Quote: انها الكتابة وممارسة الصهيل الذاتي في رحلة ما بين الانسان وتجاربه وافكاره ثم تاتي الوسائط الاخري لكي تخرجه دراما مكتوبة تتيح للاخرين التجوال ما بين حروفها..
Quote: الصهيل والكتابة هي مثل الماء للانسان الذي تملك ادواتها....وارقي مراحلها التصاقا بالوعي الانساني هي ان يشاركه فيها الاخريين لذا نجد الشعر الجزل قد رحل وعبر التاريخ من مدارات زمنية بعيدة راحلا الي زمننا هذا وستطول رحلته طالما هنالك عقل انساني وجدان انساني منتج له... شعر حدثنا عن الحبيبة وسير العشق عن الحروب وسيرة الخوف والشجاعة حدثنا عن الترحال والمنافي حدثنا عن الشعوب واحلامها والافراد واحلامها... انها الكتابة...
لاحقا نتمني ان نناقش هل لديها سقف اخلاقي او فريم يقصق اجنحتها عن تطلع من الشان الخاص الي العام
المصدر مكتبة الأخ عبد الكريم الصهيل ؟؟؟؟؟؟؟ الصهيل دا زمان قالوا لينا هو صوت الخيل
Quote: الصهيل ؟؟؟؟؟؟؟ الصهيل دا زمان قالوا لينا هو صوت الخيل
هلا يا سياق .. وايوه الصهيل هو صوت الخيل.. ولكن في ورشتنا الاركونقدية اتحنا مساحات لتسميات تعبر عن دواخل النفس البشرية.. فلذا استعرنا من الخيل صوتها وقلنا الصهيل للمفردة البتجي بنقاء وحروفها بتكون مشحونة بدلالة جمالية.. واما المفردة التي تاتي في فضاء مشحون بنوازع النفس البشرية عندما تنهزم فقد اسميناها في تلك الورشة بالانبعاج .. هنالك تيار يصف هذه الجزئية بالتهتك ولكني لدواعي اركوزوقية لا اتفق مع هذا التيار.. ولكن اتفق مع هذا التيار في الملامح السريرية والاسفيرية لتلك الحالة.. .......
في نفس البوست وعلي مسافة اسفيرية ليس ببعيدة من مفردة الصهيل يا محمد ستجد ايضا هذه النفلة..
Quote: والشجن وتاملات النفس البشرية في جمال الحياة واحيانا في كل اشيائه الاخري قطار يا ود المشرف ينطلق حاملا في داخله كل الحالات اللامتنهاية من مكونات النفس البشرية التي تغذي الروح.. ففي اشياء كالمارد عندما يخرج من الجب ويرسل الي الاوراق...يصعب كبح جماحه وعالي التمرد
ودي كلها من مخرجات الورشة الاركونقدية
03-01-2010, 09:11 AM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
في مفردة يا ابو خليل عند الهوسا اسمها (قدوووووو) ومعناها شتات خالي محطات,, فاسمح لي ارخي (0كركبة) بتاعتك ديك شوية واعمل لقدووووو دي فسحة اسفيرية جمعة جمعتين كده.. ويقال في امرها.. ساتا قدووووووووو
03-01-2010, 12:11 PM
khaleel khaleel
تاريخ التسجيل: 02-16-2002
مجموع المشاركات: 30134
شوفت يا عبد الكريم أنا زول مسكين كيف ؟ بكري يحذف لي بوستاتي وإنت تتهمني بحذف البوستات مع علمك بضعفي في تقنية المعلومات يا جماعة أنا زول مسكين ساي الغنماية تاكل عشاي
03-01-2010, 05:04 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: وإنت تتهمني بحذف البوستات مع علمك بضعفي في تقنية المعلومات
وبعدين حكاية علمي بضعفك في تقنية المعلومات دي جبتها من وين..؟؟ امتحنتك انا..؟؟ ولا عملت ليك اختبار عشان اعرف مستواك ضعيف ولا غيره.. كل البعرفو عنك انك مهندس نظم..!!
03-01-2010, 05:15 PM
Mohamed E. Seliaman Mohamed E. Seliaman
تاريخ التسجيل: 08-15-2005
مجموع المشاركات: 17863
سلام يا خليل و كريم و الحبشي و كل المشاركين البوست ده شفتو زي الساعه واحده صباحا ، من الضحك ما قدرت أنوم !! يا كريم إنت بتتعامل مع الحبشي ده بسوء نيه مووووبالغه و الغريب إنو الحبشي بجي يثبت صحة كلامك . محمد الحسن ده : قد يكون من أكثر علما (علما دي شامله كل حاجه ) في هذا المكان ، لكن زول عندو المقدره علي إثارة الكركبات الإسفيريه قدر الحبشي ده : من ما الله خلقني ما شفته !
03-01-2010, 06:32 PM
Mohamed E. Seliaman Mohamed E. Seliaman
تاريخ التسجيل: 08-15-2005
مجموع المشاركات: 17863
Quote: يا أمين أنا زول مسكين ساي بس الناس ديل متلقين حجج
يا محمد ، شكلو في حاجات قديييمه قبل ما أجي أنا هنا ده ، ما عندي بيها علم ، أنا بتكلم عن بعد ما أنا جيت و بقيت متابع . (اولن) إنت ما زول مسكين ساي . (سانين) الناس ديل متلقين حجج صاح ، لكن إنت سبب القصه دي : ما ممكن ياخي بوست بتاع هظار زي ده تمشي تجيب كوتات لكريم قبل مية سنه عشان كتب فيها كلام كبار و بيشبه كلام فوراول الهو بينتقدو ده ! السؤال هل مجمل كلام كريم هنا كلام كبار زي الجبتو ده ؟ هل ما ممكن يكون الزول المصنف جادي جدا مثلا ما عندو عدد من المداخلات فيها هظار ؟ أو العكس ؟! جيبتك للكوتات دي يا محمد يا أخوي ما ممكن تكون بحسن نيه أبدا ! عموما يا شيخنا أنت تمتلك كل المقومات البتخليك زول عميق و حلو : ما عارف ليه بتصر إنك تثبت عكس كده ليه ؟!!
03-01-2010, 06:54 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
ثمة ما لا يقال هنا .. وغبار الصهيل أيقظ البنفسج فجرا والضوء تمام بدره الا قليلا .. تضاحكنى الحبيبه.. لاسقط - سهوا - فى الغياب كان ( كيكى ) يمارس كل تلك الحروف شبقا الى انثى النوارس والصهيل كان معى فى الغياب يؤكد إنتماءا سحيقا للبحر والمسأله .. للرمل اغنية الموات الاخير للعابرين دمى نحو المقصله .. غباش الاجابات الليئمه وليل الخمر .. ضجيج الاسئله وطوبي للخليل..
03-01-2010, 07:26 PM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20360
إنبهم الطريق نحوهم الا قليل الشوارع .. هذا نشيدى اليها والصلاة .. يتكئ الصوت على قارعة القلب وينمحى وجودا مهتك البكاره , تبا لهذا الانبهام العمد , تبا لهذا الانهطاق
* التعديل .. كان إنبثاقا آخر ليس الا .. أو كيف ما اتفق
فتحت الرابط دا http://www.alrs9.com/vb/showthread.php?p=69190 لقيت توقيع بنوتة كيوت في آخر البوست حاولت أنقله ليكم قالوا لي لازم تشارك مرتين . _________________ المهم دي الجملة الوحيدة اللقيت فيها "كوهة":
Quote: وأخفت "الخيانه" نفسها في كوهة زباله و ذلف "الولع" بين الغيوم ومضى "الشوق" إلى باطن الأرض و "ألكذب" قال بصوت عال : سأخفي نفسي تحت الحجارة . ...
03-02-2010, 06:03 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: تجيب كوتات لكريم قبل مية سنه عشان كتب فيها كلام كبار و بيشبه كلام فوراول الهو بينتقدو ده !
بالضبط كدا يا أمين ! عبد الكريم جاء يشارك صاحبه خليل في التهكم من المثقفاتية وكلامهم الدراب دراب. قمت جبت نموذج لكلام دراب دراب بتاع مثقفاتية كتبه عبد الكريم بنفسه -و الكلام من الربع الحي بالمناسبة ما قبل مية سنة- خليل لقى نفسه أمام مواجهة مع دراب صاحبه وتعامل مع الموضوع بنظرية صاحبي وصاحبك وسكر الليل أخير من سكر النهار
03-02-2010, 06:39 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
يا حبشي عمليتكـ بتاعت أمس دي مزعلاني عديل! شنو بتهدد فيني .. عاوز تفلقني بمداخلتين تلاتة يعني ولا شنو؟ ياخ دا بورد وكل واحد ما عندو فيهو غير الكيبورد غير الكيبورد ما عندكـ التكتح هنا!
03-02-2010, 06:44 AM
Mohamed E. Seliaman Mohamed E. Seliaman
تاريخ التسجيل: 08-15-2005
مجموع المشاركات: 17863
محجوب عبيد ..... له الرحمة والمغفرة في سنواته الاخيرة تعاقدت معه جامعة الملك سعود بالرياض لتدريس مادة الفيزياء فتقدم الطلاب بشكوى لمدير الجامعة بانهم لايفهموا شئيا من الاستاذ محجوب عبيد فاجتمع معهم مدير الجامعة وقال ليهم : نحن اصلا محجوب عبيد ما جبناهو عشان تفهموا منو حاجة ..... جبناهو عشان سمعة الجامعة
03-02-2010, 06:42 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: بالضبط كدا يا أمين ! عبد الكريم جاء يشارك صاحبه خليل في التهكم من المثقفاتية وكلامهم الدراب دراب. قمت جبت نموذج لكلام دراب دراب بتاع مثقفاتية كتبه عبد الكريم بنفسه -و الكلام من الربع الحي بالمناسبة ما قبل مية سنة- خليل لقى نفسه أمام مواجهة مع دراب صاحبه وتعامل مع الموضوع بنظرية صاحبي وصاحبك وسكر الليل أخير من سكر النهار
يا حبشي ما تشيل نص كلامي و تخلي باقيهو !! كريم كتب كلام كبار في مداخله إنت جبتها : هل ده بيعني إنوي مشاراكاتو هنا ؟ مافي زول في منبر أب صلعه ده بيكتب باسلوب سهل و دارجي زي هذا العبدالكريم !! كونك جبت ليك كوت كوتين ليهو فيهم كلام كبار لا يعني إنو مجمل مشاركاتو كده ، كلها ما ممكن تتم 1% من كتاباتو الكتيره جدا جدا هنا !! ناس فوراول العكس تماما : ممكن يكتبو كلام دارجي عادي في مداخله مداخلتين ، لكن باقيهم كلو كلام كبار ! و ده سبب النقد !
ياخي ده الكلام الكنت بقول ليك فيهو : مرات يا الحبشي بتديني الإحساس إنك جاي زول مكاجره و دواس بلا سبب !
03-02-2010, 06:46 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: يا حبشي عمليتكـ بتاعت أمس دي مزعلاني عديل! شنو بتهدد فيني .. عاوز تفلقني بمداخلتين تلاتة يعني ولا شنو؟ ياخ دا بورد وكل واحد ما عندو فيهو غير الكيبورد غير الكيبورد ما عندكـ التكتح هنا!
هسي يا حبشي ، بعد كم شهر أجي أشيل مداخلة ود الصايم دي و اكوتها و أجي أقول (شوف محمد الصايم ده زول بتاع مشاكل كيف ؟) هل يستقيم هذا الكلام ؟!!!
03-02-2010, 06:50 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
يا أمين تحياتي لا أحبذ في الحوار طريقة إنك تفترض لي رأي أو موقف من عندك وتقوم تجي ترد عليه
Quote: مافي زول في منبر أب صلعه ده بيكتب باسلوب سهل و دارجي زي هذا العبدالكريم !! كونك جبت ليك كوت كوتين ليهو فيهم كلام كبار لا يعني إنو مجمل مشاركاتو كده
تعرف يا حبشي ممكن نخش في نقاش حول الموضوع ده يبقي بوست عديل ، لكن مافي داعي ليهو لانو ما حا نستفيد أي حاجه بغض النظر عن منو صاح و منو غلط ! الموضوع ده ندفنو هنا و نستمتع بباقي البوست . أرجو إنو كريم ما يفتح السيره دي و يواصلو لينا هو و خليل في فن الاركلوجيا !!
03-02-2010, 08:47 AM
Hussein Mallasi Hussein Mallasi
تاريخ التسجيل: 09-28-2003
مجموع المشاركات: 26230
بمشي وبتاتي .....من المحطة لفريق القطاطي.. الاغنية الفوووق دي هي اول اغنية تمتم علي الاطلاق في السودان.. وفي هذه اللحظة والابصلمونج الاسفيري يغادر المرافي ليعلن عن عهود التمتم من العدل تحية الرائدات ام زوايد وام بشائر
03-02-2010, 10:40 AM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
والنقاش مع ابو الشباب ده ممكن يطلع المناقش في ام صفقا عراض.. وانت نص عمرك ضاع لانك ما حضرت بوست شهير في هذا المنبر تم تفكيك استايله الاسفيري ده صامولة صامولة..من حيث الاستايل والكمين والدافع وميكانيزم الكوت الاسفيري عنده اي سليمان.. وايضا هنالك بوست اخر قد يكون ساهم في ضياع نص عمرك الاسفيري.. بوست ليهو ضل واين لذينة وهو البوست الذي غادر بعده اي سليمان ملاعب هذا المنبر ...وكان ساعتها موشحا بروح الاعتذار للجميع وروح المطالبة من الجميع ان يسامحوه... ففعلنا... هنالك سؤال يلوح في الافق الان لماذا عاد هذا الرجل وهو موشحا بسيرة انبعاجه السابق.. هل 1- الانتقام 2- ام ابنعاجه الذي اجبر علي الاعتذار منه (هو مجمل خطابه الاسفيري ولايستطيع العيش والعمل الاسفيري الا في ظله...!! وان كان الامر هو رغبة الانتقام ... فليطل سؤال اساسي (كيق تعمل الية الانتقام عند الانسان بعدما قال بعضمة لسانه سامحوني)... ما يجري من هذا الرجل هو وليمة دسمة لمعرفة اسرار النفس البشرية وتفتح بالمناسبة (كوهة دراسة وتحليل وبحث) لعلماء النفس في كل ارجاء العالم ..تفتح لهم مساحات خضراء لدراسة (السايكو اسفير عند البني ادم عموما)... فالنموذج يعج بالكثير والمثير من منحيات النفس البشرية وتعرجاتها وحركتها ما بين (اعتذار- تحدي- رقد قش- نفش ريش_ ثم ضحك __ثم عصلجة ثم من..) تحياتي يا زول .. وتمتع مع وجبة هذا البوست الذي سيسافر الي مرافي بعيدة في اركلوجيا التمتم والابو صلمونج الاسفيري
03-02-2010, 12:51 PM
Mohamed E. Seliaman Mohamed E. Seliaman
تاريخ التسجيل: 08-15-2005
مجموع المشاركات: 17863
وبدلوكتين تحولت لاحقا الي سبع دلاليك نقلت تومات كوستي الغناء الي مرحلة التمتم.. وبمشي وبتاتي من المحطة لفريق القطاطي كانت نقلة حقيقية في الغناء السوداني الذي صار الي ما صار اليه الان... في فنانة كده يا ابو خليل اسمها (ام كم) 1907 دي يعتقد بانها اول من بداء الغناء بتاعة الدلوكة دي ولكن لم تجد الرواج الذي كما في حالة تومات كوستي...
وشكرا علي الكسرة الاسفيرية...!!
تندهش النوارس علي ضفاف البحار وتراتيل الجوعي هي النشيد تدوزن رمال البحر... وزبد البحر ولا نشيد الا وصفدته اغلال النفس
03-02-2010, 04:43 PM
khaleel khaleel
تاريخ التسجيل: 02-16-2002
مجموع المشاركات: 30134
ابندرق لو كان عندو باصوريد هنا .. كان قاليك شنو..؟؟ رحيق... رحيق ده في الطاحونة ياااخ.. .............. طبعا تتذكر حكايته الشهيرة في القعدة التي انشد احد افرادها عشة كلمينا ميري زكرينا..
وقبل ما يتم القصيدة درق مسك ليك في ميري ده قوووي...
وشبك الزول ميري...؟؟ ميري..؟؟؟ ميري دي ست عرقي يااااااخ..
ولحدي ما القعدة انتهت والقصيدة دي الناس نسوها درق كان لسسسسسع معلق في حكاية ميري ست العرقي دي وكل خمسة دقائق يشبك ليك المثقفاتية ميري..؟؟ ميري..؟؟ ميري دي سسسست عرقي يااااااااخ
03-02-2010, 04:59 PM
khaleel khaleel
تاريخ التسجيل: 02-16-2002
مجموع المشاركات: 30134
Quote: خليل وكيكي .. تعرفو انتو بترفدو القاموس الاسفيري بمصطلحات اسفيرية ذات دوزنة عالية التركيز .. وفائقة العمق ... شكلكم قريتو كتاب ( المتاوقة عبر الرقراق ) أو كتاب ( اندياح شاهق النبض ) ......... تقبلو غشوتي
هلا يا منتصر.. ويعلم الله مداخلتك دي ركبت ليها رقشة اسفيرية عشان اطلعها من جخانين البوست... وطبعا زي ما انت شايف البوست حصلت فيهو (كيرفات) وكان فيهو كورة لب لب كده.. وكتاب اندياح شاهق النبض ده انا ما قريتو ولكن نضمي ابو خليل الشايفو ده بكون (ترس) من الكتاب ده وانا لو لميتني في كتاب (المتاوقة عبر الرقراق ) سنة ونص ستكون المفردة الاسفيرية عندي مستحمية ولابسة نضيفة وجاية المنبر ده بدري...
وطارق جبريل اركلوجيا العذاب والدكتور الطليعي ود المشرف سيكون لنا معهم جولات ومناظرات في الورشة التي ستمتدد حول جزئية العلاقة ما بين المثقف الطليعي واركلوجيا العذاب.. مناقشين طارق جبريل وود المشرف واخريين في ما سياتي في هذه المساحة الوريفة الشفيفة والتي تشابه العنبة الرامية جنب بيتنا..
وكل الود
03-03-2010, 11:31 AM
khaleel khaleel
تاريخ التسجيل: 02-16-2002
مجموع المشاركات: 30134
نعم يابدر الدين محمد E اظهر مهارات عالية فى فنون الزرزرة المغلفة بادعاءات الونسة والظرافة ولكن استشعار كيكى سارع بكشف غرض الزول دة من قولة تيت واستدعى المدفعية وانا بصراحة بعيب عليه هذا الاسلوب الذى فهمه كل من الحبشى وملاسى وبقت كوهة (على قولته) بهاجموه منها كيكى لو عايز يتجاوز الناس ديل اول حاجة يتعلم البرود ويخلى الحنبكة then he should keep low profile for a while لحد ما الجماعة ديل يشوفوا ليهم دروة تانى
ياخ ممكن ترقى لينا كيكى من مثقفاتى لمثقف ؟
03-04-2010, 04:51 AM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
اهاااااا ده الكلام البجيب الزرزرة والزرزور زاااتو... ياخوي خليني قاعد في محلي كعنقالي وجنقو طليعي احسن لي
___________________ حبايبي الحلوين ديل يا ود التجاني انا شافطهم شفط السنين وكل الكمونية بتاعة الكتلوج بتاعهم موجودة عندي في دراسة باسم(الانبعاج والاحتقان الاسفيري).. وهي جاهزة للنشر في اقرب فرصة للنقاش والتعليق والتنبيه لانو شايف البورد ده فيه جيل جديد ما حضر (الكعة ام دق) التي قمنا بنشر تلك الدراسة الاركو تفكيكية
03-04-2010, 08:00 AM
khaleel khaleel
تاريخ التسجيل: 02-16-2002
مجموع المشاركات: 30134
Quote: موجودة عندي في دراسة باسم(الانبعاج والاحتقان الاسفيري).. وهي جاهزة للنشر في اقرب فرصة للنقاش والتعليق والتنبيه لانو شايف البورد ده فيه جيل جديد ما حضر (الكعة ام دق) التي قمنا بنشر تلك الدراسة الاركو تفكيكية
كيكي
اراك تمارس الشوفونية الاسفيرية
03-04-2010, 10:17 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
يا كيكي وخلي مرة في مهرجان اصيلة الثقافي كنت قاعد جنب الطيب صالح الله يرحمه كان في واحد مثقفاتي سوداني بيتكلم عن الطناص والابستمولوجيا وحاجات كدة غُلاد غُلاد قام الطيب صالح قال لي: انت يا طارق يا ولدي الزول دة عايز يقول شنو
03-04-2010, 10:30 AM
احمد التجانى احمد احمد التجانى احمد
تاريخ التسجيل: 11-11-2006
مجموع المشاركات: 3155
الأخ الكريم احمد التجانى احمد تحياتي وشكري لك مشاعرك وعلى المكالمة الطويلة بحقنا الأخ الكريم عبدالكريم الامين احمد تحياتي كلامك والاقتباس الجبتو صاح ماعندي اعتراض عليه أنا فعلا اعتذرت عن غلظة غير موفقة في حوارات سابقة الغريب والمدهش هو أنك لم تكن طرفا مباشرا في أحد هذه الحوارات . ما اعتذرت عنه هو استخدام كلمات قاسية لا تليق (بالمناسبة لم أكن المبادر بالتعدي). ما زلت نادما على إطلاق تلك الكلمات ! وأحرص الآن على عدم إطلاقها ! خلاف ذلك فأنا على موقفي نفسه من القضايا الحوارية التي كانت محل الخلاف. آخر هذه القضايا كان الفتوى المكذوبة على الشيخين الخميس والغامدي! ومن الغريب يا أخانا عبد الكريم أن الأخت الكريمة التي انبرى الناس للدفاع عن حقها في مناقشة تلك الفتوى حتى بعد ثبوت انتحالها ، جاءت واشتكت من انتحال اسمها في السايبر! -------------------------------------------------------------------------------------- ختاما : “It is the ability to take a joke, not make one, that proves you have a sense of humor.” والعفو والعافية .
03-04-2010, 05:28 PM
حمد محمد احمد حمد محمد احمد
تاريخ التسجيل: 11-12-2008
مجموع المشاركات: 1196
اتابع هذه المساجلات الاسفيرية الممتعة بين الشد والجذب احس بمتعة الكلمة كيكي سلمت يداك السنباطي متابع الادهاش الهندسي محمد E هكذا يجب ان يكون الرجل يعرف كيف يعتذر لكم جميعا الود
03-06-2010, 07:21 AM
khaleel khaleel
تاريخ التسجيل: 02-16-2002
مجموع المشاركات: 30134
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
طارق جبريل
منتصرمحمد زكى
Mohamed E. Seliaman
عبدالكريم الامين احمد
khaleel
عمر سعد
أمين محمد سليمان
محمد حيدر المشرف
محمد عبد الماجد الصايم
عبدالله ود البوش
Hussein Mallasi
Mohammed Ibrahim Othman
احمد التجانى احمد
بدر الدين الأمير
Safia Mohamed
فتح الرحمن محمد
حمد محمد احمد
فيس بوك
تويتر
انستقرام
يوتيوب
بنتيريست