمعوا الجامعة دي حقتكم والاحتفالات حقتكم ما تخلوه حضور الزول ده (اي نميري) يضيع هذا اليوم التاريخى .. لو عايزين تعملوا مظاهرات .. خلونا نكون مبدعين ونعبر عن عدم رضانا بحضوره وبحمكه للبلاد بطريقه لاتفسد روعة الاحتفالات .. وقلنا ليه كيف ؟؟ قال بكون اول البادئين في المعارضة.. ولقد قررت عدم استقباله او مصافحته او مرافقته عند وصوله الى ارض الجامعة هذا اولا وثانيا لان نسمح له بشرف تقديم اي شهادة لاي خريج ولن نسمح له بالقاء اي خطاب .. وانتم من جانبكم لما يجى ما في طالب تهتف ضده وكلموا الاباء والامهات والاسر مافي زول يصفق للترحيب به .ز وانا عندي كلام بقولوا في خطابى .. وكده بكون هتفنابصمتناضده واتمنى ان يعي الرسالة..
وبالفعل لم يستقبل ودالعبيد النميرى واستقبله الدكتور محمود عبدالله عميد الطلاب حينها. ونفذ كل كلمة قالها لنا.. وفي خطابه الضافي في ذلك اليوم اسمع ود العبيد النميرى حديثا لم يكن يتوقعه عن الجامعة ودعم اهل مدني ورجالاتها الخيريين , الخواض وابوسنون , والباهي والكارب ومدير مشروع الجزيره .. وحتى انه لايعتبر عبدالرحيم محمودحاكم بقدر ماهو من ناس مدني .. ولهذا لميرى من الحكمة او العدل ان يسمح له(اي للنميري) ان يخاطب قامات شامخات كهذه .. وانه (اي ودالعبيد ) لم يذهب للنميري شاكيا(ضعف ميزانية التنميه مثلا) .. اننااصحاب رسالة واصحاب الرسالات لا يشتكون ..
ذكري ودالعبيد وفضائله مشهوده ومحفوظه لكل من يعرف شيئا عن هذه الجامعة وخاصة للمحظوظيين من امثالنا الذين تشرفوا بمعرفته عن قرب رغم اننا كنا طلابا.. وشكرا لهذه النافذه التي اتمنى من كل طلابه وزملائه القاء ضوء على حياة هذا الانسان الجامعة .. ولدينا الكثير..
عادل على صالح
|
|
|
|
|
|
|
|
|