لا يا تروتسكي ليس هذا هو مقياس الرجولة ...

Quote: وبعدين يا سناء طبيعي جداً انو كل واحد يفتح بوستات للدفاع عن اشخاص بيشتركوا معاهو في نفس القضية ده طبيعي جداً لكن الاهم من كدة بيرفض نفس السلوك حتي تجاه خصومه ...

Quote: الأخت سناء Quote: لماذا تكيلون الأمور بمكيالين..؟!! بغض النظر عن صحة أو خطأ تفسيرك لكن حسب مجتمعنا السوداني لا يخفي عليك الفرق الكبير بين ما يتفوه به رجل لإمرأة من زفارة لسان وما تقوله إمرأة لإمرأة..... وما كان لجعفر أن يتدخل لو قالته إمرأة ما قاله معتز لتراجي ولا أنا حتي!!

و القيمة)





شكراً لك على تأكيد نظريتي في الكيل بمكيالين!!

(عدل بواسطة Gafar Bashir on 07-10-2006, 11:49 AM)

Quote: أخونا معتز ده شايف –حسب وجهة نظره- إنو ألفاظ تراجي وأسلوبها المتواضع لا يصدر عن امرأة تستحق الاحترام،

Quote: الحوار معك عقيم ودائرى.. لانك تحاور بأحكام مسبقة من تصميمك الخاص.. ولانك من أكثر المحترفين فى هذا المكان فى مسألة السب كطريق أمثل للحوار.. ولانك من الذين ينصبون مشانق الشلليات فى هذا البورد.. ولانك يابشاشا تعانى من (كوارث الشخصية) والتى لم تستطع حسمها بعد.. كما وأن دوافعك فى الحوار تتجه الى وجهة.. ويتجه كلامك الى وجهه أخرى.. لذلك وحتى نعرف من أنت وماذا تريد.. وتحاول أحترام الاخرين مثلما تطلبه لنفسك... فأن كل ما تكتبه عنى حتى مدآخلتك هذه.. تفريغ لشحنات خاصة عقيمة لا تستحق الالتفات اليها

Quote: كلام المرأة للمرأة ليس له قيمة و لا يلتفت له..(كلام نسوان ساكت!!) و تكتسب الكلمات وزناً فقط عندما يقولها رجل لامرأة..و يصبح منها خوف!!!!!!!!!!!!!!!!!! (كنت احسب أن في معسكركم تتساوى النساء مع الرجال.. في الحقوق ..و المسؤوليات و القيمة

Quote: الاخت" سناء خالد، كوزنتك، جهويتك، قبليتك مادايرا ليها درس عصر، والكوزنة عندنا ذهنية اوطريقة تفكير مش بطاقة عضوية في القصر او المنشية! من ذلك كراهيتك الببغاوية بالوكالة لليهود الفي فهمك دين كمان. اما فيمااتصل بقضايا الصراع في بلدنا، يكفي بتطبلو لي واحدة ذي نور تاور او بتهاجمي في امثال تراجي اوسارة عيسي اوتدافعي عن ال جعل! بالعدم اين هي معارك وقوفك مع ثوار دارفور اوالجنوب؟ مافي حاجة صدفة ابدا، اومافي حياد او كوم ثالث لي كومين صراع البقاء في بلدنا. البحيرني تاففك من امثال تراجي اوانتي سيدة زيها عرضة لذات الابتزاز باستخدام الاعراض كسلاح طول مانتي عضوة اوليكي راي في المنبر ده! كان الاحري بيكي ان تقدمي تضامنك مع بنات جنسك علي انتمائك الجهوي! علي كده اطمئني يستحيل تصنفي في خندق واحد مع تراجي. هي تراجي كان غالبا زيك تبعد من الشر اوتغنيلو، تجرد في رصيد الرضي والقبول من افراد عشيرتك الجهوية بالمنبر في بنك الشعبية؟ مااسهل ذي البتسوي فيهو ده، وما اصعب طريق الاشواك الاختارتو تراجي. نبرة الاستعلاء المالوفة في الشماليين ابدا مابتغباني في تلميحاتك دي.

Quote: معتز تروتسكي ما حاشيل واعيد في كلام مكرر واتقال واتفهم وضحت وجهة نظرك وانا وضحت وجهة نظري واذا في كلام جديد بستحق ارد عليهو منك او من غيرك حارد عليهو ونرجع لي كلامك مرة تانية ونعيد ونكرر: لمن الزول يقول لى واحد ياخ ماشفته فلان ده ووالله ود حرام عديل زول كده ده معناهو انو ود جرام ؛مادام انو ود حرام بتحمل معنى واحد زى فهمك الضيق لكلمة مطلوق الخاتينها بين الرجلين دي.. ولمن زول يقول الراجل ده مطلوق معناها ماكويس ولا كيف يعنى؟!! انت بتحاول تقول شنو يعني انك ما اسات لي تراجي بكلمة مطلوقة؟ ولا بتفتكر انو من حقك طالما انت شايف كدة ممكن تقول ليها؟ اذا كانت الاولي معناها بنفس المنطق اذا جاء واحد هنا وقال ليك انت عب ... رايك بكون شنو؟ واذا بقت كلمة عب وعبيد بتتقال لي أي زول من الجنوب والغرب ... رايك بكون شنو؟ حاتكون ما اساءة ... كلام جيد انو المصطلحات بتتفرغ من محتواها وممكن يتم استخدامها في الهزل لكن كل شيئ بيعتمد علي السياق الاتقالت فيهو ولما قلت الكلمة دي لي تراجي ما اظنكم كنتو بتحكوا في نكات. واذا بتفتكر انو عندك حق تسيئ ليها متي ما قررت انت شخصيا انها – تستحق الاساءة – ببقي يا معتز امشي امسح أي حرف كتبته دفاعا عن أي بت اتقالت ليها كلمة سيئة لانو الزول القالها عندو الحق يقولها طالما هو شايف كدة ... اذا ده منطقك لحد هنا الموضوع واضح ومكرر اكتر من مرة أظن اذا كان رايك لسه انك ما اسات ليها او اسات ليها لانها بتستحق ببقي مافي جديد وبالتالي مافي داعي للتكرار .. ومسالة بت اهلك وما بت اهلك ... انت بتفتكر ده سؤال يعني ... لا بت اهلي ولا غيرها يا معتز مافي أي بت ممكن تسمع مني اساءة او تعدي عليها حتي لو كانت غلطانة .. وحتي لو غلطت علي ... والغلط ما بتعالج بي غلط ...

Quote: هذا البغيض بشاشا غير أمين إطلاقا ولا يحترم النساء

(عدل بواسطة Gafar Bashir on 07-12-2006, 01:06 PM)

Quote: يرضع الطفل من ثديى أمه حتى يشبع و يقرأ على ضوء عينيها حتى يتعلم القراءة و الكتابة و يسرق من كيس نقودها ليشتري علبة سجائر و يمشي فوق عظامها النحيلة حتى يتخرّج من الجامعة و عندما يصبح رجلا ً يضع ساقاً فوق ساق في أحد مقاهي المثقفين و يعقد مؤتمراً صحفياً يقول فيه ان المرأة بنصف عقل و بنصف دين فيصفّق له الذباب و غرسونات المقهى

Quote: العزيزة سناء خالد اذا المسالة خاصة بكتابة الاسم فيا ستي من حقك تطلبي انو ما اكتبو ولا استعملو لكن اذا المسالة مسالة من يشملهم الحديث فلازلت عند رأيي والفرق انو الان تراجي في موضع الخلاف وانت لست في موضع الخلاف ... كلام بشاشا مكرر وبتقال في كل مداخلة ولي أي زول ومعروف ومفهوم للجميع ... والوصف بالنسبة لي مرفوض ليك ولي غيرك ... لانو في الحقيقة كلمة كوز وكوزة ما حاجة الواحد بيتمني انو يتوصف بيها ... كلامي يا سناء واضح وما اتمني يتم تحويره مرة تانية وحاكرره دافعت عن تراجي بوصفها مراة تمت اساءتها لا لشيئ سوي لكونها مراة ... لحد هنا اظن الامر واضح لما تجي تطالبيني انو اكتب بوست عن نور تاور او غيرها لانها اتعرضت للاساءة حاقول ليك الاساءة مرفوضة لنور تاور ولا غيرها مرفوضة جملة وتفصيلاً وده كلام كتبته اكتر من مرة ولي اكتر من مراة برغم اختلافي معاها او حسب حديثك في معسكر الخصم وليس في معسكري ... لكن ما ينطبق علي نور تاور ينطبق علي امنة مختار وهي في معسكري ولم اكتب بوست عنها ... برغم تعرضها للاساءة ... لكن التعرض للاساءة مختلف لما يتكرر علي شخص واحد ويبقي هدف في حد ذاته ومن اكتر من شخص ... وده حاصل مع تراجي لكن ما حصل معاك ولا مع نور تاور ... ده الفرق ... اما مسالة في معسكري او في معسكرك فالكلام كان واضح جداً .... طبيعي انو اكتب بوست مخصص للدفاع عن مراة في معسكري لانك ايضا تكتبين بوست للدفاع عن مراة في معسكرك ... ولم اطالبك ولم يطالبك احد بكتابة بوست .... ده موضوع طبيعي وبديهي ومفروغ منه ... وموقفي مهما كان فيهو قصور (وده طبيعي) افضل من موقفك انت ومافي مقارنة بموقف معتز ... ببساطة. ومعلومة ليك انا ما عندي خصومة مع معتز عشان استخدم فيهو تراجي لتصفية موقف .... لكن كانت قرايتك سليمة حاتعرفي منو العندو حسابات عايز يصفيها ...

(عدل بواسطة Gafar Bashir on 07-12-2006, 12:25 PM)