|
|
 Re: حديس التلاتاء (000) (Re: عبد الرحيم سعيد بابكر)
|
في تلال الرمال..والتي تتعارض شمال جنوب..واتفقت على إحداث وادي واسع بينها كملاعب برشلونة..وبعد مغيب الشمش..تنعقد جلسات ونسة عيال الحلة..الكبار منهم "قلعوا" العراقي..طلبا للبرودة..من مكيف الطبيعة الابدي.." فينا طيبة القرية..وما في كان اسرار"..واحدين "متشنقلين"..وخالفين الساق على ركبة الكراع اليسرى..ويتابعون دروسهم في سبورة السماء..والمنجمون لم يتأكدوا من "طلوع" التريا بعد..مما يعني استمرار الغيظ الهالك لايام..
يتوقف بوكس موديل السنة..يتضاير الجماعة..وقوفا..ويلبس القالعين..وينتبه الدارسون..ويتجهون نحوها..تفضلوا..تفضلوا يا جماعة..لا والله..نحن عايزين..شلوبة بس..يركب احدهم ليدلهم على مكانه..والذي كان منهمكا في "مهنته" كراعي محترف مع بقيراته..وعجيلاته..وغنيماته..في الطرف الآخر من الحلة..مستلهما روح "اسلامه"..تفضلوا يا الضيوف..عندما تبين لشلوبة انهم ضيوف فوق العادة هدر..
- ها ناس لا..لا.. انزلوا اشربوا لبن اول حاجة..
- والله مستعجلين..خالس..
- بتمشوا..بتمشوا..ما بناخركم..
- عارف يا شلوبة الشيخ ابونا قال نجي عندك..ودايرين لينا "تور" كبير..
- طيب لكييين..لكن بتشيلوا كيف..
- (قالوا آمرين) نادي الجماعة ديل..
وتم شحن "تور" بوزن ضربة المفاجأة لشلوبة..أو كشوال بصل من بارا..هدية "قلع" منه للشيخ وعياله..واستدار البوكس..متوجها الى المدينة..واستدار شلوبة ينظر الى الفراغ الذي خلفه التور "المقلوع" في المراح..تحسر قليلا ثم قهر نفسه خوفا..يلهيها.. بأمل ان بركة الشيخ لا محالة "تعوضه" شيئا..
- أكبر مغفل تاريك ات يا شلوبة..
- كيف..!!
- البوكس دا بكم..عشان ات تهدي تور..الشيوخ ديل ات ما عارفهم هم وعيالهم بسوا في شنو..
- لا ما عارف..
- خلاص اقعد كدة..لمن ديكك يصيح..والشمش تجيك من غرب..
|
|
 
|
|
|
|
فيس بوك
تويتر
انستقرام
يوتيوب
بنتيريست