كتب الكاتب الفاتح جبرا المتوفرة بمعرض الدوحة
|
رابطة معجبات ومعجبي حبوبه دوماdoma
|
زولة راقيه رايعة ذات مواقف واضحه معاونه فى الخير والشر ام لك محتاج بمالا وفكرا لاتتوانى عن المشاركه متى مادعى الامر ودايما اول زوله تبتدر المجاملات سباقه فى كل معاونه ماديا ومعنويا والكثير الذى لايمكن احصائه فى هذا البوست والله عرفتها من سودان نت سنة تسعه وتسعين ابدا ماخبآ بريقها ولا انخفق لمعان اصلها جميلة السر والعلن لسانها وقلبها توأمين لايختلفان ابدا تحب الخير للغير اكتر مما تحب لنفسها تبكى لبكاء اصدقائها وتفرح لفرحهم ادمنت حب الناس فتمادى الناس فى حبها جميلة خلقه وأخلاق يعنى باختصار كدا زوله فارهه انسانيا بين قوسين التعبير دا لاطشو من دكتوره ظلاميه كانت صاحبتنا لاكين اختلفنا مؤخرا المهم دى بوست بتاع اعجاب وكسير وحب عديل كدا الدعوه فيهو عامه لكل المعجبات والمعجبين لتكون رابطة رد الجميل لزوله ماشفنا منها الا كل جميل لالشى الا لجمال فى نفسها وموضوعية فى طرحها وانسانية فى تعاملها لها من التجله والتقدير اجملهما ودالجعلى ريس الرابطه والمقرر العام وريس مجلس الاداره والامين المالى يلا بعدا كونو الرابطه بباقى المقاعد والله حاتكتلنى جنها وجن نفرين زول يشكرا وزول يقولها انتى سمحه
|
|
|
|
|
|
|
|
Re: رابطة معجبات ومعجبي حبوبه دوماdoma (Re: Kostawi)
|
والله ياكوستاوى ختر ياخى انتا الماعندك ليهو صوره منو اما بخصوص الريد واين دا فدا شعرن ماعندنا ليهو رقبا والبرنجى دا برضو خلوهو زمان عشااااان كدا بكرى مسميك الخرده تلقى صورة دوما دى بتاعت الجامعه لانو قالت انك كنت قدامه بى تلاته دفع الله يسألنى جد
| |
|
|
|
|
|
|
Re: رابطة معجبات ومعجبي حبوبه دوماdoma (Re: طارق جبريل)
|
اها ياطارق جبرين قمنا للخرخره من هسى خلاس حنخليك السكرتير الاعلامى انا زاتو ما مقتنع بصحوفية البياطره لكن بس عشان ماتحرد سميناها رضينا بس عليك الله انهيلنا مشكلتك مع شبكه جارتك دى عشان البوست داعام وحاجات الحله الداخليه تتحل والا بنستبعدكم الاتنين يلا اتراضو اول بعدين تعالو اوكى بعدين ياخى شبكه دى فى زول بزعلا
| |
|
|
|
|
|
|
Re: رابطة معجبات ومعجبي حبوبه دوماdoma (Re: WAD ELGAALI#4)
|
Quote: اها ياطارق جبرين قمنا للخرخره من هسى خلاس حنخليك السكرتير الاعلامى انا زاتو ما مقتنع بصحوفية البياطره لكن بس عشان ماتحرد سميناها رضينا بس عليك الله انهيلنا مشكلتك مع شبكه جارتك دى عشان البوست داعام وحاجات الحله الداخليه تتحل والا بنستبعدكم الاتنين يلا اتراضو اول بعدين تعالو اوكى بعدين ياخى شبكه دى فى زول بزعلا |
شفت طارق دا كل اسرار الحلة متعود يطلعا مرة عندنا حفرة دايرين نردما كلم المنبر دا كلو فضحنا فضيحة
طارق ما تزعل ياخ كلنا اخوان وما بيناتنا ياخ
| |
|
|
|
|
|
|
Re: رابطة معجبات ومعجبي حبوبه دوماdoma (Re: محمد حيدر المشرف)
|
ياجماعه وحاااااااة الله لمن تقولو ماما وحبوبه دوما انا بزعل من جوه قلبي يمين الله بزعل بالله عليكم اسي دي حبوبه يارجال ياكبار ماتختشو المره قدر اختكم
انا غايتو من هنا وقدام حاقول ليها دمدومه
ربي يديك العافيه وطولة العمر ويخليك ليــــــنا
| |
|
|
|
|
|
|
Re: رابطة معجبات ومعجبي حبوبه دوماdoma (Re: محمد الطيب حسن)
|
Quote: اها ياطارق جبرين قمنا للخرخره من هسى خلاس حنخليك السكرتير الاعلامى انا زاتو ما مقتنع بصحوفية البياطره لكن بس عشان ماتحرد سميناها رضينا بس عليك الله انهيلنا مشكلتك مع شبكه جارتك دى عشان البوست داعام وحاجات الحله الداخليه تتحل والا بنستبعدكم الاتنين يلا اتراضو اول بعدين تعالو اوكى بعدين ياخى شبكه دى فى زول بزعلا |
ود الجعلي كيفنك ياخ يا زول هووووووووي انا قلت رئيس يعني رئيس يا كمان بقوم ادخل الغابة بعدين شبكة في الحلة كان منجمانا نجام قبورة خلينا نتسدى ياخي
انا وحاتك ذاتي محتار في هجرة البياطرة للصحافة دي
| |
|
|
|
|
|
|
Re: رابطة معجبات ومعجبي حبوبه دوماdoma (Re: سيف الدولة كامل)
|
ياود الجعلى يأخ ماتخلينى أخلص من هناك عشان أجى برواقه أجيه ليكم الرابطه دى . طبعا أنا بقيت خبير تكوين روابط ( تخصص جنس لطيف ) والآن أنت بصدد تكوين رابطه فوق العاده . لأنها بتخص زوله عزيزه للجميع ,, وطالما شرعت فى الإجراءات فتجدنى مضطر لأن أجمد رابطة دينا خالد بجلالة قدرها, إلى حين , والتفرغ لرئاسة هذه الرابطه , فخالتو دومه تستاهل أن يركب لها الصعب , ودينا خالد ما أظنها تزعل للتجميد, فدوما شقيقتها التى لم تلدها أمها ( بالرغم من عدم الشوفه ) . نقول بسم الله , ورابطتنا إتربطت لحين ما رابطتكم تربط رباطها .
Quote: لزوله ماشفنا منها الا كل جميل |
هنا رابطتكم تتفوق على رابطتنا بالشوف .
| |
|
|
|
|
|
|
Re: رابطة معجبات ومعجبي حبوبه دوماdoma (Re: كمال سالم)
|
الزعيم كمال سالك ياوجيه والله ماقصرت معانا كلوكلو وكونك توقف رابطة دينا البت الحديقه وتعرض خبرتك السابقه متطوعا وبدون عتاب عشان سرقتنا الادبيه من بوستك دى تفضل لايتسحقه الا انسانه فى قامة اختنا دوما ولا يأتى الا من جبل مثلك مع تحياتى للناس المعاك كلللللهم بما فوقم دينا خالد
| |
|
|
|
|
|
|
Re: رابطة معجبات ومعجبي حبوبه دوماdoma (Re: WAD ELGAALI#4)
|
الحبيبه القريبة للقلب دوما الرابطة دى انا ستها .. معجبه حد الحب
لكن يا ود الجعلى الفيك اتعرفت !! وبقية المتداخلين اصبروا عدا امانى طبعا لووووول .
يا كمال سالم يقول ليك ماشفت تقول لى فايتننا بالشوفة ؟؟ ارجعع فوووق شوفها محل كتبت وتعال ! غايتو جنس كبكبة !
ـــــــــــــــــــــــــ الواحد يبادل ديل كلهم الاعجاب كيف ؟؟ هسه ننظمهم يجوا يقولوا ليك الديمقراطية دى جنهم صفوف !!
| |
|
|
|
|
|
|
Re: رابطة معجبات ومعجبي حبوبه دوماdoma (Re: دينا خالد)
|
دينا خالد بركاتك كيف شكيتى المداخله دى هنا شكيتك على كمال سالم لكن انتى مش مفروض تكونى محبوسه بى هناك عشان الناس ما يطقوك عين طبعا انا والله وماطالبانى حليفه معجب ومكسر عديل كدا لكن زوى ما الشاعر بقول كلامنا عن الحب يقتل حبنا ان الكلام يموت حين يقال بعدين لما زوله يكونو معجبنها كتاااار زيك وتجى تنعجب بى دوما والله داشرف لينا انا وحبوبه
ياخى لك التحيات كلها
| |
|
|
|
|
|
|
Re: رابطة معجبات ومعجبي حبوبه دوماdoma (Re: WAD ELGAALI#4)
|
هي يا المستنيرين اقيفو بعيد الدومةدومتنا نحنا دومة امرأة ما عندها اي انفصام تحترم قيم المجتمع السوداني وتلبس التوب وتاكل ملاح الروب..فاهمة جدا
الخرمجات حقت المستنيرين ديل قاعدة تقوم عليهاالدساتير..
اها الدومة دومتنا والا تجو الدافوري البغلب تكون حقتو ..
| |
|
|
|
|
|
|
Re: رابطة معجبات ومعجبي حبوبه دوماdoma (Re: محمد حيدر المشرف)
|
يادكتوره يعنى خلاس نقول ام البت وافقت اها البنيه البقنعا شنو لكن كان بقت على الخاتم والتوب مامشكله والله لو دايرين شيلة كامله لام العروس وكمان واحده لابوها زاتو بس هى تقول موافقه والباقى كلو على وكمان كان وافقت والله بختهاعريس لقطه وامو داعيه ليهو
| |
|
|
|
|
|
|
Re: رابطة معجبات ومعجبي حبوبه دوماdoma (Re: محمد الجزولي)
|
ود الجعلي سلام واحترام لولا فرق الزمن لكنت اول المسجلين . أختي الفضلى دومــا ملكة بلا تاج ، زولة طيبة راقيه رايعة ، صريحة ذات مواقف واضحة، سبّاقة لفعل الخيرات ، صدرها واسع تناقش بهدوء وموضوعية، تنأى عن المهاترات وأمراض البورد. اللهم يا رب تحفظها وتديها الصحة والعافية وطول العمر.
تحياتي ومودتي
| |
|
|
|
|
|
|
Re: رابطة معجبات ومعجبي حبوبه دوماdoma (Re: Gaafar Ismail)
|
يا سلام عليك يا ود الجعلي .. اصيل والله .. ولو ما اصيل ما تهبش جذور الاصالة .. ماما دوما مهما قلنا ومهما كتبنا ومهما حسينا .. نكذب احساسنا لو نقص ذره من المعزه والمحبه ..
دوما تدخل اي حته فيك .. وتتخلل ادق تكويناتك .. وتتحكر فى مكامن احاسيسك الحنينه ....
دوما بحبك يشهد الله .. ومناي اشوفك الليله قبل بكره ..
| |
|
|
|
|
|
|
Re: رابطة معجبات ومعجبي حبوبه دوماdoma (Re: محمد عبد الماجد الصايم)
|
Ooooops !
الكلام ده كلو حصل من وراي؟
ود الجعلي ! استأذنت مني قبل ما تعمل جمعيه وتجيب معجبين ومعجبات؟
انت ما عارف ماما دوما دي حبيبتي أنا؟
أنا رايي تشطب الناس دي وتجي نتفاهم أحسن, لأني لو عملت جناح انفصالي بتقعد براك في الجمعيه حقتك دي هههههههه
شاور نفسك واعتذر أحسن لوووووول
| |
|
|
|
|
|
|
Re: رابطة معجبات ومعجبي حبوبه دوماdoma (Re: Amany Elamin)
|
تعرفى يا امانى انا من الناس الرادوك ساى لى الله من كتر الكلام السمح البتقولو فيك حبوبه ومتكيفه ومبسوطه منك وقالت لى كمان كلام كتير بس ما بنقال على الهوا شفتى براك المره الفاتت الشماته اللقيتا من بض المقرضين بالقاف بدون ذكر اسما ندى وما شاكلها
| |
|
|
|
|
|
|
Re: رابطة معجبات ومعجبي حبوبه دوماdoma (Re: عفاف الصادق بابكر)
|
ياعفيفه وصادقه ياخى كلامك دابما مليان ومشجع وماممكن اطلاقا يطلع كلام سمح زى دا من زوله عاديه ياعفاف والله وما طالبانى حليه لكى عندا مكانة كبيره وما لشى الا لانك زوله نظيفة الاصل والتعامل وكما يقولون من يزرعون الحب الا يجنون الا الياسمين ويتساقط الشوك عن كل مايحصدون لك محبتى الاكيده اختا كريمه
| |
|
|
|
|
|
|
Re: رابطة معجبات ومعجبي حبوبه دوماdoma (Re: Gaafar Ismail)
|
ملكة بلا تاج ، زولة طيبة راقيه رايعة ، صريحة ذات مواقف واضحة، سبّاقة لفعل الخيرات ، صدرها واسع تناقش بهدوء وموضوعية، تنأى عن المهاترات وأمراض البورد. اللهم يا رب تحفظها وتديها الصحة والعافية وطووالله يا استاذ جعفر كلامك سمح بلحيل واحسن من اى تاج ياخى انت زول راقى وجميلل العمر.
| |
|
|
|
|
|
|
Re: رابطة معجبات ومعجبي حبوبه دوماdoma (Re: nada ali)
|
Quote: بس الماراكب في راسي علاقة دومة (بالبرنجي والكبريت والواين) الجابهم الخردة ديل شنو ؟!!! . |
لووووول هو يا ود الجزولي هووووووووي كل شئ ولا طلبات ولاد مامه ديل اسع اقوم اتلبش واطلب احفظ مالك وكرسي جابر
| |
|
|
|
|
|
|
Re: رابطة معجبات ومعجبي حبوبه دوماdoma (Re: doma)
|
وووووووب على الجيت اخر الناس
لكن في مثل بيقول الخيل الاصيلة تجي في النهاية وتسبق
انا ما بقدر اقول حاجة لانو وصفك صعيب على.
لكن ياود الجعلى رايك شنو انا ح تختني وين في الرابطة دي؟
مع مودتي لماما دوما وصاحب البوست وكل المتداخلين حتى الظلامين
بس عشان خاطرك ياماما.
هاجر
| |
|
|
|
|
|
|
Re: رابطة معجبات ومعجبي حبوبه دوماdoma (Re: خالد العبيد)
|
Quote: بس الماراكب في راسي علاقة دومة (بالبرنجي والكبريت والواين) الجابهم الخردة ديل شنو ؟!!! ... |
ما لأنو أنت كبير الخرد و كبير الخرد مفروض يعرف (قول الراعي)
(و كلكم راعي و كلكم مسؤل عن رعيته,,,,,.ما حافظ ولا داير أحفظ)
أحفظوا أنتم
أنا و حبوبة دومة عندنا History إنتوا ما ليكم فيهو (عضمة)
بس أطلعوا إنتو منها.
و أقول للحبوبة زي ما كنت بقوليها قبل 10 سنة
Happy V. Day بوردة حمراء و a glass of red wine
بي برنجي مولع بي أبو مفتاح
______________________________________________________
تصدقوا لغاية هسع أنا ما تكلمت مع الحبوبة تلفونيا أو غيره الله بيدي العافية و لا مش???
سوقو حبوبتكم دي و زحوا مننا إن شاء الله تنفعكم و تنفع الظلامية بيان الخردة
بلا دومة بلا خرد معانا
نحن أهل الجليد...جلد صاح
| |
|
|
|
|
|
|
Re: رابطة معجبات ومعجبي حبوبه دوماdoma (Re: Hala Hassan)
|
Quote:
زولة راقيه رايعة ذات مواقف واضحه معاونه فى الخير والشر ام لك محتاج بمالا وفكرا لاتتوانى عن المشاركه متى مادعى الامر ودايما اول زوله تبتدر المجاملات سباقه فى كل معاونه ماديا ومعنويا والكثير الذى لايمكن احصائه فى هذا البوست والله عرفتها من سودان نت سنة تسعه وتسعين ابدا ماخبآ بريقها ولا انخفق لمعان اصلها جميلة السر والعلن لسانها وقلبها توأمين لايختلفان ابدا تحب الخير للغير اكتر مما تحب لنفسها تبكى لبكاء اصدقائها وتفرح لفرحهم ادمنت حب الناس فتمادى الناس فى حبها جميلة خلقه وأخلاق يعنى باختصار كدا زوله فارهه انسانيا بين قوسين التعبير دا لاطشو من دكتوره ظلاميه كانت صاحبتنا لاكين اختلفنا مؤخرا المهم دى بوست بتاع اعجاب وكسير وحب عديل كدا الدعوه فيهو عامه لكل المعجبات والمعجبين لتكون رابطة رد الجميل لزوله ماشفنا منها الا كل جميل لالشى الا لجمال فى نفسها وموضوعية فى طرحها وانسانية فى تعاملها لها من التجله والتقدير اجملهما ودالجعلى ريس الرابطه والمقرر العام وريس مجلس الاداره والامين المالى يلا بعدا كونو الرابطه بباقى المقاعد والله حاتكتلنى جنها وجن نفرين زول يشكرا وزول يقولها انتى سمحه |
قول واحد نفر: ( تشكيييييييييييير ) صفاتها منظومة بي بلدها مهمومة كلماتها مفهومة
قول اتنين نفرات : (تسميييييييييييييح) السماحة مرسومة أصيلة في قومها زينة يا دومة
| |
|
|
|
|
|
|
Re: رابطة معجبات ومعجبي حبوبه دوماdoma (Re: المسافر)
|
لا أدري إن كان للبرالمة حق في التسجيل لهذه الرابطة
ولكني أشهد على إتساق وتجانس في مواقفها من خلال ماتكتب مايجعلني على ثقة بتصالحها مع نفسها والقيم الخيرة
حساسة تجاه مشاعر الآخرين دون أن تتنازل عن القول الصريح الواضح الملئ بالحكمة
مواقفها من الحاجات الشينة ناصعةوجميلة
لذلك نرفع القبعات إحتراما
| |
|
|
|
|
|
|
Re: رابطة معجبات ومعجبي حبوبه دوماdoma (Re: عمر عشاري)
|
دوما..
تلك المرأة الإنسانة....
تجدها دوما منحاذة لقضايا المظلوميين وللمضطهدين....
منافحة من أجل قيم العدل والمساواة والحرية....
ضد الدكتاتورية...ضد القهر والتمييز الديني والعنصري....
طرحها لوطن علماني ديمقراطي واضح وقوي...
ياليت أكثر نساء بلادي مثل دوما
| |
|
|
|
|
|
|
Re: رابطة معجبات ومعجبي حبوبه دوماdoma (Re: عبد الدائم سيد أحمد)
|
ياعبدالله انا معاك والله واناشخصيا امى زاتو اكبر من دومه بعشره سنه لكن حبوبه عند دوما مابقصدبها جده ولكن اشاره لكثرة الحب من فعل يفعل فهو فعلول ياعبدالله ياخى ح تدخلنى فى حته ضيقه مع ناس العربه بعدين نحن زاتو بلا الحلاوة والشامه والروح الحلوة دى المخلينا نكون الرابطه شنو
| |
|
|
|
|
|
|
Re: رابطة معجبات ومعجبي حبوبه دوماdoma (Re: Haitham Elsiddiq)
|
ياهيثم الظلامين ماح يرضو كلاكك دا تب رغم انى ببصم عليهو بالعشره لكن بجيبلنا الهوا بعدين ياخى حكاية عدل و مساواة دى بقت مامقسمه لانو خلاس ناس الموتمر الوطنى اشتروهم وبكره يجو يقرو كلامك دا يقولو دوما تبعم تشكر ياسيدى وتم تسجيلك عضو فعال
| |
|
|
|
|
|
|
Re: رابطة معجبات ومعجبي حبوبه دوماdoma (Re: عمر عشاري)
|
Quote: لا أدري إن كان للبرالمة حق في التسجيل لهذه الرابطة
ولكني أشهد على إتساق وتجانس في مواقفها من خلال ماتكتب مايجعلني على ثقة بتصالحها مع نفسها والقيم الخيرة
حساسة تجاه مشاعر الآخرين دون أن تتنازل عن القول الصريح الواضح الملئ بالحكمة
مواقفها من الحاجات الشينة ناصعةوجميلة
لذلك نرفع القبعات إحتراما |
ياعمر العشارى مابعرفك كويس لانو ما حصل اتداخلنا لكن سيرتك العطره ماليه الحته تخلى الزول يتمنى يصاحبك وسبب تانى زى ما بيت الشعر بقول لاتسأل عن الرء واسأل عن قرينه كونك صاحب الزول السمح الكتاب عماد عبدالله وتالت حاجه انك شغال مع الزول الخير النضيف أسامه ياخى والله انت زول توتال باكيج فلازم يطلع منك كلام مليان زى دا الله يخليك يااخى
| |
|
|
|
|
|
|
Re: رابطة معجبات ومعجبي حبوبه دوماdoma (Re: المسافر)
|
Quote: قول واحد نفر: ( تشكيييييييييييير ) صفاتها منظومة بي بلدها مهمومة كلماتها مفهومة
قول اتنين نفرات : (تسميييييييييييييح) السماحة مرسومة أصيلة في قومها زينة يا دومة |
ياالمسافر ياخى انت مسافر ليك عشرومية سنه فى البورد دا اما الان الاوان لرمى عصا الترحال بعدين يا استاذنا عليك الله ماتحرف ليناالبوست دا البوست دا بتاع اعجاب بس لو داير حق شكير ول غزل نفتح لك واد تانى لكن كلامك يفتح النفس والله
| |
|
|
|
|
|
|
Re: رابطة معجبات ومعجبي حبوبه دوماdoma (Re: معتصم دفع الله)
|
الزول الجميل خلقه واخلاق معتصم النص شنو ياخى والله تشيلا كلها وبدون زعل لانو لوشاورنا ست الحق مابتعترض بس عندك عيب واااااااحد انتا عارفو وانا عارفو وهارون دياب عارفو والله حراااام زول سمح زيك كدا يبوظ انتماءاتو بالصوره دى لكن اهو بندعو ليل نهار ربنا يهديك مع تحياتى
| |
|
|
|
|
|
|
Re: رابطة معجبات ومعجبي حبوبه دوماdoma (Re: ismeil abbas)
|
والله يا اسماعيل احلفلك انو انت الناس البحبوك بدون ما يشوفوك مية مره اضعاف الشافوك يااخى والله فرضت نفسك فقط باعمالك وافعالك الجميله دايما ردودك بترجع الزول لاصالة السودانيين اولاد البلد والله الزول يحبك من غير يقابلك ولايشوفك لك من اعز التحايا وربنا يكتبلنا لقاك ولو بعد حين
| |
|
|
|
|
|
|
Re: رابطة معجبات ومعجبي حبوبه دوماdoma (Re: وليد عبد اللطيف)
|
تحياتى لى كل الناس السمحين ناس بحرى والشعبيه على وجه الخصوص ياخى والله انتو احلى ناس عندنا اخت عزيزه فى قلب الشعبيه وقاات لى بقرا البوست بتاع الشعبيه لمن تدمع بالجد ناس قمه فى الانسانيه والتقدم انشاء الله ربنا يخلي ليكم علاقاتم الجميله ونسجلك وكل ناس بوست الشعبيه بالتزكيه
| |
|
|
|
|
|
|
Re: رابطة معجبات ومعجبي حبوبه دوماdoma (Re: WAD ELGAALI#4)
|
Quote: ياعمر العشارى مابعرفك كويس لانو ما حصل اتداخلنا لكن سيرتك العطره ماليه الحته تخلى الزول يتمنى يصاحبك
|
ود الجعلي والله الإطراء دة قريتو اليلة الصباح فأطربني أيما طرب وأزال عني زهجة صباحية كادت أن تتسيد أجواء هذا اليوم
أنا ياصديقي أتمنى ذلك أيضا فمن يذكر الناس بالخير ياود الجعلي شخص صداقته تضيف ولا تُنقص
ولكن العطر فعلا الأمر الذي فتحت له هذا البوست
أما عماد عبد الله فصداقته وسام جميل وبلاشك ترفع من أسهمي كما فعلت الآن
لك ولحبوبة دوما إحترامي الأكيد
| |
|
|
|
|
|
|
|