|
في السُّكات بسمع..غُناكــ
|
نص قديم\جديد
أنا في السُّكات بسمع غناك بسمع تراتيلك تَهِش جوّاي تباريح الغرام وخُطاك في قلبي بتمش ترسم على البعد الحرام تصاوير إقترابك ليّ تَحِل ألقاني عايشاك في المباحات الحلال ألقاني راسماك في البراحات الهناك ألقاني شايلاك في قليبي أظن رآك..
نبضو إرتعش.. أسرع ..وِقِف..
فاقد حِراك.
أنا في حِداك بالحيل سمح.. قلباً بيلبس فال جديدو وحريرتو لو تعرف..دماك
! الله عليك يازول رزين قدر ماتسد عويناتك غيوم قدر ماتشيل وتتعبّى بهموم نلقاك هنا دافق حنين نلقاك هناك موسم ربيع ريحة شذاك صوتك..نداك وإنتا في الآخر خلاس تعب الوصف إمكن ملاك؟؟ جاي وفي إيدو الخلاس إمكن رسول؟؟ من الخواطر والشعور كِملوا الرسل! تاهت معاك برضو الحروف.
ياسلام! علي حسّك براك.. هوَّ الصباحات كل الشموس هوَّ المساحات دفقت كؤوس سكت الكلام! مامن قلّتو.. لامِن معانيهو الشوية.. لكنّو شايف في الملام.. مكتوبة ضاعت روعتو لو جات تقيس الروعة فيك مكتوبة تاهت غنوتو لو جات تغني الشوق إليك وفي آخر سطر بعد الملام مكتوب عليّ ما ألتقيك! أصلي جوّاك مِن زمن.. داير.. أجيك..وأسند همومي علي كتوف العافية فيك.. أجدع حكاياتي الزمان ..عنّك ..عليك..
في بالي إنت ..متكوِّع عدييييل في بالي راسم أمنياتك زاهية بي فال العديل في بالي شوقك ..وإشتياقي.. في بالي..مشهد من حضورك فيهو حيران التلاقي.. في بالي..تايه في وجودك إنت لا تطراو صدودك لا تعيش من غير وصالنا المحبّة الفينا ..زادت.. ياخي عدَّت بي هناك فاتت حدودك!
الفكرة إنك ماتغيب الفكرة تنبت من لقاك خليني أتوسّد مجيك.
وأقعد كمان .. قيِّل علي مسارب الروح وبيت أسري جوّاة الوريد أدفق الشوق الوشيك خليني أرتاح بين تفاصيل الملامح في وشيك أصلي من حسيت مجيك.. إرتعش فيني الكلام والشهقة لامست الغمام وزفرة في صوت الكمان
أعلنت..موسم غرام.. كانت فواصل الأغنية رنّة وتر.. فيهو الصوابع ماسهت شالت حنينا..وإتّكت بسراع مشت بين النغيمات الدّغش وأنا حالي ..مابعرف أصِف حالي لسع مرتعش يلاك نمِش حدّ الغيوم..نمسك رذاذ اللهفة بي كف الغُنا ينزل حنينك ينهمر.. نرقص على لحن المطر.. أنا والقمر وإتنين من نجيمات السما تجي ياأنا ؟؟
بُني الشوق .. عليك...براك! علي مواعيدك تشيل مني الهموم تفرد عليّ ساعة مجيك أبقى مشتاق ليك كتير وكنت مشتاق ليك كتير احتار أقيف..شايف عيونك ماني عارف وين كلامي الكان بيتزيّن قبيل؟؟ وين حروفي الإشتهيت يوماً تقبِّل بس عليك؟؟ وين القصايد والأغاني وين الحنين الماغشاهو الليلة نيل؟؟ الكان بزيد ..إشتياق الروح إليك..
وتعال أنا أحكي ليك ..عن جيّتك.. وكت خلاس بيّنتا من آخر الطريق.. ورؤياك..عافية عليّ سرت والروح حريق
مابقول هبيت وقفت معايا ريد زغردت فيني الدواخل وأعلنت الليلة عيد
لكن أظن شالني من جوّايا ريدك وبيّ جرى في سكة المشرع هوى مال فؤادي بماحوى وأنا ذي بسابق سكتك خايف أصل.. أرسِل إيديَّ إليك تسالمك.. تحضن رهابك ..ماتصل وأكسر عوينات الأمل الكان بتبكي ..وتبتهل..
أديني منّك ..بس يقين.. لاتخليني أشكِّك ..وأحتمل.
شكيتك..ليك.
أصلو قالوا الشكوى من زولاً ضعيف .. لي زولاً بيقدر إجيب حقيقو وأنا حقي لو تعرف حِداك.. لاهو مال..ولاهو شيتاً لي زوالو بكون ..مآل.. حقي ريد.. ماساورني ظن.. أصلي متأكّد شايلو في قلبك معاك.
إتجازى برضو الشوق إليك.. أقول غيابك هو البزيدو.. وكتين تقرِّب..ألقاهو زايد برضو ليك أنا بي بساطة.. زولاً بعيش عِشقك براك.. زولاً بريد.
في الآخر بقول..
رتبت قولك في الخيال كيّفت حرفك ليّ مزاج قيّلت في ضل الوصال كان غيابكم ليّ ضيوف بس كان مجيكم إحتمال!
|
|
|
|
|
|
|
العنوان |
الكاتب |
Date |
في السُّكات بسمع..غُناكــ | تماضر الخنساء حمزه | 04-08-08, 11:15 AM |
Re: في السُّكات بسمع..غُناكــ | فيصل نوبي | 04-08-08, 11:35 AM |
Re: في السُّكات بسمع..غُناكــ | تماضر الخنساء حمزه | 04-08-08, 11:43 AM |
Re: في السُّكات بسمع..غُناكــ | ماجدة عوض خوجلى | 04-08-08, 11:49 AM |
Re: في السُّكات بسمع..غُناكــ | مجدي عبدالرحيم فضل | 04-08-08, 03:11 PM |
Re: في السُّكات بسمع..غُناكــ | تماضر الخنساء حمزه | 04-09-08, 06:27 AM |
Re: في السُّكات بسمع..غُناكــ | تماضر الخنساء حمزه | 04-08-08, 08:19 PM |
Re: في السُّكات بسمع..غُناكــ | Alsa7afa_30 | 04-08-08, 03:40 PM |
Re: في السُّكات بسمع..غُناكــ | تماضر الخنساء حمزه | 04-09-08, 12:27 PM |
Re: في السُّكات بسمع..غُناكــ | emad altaib | 04-08-08, 08:51 PM |
Re: في السُّكات بسمع..غُناكــ | تماضر الخنساء حمزه | 04-12-08, 08:12 AM |
Re: في السُّكات بسمع..غُناكــ | Mohamed Ahmaed Olyesh | 04-12-08, 08:42 AM |
Re: في السُّكات بسمع..غُناكــ | تماضر الخنساء حمزه | 04-12-08, 07:17 PM |
Re: في السُّكات بسمع..غُناكــ | د.محمد حسن | 04-09-08, 06:30 AM |
Re: في السُّكات بسمع..غُناكــ | ابوبكر يوسف إبراهيم | 04-12-08, 10:20 AM |
Re: في السُّكات بسمع..غُناكــ | تماضر الخنساء حمزه | 04-13-08, 11:00 AM |
Re: في السُّكات بسمع..غُناكــ | تماضر الخنساء حمزه | 04-12-08, 08:33 PM |
Re: في السُّكات بسمع..غُناكــ | د.محمد حسن | 04-18-08, 12:37 PM |
Re: في السُّكات بسمع..غُناكــ | ابوبكر يوسف إبراهيم | 04-13-08, 02:32 PM |
Re: في السُّكات بسمع..غُناكــ | محمَّد زين الشفيع أحمد | 04-12-08, 10:05 AM |
Re: في السُّكات بسمع..غُناكــ | خدر | 04-12-08, 12:42 PM |
Re: في السُّكات بسمع..غُناكــ | mohmed khalail | 04-12-08, 08:51 PM |
Re: في السُّكات بسمع..غُناكــ | تماضر الخنساء حمزه | 04-13-08, 11:06 AM |
Re: في السُّكات بسمع..غُناكــ | تماضر الخنساء حمزه | 04-13-08, 11:05 AM |
Re: في السُّكات بسمع..غُناكــ | تماضر الخنساء حمزه | 04-13-08, 11:02 AM |
Re: في السُّكات بسمع..غُناكــ | محمد البشرى الخضر | 04-12-08, 09:26 PM |
Re: في السُّكات بسمع..غُناكــ | تماضر الخنساء حمزه | 04-13-08, 11:08 AM |
Re: في السُّكات بسمع..غُناكــ | محمد البشرى الخضر | 04-13-08, 03:03 PM |
Re: في السُّكات بسمع..غُناكــ | تماضر الخنساء حمزه | 04-18-08, 10:11 AM |
Re: في السُّكات بسمع..غُناكــ | هاشم أحمد خلف الله | 04-13-08, 11:08 AM |
Re: في السُّكات بسمع..غُناكــ | لؤى | 04-18-08, 10:58 AM |
|
|
|