ترجمة سريعة يا ناس المحاسبة

Quote: دكتورة نجاة سالت سؤال و انت رديت بجواب واضح و راجع تسلسل الردود الفوق، وانا ذكرت ليك حسب معلوماتي، انه ترجمتك لاسم الكورس، غلط، تقوم يا سهيل يا اخي تقول لي(1) انت اصلا ما ترجمته؟(2) لانك لو ترجمتة ما حا يدي صوره جيدة للمحتويات؟ الغريبة انه الدكتورة الي لحظة كتابتك لاسم الكورس، لم تسالك عن المحتويات او جلبت هي محتويات تسهل ليك المقارنة مع اسم الكورس هل ده معناه انت تعرف قصد محتويات ورشة العمل الطالباها دكتورة نجاة من قبل ما هي تتكلم؟ ده مش كلام غريب؟ طيب، ما دام انت غيرت في اسم الكورس و "ترجمتة" لاسباب تعتقدها انت، مش من الامانة انك تقول كده من الاول؟ يعني بدل ما تقول ليها "اسم الكورس كده كده يا دكتورة"، تقول ليها، "والله لو ترجمت ليك الاسم ده زي ما انتي عايزه، ما حا ينقل ليك المحتويات بالصورة الجيده الانا اعتقد انك مفروض تدرسيها" عشان كده خليني اديك اسم كورس تاني مره واحده ما ليه علاقه بالطلبتيه ده؟ بعدين الزول لمن ينقل معلومة، مش يستحسن يحاسب شوية لو هو ما متاكد؟ اها انا القدامك المتاكدة دي، قلت علي ما اظن و الله اعلم، لاعتبارات كثيرة، منها انه في جزء من المعلومة ناقص و راجع ردي لدكتورة نجاة، لو وجدتة لاستوثقت من ردي و السبب التاني انه فوق كل ذي علم عليم اها رايك شنو، انا البتفاصح اسي دي و بسالك عن ثقتك الكبيرة في "ترجمتك" دي، بقول، و الله اعلم، يمكن دكتورة نجاة تجيب معلومة جديده عن معني كلمة رقابة القاصداها دي تغير ما افكر عن اسم الكورس بالرغم من استنتاجاتي الكثيرة دي