|
|
 Re: فرصة نادرة - عرض شامل وكامل للزار السودانى فى هولندا- لايدن 23 اكتوبر2009 (Re: عبداللطيف خليل محمد على)
|
(زار ) يا ضياء الدين ؟؟
زار عديل كدا ؟؟
اى والله زار عديل كدا رسمى وشعبى
دا الجيت بيهو بعد الغيبة الطويلة دي ؟؟
دا جات بيهو مؤسسة علمية من اكبر المؤسسات العلمية فى العالم
وهى جامعة امستردام بالامس كان عندهم عرض خاص فى مستشفى الامراض العصبية
والنفسية فى امستردام وحدثت اشياءا عجيبة.
ياخي انت انسان فنان ؛ مالك و مال الحاجات دي ؟
انا انظر للزار باعتباره فن وفلكور ذو طابع خاص
وذلك لكمية الايقاعات المتنوعة التى يحتويها
ودى مسالة طويل الحديث عنها.
و 5 يورو كمان ؟
وهذا اقل القليل حتى يتمكن كل الناس من مشاهدة العرض
بتمشي وين بعد (العرض) ؟ لجيب منو ؟؟
بتمشى لاصحاب العرض الشيخة ومجموعتها
و عامل دعاية في المنبر لشيئ تجاري و بمقابل كمان ؟؟
اقراء هذا اللنك وستعرف لماذا الإعلان وهذه نشاط فنى مشروع على ما اعتقد
http://sudanyat.org/vb/showthread.php?p=162787#post162787
او هذا
http://sudanyat.org/vb/showthread.php?t=12079
بالله كلم الشيخة الجليلة بتاعت الزار دي خليها تدخل لي واحد من شواطينا ديل في دماغي دا ..
رجاءا ..
أصلو اليومين ديل ما عاجبني - دماغي - و ما بعيش في الدنيا دي الا مجنون ..
داير أجن ياخي و أمرق من الدنيا ملوص ..
تعرف الملوص يا ضياء الدين ؟
بعرف الملوص يا عبد اللطيف وسانقل رغبتك لهذه الشيخة والله يعينك
أنا بعرف الزار ..
لكن ما كنت منتظر من فنان - مفترض يقدم الوعي - يجي و يعلن عن (زار) و بتذكرة كمان ..
و التذكرة بـ5 يورو ..
شرحت ليك النقطة دى سابقا وكيف تأتى وفى اي سياق
5+5 =10 ..
لملموا العشرات دي ياخي و رسلوها لي خلوني شوية كدا أنعنش بيها و أفك ديوني و أدفع شوية من الايجار و شوية لبتاع الويكة و شويتين لبتاع الطماطم ..
ما داير كهربا و ما داير موية و ما بركب مواصلات ..
اليس لهؤلاء النسوة ايضا متطلبات فى الحياة مثلك .؟
زار يا ضياء ياخي ..
نعم
تعال غني لينا شوية هنا من غناك الجميل داك - و الله جميل بدون نفاق - سمعتك و شفتك في النيل الأزرق في تلفزيون جار جارنا العندو (طبق ذهبي) .. لاقط للقنوات المالية الدنيا دي ..
استبشرت بيك خير .. و لسة الخير في .. العشم ما انقطع ..
شكرا لكلامك الجميل على صعيدى الخاص لو ربنا مد فى العمر ان شاء الله تلبى طلبك
لكن تجي تقول لي (زار) ؟
زار عديل كدا يا ضياء ؟؟
ع ي ب
لا تعليق اكثر مما قلت لك سابقا
ضياء ميرغنى
|
|
 
|
|
|
|
|
| |
ضياء الدين ميرغني
فيس بوك
تويتر
انستقرام
يوتيوب
بنتيريست