|
|
 Re: بيت أبي: "موت الشاعرين العجوزين"!!.. (Re: فيصل عباس)
|
أستاذي..
تنحبسُ أنفاسك لمجرد التفكير في الكتابة عن البيت القديم (الوجد القديم) الذي يفجِّر فيك ذكريات مفعمة بحاجات كتيرة..
يخليك تستحضر وجوه من مروا به وسكنوا فيه سنوات طويلة، رحل منهم من رحل وتفرق من بقى منهم على قيد الحياة في الجهات الأربع..
البيت القديم حنون زي الأمهات.. لا يهمه أن عبرته زائر لثواني أو بقيت فيه لأيام، فهو لن يتواني عن استقبالك في جميع الأوقات، وتوديعك بحب على أمل العودة من جديد..
يطيب جراحك ويحضنك لما تتعثر بيك خطاك وتلقى روحك تايهة في زحمة الناس وماكينة الحداثة تطحنك بدون رحمة..
يلملمك ويهدهدك لغاية ما تخت راسك على كتفه وتنوم ناسي احزانك ووجعك، وحالما تستعيد عافيتك تغادره دون وداع.
أحيان كتيرة بشتهي أرجع هناك عشان أشوف (حبوبة الكبيرة) أم جدي، متوسدة وحشتها على مقعد من العهد التركي إن لم أكن مخطئة مقابلة للباب بعد سئمت من السكون المطبق عليها.. مرتدية ثوب الصبر وتفاوض في الأمل ليستمر بصحبتها ممنية نفسها بعودة من رحلوا..
في البيت القديم تلقى الفانوس الصغير جنب الباب المتاكى عشان ينور للداخلين.. وفي الزقاق البيدخلك على جوه تتلقاك (كديسة) مسكونة زي ما كانوا بيحكوا لينا عن (الكدايس) المسكونة، وقبل ما تنهرها تتذكر التحذيرات الكانوا بيقولوها ليك، أوعك تقرب ليها دي (روح _ زول) بالنهار بتجيك تلومك على ضربها..الحكاية دي في ذاكرتي لغاية حسه عشان كده بخاف من الكدايس وما بقرب ليها..
شجرة نخل عجوز كانت حاضرة وشاهدة على مرور 4 أجيال بضحكهم.. لعبهم وعبثهم الطفولي تحتها، تتوسط الحوش الكبير وتتلامس أغصانها في حب مغازلة أخرى طلت عليها من الحوش التاني (حوش الرجال).. نحتنا عليها في زمن الصبا أحرف من أحببنا ولا زالت موجودة إلى اليوم تشهد على سذاجتنا..
بيت يقع عند بداية العمر وناصيته، أحن لرائحته التي لا زالت تسكنني كلما سمعت صوت نورس بحري جاي من بعيد، وبتذكر معاه الونسة وحكايات ما بتخلص قدام (مجمرة) كبيرة أيام الشتاء عشان الدفا رغم أنو الناس دفيانة قلوبها..
يا عبد الغني كرم الله يديك العافية..
|
|
 
|
|
|
|
|
| العنوان |
الكاتب |
Date |
| بيت أبي: "موت الشاعرين العجوزين"!!.. | عبدالغني كرم الله | 03-14-10, 06:32 AM |
| Re: بيت أبي: "موت الشاعرين العجوزين"!!.. | عبدالغني كرم الله | 03-14-10, 06:43 AM |
| Re: بيت أبي: "موت الشاعرين العجوزين"!!.. | فيصل عباس | 03-14-10, 12:34 PM |
| Re: بيت أبي: "موت الشاعرين العجوزين"!!.. | Mohamed Abdelgaleel | 03-14-10, 03:14 PM |
| Re: بيت أبي: "موت الشاعرين العجوزين"!!.. | عبدالغني كرم الله | 03-15-10, 05:21 AM |
| Re: بيت أبي: "موت الشاعرين العجوزين"!!.. | مامون أحمد إبراهيم | 03-15-10, 07:38 AM |
| Re: بيت أبي: "موت الشاعرين العجوزين"!!.. | عبدالغني كرم الله | 03-15-10, 07:46 AM |
| Re: بيت أبي: "موت الشاعرين العجوزين"!!.. | فيصل عباس | 03-15-10, 10:43 AM |
| Re: بيت أبي: "موت الشاعرين العجوزين"!!.. | اميمة مصطفى سند | 03-15-10, 11:31 AM |
| Re: بيت أبي: "موت الشاعرين العجوزين"!!.. | عبدالغني كرم الله | 03-16-10, 05:45 AM |
| Re: بيت أبي: "موت الشاعرين العجوزين"!!.. | عبدالغني كرم الله | 03-16-10, 06:58 AM |
| Re: بيت أبي: "موت الشاعرين العجوزين"!!.. | عبدالغني كرم الله | 03-17-10, 08:07 AM |
| Re: بيت أبي: "موت الشاعرين العجوزين"!!.. | عمر عبد الله فضل المولى | 03-17-10, 09:23 AM |
| Re: بيت أبي: "موت الشاعرين العجوزين"!!.. | عبدالغني كرم الله | 03-21-10, 10:31 AM |
| Re: بيت أبي: "موت الشاعرين العجوزين"!!.. | Osman Musa | 03-21-10, 02:44 PM |
| Re: بيت أبي: "موت الشاعرين العجوزين"!!.. | Osman Musa | 03-24-10, 03:15 PM |
|
| |
فيس بوك
تويتر
انستقرام
يوتيوب
بنتيريست