๑۩۞۩ ๑ كردفانيـــات - بــارا ๑۩۞۩๑

نعى اليم ...... سودانيز اون لاين دوت كم تحتسب الزميل معاوية التوم محمد طه فى رحمه الله
الاستاذ معاوية التوم في ذمة الله
رابطة الاعلاميين بالسعودية تحتسب الاعلامي معاوية التوم محمد طه
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 12-12-2018, 05:08 AM الصفحة الرئيسية

مكتبة د.معتز بشير(معتز تروتسكى)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
07-02-2006, 12:38 PM

Moneim Malik
<aMoneim Malik
تاريخ التسجيل: 12-12-2004
مجموع المشاركات: 453

للتواصل معنا

FaceBook
تويتر Twitter
YouTube


Re: ๑۩۞۩ ๑ كردفانيـــات - بــارا ๑۩۞۩$ (Re: saif khalil)

    عزبزي سيف
    لك التحايا والود وانت تضيف هذا الالق لابناء بارا بهذا السرد
    التاريخى الجميل والذي اضاف الكثير فقط كنت اعتمد على
    ذاكرتى الخربة فى السرد والفترة التى عاصرتها ولكن دخولك
    هنا اثلج صدري واضاف الكثير الجميل
    فلك مني الود
    وتابع

    اخوك
    عبدالمنعم مالك حسب النبى
    ود عمك مالك دكانة جنب دكان استاورا
    وجوار قهوة كركجان
    عرفتو ولا نشلخو ليك


    وردة ليك

                   |Articles |News |مقالات |بيانات

07-02-2006, 03:22 PM

saif khalil
<asaif khalil
تاريخ التسجيل: 30-01-2005
مجموع المشاركات: 1479

للتواصل معنا

FaceBook
تويتر Twitter
YouTube


Re: ๑۩۞۩ ๑ كردفانيـــات - بــارا ๑۩۞۩$ (Re: Moneim Malik)

    العزيز/منعم
    تحياتي

    ات ماك ود حاجة ستنا بت مدني..ود عم عثمان ابشرا..اخو مدني والحليبي..اها قول لي كيف معلوماتي عن اهللك الركابية..اها انا عرفتك..اصلتك وفصلتك..شد حيلك واعرفني...

    لك المودة وتحيات اهلك الركابية..وعلي فكرة انا عندي ضلع فيكم..اها شن قولك...
    دحين الصورة الاولاني جوار بص يا حفيظ..ما فيها مزمل..مبارك حميدة..وعثمان ابشرا؟

    (عدل بواسطة saif khalil on 07-02-2006, 03:28 PM)

                   |Articles |News |مقالات |بيانات

08-02-2006, 12:11 PM

Moneim Malik
<aMoneim Malik
تاريخ التسجيل: 12-12-2004
مجموع المشاركات: 453

للتواصل معنا

FaceBook
تويتر Twitter
YouTube


Re: ๑۩۞۩ ๑ كردفانيـــات - بــارا ๑۩۞۩$ (Re: saif khalil)

    عزيزي سيف
    انت تميت المقصر تب يالقريب وما بعيد
    لبك تحبات حاجه ستنا والحليبي ومدنى وسيداحمد
    ونفيسة وفائزه والكل
    لكن اخوك مازال دايش
    لكن انت مش ود عمى احمد خليل القاضى
    في الجامع صادفني احد السودانين وسالني انت من وين
    قلت لبه من بارا قالي الله الله ياسلام ياسلام انا لي صديق حبيب
    من بارا هو القاضى احمدخليل وقعد يشكر في والدك شكر ماتتخيل
    والله انا فرحت جنس فرح وبقيت كل جمعة انتظره بعد الصلاة اوصلة
    بيته والراجل اسمه د امين عبد الوهاب اقتصادي بتاع بنوك

    ولك تحباتى
    ماتقول ودرت ليك الدرب فى المويه
    وماتقول انت ود حبوبات براك
    بجيك
                   |Articles |News |مقالات |بيانات

08-02-2006, 12:53 PM

saif khalil
<asaif khalil
تاريخ التسجيل: 30-01-2005
مجموع المشاركات: 1479

للتواصل معنا

FaceBook
تويتر Twitter
YouTube


Re: ๑۩۞۩ ๑ كردفانيـــات - بــارا ๑۩۞۩$ (Re: Moneim Malik)

    الاخ منعم

    تحياتي واشواقي

    نحمد لهذا الفضاء الاسفيري ..فضيلة تقريب البعيد واتاحة التواصل بين من تقطعت بهم السبل...والحمدلله قد حدث التعارف بيننا..الا ان هنالك آصرة لا اظنك قد وقفت عليها..رزقني الله ابنا اسمه احمد..وانت جد اصيل لهذا الاحمد..لان الحاجة ستنا هي جدة احمد..بت خالة حبوبة امو لزم..اها شوف الغلوتية دي..
    علي فكرة الوالد مولانا احمد خليل بمعيتي الآن وهو بخير ..تقبل تحياته ..وبلغ تحياته للدكتور أمين عبد الوهاب..
    لك المودة الي حين لقاء قريب..
                   |Articles |News |مقالات |بيانات

08-02-2006, 10:32 PM

Moneim Malik
<aMoneim Malik
تاريخ التسجيل: 12-12-2004
مجموع المشاركات: 453

للتواصل معنا

FaceBook
تويتر Twitter
YouTube


Re: ๑۩۞۩ ๑ كردفانيـــات - بــارا ๑۩۞۩$ (Re: saif khalil)

    عزيزي سيف
    ياخي والله انا كمان مبسوط جدا لكن والله غلب حماري وغلبتنى
    قلت اسرق الباك واضرب لناس السودان
    لكن خفت من الشماته والدقيس لمن يلقوا
    فرصة زي دي مابقصروا يسرحوا بي زيك كده
    ياخ الرووووووووووب ورينا
    وتحياتى لحفيدي احمد

    تخريمة
    معتز سامحنا عرجنا لكن الزول دا عملنى جد
    بحاول اصغرها شوية كده نوصل خال عم المهم نتفق
                   |Articles |News |مقالات |بيانات

09-02-2006, 09:38 AM

saif khalil
<asaif khalil
تاريخ التسجيل: 30-01-2005
مجموع المشاركات: 1479

للتواصل معنا

FaceBook
تويتر Twitter
YouTube


Re: ๑۩۞۩ ๑ كردفانيـــات - بــارا ๑۩۞۩$ (Re: Moneim Malik)

    العزيز منعم

    تحياتي

    تعال في الايميل الخاص وهو موجود بالبروفايل..ابلغك تحيات حاج الفكي هاشم ،عمر عثمان السيد،الحاج العوني ،اسماعيل التيجاني..
                   |Articles |News |مقالات |بيانات

12-02-2006, 02:58 PM

saif khalil
<asaif khalil
تاريخ التسجيل: 30-01-2005
مجموع المشاركات: 1479

للتواصل معنا

FaceBook
تويتر Twitter
YouTube


Re: ๑۩۞۩ ๑ كردفانيـــات - بــارا ๑۩۞۩$ (Re: saif khalil)

    اعود مرة اخري ..مواصلة لما انقطع من حديثنا حول التركيبة السكانية لمدينة بارا او قل المكون الاثني لها..وليكون الامر واضحا..استعرض الاحياء القديمة لبارا..حي البوباب..حي الجابرية..الجباراب..الدواليب..البكراوية..الركابية..
    حي البوباب(آل مدني..احمدي..مكي حاج خليل..الاعيسر)وهؤلاء يرجعون الي اصل واحد..وهم بديرية دهمشية..
    حي الجابرية..(آل حاج الشيخ..اب لكة..البخيت..القنابرة(نسبة لقمبير)..واصول هؤلاء جابرية ترجع الي مناطق الدبة ونواحيها..ويستثني من هؤلاء القنابرة..اذ ان صلتهم بالجابرية(امرأة)..اي انهم خؤولة لهم ..فهم اصلا جعليين عوضية..كانوا بنواحي المناقل ،كضيبات،ود الجالب..ثم الي ام درمان منطقة ود البنا..ثم الي بارا..واستوطنوا في هذا الحي ..وتزوجوا منهم..ورغم اصلهم هذا فانهم ينسبون وينسبهم الناس الي الجابرية..

    حي الجباراب(حي معروف)..آل معروف..وهم من ذات النواحي..اي الدبة وما حولها..ولهم امتدادات اخري ..شملت اهل ازحف..
    حي الدواليب..وهؤلاء ركابية..هجرتهم من نواحي الدبة ايضا..ويرجع اسم الدواليب الي جدهم..وكانت هجرتهم الي بارا ..خرسي ..حمرة الوز

    البكراوية ..ينسبون الي فخيذة البكراوية التي تنسب الي البديرية الدهمشية..ومنهم سيدي اسماعيل الولي..وممن يقطن معهم نفر من الجعليين العوضية..

    الركابية..ورغم ان الحي تسمي بهم ..الي انهم ينسبون الي عدة قبائل ..حدث بينها صهار ونسب..جعلهم كلهم كابناء رجل واحد..ينسبون انفسهم وينسبهم الناس الي الركابية..تكون هذا الحي من اسر عريقة..اسرة حاج الفكي وهؤلاء من ركابية العفاض..وهنالك اسرة يسن التي منها السيد محمد الحسن عبد الله يسن..واسرة ود الحسن وهؤلاء دناقلة يرجعون في اصولهم الي جزيرة لبب وود نميري والخناق..واسرة ابو جيب وهؤلاء من الكنوز..
    هنالك حي الشدداب وهم بديرية دهمشية..يرجع اصلهم الي ارقي..وانعقد لهم لواء الادارة الاهلية لاهل بارا..

    هذه الاحياء ..لم تكن حصينة من اختراق الاثنيات الاخري لها.. ففي حي الجابرية والجباراب وهما متجاوران..نجد جيبا من السواراب ..وهم ايضا بديرية دهمشية..
    ونجد العم المرحوم الشاذلي الشيخ الريح رجل بحجم قبيلة..وهو جعلي من السناهير..ونجد التبيداب يمثلهم (اسرة عبد الرحمن بلدو..ويحيي محمد موسي)..وركابية (اولاد حسن يسن)..والدناقلة(آل بركية)..وبشير يابس تر جعلي من بربر..

    وفي حي الركابية ..نجد اسرة ابا عيسي الغرقان وهم جابرية..

    وفي البكراوية..آل الماذون وهم جابرية..آل الفارس وهم جموعية..آل ابراهيم فرح وهم ركابية..

    نشير الي ان ..آل كرداوي لهم حي بأسمهم..وهؤلاء هجرتهم كانت متأخرة الي بارا..
    وما بين البكراوية والدواليب نجد جيبا من الجعليين..آل يسن..عمر احمد يسن وعثمان اب نجمة ..وخالد عثمان..وآل نافع وهم خليط ما بين الجعليين والجابرية..وهؤلاء هجرتهم الي بارا كانت متأخرة نسبيا عن بقية المجموعات ..التي جاء معظمها مع السيد المكي ابن السيد اسماعيل الولي..
    هذه هي الاحياء القديمة التي لحقت بها احياء معظم ساكنيها من اهل المنطقة..جوامعة اولاد جامع..اولاد مرج ..جمرية..وقبائل دار حامد هبابين،جليدات،عريفية،مرامرة،..اولاد قوي وهنالك قبيلة المجانين..
    وهؤلاء تمركزوا في احياء العشير..الرديف..البلك ...الحي الجديد..القوز ..ام تمامة..فريق اب خمسة ..وهنالك حي اعرق من الاحياء التي ذكرتها مؤخرا..الا وهو حي فلاتة..وهو حي يجمع الفلاتة والهوسا..وهو من اعرق الاحياء ..ولا اعتقد ان بمقدوري ان اؤرخ لمقدم هؤلاء الي بارا..وهناك حي حديث نسبيا ..هو حي كادقلي وسكانه من نوبة الجبال..

    من المجموعات التي توجد في شكل اسر صغيرة بلا عمق قبلي او عشائري..البرياب (جعلين ..هجرتهم متأخرة من نواحي الجزيرة)كأسرة المدني وعبد الله محمد أحمد..البقارة..اسرة واحدة هي اسرة حسن البقاري..الكواهلة..اسرة الشيخ الخضر محمد وقيع الله وابن اخيه تاج السر النور..الاتراك ..جيب صغير..اسرة عثمان يعقوب،ايوب وهؤلاء ينسب اليهم السيد طه الروبي..
    الغريب في الامر ان تواجد الشايقية في بارا ..يكاد لا يلحظ..فهنالك اسرتين..اسرة محمود محمد سعيد..والشايقي(كان يعمل بناء )رحمه الله..
    ولي عودة
                   |Articles |News |مقالات |بيانات

23-02-2006, 02:30 AM

othman mohmmadien
<aothman mohmmadien
تاريخ التسجيل: 13-12-2002
مجموع المشاركات: 4673

للتواصل معنا

FaceBook
تويتر Twitter
YouTube


Re: ๑۩۞۩ ๑ كردفانيـــات - بــارا ๑۩۞۩$ (Re: saif khalil)

    up
                   |Articles |News |مقالات |بيانات

06-03-2006, 11:45 PM

احمد العربي
<aاحمد العربي
تاريخ التسجيل: 19-10-2005
مجموع المشاركات: 5829

للتواصل معنا

FaceBook
تويتر Twitter
YouTube


Re: ๑۩۞۩ ๑ كردفانيـــات - بــارا ๑۩۞۩$ (Re: saif khalil)

    الجميل معتز


    شكرا لهذا الجمال

    واسمح لنا بالمتابعه



    وواصل

    مودتي لك وبارا واهل بارا
                   |Articles |News |مقالات |بيانات

09-02-2006, 11:58 AM

saif khalil
<asaif khalil
تاريخ التسجيل: 30-01-2005
مجموع المشاركات: 1479

للتواصل معنا

FaceBook
تويتر Twitter
YouTube


Re: ๑۩۞۩ ๑ كردفانيـــات - بــارا ๑۩۞۩$ (Re: معتز تروتسكى)

    الاخ منعم والعزيز تروتسكي ..ساواصل فيما انقطع..من حديث عن الرياضة..وكماهو معلوم..انتهيت الي ان الفرق الرياضية ،قد حلت في مطالع السبعينات علي عهد مساعد المحافظ ..سعد احمد زكي..وفي تلك الفترة.. نقل من ضمن موظفي هيئة توفير المياه ..الي بارا..لاعب الابيض مذكور برعي منصور..واقول لاعب الابيض ..لانه لعب لمعظم فرقها..التحرير،الاهلي،الهلال،المريخ..وقد كان من اميز حراس المرمي وقد كان يحرس مرمي منتخب كردفان..وكان من المفترض ان يلعب بالمريخ العاصمي وكذلك الموردة العاصمي ،ولكن لاختلافه معهما ولعدم رغبته في البقاء بالخرطوم لم يتم ذلك..اقام مذكور في بارا في فترة الركود تلك..فأسس فريق الاتحاد الذي تحدثت عنه في مداخلتي السابقة..وقد كان اساسا لنشأة الفرق التي اسسها سعد احمد زكي فيما بعد..ووقتها بدأت ظاهرة الاغتراب فذهب معظم لاعبي كرة القدم الي ديار الهجرة يطلبون الرزق..ومنهم من هاجر الي مدن السودان المختلفة..ذهب المرحوم فيصل حنين،معتصم قاسم ،صالح سليمان،فاروق احمد الحاج،ابو زيد بركية،صلاح الوسيلة،المرحوم عمر الدسوقي الي ليبيا..عبدالله بشير والتيجاني بشير ،مكي ابراهيم الباقر(حدقدق)الي السعودية.. ابن عمر سيد احمد الي رومانيا..بعشر الي مدني..محمد احمد معروف وحمد سليمان الي مدن السودان المختلفة حيث كانا يعملان كضباط اداريين..السنوسي كرم الدين الي اليمن..هذا علي سبيل المثال لا الحصر..لذا وجدت تلك المجموعة التي دربها مذكور برعي في فرقة الاتحاد فرصة طيبة ..ليكونوا اساسا للفرق الجديدة ..الاهلي ،الامير،التحرير..والتي لم تستمر كثيرا ..لتعود الفرق بمسمياتها القديمة..فلسطين...الخ..وايضا لم يكتب لها الاستمرارية.. وهذه مرحلة جمال حنين(لوبين)،الماحي احمد الامين،احمد محمود معروف،الدود علي بركية،التاج الامين ،ازهري الحاج،ازهري المرضي ..الخ..كان ذلك حوالي العام 79..حيث استضاف فريق فلسطين مريخ الابيض..ليمطر شباكه بأربعة اهداف ..لم ينسها عشاق الكرة في كردفان الي يومنا هذا..ففي ذلك الوقت كان مريخ الابيض في اوج عظمته ومن الفرق التي يشار اليها بالبنان في السودان..
    بعدها حدث ركود آخر ..اعقبته نشأة فرق الروابط..انقسم فلسطين الي الهدف وسانتوس..والجزائر الامل والرفاق..المصالح اصبح الزهرة..وتطورت هذه الروابط لتصبح.. الامل صار الاهلي(الركابية)..الهدف(الحي الشمالي)..الزهرة(البكراوية والحي الجنوبي)..الرفاق(البلك والحي الجديد)..وصار سانتوس الهلال(حي معروف ،حي السوق والحي الاوسط)..
    ابرز من لعب للهدف..عصام الطوير،احمد محمد شفتير،بابكر المبروك،عادل احمد سيد،قدرة احمد سيد،عبد القادر بطران،فيصل دبيو،ميرغني احمد الامين ،مصطفي الحبشي،ربيع الهادي،محمد عوض مكاوي،عادل ابراهيم الباقر،احمد ابراهيم الباقر، عوض ابوجنة ،عصام البصير،طارق يوسف،احمد تنكش،ابو بكر ميرغني،ود الفحيل..الخ
    وللاهلي..عثمان ابشرا..ادريس الحاج ابوسرة..احمد محمد صالح،الشيخ محمد صالح،عمر محمد صالح،عثمان القرين،اسماعيل حسن محمد خير،اسماعيل السيد احمد،مساعد السيد احمد،الباسم،محمد علي كوكو،مطيب،خالد جالون،حسين محمود ،برعي محمود،حسن مالك،سيد حميدة عبد الرحمن،حسن حميدة عبد الرحمن،جودات،ابمد..الخ
    وللهلال..خليل علي معروف،ياسر علي معروف،برعي علي معروف،الرشيد محمود معروف،معروف محمود معروف،خالد محمود معروف،اسامة الشاذلي الشيخ الريح،ود الناير،ازهري هاشم،فرح مضوي،ببوي،ود اللمين،بابكر محمد نافع ،الصادق ابشر،فخري ميرغني نافع،جعفر نافع،ياسر بيبي،اسعد ارن،البخيت،مبارك حسب الله،صديق حسب الله،فتح الرحمن الجيلي..الخ
    وللزهرة..انور الحاج،الدسوقي خالد،ابو الغيث محمد اسماعيل ،خالد اسماعيل الاعيسر،علي ابجمر،مظفر مكي الاعيسر،خالد التاج(حلوم)،عبد الرحمن التاج،بشير النحلة،موسي التجاني موسي،مجدي القرش،صبري،ود انقرم،معمر مكي..الخ
    وللرفاق..ابراهيم سردار ،عبدالله خليفة،ازهري المرضي،صالح سليمان،ياسر محمد نافع (الجحم)،ود الفاضل،مجدي محمد بكري،حاتم عبد القادر التوم،ايهاب حمد،حميدة،حيدر يسن حسن،مبارك محمد نافع(جبرص)..الخ
    وللمريخ..ود ابعجبان،ود الهجين،ود التوم،ود الفحيل (حميدتي)،التوم عمر التوم..أالخ

    وفي فترة لاحقة لحق بهذه الفرق فريق الموردة..ابرز لاعبيه..ادهم حولي،محمد قرشي عمر،عثمان مكي احمد دوليب..وكذلك فريق التاج ابرز لاعبيه اسماعيل حاج علي..

    من اللاعبين الافذاذ الذين برزوا بمدينة بارا ..في مختلف العهود وكان بامكانهم اللعب في اي مكان تلعب فيه الكرة..المرحوم فيصل حنين،جمال حنين (لوبين)،عوض مكي حسكن كوكو(لعب لرفاق الابيض)،احمد محمود معروف (لعب لمريخ الابيض)،قاسم احمد معروف(النصيبة)،صالح سليمان،حمد سليمان،عثمان ابشرا،الرشيد محمود..مجدي القرش..حافظ احمد عبد الرحمن(شاميق)..
    ومن الادارات التي برزت في ..مجال كرة القدم ..حمزة خليل ،محمد يحي،يوسف الوكيل،المرحوم مكي محمد عوض،احمد صغيرون،عوض علي احمدي،مدني علي احمدي..
    الغريب في الامر ..انني عملت في هذا المجال طوال الفترة 86_______96...خلال هذه الفترة..عملت سكرتيرا لنادي الهدف..رئيسا له..ثم مدربا..ثم ممثلا للمدربين في اتحاد بارا..سكرتيرا للاتحاد..رئيسا..ثم عدت مدربا لنادي الهدف..ومنتخب بارا..ثم سكرتيرا للاتحاد..
    هذا عرض مبتسر للمشهد الرياضي بمدينة بارا نرجو ..التصحيح والاضافة ..فكلها خواطر من الذاكرة..
                   |Articles |News |مقالات |بيانات

09-02-2006, 12:36 PM

nour tawir
<anour tawir
تاريخ التسجيل: 16-08-2004
مجموع المشاركات: 16223

للتواصل معنا

FaceBook
تويتر Twitter
YouTube


Re: ๑۩۞۩ ๑ كردفانيـــات - بــارا ๑۩۞۩$ (Re: saif khalil)

    معتز



    أنت وين سايب بوست زى دا قايم قاعد؟!

    وأهو المتداخلين/ت بينادوك..

    وانا واحدة منهم...
                   |Articles |News |مقالات |بيانات

14-02-2006, 10:00 AM

abdelfattah mohammed
<aabdelfattah mohammed
تاريخ التسجيل: 27-07-2005
مجموع المشاركات: 925

للتواصل معنا

FaceBook
تويتر Twitter
YouTube


Re: ๑۩۞۩ ๑ كردفانيـــات - بــارا ๑۩۞۩$ (Re: معتز تروتسكى)

    القـــــــــــــــدم أحلـــــــــــــــــى مع معتـــــــــــــــــز
                   |Articles |News |مقالات |بيانات

16-02-2006, 07:29 AM

saif khalil
<asaif khalil
تاريخ التسجيل: 30-01-2005
مجموع المشاركات: 1479

للتواصل معنا

FaceBook
تويتر Twitter
YouTube


Re: ๑۩۞۩ ๑ كردفانيـــات - بــارا ๑۩۞۩$ (Re: abdelfattah mohammed)

    عبد الفتاح محمد

    سلامات

    لم افهم مداخلتك ..ابن ولك الود
                   |Articles |News |مقالات |بيانات

23-02-2006, 10:46 AM

Moneim Malik
<aMoneim Malik
تاريخ التسجيل: 12-12-2004
مجموع المشاركات: 453

للتواصل معنا

FaceBook
تويتر Twitter
YouTube


Re: ๑۩۞۩ ๑ كردفانيـــات - بــارا ๑۩۞۩$ (Re: saif khalil)

    الاعزاء
    معتز
    سيف
    والاخوة المتداخلون
    لكم التحية وانتم ترفعون هذا البوست
    اعود هنا لاضع بين ايديكم خريطة سوق بارا وبعض الوصف
    من الجهة الشمالية حيت يبدا الصف بدكاكين خواجه استاوراالتى تفتح جنوبا ومنزله الذى يفتح عكس المحلات وجنينته التي تسور المنزل من الجهة الشمالية ايضا ويفصلها عن جنينة الحكومة وبيت الدكتور الطريق المودي لموقف ام درمان وطريق امدرمان بارا متجها للشرق فجنينة الخواجة صغيرة المساحة ولكنها كانت تحتوي على اشجار الجوافة البيضاء والحمره واشجار القشطه والليمون واليوسفى والبرتقال وشجرة العنب التى تمتد الى مدخل برندة النملى في وسط الجنينة كما تسور الجنينة بعض من اشجار النيم والتمر هندى وسلك شائك وبعض من اشواك السدر حيث تغطي بعض المساحات جداول صغيره تزرع فيها بعض الخضروات كالجرجير والطماطم لاستعمال الخواجه الشخصى كما نجد انواع من الزهور كالياسمين والبنفسج وصباح الخير تزين اطراف الجداول وتحت احدى شجيرات الليمون الوارفة يوجد زير ماء فى حمالة مغطى بشاش ومن فوقه كورية الطلس البيضاء المفلطحة موضوعة بين افرع الشجرة والتى تخصص مثيلاتها داخل المحل ككوب لشاربى بيرة ابوجمل الذى تخصص المحل ببيعها مع بعض الخمور والبضائع الاخري التى يزخر بها المحل وغالبا ماتوضع داخل هذا الزير بعض من زهرات الياسمين البيضاء والتى تعطى الماء نكهة ومذاق خاص كنت اتحين الفرصة عندما اكون بالسوق لادخل الجنينة مع حسن محمد طاهر او عبد الله الدخري الذين يعملون بالمحل او بيتر لاستمتع بالشرب من ذلك الماء بنكهة الياسمين وقد يتحفونى مرات بحبات من القشطة والجوافة وبعض من عنب حيث الجنينة لها باب ومفتاح وتفتح احيانا حيت يوجد مخزن للجازولين بداخل البوابة لما اشتهر به الخواجة من بيع المواد البترولية كوكيل لشركة شل -- كما توجد بالمحل بضائع كثيرة ومتنوعة احذية حلويات اقمشة فخواجة استاورا يجيد العربية تماما من غير لكنة وكذلك الدارجة كما يجيدها ابنه فليبوا صاحب محلات خمسة نجوم بالخرطوم سابقا فاذكر له موقفا واناصغير مع والدي في الدكان كانت هنالك شركة اسمها ريجوا والتى كلفت بشبكة مياه بارا وكان معهم بعض المهندسين المصرين كان احدهم يومها يجلس امام دكان خواجة استاورا فجاءت احدي نساء القري حوالين بارا وكان الخواجه واقف فى الخارج فسالت الخواجة عندك نعلين والمصري يسمع فرد الخواجه لا ابدا فبعد ان ذهبت استدار استاوروا للمصري وساله ماذا قالت فقال له المصري قالت لك عندك نعناع فضحك الخواجه كثيرا وصارا يحكيها دائما -- يعمل معه عبد الله الدخري الذي يجيد اللغه الاغريقية بطلاقة وحسن محمد طاهر واحد الاخوة الجنوبين واسمه بيتر مسئول عن الجنينة والفرن وخواجة استاورا كان رجل اجتماعى فعلاقته وثيقة مع اهل بارا فتجده فى جميع المناسبات فى الافراح او الماتم فكنت فى عيد الاضحى احمل له رجل الخروف من ضحيتناواكون متشوقا للذهاب لعلمى ان زوجته شيا التى لا تعرف العربية تتحفنى بالشوكلاته وكنت اقاتل لاذهب
    وسوف اواصل
                   |Articles |News |مقالات |بيانات

23-02-2006, 11:17 AM

Shams eldin Alsanosi
<aShams eldin Alsanosi
تاريخ التسجيل: 18-12-2003
مجموع المشاركات: 2129

للتواصل معنا

FaceBook
تويتر Twitter
YouTube


Re: ๑۩۞۩ ๑ كردفانيـــات - بــارا ๑۩۞۩$ (Re: معتز تروتسكى)

    يا سيف خليل
    وعبد المنعم مالك

    تحكرت وسط سوق بارا متابعا هذا السرد الصادق لبارة دون حوجة للتداخل
    و قلت لنفسى بلاش شلاقة يا شمس الدين فعندمايكتب سيف خليل ينصت اليه حفيف الشجر.
    وعبدالمنعم ما شغال بي الشغلة من يوم تروتسكى عزمزموا شاي فى بارا

    بس دخلت اسالكم سوال واحد

    انتو الاتنين عملتوا شنو لتروتسكى حرد البيت ده وطفش؟
                   |Articles |News |مقالات |بيانات

23-02-2006, 12:06 PM

Moneim Malik
<aMoneim Malik
تاريخ التسجيل: 12-12-2004
مجموع المشاركات: 453

للتواصل معنا

FaceBook
تويتر Twitter
YouTube


Re: ๑۩۞۩ ๑ كردفانيـــات - بــارا ๑۩۞۩$ (Re: Shams eldin Alsanosi)

    شمس الدين ذات نفسه
    يا راجل
    اخبارك نورت بارا وحيشان بارا
    بمرورك
    عارفك مزنوق اسال مجرب
    ومعتز برضه مشغول بالقراية
    انا فاضى للشمارات طبعا الشمارات دي عندها قصة
    طويلة معاى لانى ماكنت عارفها هى شنو
    وتحياتى لفائزه والاولاد
                   |Articles |News |مقالات |بيانات

23-02-2006, 12:25 PM

saif khalil
<asaif khalil
تاريخ التسجيل: 30-01-2005
مجموع المشاركات: 1479

للتواصل معنا

FaceBook
تويتر Twitter
YouTube


Re: ๑۩۞۩ ๑ كردفانيـــات - بــارا ๑۩۞۩$ (Re: Moneim Malik)

    الاخ شمس الدين
    تحياتي ومودتي
    نشكر لك التقريظ..الذي نحمله وساما وشهادة..وبلا خجل سأفاخر بها..طالما انها اتت من صاحب القلم الرشيق ذو السمت الموضوعي ..العدل..الاستاذ شمس الدين..
    الاخ تروتسكي لا ادري ما سبب غيابه..وقد راسلته ولم يأتيني منه رد..وهذا الوضع قد اخجلني..فلم ارد ان اكون(جدادة الحلة الطردت جدادة البيت)..رغم ان لدي ما يروي عن بارا ..ولا اظنه جميلا فحسب ،بل الجمال بعضه..
    تخريمة..وددت لو اسألك ما هي علاقتك بالمريود..مولانا عبد الرحيم محمد سعيد؟؟
    الاخ منعم(زي ما بقولن خالاتنا وحبوبتنا الباذخات..تجازي يا يابا وتتدقلم..انت من الزمن داك..زمن لويزو ،استاورو ومنتياز)..واصل سردك الشيق..
    اناشد الاخ تروتسكي المواصلة..وان يؤجل انقطاعه هذا الي بوست آخر..حتي نتداخل بأحساس الذي يزور دارا عامرة بأهلها..
    لقد كنت ازمع افتراع بوست عن بارا ..ولوجود هذا البوست..رايت ان تكون مساهمتي رفدا له..فارجو عودتك..حتي نكمل ما بدأنا..
    لكما وللقراء كل الود
                   |Articles |News |مقالات |بيانات

23-02-2006, 01:34 PM

Moneim Malik
<aMoneim Malik
تاريخ التسجيل: 12-12-2004
مجموع المشاركات: 453

للتواصل معنا

FaceBook
تويتر Twitter
YouTube


Re: ๑۩۞۩ ๑ كردفانيـــات - بــارا ๑۩۞۩$ (Re: saif khalil)

    سيف
    مالك وقفت
    ياخوي منتياز دا انا ما حضرته حضرته انت
    تحياتى
    وعبرك اناشد ابننا معتز لياتى ويتحفنا
    لادارة دفت بوسته هذا قبل ان يدركنا الياس
    وعبركم ايضا
    احى اعزائنا ابناء بارا في كل بقاع الارض
    واخص هنا
    العزيز طارق فوزي محمود
    بجده السعودية لمتابعته واهتمامه بمايكتب
    هنا وتشجيعة وتاييده لعمل ويبسايت خاص لبارا
    ونحن فى الوعد ان شاء الله
                   |Articles |News |مقالات |بيانات

24-02-2006, 12:04 PM

عبدالرحمن عزّاز
<aعبدالرحمن عزّاز
تاريخ التسجيل: 31-10-2005
مجموع المشاركات: 2521

للتواصل معنا

FaceBook
تويتر Twitter
YouTube


Re: ๑۩۞۩ ๑ كردفانيـــات - بــارا ๑۩۞۩$ (Re: Moneim Malik)

    خالص التحايا
    الجميع
    انا اعتذر والخجل والحزن يعترونى فى ان عدم مواصلة معكم يا اساتذه ؛ بس ماعارف اقول شنو سوى انو ماكنت حاقدم اكتر مما قدمتو واذا بتفتكرو انو البوست بتاع (تروتسكى) تبقو غلطانين
    لانو لو فى جداد خلا طرت جدا البيت نبقى نحن لانو اقلها انتو مشيتو على الارض الطاهره دى قبالنا..
    يديكم العافية وارجو عدم التوقف ..


    الاستاذ سيف ماذا اقول ليك لااجد من الحروف مايكفى لقامتك عزيزى فلتدم بعافية ؛وهنا كتوضيح لم تصلنى منك رساله وحاتك عندى فانا الذى تحسسته يبدو انك كتبه العنوان خطا لكن لاباس من ان تعيد الكره فانا فى انتظارك باحر من الجمر لنتباحث ولكى اوضح لك لماذا الغياب..
    ولتدم فى علاك وسلام الى الاسره سيدالناس..

    الاستاذ منعم ازيك ياولدنا اخبارك وصحتك وصلتنى رسالتك ووردت عليك وكما يسرنى ان تبليغ التحايا للاخ طارق فقد تطرقنا فى حديثنا حول موضوع الويب سايد تحياتى لكل ابناء كردفان فى كل البسيطه واخص ابناء بارا من هذا البوست تحيات اليك استاذ منعم وقيل بعافية..

    الاستاذ شمس الدين قايتو مافى ول اتلوم معاى فى الدنيا دى زيك شنو يا ابو الشموس النظر للمساكين رحمه اساسك فيك من بوست لى بوست وكان للايميل ده خليهو ساى شنو ياود الخاله الحاصل شنو شغال (Active) فى البورد اترحم علينا بى رد رساله..
    سلامى للاسره والوليدات والاحباب هناك ..

    الجميع من خطا حرف هنا او مر من هنا التحايا النواضر ..

    والشكر اولا واخيرا للاخوي عبد الرحمن عزاز

    معتز تروتسكى...
                   |Articles |News |مقالات |بيانات

28-02-2006, 11:58 AM

Moneim Malik
<aMoneim Malik
تاريخ التسجيل: 12-12-2004
مجموع المشاركات: 453

للتواصل معنا

FaceBook
تويتر Twitter
YouTube


Re: ๑۩۞۩ ๑ كردفانيـــات - بــارا ๑۩۞۩$ (Re: عبدالرحمن عزّاز)

    الاعزاء
    الكرام
    معتز
    سيف
    ود عزاز
    وكل ابناء الغره لكم التحية والتبجيل

    وبعد اواصل ما قد بداته من وصف لفترة معينة وقد لااكون دقيقا فى وصفى فان فاتنى شى ارجو المعذرة
    تحيط بصف دكاكين استاورا برندة فى شكل(L) بالانجليزى تمتد من الغرب الى الجنوب امامها اشجار نيم كثيفة تتدلى وتغطى جل البرندة وتتشابك مع اشجار الجنينة بالجهة الاخرى للمحل وهنالك يافتطين من جهة الغرب فى سقف البرنده حيث تتدلى ستارة كثيفة لتقى المحل من شمس العصرية واخري اي يافطة من جهة الجنوب حيث البوابة الريئسية للمحل وترقد ايضا من الجهة الغربية طفايات حريقة فى شكل ديكوري دعاية لشركة شل كما نجد فى واجهة المحل كثير من اليافطات التجارية بعضها ملصق على بوابات المحل واخريات على الحائط -- يمتلك الخواجه عربة صغيرة زرقاء اللون فورد بمظلة لترحيله داخل وخارج بارا اى تقتصر سفرياتها القصوى لمدينة الابيض كما يستخدمها الخواجة لفسحاته عند نهاية الاسبوع احيانا وعند العطلات والتى غالبا ماتكون الى التلال حول بارا او تلال منطقة الخيران والواحات كالبشيري والحمره -- وايضا يقوم بتاجيرها للمشاوير الداخلية والى الابيض وقد تعاقب على قيادتها حمدان محمد ود ام شيبة القق مصطفى ود حليتى وود اسماعيل وغيرهم -- يلى دكان الخواجة الرئيسى من جهة الشرق ايضا محل صغير بارفف يتبع له يستخدم فقط عندما يغيب الخواجة في سفر لتصريف المواد البترولية والخمور يليه الى جهة الشرق دكان مالك وهو محل اجمالى لبيع السكر والدقيق بانواعة والبلح والشاى والعيوش ويتبع له مخزن من الجهة الشرقية لتخزين السمسم والكركدي والسنامكه والصمغ والتى غالبا ما تصدر لام درمان --- المساحة بين دكان مالك والخواجة تجدها مكتظة فى شهر رمضان حيث تفرش الارض برمال القوز والتى غالبا ما تاتى بها عربة حنين وترش بالماء وتفرش البروش والشولات لمن يريد الاتكاءة ولمن يريد لعب الورق الذى يجيدونة كعشرة طيبة والبصره كماتكون هذه المنطقة مكتظة يومى الخميس والسبت حيث تنطلق عربة حنين ( البعشوم) والتى تسمع لهاازيزا وشخيرا عندما تنطلق او تحضر لسوقى شريم ميما وجريجخ والتى يؤازرها فى الرحلة كومر الخضار فى وسط السوق بقيادة اب كدايس او ماتعاقب علية لاصحابة عبد القادر خليفة وابراهيم عبد القادر والطلوق ويرافقهم مجموعة من الشباب التجار -- يلى دكان مالك القهوة وهى كانت ايضا بادارة محمد عبد الرحيم (ودالتكل ) وتوالى عليها ود ويس وكركجان واخرهم عبد الله الدخري وهو مطعم ببابين وبرندة امامه ومطلى من الداخل بطلاء نصفه العلوى ابيض والسفلى اسود وترابيز مرصوصة مغطاة بمشمعات مزخرفة مختلفة الالوان ترقد من فوقها ملاحات التبخ ذات الالوان الصارخة التى تحتوى على ملح وشطة غير مسحونة جيدا وترقد فى البرندة طاولة طويلة تستخدم بواسطة الطباخ ترقد عليها صحانة طلس والمونيوم ومفاريك وكمشة الفول وزجاجة فارغة لكسر الفول وجالون مغلق يسمح للزيت للخروج خلال ثقوب صغيرة فى غطائه وتحت التربيزة تجد الفندك والمدق والى جانبة ترقد الكوانين التى تحتوى على حلل ضخمة للفول وللحمة بالصلصة والعدس واخر صغير لزوم الكبدة بالطوى والي الخارج ترقد المغسلة والتى كثيرا ماتثير حنق ملاحظ الصحة احمد صغيرون فكم من مرة يرمى بها فى تراكتر الكناسة -- امام المطعم اعتاد بعض التجار الجلوس والنقاش وتبادل الراى احيانا يصجابهم الضابط الاداري او مدير الهيئة او ضابط الصحة وهم قطعا لايفيدون المحل فغالبا ما يشربون القوة والتى تطلب من قهوة التاج ود الفكى هذه العادة ايام كركجان وهو راجل عرف عنه الدهاء والمكر تزيد حنقه فاحيانا يتركهم واحيانا اخري ينثر الشطة فى ارضية المحل وعندما يحضروا يبدا بالكنس --خلطة شطة وغبار فيكح كل من فى المحل ويغادره -- ايضا من رواد القهوة حاج بلهم الرجل النكته والظريف وهو يعمل بالمجلس التنفيذى كمتحصل واذكر يوما جاء القهوة وقال للحاضرين الحكومة زادت العوائد والقبانة فلم يصدقه الحضور من التجار وقال له احدهم احلف -- فالتفت الى جهة الغرب حيث دكان مربوع الغسال - حيث مربوع هو المكوجى وواقفا دائمايكوي وعبد السلام هو الغسال فجالس دائما يغسل فقال لهم وحياة مربوع الواقف وعبد السلام القاعد الخبر دا صحيح فضج الجميع بالضحك

    وسوف اواصل
                   |Articles |News |مقالات |بيانات

28-02-2006, 02:30 PM

saif khalil
<asaif khalil
تاريخ التسجيل: 30-01-2005
مجموع المشاركات: 1479

للتواصل معنا

FaceBook
تويتر Twitter
YouTube


Re: ๑۩۞۩ ๑ كردفانيـــات - بــارا ๑۩۞۩$ (Re: Moneim Malik)

    والله اوشكت ان ابكي..تتراءي الذكريات امامي كأنوار بعييييدة في ليل بهيم..استفزت شياطين الكتابة في..وسأكتب عن جدي ود التكل..عن المرحوم حنين والبعشوم..عن البيرة ام جمل..كامل حمودة وعلي دقرت..احمد يونس وعلي الجو..ربما كانت هذه الاشياء مضطربة في ذاكرتي فحينها لم التحق بالمدرسة ..الا انها في الخاطر..وزريبة المحصول يجب الا ننساها..عمنا الشاذلي والمرحوم حاج زكي..عمر احمد يسن..عثمان الخليفة..علي احمد ..عبد الودود كرداوي ..رحمهم الله جميعا..والحمالين اذكر منهم حسن كدزو..وترانيمهم التي لا انساها ..هيلا هيلا هيلوين..هيلا هيلا هيلوين..اذكرهم ونحن ..(نتلصص)..وننتهز..ونختلس ..الفرص والاحايين..لتمتد ايادينا الصغيرة الي كعكول صمغ..او لتغترف(خمشة) سمسم من وارد دار الريح..سأعود بالتفصيل..

    (عدل بواسطة saif khalil on 28-02-2006, 02:32 PM)

                   |Articles |News |مقالات |بيانات

06-03-2006, 04:47 PM

Moneim Malik
<aMoneim Malik
تاريخ التسجيل: 12-12-2004
مجموع المشاركات: 453

للتواصل معنا

FaceBook
تويتر Twitter
YouTube


Re: ๑۩۞۩ ๑ كردفانيـــات - بــارا ๑۩۞۩$ (Re: saif khalil)

    الاعزاء
    معتز
    سيف
    المتداخلون
    لكم الود
    اواصل ما انقطع

    يلى المطعم دكان يعقوب شداد وهو مستخدم كمخزن له وفترة اخري كان يستاجره جعفر حاج محمود يليه دكان تعاقب عليه عمر محمد مدنى كمخزن الحاج حمدتو كساعاتى بعد ان رحل من محلات حسن قريش ومالك لفترة وجيزة تليهم زريبة المحصول والتى تفصل الركن الشمالى الشرقى للسوق عن الاحياء السكنية حى معروف والبوباب يفصل بينهما الشارع الممتد من حى البكراوية مارا بالمدرسة الغربية وشجرة النسوان مرورا بشرق السوق عابرا موقف امدرمان متفرعا امام مصلحةالغابات والوقاية وميدان المجلس للمجلس التنفيذى غربا والمستشفى وثكنات الجيش فى الجزء الشمالى الغربي -- زريبة المحصول عند ذكرها تقفز للذاكرة ملامح واسماء لها بصمات واضحة -- عبدالله حسن مسئول حركة الدخول والخروج للزريبة ومعلن المزاد بواسطة جرس اعلان وجرس بدء المزاد-- داخل الزريبة زحمة غير عادية فتجد اصحاب المحاصيل وهى فى الغالب السمسم والصمغ كما سماها سيف وارد دار الريح والذي ياتى لبارا من القري التي تحيط بها ابتداءا من شريمات (ميما -الكرانك - الكرامشه) جريجخ العجاجيك ام دبوس الحديد ام نبق شق النوم ومليحات وام سوط وام قلجى اللحيمرات وازحف والطويل وحمدان وخرسى والجنينة ومعافا والحراز ومناطق كثيرة لاتسعفنى الذاكرة لذكرها جميعا تاتى هذه المحاصيل محملة فوق العربات والغالبية بالجمال والتى ما ان تفرغ حمولتها اى الجمال حتى تقتاد بواسطة خفراء المرابط ذوي العمم الصفراء الى المربط فى الجهة الغربية من السوق غرب شارع اللبخ وشرق البلح محاذيا لفرن عثمان الخليفة وطاحونة محمد يحى من جهة الجنوب -- ارضية الزيبة رمال كثيفة يصعب المشى فيها بسهولة تزداد من جراء غربلة السمسم-- وهناك جولات ودباره ومسلات وخيش مفروش ومحمد ود ام زين وود النور متاهبين للغربلة-- توضع المحاصيل فى شكل مجموعات قائمة غير مخاطة فى شكل نمر لتسمح للمشترين بالفحص قبل المزاد فتري هناك الشاذلى عاكف ايديه خلف ظهره قادما او متحدثا لاحد الزبائن او متفحصا للمحصول وحاج زكى يرتدى عباءته الرمادية وعصاه المعكوفة لافحا شاله المخطط واضعا ونظارته التى لاتخلو من رباط اوسلسل حولها وحاج مالك لافحا عباءته السمنية فوق كتفه وحسن قريش هادئا كعادته وضحكات عبد الودود الكرادوي فتري فواطر اسنانه ومحمود الحاج فى خفة حركته واناقة ملبسه وعبدالله معروف واقف على احدى النمر يتفحص ويشم انواع المحصول وهناك فى الميزان مشغول ميرغنى حاج النور جالسا فى كرسى عالى يحرك فى موشر الميزان شمالا ويميناوانواع من العصافير والبلوم والحمائم تنتهز فرصة الهدوء فتحط لتلتقط قوتها وتفر عند ادنى حركة الى رؤوس الاشجار الضخمة التى تظلل الزريبة --يقع مكتب موظف الزريبة فى الركن الشمالى الغربى للزريبة متاخما لجنينة الخواجة من جهة الشرق وقد تعاقب على هذا المكتب ميرغنى حاج النور عبد الرحمن حسن قريش ابوزيد بركية كمال الدوري ابودلة حسن كوكو -- يبداء المزاد فى العادة الساعة 12 ظ فيصطف التجار فى كنبات طويلة مطلية ببوهية خضراء تسع الكنبة اربعة اشخاص توجد فى بعضها مساند والغالبية من غير -- مرصوصة فى صفوف بينها مساحات للمرور قابعة فى قاعة ضخمة مسورة بالطوب الاحمر الى ثلثها تسمح لمن فى الخارج بالمتابعة والتسلق فوق السور لمتابعة المزاد خاصة اصحاب البضائع وكذلك نفعل نحن وهمنا ان يرسي المزاد على اى لسنا عابئن سوى ان نجد طريقنا داخل الزريبة لناخد حظنا من الصمغ الرطب والسمسم والذى نهرول به لدكان عم الماحى المزحوم دائما بزبائنه من شق النوم والحديد وام نبق نجاهد لنجد طريقنا للبنك حيث روائح مخلوطة صابون وامباز وزيوت تشنف الانف ونجد فيها نكهة ولذة فيقف عم الماحى حاملا صبابة السكر فيخلطه لنا مع السمسم وهو يبتسم-- يبدا تجهيز البضائع وخياطتها ووزنها بواسطة المحملين وهم امثال يحى وود النور وادم مريسة وتسنى وعلى القويز وابرية وكديس ومطري وود مطري وابوحوة وحداد وابراهيم ادريس كما كان لكل تاجر حمالين معينين يقومون يخياطة وتمريك وتحميل البضائع له فى العربات التى تقف بالصف لتجد دورها فى الشحن للتوجه للابيض وكانت عربات الحاج جديد واسماعيل هاشم ومكى اسكندر وسيد عبدالله والعربي وكامل حموده وسيد الحلبي وعباس حمادتعمل فى خط الابيض بارا فعند التحميل يقوم بعض الحمالين بنغمات واصوات تحثهم وتنشطهم حسب زعمهم ولكن لود مطرى صوت مميز عندما يقوم بتحميل سيارة فهو يطلق صوتا كالتى تطلقة المراة عند الولادة فتسمع له رنينا فيعرف كل من بالسوق ان ودمطري يقوم بشحن احدى العربات وكذلك تسنى
    ونواصل
                   |Articles |News |مقالات |بيانات

06-03-2006, 11:28 PM

Dia

تاريخ التسجيل: 02-06-2004
مجموع المشاركات: 383

للتواصل معنا

FaceBook
تويتر Twitter
YouTube


Re: ๑۩۞۩ ๑ كردفانيـــات - بــارا ๑۩۞۩$ (Re: Moneim Malik)

    الاخ العزيز سيف والاخوة الاعزاء

    اسف لانقطاعى لفترة لانشغالى بعمل يمتد لساعات طوال واسفار عمل بين الامارات والسودان ذات صلة بى واعدكم بالمزيد عن فترة جيلنا وارجو ان يتسع المجال لذلك لتسمعوا عن حكاوى ابوذر وياسر على معروف ونبهانى ومحمد التاج وشرحبيل ورستم وابودنقه وياسر ارن وهشام حسن وشوقى يوسف وتجربتنا ببارا الغربية وبارا القديمة

    عزيزى سيف والاخ معتز لكم التحايا ولاهلنا فى بارا الجميلة كل الود الكرماء الاصيلين .

    الاخ سيف تصويب بسيط كده بخصوص حلة الركابية لقد انشا حلة الركابية جدنا مضوى محمد ادريس ود دوليب الذى جاء لها من منطقة قشابى وعمل مضوى على تجميع الركابية من مختلف انحاء السودان فقد احضر حاج السيد وعائلته من الهلالية وال الشريف من العفاض وال حاج محمود الكبير وحاج الفكى قيلى (حاج قيلى الكبير ) وحاج محمود من قشابى والعفاض وحاج الحسن من العفاض ولهذا عرفت الركابية قبل تسميتها بالركابية ببلاد مضوى او حلة مضوى وكان مضوى رجلا عارف للانساب فى السودان بحكم ملازمته لجده ود دوليب الذى كتب مخطوطة دنقلا او مخطوط الدواليب وواصل عمنا محمد ابراهيم فرح فى نفس المنوال وكذلك جدنا ابراهيم الطاهر- فرنيب- وذهب مضوىلامدرمان الركابية والمدينة عرب وابو مرين وحلفاية الملوك ووسط السودان والديوم وطلب من كننى الكبير الحضور معه وجاء كننى من الديوم وجدنا فقير ود الشيخ من الركابية ام درمانا وهكذا حزم كننى حقائبه ومعه ابناءاخوته على عبدالقادر – المعروف بعلى دبيبة – جد الزبير مهدى وسيف عبدالرحمن السيد وناس مجدى ونضال – اى هو جد مهدى السيد وعبدالرحمن السيد وعثمان السيد وبنات الجاك – اى جد صلاح محد محجوب وجاء الى بارا ولكن لقوة صلته بمحمد مدنى وابن خالته فكى عوض وال الاعيسر جاء واقام هنالك ولكن لان جدنا مضوى رجل ذو لسان طويل قال له ياكننى مشيت خليتنى وسكنت مع اهلك البوباب – ولهذا اثر كننى السكن فى البكراوية مع ابناء اخوته وهم ابناء حسن التوم جد ناس نبهانى كمال وال على عبدالقادر – على دبيبة-
    بقى مضوى ناظر لعموم الركابية حتى اختلف مع الانجليز عندما ارادوا تغيير التركيبة السكانية لمنطقة بارا بحجة ان اهلها غير موالين للملكة ونازع مضوى قبائل كثيرة فى اراضى بارا فى قضية مشهورة توجد بارشيف المحاكم بالسودان ولهذا تم عزله من الناظرة وتوليها لابن خالته عبدالله يسن وحضر الخليفة الشيخ جعفر الدرديرى ابن عمه واخذه معه لبارا وبقى ابناء عمه السيد ود ادريس جد ابوسجارة وناس محمد قنديل

                   |Articles |News |مقالات |بيانات

24-03-2006, 04:03 PM

Shams eldin Alsanosi
<aShams eldin Alsanosi
تاريخ التسجيل: 18-12-2003
مجموع المشاركات: 2129

للتواصل معنا

FaceBook
تويتر Twitter
YouTube


Re: ๑۩۞۩ ๑ كردفانيـــات - بــارا ๑۩۞۩$ (Re: saif khalil)

    Quote: الاخ شمس الدين
    تحياتي ومودتي
    نشكر لك التقريظ..الذي نحمله وساما وشهادة..وبلا خجل سأفاخر بها..طالما انها اتت من صاحب القلم الرشيق ذو السمت الموضوعي ..العدل..الاستاذ شمس الدين..
    الاخ تروتسكي لا ادري ما سبب غيابه..وقد راسلته ولم يأتيني منه رد..وهذا الوضع قد اخجلني..فلم ارد ان اكون(جدادة الحلة الطردت جدادة البيت)..رغم ان لدي ما يروي عن بارا ..ولا اظنه جميلا فحسب ،بل الجمال بعضه..
    تخريمة..وددت لو اسألك ما هي علاقتك بالمريود..مولانا عبد الرحيم محمد سعيد؟؟
    الاخ منعم(زي ما بقولن خالاتنا وحبوبتنا الباذخات..تجازي يا يابا وتتدقلم..انت من الزمن داك..زمن لويزو ،استاورو ومنتياز)..واصل سردك الشيق..
    اناشد الاخ تروتسكي المواصلة..وان يؤجل انقطاعه هذا الي بوست آخر..حتي نتداخل بأحساس الذي يزور دارا عامرة بأهلها..
    لقد كنت ازمع افتراع بوست عن بارا ..ولوجود هذا البوست..رايت ان تكون مساهمتي رفدا له..فارجو عودتك..حتي نكمل ما بدأنا..
    لكما وللقراء كل الود


    العزيز سيف خليل
    تحياتى مع عميق اسفى علي عدم انتباهي لمداخلتك أعلاه وما مثلك الذي يٌجهل
    أما بخصوص سؤالك عن علاقتى بالمريود
    أعتقد أن الامر مجرد تشابه .
    ولكم ندمت لأنني ليست أحد مريديه حتى استغل الامر في اتجاه علاقة خاصة بهذ السيف خليل

    شمش الدين السنوسى
                   |Articles |News |مقالات |بيانات

08-03-2006, 11:00 AM

saif khalil
<asaif khalil
تاريخ التسجيل: 30-01-2005
مجموع المشاركات: 1479

للتواصل معنا

FaceBook
تويتر Twitter
YouTube


Re: ๑۩۞۩ ๑ كردفانيـــات - بــارا ๑۩۞۩$ (Re: معتز تروتسكى)

    القراء الكرام

    ضياء

    منعم

    لكم المودة


    اتابع بشغف..كنت ازمع المشاركة لكني هذه الايام(مزنوق في الشغل)..سأعود كما وعدت..وحقيقة يدهشني منعم بالذاكرة الحديد..ارجو ان يواصل في ذلك علي الاقل ..يغطي لنا فترة مطالع الستينيات وأواخر الخمسينيات..اذ يبدو جليا امتلاكه لمعلومات غزيرة عن تلك الفترة..
    الاخ ضياء ..علي دبيبة ..هل هو ركابي ام بكراوي؟وما هي علاقته ب..اب سوار؟..ام ان اب سوار له علاقة بدهابة..
    وبكل تأكيد لم اخطئ ..في نسبتكم الي الركابية واعتبرتكم جيبا في جنب البكراوية..وكذلك تأصيلي للدواليب ..فالدواليب تربطني بهم صلة دم ..فضلا عن الآصرة الروحية..فوالدي وجدي خليل ..من المقدمين البارزين في الطريقة التيجانية..وجدي خليل (اخ شيخ الدسوقي في الطريقة)..وهو مقبور في خرسي ..بالبنية ،بأمر شيخ الدسوقي عليهما رحمة الله..
    كما انني ..اعلم نسبة ناس ود الاخيدر..وناس كنني..والناس ديل ليهم ارض في حلتنا..جوار مسيد الفكي عوض..
    يعني (انا ود حبوبات)..زد علي ذلك المحاولات البحثية..فضلا عن التقصي..ولي مراجع هامة..اهمها في الآونة الاخيرة الحاج حسن حاج محمود فهو رجل موسوعة..وفي السابق الشيخ محمد ود دوليب..فرنيب كان ملما ..الا انه احيانا يلون معلوماته بما يحس تجاه الشخص او الاشخاص المعنيين..عمنا مكي احمد علي،خليل احمد علي رحمه الله..خالتنا ست ابوها بت احمد،رحمها الله..حبوبتنا حوشة بت عتمان وبنتها آمنة بت عبد الله ود كوكو رحمهما الله..الحاجة سعدية وبنات مهدي رحمهم الله..وجدنا الشيخ احمد طاهر رحمه الله
    تقبلوا مني هذه المداخلة المبتسرة ..الي حين عودة ..آمل ان تكون في اقرب آن..

    لكمكل الود
                   |Articles |News |مقالات |بيانات

10-03-2006, 02:45 AM

Dia

تاريخ التسجيل: 02-06-2004
مجموع المشاركات: 383

للتواصل معنا

FaceBook
تويتر Twitter
YouTube


Re: ๑۩۞۩ ๑ كردفانيـــات - بــارا ๑۩۞۩$ (Re: saif khalil)


    الاخ سيف لك التحايا والود والكلام والحكى معك ذو شجون نامل ان نجلس لنؤطر له لنخرجه فى شكل اجمل واحلى ونمدكم بصور قيمة واخرى لروسيا وسعد بلدو وابراهيم مكى وشلة اليسار فى بارا.

    على دبيبة ركابى من الركابية التمراب ز وابوسوار والد دهابةهو شايقى وجاء لبارا كبناء ووالدتها بنت العجيل حبوبتى جابرية من الجوابرةابوها احمد العجيل من الجابرية.


    لك التحية ولقد وصلنا مصدر كبير هو عمنا عثمان السيد على عبدالباقى الذى سوف يمدنا بالكثير


    عمنا حسن حاج محمود اطال الله عمره فقد اجرى عملية فى العيون تكللت بالنجاح وغادر اليوم للابيض نامل له عاجل الشفاء ويغرى الجميع التحايا
                   |Articles |News |مقالات |بيانات

10-03-2006, 03:17 AM

معتز تروتسكى
<aمعتز تروتسكى
تاريخ التسجيل: 14-01-2004
مجموع المشاركات: 9829

للتواصل معنا

FaceBook
تويتر Twitter
YouTube


Re: ๑۩۞۩ ๑ كردفانيـــات - بــارا ๑۩۞۩$ (Re: Dia)

    ياضياء
    وياسيف
    ويامنعم وياكلكم
    ياجنيات بارا..
    البيت بيتكم وماقصرتو تب
    ولمن نجيك على مهل رغم انكم ماخليتو لينا شى نقولو
                   |Articles |News |مقالات |بيانات

10-03-2006, 03:35 AM

ناصر البطل
<aناصر البطل
تاريخ التسجيل: 14-10-2005
مجموع المشاركات: 2806

للتواصل معنا

FaceBook
تويتر Twitter
YouTube


Re: ๑۩۞۩ ๑ كردفانيـــات - بــارا ๑۩۞۩$ (Re: معتز تروتسكى)

    مشتاق ليك و بس!
                   |Articles |News |مقالات |بيانات

10-03-2006, 06:33 AM

saif khalil
<asaif khalil
تاريخ التسجيل: 30-01-2005
مجموع المشاركات: 1479

للتواصل معنا

FaceBook
تويتر Twitter
YouTube


Re: ๑۩۞۩ ๑ كردفانيـــات - بــارا ๑۩۞۩$ (Re: ناصر البطل)

    الاخ البطل

    تحياتي

    يا خوي انت مشتاق لمنو..معتز ولا بارا ولا زولن تاني..يا ريت ينيبنا من شوقك نايب

    لك المودة
                   |Articles |News |مقالات |بيانات

10-03-2006, 06:26 AM

saif khalil
<asaif khalil
تاريخ التسجيل: 30-01-2005
مجموع المشاركات: 1479

للتواصل معنا

FaceBook
تويتر Twitter
YouTube


Re: ๑۩۞۩ ๑ كردفانيـــات - بــارا ๑۩۞۩$ (Re: معتز تروتسكى)

    حبابك معتز..ترانا بقت علينا ..حكاية البيت محروس وستو تكوس..مرحبا بك في دارك..عودا احمدا..لو ما قادر تبني يلا ناول الطوب..

    لك الود كله
                   |Articles |News |مقالات |بيانات

10-03-2006, 06:17 AM

saif khalil
<asaif khalil
تاريخ التسجيل: 30-01-2005
مجموع المشاركات: 1479

للتواصل معنا

FaceBook
تويتر Twitter
YouTube


Re: ๑۩۞۩ ๑ كردفانيـــات - بــارا ๑۩۞۩$ (Re: Dia)

    الاخ ضياء
    تحياتي

    معلوماتك صحيحة ..وتتوافق مع المعلومات التي املكها..متع الله جدنا حسن بالصحة وبارك الله في ايامه..اعلم ان هذا العجيل جدي في الحق..وكذلك التور..لا ادري ما علاقة اهلي الجابرية بالابقار؟؟
    اكيد سنحاصر العم عثمان لنخرج منه بحصيلة مبتغاة..نتمني له اقامة طيبة بيننا..
    لك المودة ضياء
                   |Articles |News |مقالات |بيانات

24-03-2006, 12:00 PM

معتز تروتسكى
<aمعتز تروتسكى
تاريخ التسجيل: 14-01-2004
مجموع المشاركات: 9829

للتواصل معنا

FaceBook
تويتر Twitter
YouTube


Re: ๑۩۞۩ ๑ كردفانيـــات - بــارا ๑۩۞۩$ (Re: saif khalil)

                   |Articles |News |مقالات |بيانات

24-03-2006, 02:07 PM

saif khalil
<asaif khalil
تاريخ التسجيل: 30-01-2005
مجموع المشاركات: 1479

للتواصل معنا

FaceBook
تويتر Twitter
YouTube


Re: ๑۩۞۩ ๑ كردفانيـــات - بــارا ๑۩۞۩$ (Re: معتز تروتسكى)

    اها يا اخوانا ..شيلوا الجلالة...لمن اجيكم بمهلة..والحاسدين يمتنعون
                   |Articles |News |مقالات |بيانات

26-03-2006, 12:43 PM

saif khalil
<asaif khalil
تاريخ التسجيل: 30-01-2005
مجموع المشاركات: 1479

للتواصل معنا

FaceBook
تويتر Twitter
YouTube


Re: ๑۩۞۩ ๑ كردفانيـــات - بــارا ๑۩۞۩$ (Re: saif khalil)

    ففففففففففففففففففففففففففففففففففففوووق
                   |Articles |News |مقالات |بيانات

14-04-2006, 08:27 AM

saif khalil
<asaif khalil
تاريخ التسجيل: 30-01-2005
مجموع المشاركات: 1479

للتواصل معنا

FaceBook
تويتر Twitter
YouTube


Re: ๑۩۞۩ ๑ كردفانيـــات - بــارا ๑۩۞۩$ (Re: saif khalil)

    العزيز تروتسكي

    الكرام القراء

    تحياتي

    نعاود مسلل البر بأمنا الرؤوم بارا..لنكتب عنها ..ما نستمتع بسرده وأجتراره فلذلك شجون لا

    نستطعمها الا نحن ..الذين نعمنا بذلك(الحضن) الدافئ..

    وسأبدأ مداخلتي بأقتباس مما كتبته أنت ..عزيزي معتز في صدر البوست..ومنه ننسج ثوبا يلبسه الجميع ان شاء الله

    Quote: *استوطن بها بها الامير محمود ود احمد وتزوج منها ولازالت سلالته ببارا حتى العهد الحديث (زهراء بت الامير محمود واحفادها)..


    لعلك تعلم أخي معتز ..أن أهل بارا..أصولهم من الشمالية..وأهل الشمالية بينهم وبين المهدية

    ومهديها ما فعل الحداد..فضلا عن ذلك..مولد سيدي الحسن وأنتسابه الي هذه المدينة..وكثرة

    المريدين للطريقة الختمية..علاوة علي الثقل المائز للطريقة التيجانية..التي انكر شيخها مهدية

    المهدي ودبج منظومته التي ..تنبأت بأحداث المهدية كلها..الي دخول الانجليز..

    هذا الواقع جعل اهل بارا ..ممن ينظر اليهم بأسترابة وغير ود من المتمهدين والجهادية علي وجه

    الخصوص..فقد ساموا أهل بارا العذاب..سلبوا مالهم وماشيتهم..خربوا زرعهم..وقتلوا أطفالهم..ومما

    يحكي لنا ..انهم كانوا يرمون صرة من(تمباك) في اي بيت..ثم يتسورنه علي من فيه..فيعلنون في

    دراما مأساوية ..وجود (التابة)..وهي بمثابة الأفيون في عرف أولئك..ويكون ذلك مبررا لمصادرة ما

    يملكه صاحب الدار من عيوش ،مواشي،اموال أو حلي..وان وقعت اعينهم علي جميلة..تزوجوها رغما عن

    أنف ذويها..

    كانت تحكي لي راويتي الباذخة ..جدتي رحمها الله..حوشة بت عتمان..قائلة ..يا ود امي ..انا كنت

    فتية ..وكتين الجهدية جونا هنا..تسمع حس الحصين قدربك قدربك قدربك..وحس الروري..وروروك جاكو

    بلا..يدخلوا علينا ويفتشو ما يخلو شيتن ما يشيلو..وانحنا الفتيات (بالتصغير)والبنيات نندس عشان

    ما يشوفونا ..واكان زولن قال بغم ساكت ..الحربة الا كان تابا..والبقبضو ويسوقو معاهم الله قال بي

    قولو..وحات الرقيق(تعني الشيخ اسماعيل الولي) يجيبو مجنون كلو كلو..


    أقاطع ليشنو يا حبوبة؟..

    يا ود بطني..وحات الشيخ اسماعيل..الراجل يودو يسوو لي ام كرنك كرنك..انط لي فوق وانتهز

    الفرصة لمعرفة ام كرنك كرنك التي طاما شنفت آذاني ورددها لساني من غير معرفة حاذقة

    لمعناها..كل ما أعرفه انها شئ مزعج..

    وتواصل حبوبة حوشة..ات يا الحبيب(بالتصغير أيضا) في المدرسة ..ما وروكم أم كرنك كرنك..

    لا يا حبوبة...

    تسرق لحظة الصمت لتصلي علي الرسول وتستغفر..أم كرنك كرنك دي ..عودين طوال بربطوهم في راس

    الراجل..ومحل العيدان مارقة داك..يدقو عليهن بالعصا..وهن يسون زن..لمن الواحد تجيهو وجواجة في

    راسو وزنة في اضنيهو(علما بأنني لا أعرف ما هي الوجواجة بالضبط)
    ..فلجداتي قواميسهن من

    المفردات المنجورة..

    ات ما وروك قصة حبوبتك بت بدوي..

    لا يا حبوبة

    اسود عليها بت بدوي ..ما عرسوها للتعيشي غصبانية كدي

    كيفن يا حبوبة؟..

    بت بدوي ما كانت مرتن سمحة بلحيل ..صفرة زي زمام الدهب ..ولينة زي توب الحرير ..وكتين ترقص

    الا بختو ليها الطشت..


    شنو يا حبوبة؟؟؟!!!..

    اية وحات تور وحدو..(تعني الشيخ اسماعيل)..يا يمة شعرا ما اسود وطوال وكت تنفدع يا يمة ما

    بتتقسم النص ..لمن الشعر يجر في الوطا الا يلحقوها بالطشت ..يباروها بي وهي بتدور..


    أمرأة بهذا الجمال..لا بد ان الجهادية قد رأوها في مداهماتهم التفتيشية ..أو سمعوا عن هذا

    الجمال الاسطوري..

    ومن ثم ..نما ذلك الي علم اميرهم محمود ود أحمد...فتقدم لخطبتها..(ولعب الفأر في عب

    ذويها)..انعقدت الشوري..ولنسمع حوشة بت عتمان تروي..

    يا ود امي..رجالنا ديل ما زي الميت ليهم ميت ..ولا مكتول ليهم كتيل..يقعدوا ويقوموا ما عرفو

    اليسوو..ناسايقولو فززو المرا..وان شاء انحن ديل ما يفضل فينا نفاخ النار..وناسا يقولو ما تدو

    واليبقي يبقي..وما خلو شيتا لي للزول..قالو تعيشي وناسا ..قالو هو زاتو ما تعيشي ..هو مكري

    تعايشة..واظنو الزول سمع بالكلامات البقولوهن ابواتنا دي..رسل ليهم ..قال ليهم كان اديتوني

    اديتوني وكان ما اديتوني برضي بعرسا ..اها خلاس وكتين ما عرفو يسو شي..في ناسن قالو ..الزول

    دا كان لاوينا بكتلنا وبسبي المرا ..وتبقي لينا فضيحتن لي جنا الجنا..وكتين هو جاي علي كتاب الله

    وسنة الرسول نعرسا لي..أها عرسوها لي ..لكن أماتا ديل ما دايرات يموتن


    هكذا حسبما تروي جدتي حوشة بت عتمان..تزوج الامير محمود ود أحمد ..لينجب فريدته زهراء بت

    الامير ..التي انجبت الرضية والدة الفنان محمود تاور..
                   |Articles |News |مقالات |بيانات

21-04-2006, 02:03 PM

saif khalil
<asaif khalil
تاريخ التسجيل: 30-01-2005
مجموع المشاركات: 1479

للتواصل معنا

FaceBook
تويتر Twitter
YouTube


Re: ๑۩۞۩ ๑ كردفانيـــات - بــارا ๑۩۞۩$ (Re: saif khalil)

    الاخ معتز
    تحياتي

    في هذه المداخلة أحاول الاضافة والتصحيح لبعض المعلومات التي وردت في هذا البوست..فأرجو ان تسمح لنا بذلك..ونبدأ بما يلي:-
    Quote: اهـــم شخصيات بــــــــــارا فى كل المجالات:-


    الهندسة
    عبدالله ابراهيم شداد
    لؤى عبدالحميد
    كمال محمد سيد
    الفاتح معروف


    فات عليك ذكر1- عميد الهندسة الدكتور محمد يعقوب شداد
    2-سيد احمد يسن
    3-احمد كوكو حاج النور
    4-محمد بكري محمد مدني
    5-محمد حاج الشريف
    6-عمر عثمان السيد
    7-عبد الرحيم ميرغني عبد الرحيم(جيولوجي)
    8-محمد سيد عبد الدائم
    9-احمد محمد سيد عبد الدائم..
    10-مني مبارك شداد
    وقد تزيد هذه القائمة حسب الذاكرة...
    لك مودتي

    (عدل بواسطة saif khalil on 21-04-2006, 02:06 PM)

                   |Articles |News |مقالات |بيانات

21-04-2006, 11:54 PM

معتز تروتسكى
<aمعتز تروتسكى
تاريخ التسجيل: 14-01-2004
مجموع المشاركات: 9829

للتواصل معنا

FaceBook
تويتر Twitter
YouTube


Re: ๑۩۞۩ ๑ كردفانيـــات - بــارا ๑۩۞۩$ (Re: saif khalil)

    خالص التحايا
    الاستاذ والعم سيف اقصد؛اخوي الكبير ابو السيوف. .
    معليش دى طرطشة شفع وكده . .
    يازول عدل زى ماداير تعدل عاد انا بقدر اقول شى بعد القلتو ده ولا بعرف اهلنا اكتر منك. .
    يديك العافية وبعدين ياخ منعم رسلته ليهو لمن قلبى انقطع عشان يجى يدفر معانا ما لامي فيهو..
    ولا بقيةالشباب ماعارفهم مشو وين ناس شمس الدين و الاخرون..
    انا ربما اخد لى غتسه تاني ..
    التحايا النواضر وسلام يغشاك..
    ولى قدام..
                   |Articles |News |مقالات |بيانات

22-04-2006, 11:09 AM

saif khalil
<asaif khalil
تاريخ التسجيل: 30-01-2005
مجموع المشاركات: 1479

للتواصل معنا

FaceBook
تويتر Twitter
YouTube


Re: ๑۩۞۩ ๑ كردفانيـــات - بــارا ๑۩۞۩$ (Re: معتز تروتسكى)

    الاخ معتز
    تحياتي
    بدا لي انك قد قرات الايميل الذي بعثته لك ليلة البارحة..والله انت ما هين..وكونك قد افترعت هذا البوست فقد تقدمت غلينا درجة..علي العموم مساهمتنا ..تأتي من باب (مناولة الطين)..وبعدين ما تخاف ..شمس الدين ومنعم وغيرهم ..حيجو..بس خليني اركز ..ونطق الكوراك..ناسا ما ناس فزعة ..هسة يجوك ..الواحد رابط عمتو في صلبو..وقبال ما يجو انا عندي اضافة الي ما كتبت تاليه
    Quote: القـــانون

    محمد عبد الرحمن
    احمد ابراهيم الطاهر
    حافظ الشيخ الزاكى
    اسحق القاسم شداد
    احمد خليل
    يوسف على العبيد
    فخر الدين حميده




    من القانونيين المخضرمين
    1-محمداحمد عبد الرحمن..بارا
    2-اسحق القاسم شداد..بارا
    3-مقبول مختار محمود..بارا
    4-ابراهيم عبد القادر (ود المؤذن)..بارا
    5-احمد خليل..بارا
    6-حافظ الشيخ الزاكي..المزروب(محافظة بارا)
    7-احمد ابراهيم الطاهر..المزروب(محافظة بارا)
    ومن القانونيين الذين اعتبرهم كجيل وسيط
    1- بشير عبد الله معروف..بارا
    2-يوسف علي العبيد..بارا

    ومن القانونيين الشباب..قل الاجيال الحديثة
    1-محمد الفاتح احمد خليل..بارا
    2-خليل احمد خليل..بارا
    3-يوسف كمال الدوري..بارا
    4-نضال عثمان السيد علي دبيبة..بارا
    5-عباس علي عبد الله الكجباوي..بارا
    6-اسماعيل السيد احمد عيسي..بارا
    7-فاطمة امين قريش..بارا
    8-وفاء مكي الاعيسر..بارا
    9-راشدة اسماعيل مكي الفكي..بارا
    10-بهاء الدين بكري عبد القادر..بارا
    11-المرحوم الدكتور احمد عبد الله عمران..بارا
    12-اماني كرار ابراهيم فرح..بارا
    13-فخر الدين حميدة سليمان..بارا
    14-دكتور الحاج(يحيي)الشاذلي الشيخ الريح..بارا
    51-محمود حاج علي..بارا
    *واهم زول نسينا وزير العدل..علي محمد عثمان يسن..بارا
    والقائمة تتسع للعديد ممن تجود بهم ذاكرتي او ذاكرة المتداخلين..

    (عدل بواسطة saif khalil on 22-04-2006, 11:18 AM)
    (عدل بواسطة saif khalil on 22-04-2006, 11:56 AM)

                   |Articles |News |مقالات |بيانات

22-04-2006, 11:51 AM

saif khalil
<asaif khalil
تاريخ التسجيل: 30-01-2005
مجموع المشاركات: 1479

للتواصل معنا

FaceBook
تويتر Twitter
YouTube


Re: ๑۩۞۩ ๑ كردفانيـــات - بــارا ๑۩۞۩$ (Re: saif khalil)

    الاخ معتز

    تحياتي

    اها جيتك في عبك..لقد كتبت
    Quote: القوات النظامية

    فريق/ عبدالماجد خليل حامد خليل (جيش)
    فريق/الطاهر محمد عثمان (جيش)
    فريق/ محمدبشير سليمان (جيش)
    اللواء /الطيب عبد الرحمن (شرطة)
    اللواء/ ماهل ابوجنة (شرطة)
    *حسن محمد عثمان
    *الطاهر اسحق شداد
    *ود مضوي
    *حمدت الله الطاهر



    تصحيح..حمدت الله احمد الطاهر..ليست له علاقة بالعسكرية..كما ان عبد الماجد حامد خليل من الرهد..وعلاقته ببارا هي وجود عمه عبد الماجد خليل فيها..كما ان الطاهر محمد عثمان وحسن محمد عثمان هما شخص واحد..ولك قائمة بعسكري بارا
    ونبدأ بالقدامي ..قوة دفاع السودان وما بعدها
    1-كابتن الطاهر عبد الرحمن..جيش
    2-كابتن احمد عبد الرحمن..جيش
    3- الحاج الشامي..جيش
    وفي الاجيال اللاحقة
    1-الفريق محمد بشير سليمان..جيش
    2-اللواء الطاهر(حسن)محمد عثمان..جيش
    3-الرائد عزام حسن ابو..جيش
    4-العقيد محمد حسن ابو..جيش
    5-العقيد الدرديري جعفر الدرديري..جيش
    6-عميد حاج الصوفي محمد احمد حسين..جيش
    7-المرحوم بدوي محمد احمد حسين..جيش
    8-مقدم منير الامين محمد نور..جيش
    9-المرحوم الطاهر حاج علي..جيش
    10-نابري..جيش
    11-نصر الدين محمد عبد الله عمران..جيش
    12-الرائد عثمان محمود..جيش
    13- ابو كندي..جيش
    15-كابتن الركابي..جيش
    16-عميد الطيب احمد حسين..جيش
    17- ابو القاسم محمد حاج الفكي..جيش
    18-عقيد حاج الفكي محمد حاج الفكي..جيش
    19-سنهوري الشاذلي الشيخ الريح..جيش
    وفي الشرطة
    1-عميد احمد صديق العوض
    2-اللواء الطيب عبد الرحمن مختار
    3-اللواء ماهل ابو جنة
    4-رائد فيصل ابراهيم حميدان
    5-عقيد محمد فرح سليمان
    6-طارق ميرغني حاج النور
    وفي السجون
    1- نزار عثمان السيد علي دبيبة.
    2-الريح الشاذلي الشيخ الريح.

    هذا ما جادت به الذاكرة وتظل القائمة مفتوحة
                   |Articles |News |مقالات |بيانات


[رد على الموضوع] صفحة 2 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de