|
وبتذكرك
|
وبتذكرك انا زول مكرّب بي هموم هذا الفريق فارد رويحتي علي الخلق وكت الزهج يملاها ضيق شايل كليمتي كما النفس ال منّو مابيكمل شهيق ومخلايتي جد عبّت قصيد كلما تمد حلقك غنا جوّاها مابتصل الغريق وسعيتلي شاشاية فرح ضحّكت هذا الغريب بالصدفة ساي جنب ابتسامي ال مَرَّ جا فمابالك اذا مرّ قاصدني الصديق وانا صاحب الصاحب صديق تاكل حمامتي عليهو سر وناسج خيوت العنكبوت لو حَت اموت مابنكشف منّك غُتا في صدري بانيلو البيوت فارقد قفا واتكل همومك وماتخاف البينا ماواهن الخيوت البينا امتن من متين البينا لايمكن يفوت دون مايغشاهو الفرح أو حتى بالساهل يموت. __________________ وبتذكرك اذا طلّ الشهيق بسوق وِرِد واستغفرك وادخل مسامك بارتياح تفرد الحنية في ليلك جناح شهقة بتسد البراح وأقلع زفيرك في الصباح تصبح محلّق ومابراك زي نحن طايرين دون حراك انا بعبر حواسك بامتلاك شايلانا جنحات الملاك المابتشيلو معاي..سواك نعبر حدود الغيم بخور..حنّة..و..زغاريد وانعتاق وقدر ماادخل جواك يبقى ماليك اشتياق وقدر مانعبر سما ونجمة وسحابة واشتهاك فوقنا يتنزّل مطر في مواسم اكتفاك برضو ماحنقول كفاك. بدخل مساماتك مسا وفستان مطرّز أكسجين ورئتيك تفرش ليّ رواكيب الحنين ال شدّت ملايات من دميك والعلّقت في الحيط وشيك وقشّت الروح بي مشيك والكوّع رقد جوّاك مين طقطق ضلوعي بلاااااااااا حنين حيندهك جوّاي انين يتأوّهك برضك شهيق تدخل رئايَّ كما البريق بتضوّي ياخ جوّاي حريق كُريات دِمَاي تتلوّنك لون الرحيق انزف عسل واشهق سهاد وطعمي ال بَرَاي وكتين تكون قاعد بَرَّاي زي الرماد ويملاني ضيق وابقى كايسالك براح حِتّة في هذا الزمان ابقى كايسالك مكان لو حَتّى في صورة صديق.. والحق يقال أنا جد معاك وكيفن تصادق الاشتهاك وتبدّل القلب الهواك لكن بحاول أعيش بلاك..أو أكتم شهيقي الاكتوابك نار بتحرق في ...حشا....ك ما العقبى ليّ وآخر نفس خاش في جواك كان أنا الأصبحت بفعلك أناك!
|
|
|
|
|
|
|
العنوان |
الكاتب |
Date |
وبتذكرك | تماضر الخنساء حمزه | 01-30-12, 08:45 PM |
Re: وبتذكرك | دينا خالد | 01-31-12, 07:12 AM |
Re: وبتذكرك | ابو جهينة | 01-31-12, 07:33 AM |
Re: وبتذكرك | تماضر الخنساء حمزه | 02-04-12, 09:46 AM |
Re: وبتذكرك | تماضر الخنساء حمزه | 02-03-12, 07:08 PM |
Re: وبتذكرك | علي محمود علي | 02-03-12, 07:27 PM |
Re: وبتذكرك | baha eassa | 02-03-12, 07:35 PM |
Re: وبتذكرك | تماضر الخنساء حمزه | 02-05-12, 09:54 AM |
Re: وبتذكرك | baha eassa | 02-05-12, 11:29 AM |
Re: وبتذكرك | تماضر الخنساء حمزه | 02-05-12, 06:44 PM |
Re: وبتذكرك | تماضر الخنساء حمزه | 02-04-12, 09:31 PM |
Re: وبتذكرك | عاطف عمر | 02-04-12, 10:06 AM |
Re: وبتذكرك | تماضر الخنساء حمزه | 02-05-12, 03:30 PM |
Re: وبتذكرك | Adil Osman | 02-05-12, 09:51 PM |
Re: وبتذكرك | تماضر الخنساء حمزه | 02-06-12, 09:05 AM |
Re: وبتذكرك | Adil Osman | 02-05-12, 10:47 PM |
|
|
|