ترجمة سريعة يا ناس المحاسبة

Quote: قيقراوي .. عليّ الله إنت زول عسل .. ياخي تعال نتصاحب .. - رغم إني جايب في امتحان الشهادة ( 3 ) في الرياضيات -

عمدتنا يا اصلي اعلنا عليك الحب - و من طرف واحد - من زمااااان

Quote: - رغم إني جايب في امتحان الشهادة ( 3 ) في الرياضيات -

احييييي يا الكالكوليتر
اها احسبوا يا محاسبين . . قولوا واحد !
يا عمدة المحاسبة دي فن زيها و زي الرسم واااااااحد عليك أمان الله
اسي كان ما الرسم في امتحان الشهادة تلاتة ورقات * و التالتة واقعة يا عمك يعني ( 9 ساعات ) عديل ، كان بقيت رسام بالدرب . .
اما الرياضيات فهي واحد بس من العلوم البنتداخل معاها زيها و زي الادارة ، الاقتصاد ، القانون، النفس ، السياسة ، التاريخ ، الاحصاء . . . لا ازيد منهن و لا انقص
اها الباقيات اوعهن يكونن تلاتات برضو ؟

Quote: تصدقي أنا قايلك زول زينا كده يا رحاب !! .. لقيتك بيريفكس اسكورنايز فور نايز قوود

الحس مكوة الكهرباء و هي شغالة و سلكا عريان كان فهمت حاجة !!
لكن بكون
رحاب تستاهل ياخ
قدر ما حاولت اثني الشباب مصرين يستفزوها . . لا الحلوة انو بحكوا ليها عن " الغرب " و جامعات " الغرب " ، و المحاسبة في " الغرب " و غرب الغرب و غرباً باتجاه الشرق !!
ذكروني الترابي بس زي ما قال عليهو الخاتم عدلان ذاهل عن الزمان و المكان مشى يحكي للامريكان و في عقر كونقرسم عن مبادئ الديموقراطية الليبرالية ، و عن ديموقراطية الحركة الاسلامية !!

يا عادل عثمان
اهلنا الطيبين قالوا الما بعرفك بجهلك
مع اني ما شفت الصورة النقلتها ، لكن رأي ما تنقل - و للبوست دا تحديداً - اي حاجة . . ممكن تفتح بوست تاني
خلينا نشوف آخرتا هنا

سهيلي صاحبي
الموقع ما فتح معاي
لكن ووووين ؟!! . . وراهو والزمن طويل . . اها عرفنا لينا درب بعد دا
جاييك هنا نتناقش في الحوكمة - ككونسبت - هي المحاسبة شنو برا كونسبتس ؟ من متين قاعدين نحك المصطلحات لما تجيب الدم ؟ . . دحين اضيف للفوق " دفتر استاذ " . . بقى استاذ كيف هو ؟
بالمناسبة " نظرية المحاسبة " هل هي يعني نظرية نظرية راسا عديل كدا ؟
و لا كونسبشوال فريم وورك " دعول " ساي !!! وعبر تاريخها الطويل ، هل " النظرية " دي غيرت الممارسة و لا تابعاها - لكن بإحسان - ساي ؟


------------

* المعلومة دي صاح و لا شُبه لي و الزمن لعب لعبتو بالذاكرة ؟