|
|
 Re: صدق أو لا تصدق.. هذا ما حدث بالفعل..! (Re: حسن طه محمد)
|
كتب مولانا حسن طه:
Quote: صديقنا العزيز واستاذنا الجليل ود الخدر ظهر من وين الليلة؟
تحياتنا يا ود الخدر .. الرجل الزين |
يا ابو الحسن يا زين الرجال
شكرا على التحية البهية
عدم الظهور سببه المشغوليات وكمان سأم الكُبُر.
قول يامهون .
| |
 
|
|
|
|
|
|
|
|
Re: صدق أو لا تصدق.. هذا ما حدث بالفعل..! (Re: حسن طه محمد)
|
ود الخدر
| Quote: والله شنو يا شيقا؟؟!! |
والله انت بالحيل بتسويها
الاستاذ حسن طه
ود الخدر قال ليك السبب سأم كبر
يا زول كبر شنو؟ الراجل يتقدل ويتجدع في النادي زى عتود البرمة - كان قدل قدامك علا تترس ترسة فيشان تلحقو
قال سأم كبر قال
| |
|
|
|
|
|
|
|
|
Re: صدق أو لا تصدق.. هذا ما حدث بالفعل..! (Re: محمد أحمد الخضر)
|
الاخ الطيب
انا حاحكي ليك قصة اغرب
في يوم كنت راكبة مع صديقتي سيارتها وفي الاستوب قريب من الشرقي رن موبايلها ورفعته وهي واقفة في الاستوب - بس جاها بتاع مرور
ودار النقاش انتي بتتكلمي وده ممنوع - قالت ليه الاشارة حمراءوانا رديت - المهم قال ليها وقفي العربية
وقفنا العربية قال ليها نمشي القسم قلناجدا
بعد شوية مشى لعربيتو جاء قال ليها عاوز معلوماتك - اخد عنوان مكتبها ورقم تلفونها
وصديقتي كانت لئيمة جدا معاه هه بعد شوية قال ليها بالحرف الواحد ( ياخ خلاص جيبي حق البيبسي وقفتينا في الشمس الحارة دي )
ردت قالت ليه ما عندي ومشينا ونحن نضحك
بعد يومين ضرب موبايلها - قال ليها ما عرفتيني - قالت ليه لا
قال ليها انا بتاع المرور الوقفتك بالله عاوز لي موبايل ممكن تشتريه لي؟
تصورو!!!!!!
كانت عاوزة تمشي تشتكيه بس نحن قلنا ليها انسيه
ده سلوك شرطي بتاع مرور
| |
|
|
|
|
|
|
|
|
|
Re: صدق أو لا تصدق.. هذا ما حدث بالفعل..! (Re: أم سهى)
|
الاخت العزيزة أم سهى
سلام
آسف لتاخير الرد . كلما ابدأ اكتب ليك بلقى واحد واقف لي في راسي
Quote: في يوم كنت راكبة مع صديقتي سيارتها وفي الاستوب قريب من الشرقي رن موبايلها ورفعته وهي واقفة في الاستوب - بس جاها بتاع مرور
ودار النقاش انتي بتتكلمي وده ممنوع - قالت ليه الاشارة حمراءوانا رديت - المهم قال ليها وقفي العربية
وقفنا العربية قال ليها نمشي القسم قلناجدا
بعد شوية مشى لعربيتو جاء قال ليها عاوز معلوماتك - اخد عنوان مكتبها ورقم تلفونها
وصديقتي كانت لئيمة جدا معاه هه بعد شوية قال ليها بالحرف الواحد ( ياخ خلاص جيبي حق البيبسي وقفتينا في الشمس الحارة دي )
ردت قالت ليه ما عندي ومشينا ونحن نضحك
بعد يومين ضرب موبايلها - قال ليها ما عرفتيني - قالت ليه لا
قال ليها انا بتاع المرور الوقفتك بالله عاوز لي موبايل ممكن تشتريه لي؟
تصورو!!!!!!
كانت عاوزة تمشي تشتكيه بس نحن قلنا ليها انسيه
ده سلوك شرطي بتاع مرور |
حسبنا القول - يا ام سهى - اللهم لا نسألك رد القضاء وانما نسألك اللطف فيه
حكياتك ذكرتني قصة رواها لي اخ صديق كان يعمل وكيل النيابة الاعلى بالقضارف
قال لي ركبت سيارتي متحرك من القضارف لمدنى ولما وصلت مدخل كبري حنتوب استوقفني واحد بوليس صول وكنت لابس لبس عادي والعربية ملاكي
قال لي شغل اشارات العربية و شغلتها ولقى واحدة طافية طوالي الصول نادى شرطى اقل رتبة منه وقال ليهو جيب ورقة وقلم
اكتب ( واحدة لمبة طافية )
قال الصول عاين في العربية تاني وقال لي الزجاج دا مكسور بالجنبة وقلت ليهو وانا في طريقي صقعتو طيرة
رجع للعسكري قال ليهو اكتب ( زجاج مكسور)
قال سألني قال لي رخصتك وين ؟ قال قلت ليهو للاسف نسيتها في البيت
رجع للعسكري قال ليهو اكتب ( وكمان بدون رخصة)
صاحبي قال لي الصول قال لي انت شغال شنو؟
قال قلت ليهو موظف في الحكومة
الصول قال ليهو عندك بطاقة؟
صاحبي قال لي بالحيل عندي وطلعتها ليهو وعاين فيها وقلبها ورجع لزولو البكتب قال ليهو اكتب عندك ( الصول ........)
| |
|
|
|
|
|
|
|
|
 Re: صدق أو لا تصدق.. هذا ما حدث بالفعل..! (Re: الطيب شيقوق)
|
ولكن السيد الملازم رفض أيضاً وأصر على إقتياد السيارة والأسرة إلى القسم.. طيب سيادتك خذني إلى القسم وخذ الأسرة بسيارة الشرطة إلى المنزل.. ولكن السيد الملازم رفض وأصر على إقتياد السيارة والأسرة إلى القسم.. وفي القسم ببري حدث ما هو أعجب وأغرب.. فأثناء التحري أحضر أحدهم كرسي للزوجة كي تجلس عليه خارج القسم وتضع على حجرها طفليها في الشارع العام وفي جو بارد، ولكن تقدم منها شرطي بتوجيه من الملازم وطلب منها القيام من الكرسي لأن الجلوس أمام القسم ممنوع..!.
>
سعادة المستشار
صدق أو لا تصدّق
كان قلت ليك مشتاق ليك
أكون بخست ما اوفيت
وإن قلت الشوق بحر
شايفه قليل وما عافيت
ولو بقدر أجازيك أنا
كنت صبرت واستنيت
لأنه الشوق بحور
منسياني الدار
مشتاق ليك كتير
وأفضالك آآآزولي يا مدرار
ما نطلع من الموضوع قبل ايام؛ مررت بموقف ازددت حيرة فوق حيرتي
إذ كنت بجوار حافلة وصلت إلى تقاطع تمر فيه عربات؛ وبكل ادب وذوق توقف السائق؛
حتى يمرر العربات؛ وكان أحد المارين راجلاً أغاظه أن الحافلة أمامه تعترض طريقه
فشتم السائق ممتعضاً؛ وعندما تذمر السائق من شتائمه؛ أبرز الرجل الذي يرتدي
زيّاً مدنياًبطاقة الشرطة وأصر أن يذهب معه إلى المرور؛ زندية كدا وبس؛
كما اطلعت قبل أيام في صحيفة التيّار مقالاً آخر وتلك حكاية أخرى.
قلنا نسلم يا أمير
ولك كل الود ولكل النفر الكريم في البوست
| |
|
|
|
|
|
|
|
|
|
Re: صدق أو لا تصدق.. هذا ما حدث بالفعل..! (Re: عبدالفتاح أبوشيمة)
|
أخوي الطيب
الحسنة الجميلة في البوست دا إنوا أزال عني كل القطائع والفلايت ووجع الرقبة
عارف ليه
والله من أول سطر وأنا اقرأ فيه
وبعد ذلك لم اترك مداخلة واحدة لم أقراها
حاتقول لي الفلايت والقطايع ووجع الرقبة راح كيف
لأني كنت { أهز } في رأسي في كل ما قرأت
يشهد الله أنني لم اثبته لحظة واحدة
ولو دخل أحدهم خلسة لحسب أنني رفيق او هندي { صديق } !!!
مرات اضحك
ومرات اتعجب
ومرات أندهش
ومرات افتح فمي على طريقة طراش الملاريا
وهنا أنت لاتحتاج الى تفسير
فقد إكتشفت مؤخراً أن الخشم يكبر ويتمط في حالة طراش الملاريا اللعينةالتي لم تترك حتى توت عنخ آمون
وينفتح الخشم عن بكرة أبيه !!! حلوة وظريفة بكرة ابيه دي
طبعاً انفقعت من الضحك لمن المرة المسكينة جابوا ليها الكرسي
فجأة يجي واحد ويقول ليها ممنوع الجلوس أمام القسم
ظريفة دي 00 تؤمنون ببعض الكتاب وتكفرون ببعضه !!!!
الصول بتاع حنتوب ظريف ياخي
لكن الدكتور بالغ
كان يعمل ليهم عملية الأطرش
قالوا الأطرش كان زعلان شديد من واحد بيسمع لأنو الأخير بيضحك على الأطرش وبحاكيهو طوالي
اها صاحبنا الأطرش كان دافن الموضوع وزعلان وواقف قربة
المهم يوم { لمّ } فيهو في خرابة مهجورة
وقام الأطرش دق ليك صاحبنا وجلدو جلدة بطالة
لكن بعد شوية الأطرش اتلفت لقى الخرابة مليانة بالناس
قام قال لي صاحبنا انت كوركت وللا شنو !!!!
كان يعمل فيهم عملية الأطرش
ما قلت ليكم
الأطرش بعد ماشاف الناس اتلمت دق الزول مرة تانية !!!
قبل فترة وقفني واحد قريب من الكاملين
قلت ليهو والله اوراقي كلها سليمة
وقلت ليهو ياخي مالكم التفتيش الليلة عندكم كتير
من الخرطوم لحد هما أكثر من ست نقاط تفتيش
طبعاً صاحبك عاوز يسخر وماعارف انو أمام السخرية ذاتا
قام قال لي ماعارف نحن بنفتش ليه
قلت ليه ماعارف
قال لي عندنا اتنين رايحين وبنفتش ليهم
قلت ليهو ان شاء الله لقيتوهم
قال لي لسه لكن لازم نوريك ليهم
قلت ليهو ما بيهمني كتير
قال لي لازم وطبعاً مسك الورق معاهو
قلت ليهو اها خلصنا
قام قال لي هم خليل ابراهيم وعبد الواحد نور !!!!
قلت ليهو والله العظيم نحن النسوان في حلتنا قاعدات يقبضن الحرامية نص الليل
خلي ابراهيم وخليل المساكين ديل
قام رمى الورق وهو زعلان
قال عبد الواحد نور قال
والله كثير من ضباط وعساكر المرور يحتاجون الى تووعية
توعية في القانون
توعية في طريقة التعامل مع الآخر
توعية في علم النفس عشان مركب العظمة دا تخف جرعاتو شوية
اللبس الأبيض وحده لايمكن ان يحل أي مشكلة
وكذلك الدبابير !!!
| |
|
|
|
|
|
|
|
|
|
Re: صدق أو لا تصدق.. هذا ما حدث بالفعل..! (Re: عماد الشبلي)
|
يا سلالالالالالالالالالالالالالالام الصديق / ابو شكيييييييييييمة
Quote: سعادة المستشار
صدق أو لا تصدّق
كان قلت ليك مشتاق ليك
أكون بخست ما اوفيت
وإن قلت الشوق بحر
شايفه قليل وما عافيت
ولو بقدر أجازيك أنا
كنت صبرت واستنيت
لأنه الشوق بحور
منسياني الدار
مشتاق ليك كتير
وأفضالك آآآزولي يا مدرار |
يا اخي والله اكاد لا اصدق وينك ووين راضيك والله افتقدك وافتقدك كل الاخوة البورداب
وحياتك ورينا الحاصل ليك شنو ؟ اوع يكون في حدمسنوح علط عليك؟
الف مرحب بعودتك وبكلماتك الجميييييييييييييييييلة ولكم انا سعيد جدا جدا بطلتك
| |
|
|
|
|
|
|
|
|
|
Re: صدق أو لا تصدق.. هذا ما حدث بالفعل..! (Re: الطيب شيقوق)
|
Quote:
الاستاذ العريس عبد العزيز عيسى
سلالالالالالالالالالالالالالالالالالالالالالالالالام وحمد الله بالعودة الى حظيرة سودانيز التي اشرقت شمسها بطلتكم
|
سعادة المستشار
سلام
لم أكن أصدق أن يبعدني اي ظرف عن سودانيزاونلاين لحين العرس..
وربنا يقدرنا للعودة الكاملة لهذا البيت الكبير..
لقد ذكرت "إلا ما رحم ربي" حتى لا نأخذ الكل بجريرة الغالبية التعيسة..
ورغم كل ذلك.. لك أن تفرح أن الشرطة السودانية أفضل بكثير من الملاوية..
| |
|
|
|
|
|
|
| |
محمد أحمد الخضر
الطيب شيقوق
أم سهى
عبدالفتاح أبوشيمة
ابوحراز
عماد الشبلي
Abdlaziz Eisa
فيس بوك
تويتر
انستقرام
يوتيوب
بنتيريست