بنات بره... امريكا . استراليا .. كندا .. بريطانيا .. وفكرة بنات بره ....؟؟؟؟

Quote: حاسى بيك كدة يا قاسم خالط الكتابة فى البورد بالرجالة يعنى بالعربى كدة متقمص شخصية فتوة البورد مناصفة مع احدهم والدليل على كدة فكرة بوستك وضحت انها مخستكة من اول مداخلتين والناس تلطفا عملوا فيها مافاهمين كلامك فاصريت تشرح ليهم بعدها عملوا رايحين ماخليتهم فياريت تعتبر كلامى دة كلام اخوان ليس الا وانسى البوست دة وشكرا

Quote: قاسم اخوي اما تكون عاوز تخرمج وتهرج وتهزر ساكت في البوست ده. .. وكلمة بنات بره دي ما بتعكس النية الطيبة للهزار او تكون فعلاً عندك رأي في اغتراب البنات وسفرهم بره ..ودي مصيبة ايها التقدمي او يكون عندك تار مع احداهن او بعضهن .. وهذا غير لائق وما مكان تصفيات الحسابات او تكون رامي البوست ده شبك ( لانك خاتي الايميل ) وهنا بقول ليك ما هكذا تورد الابل .. بنات بره يا قاسم ..من اجمل نساء الارض لان عقولهن تحررت من موروث ثقيل اضني اكتافهن يحملن الوطن قيمة ومعنى بنات بره يا قاسم كمثل جميع البنات لا تمييز الا في عقول من ينعتهن بجنحة الاستقلالية والسفر والاعتماد على الذات

Quote: بنات بره يا قاسم ..من اجمل نساء الارض لان عقولهن تحررت من موروث ثقيل اضني اكتافهن

Quote: كلامك ده بحمل معاني كتيرة و متباينة و التعميم هنا غير مطلوب بالمرة بنات برة ما كلهن واحد يعني في بنات من بنات برة بقوا يسجروا و يعاقروا الخمر جهاراً نهاراً حيث انهن ما كانوا بعملوا كده في السودان هل ده هو التحرر من الموروث التقيل في رأيك ؟؟

Quote: قاسم الله يجيبك بره ده وتعرف فن تسويق روحك اولا هنا اهم نظريه هي نظرية التسويق ؟؟؟!! وهي طريقة العرض لاي فكره بتفق مع منال الرائعه....وبستعير كلماتها.....

Quote: ده ما كلا مى انا ده كلام زول تانى صاح يلا اشوفك فى وقنت اخرى قاسم المهداوى

Quote: سلام مهداوي عارفة الكلام ده ما كلامك و ماعندو علاقة بي موضوع البوست , بس كلام الأخت ده ما عجبني نرجع لي كلامك , في رأيي الحتة الانت ذكرتها راجعة لتعرض الكثير من( بنات برة ) للإستغلال من بعض الراغبين في الهجرة دي حصلت كتير عشان كده اعزرن خوفن مبرر بعض الشيئ تحياتي

Quote: سم بصراحة بوستك مجنون جدا واجمل مافيهو استفزيت حاجات الناس طلع حاجات وكل زول هبشو الكلام جاء مدردق زي رأس ده وطرحك موضوعي وحقيقي عموما كلامي ده في الزمة تختو طق طرق علما بأني من بنات بره ملحق الخليج (اضحكتني هذه العبارة اة) وشكل الخوف الطلع من البنات جميل ومحتاجين اطروحت من النوع ده عشان كلو يطلع العندو اها يا ود ابوك تنبيه: ايملي ماتكتبو ناس رش ورشاشات ديل انا ما بقدر اتسوق معاهن السلامة امانة لحريم منبر بكري

Quote: اعتقد كلام قاسم مظبوط ...والبأكد انه مامظبوط تبلدينا في نص شرحه ذكر انه ودي واضحة في السطر التاني من المداخلة الاولى ويمكن الاخوان يتفقوا معاى في الكلام ده .. وده رأئي في ناس بره وبنات امريكا بالذات من غير زعل ..وده البخليني اختلف مع اماني وسارة في الكثير من مصطلحات الكمبيوتر ...

Quote: --- On Wed, 3/3/10, Jamal Bahi wrote: From: Jamal Bahi Subject: none To: [email protected] Date: Wednesday, March 3, 2010, 8:32 AM سلام وتحيات أخ قاسم المهداوي اسمح لي اشارك في موضوعك العجيب ده في هذا الخصوص أجد نفسي متفق تماماً مع الأخت سناء في أن الغالبية بكونو انتهازيين وعايزين يحققوا هدف الهجرة وبعدها يتخارجو .. والغريبة سناء ذكرت معاقرة الخمر وشرب السجائر وما إلى ذلك بمجرد ما الواحد/ الوحدة يبقى/ تبقى من ناس برة وده برضو كلام حاصل بكميات أقل ما توصف به أنها هبطرش وهو في نفس الوقت السبب في عدم تفكير راغبي الهجرة هؤلاء في جعل العلاقة دائمة بـ "بت برة" والسبب الواحد بكون خاتي فكرة مسبقة عن البنت البتهاجر براها دي وما تقنعوني كلنا لمن نجي للزواج تفكيرنا واحد .. ومسألة التحرر الفكري والتقدمية فده كلام منتديات ساااااااااااااااااااااااااااي وكلام بنتجمل بيه قدام البنات لكن ساعة الجد الواحد عايز واحد من بيت أهلها ما مرقت ولا حتى للشارع الجمب بيتهم عشان كدة أول ما هدف الهجرة يتحقق بفكها ويشوف النموذج الفي رأسو

Quote: والغريبة سناء ذكرت معاقرة الخمر وشرب السجائر وما إلى ذلك بمجرد ما الواحد/ الوحدة يبقى/ تبقى من ناس برة وده برضو كلام حاصل بكميات أقل ما توصف به أنها هبطرش وهو في نفس الوقت السبب في عدم تفكير راغبي الهجرة هؤلاء في جعل العلاقة دائمة بـ "بت برة"

Quote: غايتو بنات برة وبنات جوة حلفن بالتقطّعِن أكان فاهمات حاجة لكن يبدو إنوا في إشكالية تعاطي أو توصيل!

Quote: ول ابا صديقي قاسم..حبابك و حباب الأصدقاء و الصديقات هنا.. تحية خصوصية للدود سمارت أنا.. الحد الفاصل نكون اٍنسان..و ما يلي من احاديث اعتبرها ونسة ساكت .. نو اوفنيس يا قاسم يا مهداوي.. اول بالتبادي.. يا تبلدينا.. الما عارف يقول عدس.. أو كما قال.. تاني التبادي.. فيما يخص الموروث.. يحكى و العهدة على الراوي.. أن الصديق ابكر ادم اسماعيل.. كان جوه..و هي كانت جوه.. قام هو مرق بره..و قامت هي مرقت بره (فكرة بنات بره و كده).. و اول سؤال سألتو قالت ليهو: رأيك في الدين شنو؟.. قام صاحبنا و بكل طيبة ناس الثقافة قال ليها: و هنا تبدو قضية..(مستصحبا و مستأنسا و مسترسلا.. غنية الباش كاتب مسيحية).. طبعا الراجل لغاية الليلة خاتيها في حنانو.. و زعلان.. كيف يعني عرفة سنين..و تتويجها يكون بسؤال عن الدين..!! تالت التبادي..فيما يخص الإنتهازية و كده.. واحدة قريبتنا من بنات كندا.. مشت جوه..و جات راجعة برفقة مأمونة(طبقا للأوراق الرسمية و الثبوتية)..و ابو الشباب في السودان..اها صاحبتها ( في كندا) بتتونس مع الشاب..و قالت ليهو : شعورك شنو؟. قال ليها ده عرض دولي ما ممكن ينفات..!! صاحبة الرفقة لملمت شنطتها و يا السودان جاك بلا..و حسمت الموضوع..و تأكدت من نوايا صاحبنا..فكتو عكس الهوا..و دخلت في مشروع تاني..وقعدت قبلها لي جوه..! و بنات امريكا و كندا و استراليا.. و كل بنات بره .. يتخيل لي شغالات بمبدأ ( اخوك كن حلقوهو بل راسك.. التصريف مسئولية من يقوم به).. رابع التبادي..شهدت زهاء مائة قصة كيس و تجكيس في حياتي..و مافي رأسي موضع الإ و به فلقة شاكوش..و هانا اضيع كما البعير..!! الصقر ان وقع كتر البتابت عيب يا ول ابا..ولا موهيك؟!! جينا كندا مصحصحين..و اليوم بقينا اظرط من جدودنا زمان..و يتخيل لي ..مرات العيب بيكون فينا نحن.. ما في البنات..! و صدقني السوداني و السودانية.. ان طاروا و ركوا.. ما ح يفوتوا الموروث قيد انملة..و ما تغرك النقة و الشو و البربوقندا و الرهيتوريكا الزائفة..! لا تحلم بعالم سعيد، يا قاسم.. فخلف كل (موروث) يموت.. (موروث) جديد ..و دمعة سدى ( مع كامل الإعتذار للشاعر الكبير محمد مدني)..! ألمي بيعود لمراكزا ( و كن مكضبني اسأل تبلدينا القدامك ده)..و كن تجري جري الوحوش.. غير رزقك ما بتحوش..و ده كلو موروث يا مرسي..و الله يقطع طاري الموروث محل ما يقبل..!! و دمتم.. كبر