نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: البشير يغادر الدوحة بعد زيارة استغرقت يوماً واحداً!! (Re: Wasil Ali)
|
سيناريو
طويل العمر : اقول لك يا فخامة الرئيس ترى ولدنا هناك عند ساركوزي الحين
فخامتو : طيب كويس ممكن تتصل على ولدك عايز اسلم عليهو طولنا ما سمعنا صوتو ورصيدي قرب يخلص عايز اكلم منو حسني مبارك اهنيهو بفوز مصر بكاس افريقيا
امير قطر : ابشر يا فخامة الرئيس
يلتفت مناديا الياور : جيب التلفون النوكيا 18000 ترى امبارح دي شحنتو
الياور : يا طويل العمر النوكيا 18000 شالتو طويلة العمر الشيخة موزة وطلعت مشت الجيران لانو ولدا حايتصل عليها تسلم على مرة ساركوزي
فخامتو : يالله اسي لو جبت وداد كانت سلمت بالمرة على مرة ساركوزي
طويل العمر: طيب خلاص جيب الموتورلا (ابقى قابلني) داك واعمل منو مس كول لولدنا لانو امس على عبدالله صالح كمل لي رصيدي كلو
يعمل الياور مس كول ويضع التلفون بالقرب من طويل العمر وفخامتو الذي يترقب بلهفة بالغة والصمت يلف المكان وفجاة ترررن تررن يمد فخامته يده بفرحة طاغية
فخامتو : الو السلام عليكم يا ولد طويل العمر كيف احوالك اسي كنا في سيرتك انا وطويل العمر ابوك
صوت نسائي: مين معي
فخامتو: انا فخامة الرئيس عمر البشير
نفس الصوت النسائي : ولد طويل العمر ده في اجتماع مع فخامة الرئيس ساركوزي
فخامتو: ما ياهو دا زاتووووو المطلوب كدي اديهم التلفون قول ليهم عمر البشير داير يسلم عليهم وبالمرة كمان نعزي ساركوزي ده في ضحايا الطائرة الفرنسية وضحايا زلزال هاييتي والله حاولت اتصل بيه من السودان لكن الشبكة ابت تجمع معاي
الصوت النسائي : والله دلوقت مافي طريقة لانو بناقشو في مواضيع مهمة جدا وقالو ما في زول يزعجهم اسي حسني مبارك عمل مس كول لساركوزي وردت عليهو السكرتيرة برضو وقالت اتصل بكرة
فخامتو: واجتماعهم ده بنتهي متين
الصوت النسائي : والله ما عارفة لكن هم بعد ما ينتهو طالعين الاتنين معزومين عشاء في الليدو
فخامتو: ماشين يلعبو ليدو ؟
الصوت النسائي : ليدو بتاع شنو الليدو نايت كلب ومطعم
فخامتو: طيب ما سمعتيهم جابو سيرة دارفور ولا اوكامبو والا السودان
الصوت النسائي : لا والله هم اسي بناقشو في مواضيع حماس وفتح واسرائيل وايران واليمن دي اجندة الزيارة عن اذنك انا حاقفل لانو ماشين نلبس عشان السهرة وكدة
تيت تيت تيت
فخامتو: والله يا طويل ما عندنا حظ نسمع صوت ولدك وساركوزي ديل انا غايتو راجع السودان بعد شوية لكن المرة الجاية لما ولدك يجي مسافر فرنسا كلمني قبل مدة عشان ارتب ولو في طريقة ركبتوني معاهو اعمل الواجب مع ساركوزي ده واعزيهو لانو انت عارف اللوم من الكرعين ببقى في الوش وانت عارف براك انا مع الرطوبة اعملها لى اوكامبو ودالحنوت ده ما بقدر اسافر براي
خاتمة : هذه الاحداث متخيلة واذا طابقت الواقع فالكاتب غير مسؤول عنها ولم اكن معهم في اجتماعهم هذا
|
|
 
|
|
|
|
|
| |
محمد إبراهيم علي
فيس بوك
تويتر
انستقرام
يوتيوب
بنتيريست