|
Re: عنوان للمحبة. (Re: تولوس)
|
الإبنة الغالية والحبيبة تماضر ..
ما أجمل كلماتك عن الحب والحبيب ..
Quote: عنوان للمحبة.
أنا بلتقيك في كل حتة فيها لمحات السماح بلتقيك في الشمسة ضاحكة وقرقراب شاي الصباح بلتقيك في الكلمة مارقة تشفي بالطيبة الجراح انت موسوم فينا ريد انت عنوان للمحبة وللعصيفير الجناح يلفا جسمي معاك روحي ويلتحم ريدنا المباح انت سكّات للهموم لولاي جرح غلبو الصياح بهواك عدد هذي النجوم ماطلَّ نورا ضحاي وكت ألقاك ماف بهواك عدد أحرف غناي ماابحرت من دون عينيك لابتلقى من غيرن ضفاف بهواك قدر ماغطت السترة الكفاف بهواك عدد مااروت المطرة الجفاف بهواك عدد ماخطّ حرفك في احساسينا الرهاف أيا يوسف هواي بهواك عدد ليلات هواي ماشالتن جوعة هواك صبحن عجاف بهواك عدد مياه الابحر الهبشن شغاف قلبك ملن أيامي بالناس النضاف في السيرة واللونهم عفاف بهواك قدر ماطلّ نورك في سماي وشال غناك طرحة زفاف انت ذيّك فيني ماف اتفرعنن فوقي الهموم أياموساي عصاك فجّت بحور الغمة والهم النساك عدّن علي ريدك كتار واخترت انت هواي براي |
وأقوليك شنو عن الحب .. أنا زيك .. كوّاس .. كوّاس عن الحب زيك .. مشيت أكوسه .. تحت الشدر الكبار .. ما لقيته .. بين رقراق شمش الشدر الصغار .. ما لقيته .. قلت .. إمكن .. سافر خلانى .. جريت وراهو .. أفتش فيهو .. ما خليت فجة .. فى تكسى .. فى لورى .. فى قطر .. .. تحت رزاز مطر .. برضو ما لقيته .. يا اخوانا .. وين ألافيهو .. أتاريهو .. قاعد هناك .. متحكر .. فوق مظلة .. مكتوى بشمش الحراية .. ونحنا .. بيجاى .. نكوس فيهو فى الضل .. بين البشر .. تحت رزاز مطر .. تحت شدرة كتر .. ولا التانية اللى بتنكبر .. اى .. ما نحنا قايلين .. فاتنا العمر .. والنظر .. بقى طشاش .. من الكبر .. لكن القليب .. لساتو شباب .. ما بهمو العمر .. لساتو .. كوّاس .. أكان مع تبلدى تحت تبلدية .. ولا إن شاالله .. مع كعكول تحت شدرة هشاب .. ولا تحت هجليجة أم لالوب .. ناس نحنا .. ما بنقول الروب .. لاكين بس بنشربو .. أى بنقرطعو .. أكان براهو .. أكان مع فرصتو .. أها .. أكان مع عصيدة بملاحو .. الظاهر .. أنى جيعان .. خلينا كواسة الحب .. وبقينا ناس عواسة .. ومشينا للجيران .. ولخبتنا الكيمان .. اب قرش .. مع أب قرشين .. لاكين .. برضنا مفلسين .. .. الحمد لله .. الحب ما بنشتريهو .. يا هو .. بنكوسو .. وبنلاقيهو .. إن شاالله طول العمر .. برضو بنلاقيهو .. مع ناس جُمال زيكن.. أكان فوق مظلة .. ولا تحت مظلة .. أو فى أى مكان ..
وأخيراً .. نقول ليكم .. .. نقول الحمد لله .. كتر الله من أمثالكم .. لأنو .. الأيام دى .. الحب فيها .. قلّ .. وفلّ ..
وألف سلام ومحبة .. من عمك العجوز .. يا تماضر .. يا خنساء .. ومرة تانية .. وتالتة .. ألف سلام .. من عمك العجوز ارنست أرجانوس جبران
|
|
|
|
|
|
|
العنوان |
الكاتب |
Date |
عنوان للمحبة. | تماضر الخنساء حمزه | 05-12-12, 07:25 PM |
Re: عنوان للمحبة. | جورج بنيوتي | 05-12-12, 07:48 PM |
Re: عنوان للمحبة. | منال | 05-12-12, 09:15 PM |
Re: عنوان للمحبة. | تماضر الخنساء حمزه | 05-19-12, 03:00 PM |
Re: عنوان للمحبة. | تماضر الخنساء حمزه | 05-14-12, 08:52 PM |
Re: عنوان للمحبة. | محمد قسم الله محمد | 05-14-12, 09:51 PM |
Re: عنوان للمحبة. | قيقراوي | 05-15-12, 09:29 AM |
Re: عنوان للمحبة. | أبوعبيدة محمد الأمين | 05-15-12, 10:09 AM |
Re: عنوان للمحبة. | ismeil abbas | 05-15-12, 03:38 PM |
Re: عنوان للمحبة. | تماضر الخنساء حمزه | 05-27-12, 09:17 PM |
Re: عنوان للمحبة. | تماضر الخنساء حمزه | 05-27-12, 09:15 PM |
Re: عنوان للمحبة. | تماضر الخنساء حمزه | 05-19-12, 03:10 PM |
Re: عنوان للمحبة. | تماضر الخنساء حمزه | 05-19-12, 03:06 PM |
Re: عنوان للمحبة. | Adil Osman | 05-19-12, 06:24 PM |
Re: عنوان للمحبة. | baha eassa | 05-19-12, 06:40 PM |
Re: عنوان للمحبة. | محمد عبد الماجد الصايم | 05-20-12, 09:21 AM |
Re: عنوان للمحبة. | بله محمد الفاضل | 05-22-12, 08:14 AM |
Re: عنوان للمحبة. | تماضر الخنساء حمزه | 05-28-12, 09:59 AM |
Re: عنوان للمحبة. | تماضر الخنساء حمزه | 05-27-12, 09:30 PM |
Re: عنوان للمحبة. | تماضر الخنساء حمزه | 05-27-12, 09:27 PM |
Re: عنوان للمحبة. | فيصل المفتاح نور الهدي | 05-22-12, 08:33 AM |
Re: عنوان للمحبة. | طارق جبريل | 05-27-12, 09:32 PM |
Re: عنوان للمحبة. | ماجدة عوض خوجلى | 05-28-12, 11:11 AM |
Re: عنوان للمحبة. | تماضر الخنساء حمزه | 05-28-12, 04:55 PM |
Re: عنوان للمحبة. | تماضر الخنساء حمزه | 06-03-12, 08:33 AM |
Re: عنوان للمحبة. | تماضر الخنساء حمزه | 06-03-12, 07:46 PM |
Re: عنوان للمحبة. | تولوس | 06-03-12, 08:05 PM |
Re: عنوان للمحبة. | Sudany Agouz | 06-04-12, 11:43 AM |
Re: عنوان للمحبة. | Sudany Agouz | 06-04-12, 11:21 PM |
Re: عنوان للمحبة. | محمد سنى دفع الله | 06-05-12, 05:54 AM |
|
|
|