وبعدين معاكـ

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 13-11-2018, 01:05 AM الصفحة الرئيسية

مكتبة تماضر الخنساء حمزة (تماضر الخنساء حمزه)
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
01-11-2007, 06:13 PM

تماضر الخنساء حمزه
<aتماضر الخنساء حمزه
تاريخ التسجيل: 13-10-2006
مجموع المشاركات: 5215

للتواصل معنا

FaceBook
تويتر Twitter
YouTube


وبعدين معاكـ

    وبعدين معاك؟؟
    طوَّالي ظالم في الظروف
    متسبِّب إنَّك..إعترف.

    غلطان هواك الماقِدِر يتحدَّى ..حالاً..
    أستبعد إنو
    وماأظنو..
    المستحيل ..
    إنتا طبعك(مُنصرِف)
    غلطان قليبك ماعِرِف ..إني طبعاً
    وبعترف..
    _فيما مضى_
    بهواكــ جداً
    جداً
    و..
    بي شغف
    ماني ندمان
    لاني..أبداً ..منكسف
    أصلو التجارب..بتعلِّمك..
    وماعاوز أشوف منّك أسف
    ولاني طالب للسِتِر
    ..ومااااحليل..
    لو كان ذنوبي إخترتك إنتا..
    بعترف..
    إني عمداً..بقترف
    ولو كان جزاي(مكتول هواكـ)
    يسعدني جداً..
    أوصل حدود الغيم_ممات_وبي شرف
    ماهي بالغرويد بتبكي
    لارمشي برضك برتجف
    ديل عيوني بعد ماشفتك
    سكَّرني ريدك
    سكَّرني..جداً
    وااعي وهويتك .. قطرة..قطرة..وبرتشف
    حبي وااضح ..
    وبرضو..جداً.
    ماهو البعيبني
    أحمل إحساسي الجميل بيهو دايماً مُلتحِف
    واضح حقيقي ومنكشف
    بشتاقك شديد.._وبيني بينك_ لالا
    بيني والناس أجمعين_أسي مشتاقك شديد_حالي محتاجك شديد_أنابعترف
    ماغريبة ...
    جداً
    وبي ترف.
    عِرفتا ليه..إنِّي فرحان بعترف؟؟
    وكيفن نسجتا الشوق نجف علي خيوت الليل بشوف
    لمَّا تستوحش نجومو ..منو البسامرو
    أذكِّرك؟؟
    ...
    في النسيان طبعاً لأنّك..محترف

    منو
    الببقالو دون الناس ضيوف
    حزنو..بيخِف

    يازول أقيف
    وبعدين معاك؟؟
    انتا ياريحة الجروف
    ياأحلى من كل ..المواسم
    نديانة بي طعم الخريف
    أحلى طعمك..مختلف.
    يازول اقيف..أنا عندي ليك كمين كلام
    ورزمة من عتب الحروف

    اوعاك تقول إتعاكست برضو الخُطى
    ماعاكست دربك خطاي
    لاخطاوي الأزمنة
    والريد.. _عارفة إنّك مُعترض_لسَّه بنضح شوق عطور
    واشواقي فيك_يازول في هروبو شوف..حل مؤقت للحضور_عارفاها فيك متمكِّنة
    ماأدت الغير الإمارة
    شان ترجع والنبرة طبعاً (ياخسارة) "..أمير الشوق هوَّ الفرقنا"

    ياحِبي لو تسمح دقيقة
    أنا عاوز أملِّكك صِدقاً حقيقة
    الزمن الجميل لسَّاتو حاضر
    في أملنا
    ماخالي ياقلبي الأمان
    أبقى للناس المحنَّة

    إنتا راجي السكَّة تشعل ضو زمنَّا
    ومن إيدياتك تسوقك؟؟
    تاتيت..ولسَّه بتتاتي في ظروفك..
    مرَّة تلبس..خوف ..حروفك
    شان إنتا تجدَّع بس همومك
    ومنِّي تبعد ولسَّه لسَّه
    لسَّه بتقول :" فرقتنا "!!

    لو صحيح غلط في الريد بكون
    ببقى غلطان قلبي رادك وليك حنَّ
    وإنتا_قطعاً_ماكا غلطان البتحلم
    غلطان أكيد النوم ..سرقنا

    في المبتدا
    مادوَّخت أحاسيسك مشاعري
    لكن أظِن..
    لالا..وبأكِّد
    بالدوخة قلبك مبتلى
    وفي المنتهى
    أعرِف إني يوم حبيت عيونك
    شان فيها شفتا النيل جرى
    صااافية مويتو
    صافية شكلاً ومحتوى
    فيها برضو الريد بعيش
    ومنو بتنفس هوى
    وإني يوم خليت عيونك
    شفتا نيلي الكان بيجري
    بين عيونك..ويدي خيراتو المدى
    شفتو جفَّ
    جفَّ موجو..

    جفَّ ريدك
    مات أظنُّو وإنتهى.

    الغريبة ..إنَّك تفكِّر..
    ذيَّك..نسيت
    إحنا ماالإتنين..سوا!
    أيه عرَّفك..إني ظالم للهوى
    إنتا ياأسباب أذايا
    غريبة برضك..ليّ دوا
    أيه عرَّفك
    بالفي قليبي..ومانوى!

    (عدل بواسطة تماضر الخنساء حمزه on 01-11-2007, 06:17 PM)
    (عدل بواسطة تماضر الخنساء حمزه on 02-11-2007, 04:31 AM)

                   |Articles |News |مقالات |بيانات

العنوان الكاتب Date
وبعدين معاكـ تماضر الخنساء حمزه01-11-07, 06:13 PM
  Re: وبعدين معاكـ الطاهر ساتي01-11-07, 06:28 PM
    Re: وبعدين معاكـ تماضر الخنساء حمزه01-11-07, 08:00 PM
  Re: وبعدين معاكـ عاطف عمر01-11-07, 08:11 PM
    Re: وبعدين معاكـ سمية الحسن طلحة01-11-07, 08:32 PM
      Re: وبعدين معاكـ تماضر الخنساء حمزه02-11-07, 03:50 AM
    Re: وبعدين معاكـ تماضر الخنساء حمزه02-11-07, 03:42 AM
  Re: وبعدين معاكـ Alsa7afa_3001-11-07, 09:54 PM
    Re: وبعدين معاكـ تماضر الخنساء حمزه02-11-07, 03:51 AM
  Re: وبعدين معاكـ محمد عثمان02-11-07, 05:28 AM
    Re: وبعدين معاكـ تماضر الخنساء حمزه02-11-07, 04:50 PM
  Re: وبعدين معاكـ هند محمد02-11-07, 06:30 AM
    Re: وبعدين معاكـ تماضر الخنساء حمزه02-11-07, 07:49 PM
  Re: وبعدين معاكـ ودالعباسية02-11-07, 04:56 PM
    Re: وبعدين معاكـ تماضر الخنساء حمزه02-11-07, 07:50 PM
  Re: وبعدين معاكـ محمد عثمان02-11-07, 08:24 PM
    Re: وبعدين معاكـ تماضر الخنساء حمزه02-11-07, 08:29 PM
  Re: وبعدين معاكـ محمد عثمان02-11-07, 08:32 PM
    Re: وبعدين معاكـ تماضر الخنساء حمزه02-11-07, 08:39 PM
  Re: وبعدين معاكـ محمد عثمان02-11-07, 08:52 PM
    Re: وبعدين معاكـ تماضر الخنساء حمزه02-11-07, 08:59 PM
  Re: وبعدين معاكـ محمد عثمان02-11-07, 09:03 PM
    Re: وبعدين معاكـ تماضر الخنساء حمزه02-11-07, 09:14 PM
  Re: وبعدين معاكـ محمد عثمان02-11-07, 09:25 PM
    Re: وبعدين معاكـ تماضر الخنساء حمزه03-11-07, 01:53 PM
  Re: وبعدين معاكـ محمد عثمان03-11-07, 07:34 PM
    Re: وبعدين معاكـ تماضر الخنساء حمزه04-11-07, 03:37 PM
    Re: وبعدين معاكـ ابوبكر يوسف إبراهيم05-11-07, 10:11 AM
      Re: وبعدين معاكـ تماضر الخنساء حمزه05-11-07, 03:58 PM
  Re: وبعدين معاكـ الطاهر ساتي04-11-07, 04:18 PM
    Re: وبعدين معاكـ تماضر الخنساء حمزه04-11-07, 04:19 PM
      Re: وبعدين معاكـ الطاهر ساتي04-11-07, 04:22 PM
        Re: وبعدين معاكـ تماضر الخنساء حمزه04-11-07, 04:24 PM
          Re: وبعدين معاكـ الطاهر ساتي04-11-07, 04:27 PM
  Re: وبعدين معاكـ الطاهر ساتي04-11-07, 04:38 PM
    Re: وبعدين معاكـ تماضر الخنساء حمزه05-11-07, 03:54 PM
  Re: وبعدين معاكـ محمد عثمان04-11-07, 05:42 PM
    Re: وبعدين معاكـ تماضر الخنساء حمزه05-11-07, 03:57 PM
  Re: وبعدين معاكـ محمد عثمان05-11-07, 06:59 PM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de