كتب الكاتب الفاتح جبرا المتوفرة بمعرض الدوحة
|
15 يناير التحية لمارتن لوثر كنج
|
15 يناير التحية لمارتن لوثر كنج
تعالوا نحتفل بالزعيم الإنسان صاحب أشهر حلم في التاريخ الحديث تعالوا نحلم مثله أن تختفي العنصرية عن بلادنا
عندي حلم جميل زي مقرن النيلين نتماسك شمال ويمين ونبني ونبني نتقدم ويغنوا غنانا ناس جايين
عندي حلم لما الليل يليل ما أهم لي بكرة أو لليل أرقد مطمئن وأمين أحكي حكاية لولدي و أمسد راسو لامن ينوم ويسووا سواتي ناس جايين
عندي حلم أقول يا أخويا يفزعني ويقول يا أخويا يلقاني ونتشايل كأننا زول ما زولين
عندي حلم أفتح نشرة الأخبار يقولوا علينا سوينا بنينا علينا أدينا مش يمكن غدا يتصالحوا الخصمين
عندي حلم أمشي شوارع الخرطوم يوم بالليل بدون تفتيش ولا ثابت أمش ساكت
عندي حلم يكون في بلدي فنانين ونجارين أطبا وعلما ورجال دين مسيحي وزنجي واسلامي صيادلة و أدبا صحفيين وبنايين مزارعية مكانيكية طيارين حرفا شديد لا بيغشوا لا بيطشوا مغتربين
عندي حلم جميل زي مقرن النيلين أذا سألوني ناس تانيين بلادك وين أقول الجنة وأتبسم ويسووا سواتي ناس جايين
http://www.youtube.com/watch?v=PbUtL_0vAJk
|
|
|
|
|
|
|
|
|