والله كفيتني فتح بوست , أصلو عندي سؤال محيرني كنت عاوز أفتح بيهو بوست , لما شفت عنوان البوست غيرت الفكرة , والسؤال مطروح لكل الناس , وكل الذي أتمناه أجابة مقنعة أقل ما يكون بالنسبة لي
السؤال
طالما رئيس البلد كلها وقابضهامن خصرها( ومطلوب للعدالة الدولة بشهادة كل الفضائيات عربية وعجمية ) ولا يستطيع أن يفي بإلتزاماته نحو شعبه خاصة في التمثيل الخارجي وحتي ولو كانت مؤتمرات إسلامية , جاينو رئيس ثاني بعد عشرين سنة من الحكم تحت رحمته حدث ما حدث فيها لزوم شنو الإعادة ؟!
ــ الأخت ميادة كان ما عجبك سؤالي عليك الله طنشيه , ويبقي الود محفوظ .
11-10-2009, 06:36 PM
mayada kamal mayada kamal
تاريخ التسجيل: 08-31-2007
مجموع المشاركات: 8015
والله كفيتني فتح بوست , أصلو عندي سؤال محيرني كنت عاوز أفتح بيهو بوست , لما شفت عنوان البوست غيرت الفكرة , والسؤال مطروح لكل الناس , وكل الذي أتمناه أجابة مقنعة أقل ما يكون بالنسبة لي
مساءك نور اخ عماد الطيب حبابك واعتبر البوست بوستيك واخذ اللي يليك وقل ما تشاء فالحوش يسع الجميع
Quote: طالما رئيس البلد كلها وقابضهامن خصرها( ومطلوب للعدالة الدولة بشهادة كل الفضائيات عربية وعجمية ) ولا يستطيع أن يفي بإلتزاماته نحو شعبه خاصة في التمثيل الخارجي وحتي ولو كانت مؤتمرات إسلامية , جاينو رئيس ثاني بعد عشرين سنة من الحكم تحت رحمته حدث ما حدث فيها لزوم شنو الإعادة ؟!
اعادة انتخابه لزومها انو حضرة جناب احزابنا المعارضة ما عندها بديل عشان نحن كشعب نقتنع بيه ونرشحه في مقابل البشير
احزاب كسيحة .... عرجاء .... لا تقوى على طرح برنامج بديل لبرنامج الانقاذ يعني تقدر تقول خيارنا في الانقاذ زي خيار (احلاهما مر) وكمان انا عندي قناعة طالما الوضع بتاع احزابنا المعارضة بالصورة الشايفنها انا في الحالة دي مقتنعة بي المقولة دي (نار حكومة الانقاذ.... ولا جنة الاحزاب الكسيحة)
Quote: اعادة انتخابه لزومها انو حضرة جناب احزابنا المعارضة ما عندها بديل عشان نحن كشعب نقتنع بيه ونرشحه في مقابل البشير
ميادة كمال شكراً علي الرد والمساحة التي أفسحتيها ليّ
لكن يا ميادة سؤالي مازال قائماً أو بصورة أخري ترشيح الرئيس الحالي فيه مخاطرة بحقوق الشعب نفسه لانو الرياسة أن صدقت وجاءته منقادة تجر إزيالها له , حتماً سوف تكون ناقصة , وفيه هضم لحق هذا الشعب .
Quote: احزاب كسيحة .... عرجاء .... لا تقوى على طرح برنامج بديل لبرنامج الانقاذ يعني تقدر تقول
ما مختلف معاك في ضعف وهزل الأحزاب جميعها, وهذا شيء طبيعي في وجود نظام قامع وباطش ومستبد متشبث بالحكم لمدة عشرين سنة , وكونها كسيحة وعرجاء ليست مبرر كافي لإعادة نفس الرئيس المأزوم موقفه , ولا يحق ربط مصيره الشخصي بالبلاد والعباد , هذا كموقف أخلاقي .
ويبقي الود محفوظ ..
11-10-2009, 06:29 PM
mayada kamal mayada kamal
تاريخ التسجيل: 08-31-2007
مجموع المشاركات: 8015
نعم يا ميادة وهذه الاسباب الحقيقية (كما ذكرناها في بوست سابق)
الرئيس مفروض يكون عمر البشير للأسباب التالية:
ليس في السودان مظلوم واحد. ليس في السودان فقير واحد ليس في السودان مريض لا يجد الرعاية الصحية. ليس في السودان أي حرب اهلية ليس في السودان فساد السودان اليوم مثله مثل المدينة زمن الرسول (ص) الرئيس البشير يحكم بما أنزل الله مثله مثل الرسول (ص) فهو قدوته. الرئيس البشير لم يظلم أحداً في السودان.
ونتحداكم أن تثبتوا الآتي:
حالة فساد واحدة في زمن البشير حالة فقر واحدة في زمن البشير حالة حرب واحدة في زمن البشير حالة زنا واحدة في زمن البشير حالة قتل واحدة في زمن البشير.
في زمن البشير العدل شمل كل الناس، مثله مثل زمن الرسول (ص)، فالبشير يحكم بما انزل الله قدوته الرسول (ص)، فإذا كانت دولة الرسول (ص) هي أعدل دولة في الأرض، فعمر البشير يسير في خطوات الرسول (ص).
البشير أعدل حاكم عرفته البشرية بعد الرسول (ص) البشير أشرف حاكم عرفته البشرية بعد الرسول (ص) البشير أصلح حاكم عرفته البشرية بعد الرسول (ص) البشير أطهر من مشي على الأرض بعد الرسول (ص)
البشير من أعاد للإسلام مجده بعد وفاة الرسول (ص)
السودان الآن في مقدمة الدول من حيث العدل واتنمية والإنسان السوداني يعيش في أحسن حال وكل شئ متوفر له وليس في السودان شخص واحد لا يحمد الله على أن قيضّ له من يعيد سيرة الرسول (ص) في الحكم في شخص الفقير إلى ربه عمر البشير.
11-10-2009, 07:43 PM
Wasil Ali Wasil Ali
تاريخ التسجيل: 01-29-2005
مجموع المشاركات: 9415
Quote: مذكرة التوقيف بحق البشير تضع قيودا على تحركاته بواسطة غيوم لافاليه (AFP)
الخرطوم (ا ف ب) - اصبحت تحركات الرئيس السوداني عمر البشير الذي امتنع عن الذهاب الاثنين الى اسطنبول كما كان مقررا، مقيدة منذ ان اصدرت المحكمة الجنائية الدولية مذكرة توقيف بحقه في اذار/مارس الماضي بتهمة ارتكاب جرائم حرب في دارفور.
ومنذ صدور هذه المذكرة يحرص الرئيس السوداني على تحدي الغرب.
فقد القى خطابات نارية امام الاف الاشخاص في دارفور وزار اريتريا وقام بزيارات لعدة عواصم عربية بدءا من القاهرة وانتهاء بطرابلس مرورا بالدوحة. كما قام باداء العمرة في مكة.
وكان الرئيس السوداني يريد ان يظهر بمظهر القوي امام الغرب الذي يضعه في قفص الاتهام لدوره المفترض في العنف في اقليم دارفور الذي يشهد منذ 2003 حربا اهلية معقدة ادت الى مقتل 300 الف شخص وفق تقديرات الامم المتحدة و10 الاف وفق الخرطوم، كما اسفر النزاع عن نزوح 2,7 مليون شخص من ديارهم.
وساندت غالبية الدول العربية والصين البشير في اختبار القوة بينه وبين المحكمة الجنائية الدولية وكذلك فعل الاتحاد الافريقي.
واقرت 110 دولة اتفاقية روما المؤسسة للمحكمة الجنائية الدولية ولكن العديد من الدول مثل السودان والقوى الكبرى مثل الولايات المتحدة والصين وروسيا والهند امتنعت عن الانضمام اليها.
ولا ينطوي السفر الى الدول المجاورة على خطر للبشير لان ايا منها لم ينضم الى معاهدة روما ولم تكن تحركاته تقتضي السفر في الاجواء الدولية باستثناء رحلته القصيرة فوق البحر الاحمر للذهاب الى السعودية او الدوحة.
ويقول المحلل في مجموعة الازمات الدولية فؤاد حكمت ان عمر البشير "يمكنه السفر في المجال الجوي للدول المجاورة ولكنه لن يغامر في +منطقة عازلة+ جوية وهذا تأثير مباشر لمذكرة التوقيف".
ويضيف المحلل ان مسؤولين سودانيين لا يريدون المخاطرة بان يتم اعتراض طائرة البشير في الاجواء الدولية.
وكان البشير قام بزيارة في حزيران/يونيو الى زيمبابوي، لكنه اعتذر عن تلبية دعوة الرئيس الفنزويلي هوغو تشافيز للمشاركة في قمة افريقيا-اميركا اللاتينية في كراكاس في ايلول/سبتمبر الماضي وهي رحلة كانت تقتضي منه التحليق بطائرته لفترة طويلة في الاجواء الدولية.
وبصفتها عضوا في المحكمة الجنائية الدولية، كان يتعين على فنزويلا ان توقف البشير ولكن هذا الاحتمال يظل نظريا بالنظر للعلاقات الجديدة بين الخرطوم وكراكاس.
واعتذر الرئيس السوداني كذلك في منتصف تشرين الاول/اكتوبر الماضي عن تلبية دعوة للمشاركة في لقاء للاتحاد الافريقي في نيجيريا ولم يذهب الاثنين الى اجتماع منظمة المؤتمر الاسلامي في اسطنبول.
وكانت مصادر في الخرطوم قالت ان البشير يعتزم الذهاب الى اسطنبول غير ان المسؤولين السودانيين لم يؤكدوا رسميا في اي وقت مشاركته في اجتماع منظمة المؤتمر الاسلامي.
وكان الاتحاد الاوروبي دعا تركيا الى "اعادة النظر" في استضافتها للبشير الذي قرر في نهاية الامر "تأجيل" زيارته لتركيا لارتباطات داخلية في السودان.
وشارك البشير الاحد في قمة الصين-افريقيا التي عقدت في مدينة شرم الشيخ المصرية التي يفترض ان يعقد فيها في شباط/فبراير المقبل قمة فرنسا-افريقيا.
ويستطيع الرئيس السوداني الذهاب الى مصر من دون مشاكل ولكن وجوده المحتمل في قمة فرنسا-افريقيا يزعج باريس التي تدافع بشدة عن ولاية المحكمة الجنائية الدولية، وفق مصادر دبلوماسية.
11-10-2009, 08:02 PM
Mannan Mannan
تاريخ التسجيل: 05-29-2002
مجموع المشاركات: 6701
ميادة أيدى رئيسك بس ماتنسى انو مطلوب من ال ICC حتى ولو فاز ب100% من الأصوات بالتزوير
"اللى شبكنا يخلصنا" ... رئيس مطلوب القبض عليه وما قادر يزور تركيا (بلاد عفراء) ما ينفع رئيس جمعية تعاونية... خليكى من السودان... والشاب البيغنى ليهو دة "فرحان أوى!!!!!!)
منان
11-11-2009, 12:28 PM
mayada kamal mayada kamal
تاريخ التسجيل: 08-31-2007
مجموع المشاركات: 8015
Quote: ميادة أيدى رئيسك بس ماتنسى انو مطلوب من ال ICC حتى ولو فاز ب100% من الأصوات بالتزوير
سعادة السفير منان ما تتعشموا شديييييييييد كدا في عدالة الغرب ديل اسع بكرة لمن مصلحتهم تتوافق وتوجهات البشير يبيعوا قضية دافور وينكروا قرض كل الكان بيقولوه من 2003 وادعاءاتهم اللي بيقولوها في الاعلام الغربي
Quote: اللى شبكنا يخلصنا" ... رئيس مطلوب القبض عليه وما قادر يزور تركيا (بلاد عفراء) ما ينفع رئيس جمعية تعاونية... خليكى من السودان...
وشنو يعني لو لغى حضور قمة وشنو يعني لو ما زار تركيا ما فرقت ترتيب البيت الداخلي اهم ومن باب أولى في المرحلة الحالية
11-10-2009, 07:47 PM
الشفيع وراق عبد الرحمن الشفيع وراق عبد الرحمن
تاريخ التسجيل: 04-27-2009
مجموع المشاركات: 11406
Quote: ميادة أيدى رئيسك بس ماتنسى انو مطلوب من ال ICC حتى ولو فاز ب100% من الأصوات بالتزوير
"اللى شبكنا يخلصنا" ... رئيس مطلوب القبض عليه وما قادر يزور تركيا (بلاد عفراء) ما ينفع رئيس جمعية تعاونية... خليكى من السودان... والشاب البيغنى ليهو دة "فرحان أوى!!!!!!)
منان
11-11-2009, 01:14 AM
احمد محمد بشير احمد محمد بشير
تاريخ التسجيل: 06-17-2008
مجموع المشاركات: 14987
Quote: اعادة انتخابه لزومها انو حضرة جناب احزابنا المعارضة ما عندها بديل عشان نحن كشعب نقتنع بيه ونرشحه في مقابل البشير
هذا هو العذر الأقبح من الذنب يعني أنت ترشحين البشير ليس لأنه صالحاً لقيادة السودان في هذا المنعطف الخطير من تأريخه لكنك فقط ترشحينه لأنك لم تجدي البديل المناسب !!! ومن جهة ثانية إذا اقتنعنا ومقدما بأن كل الذين سيرشحون أنفسهم (فيما بعد) لن يكونوا أكثر صلاحا من البشير لحكم السودان إذا أتوا من طرف أحزاب المعارضة فهل لنا أن نطمح في المؤتمر الوطني الذي حكم السودان عشرون عاما وله من الخطط والاستراتيجيات الخمسية والعشرية والربع قرنية أن يخرج لنا مرشحا آخر غير سيادتو البشير [وأقول سيادته لأنه ما زال ضابطا بالقوات المسلحة بل هو القائد العام لها وفي نفس الوقت يرأس حزب المؤتمر الوطني في سابقة فريدة لخرق الدستور الذي يمنع منتسبي القوات المسلحة أو القوات النظامية الأخرى من المشاركة في الأحزاب السياسية أو قيادتها ] يصلح لحكم السودان. وفي حال عدم وجود هذا المرشح البديل فهل هذا يعني أن المؤتمر الوطني كسيح !
أفيدونا أفادكم الله
11-10-2009, 07:54 PM
Kostawi Kostawi
تاريخ التسجيل: 02-04-2002
مجموع المشاركات: 39979
Quote: نعم يا ميادة وهذه الاسباب الحقيقية (كما ذكرناها في بوست سابق)
الرئيس مفروض يكون عمر البشير للأسباب التالية:
ليس في السودان مظلوم واحد. ليس في السودان فقير واحد ليس في السودان مريض لا يجد الرعاية الصحية. ليس في السودان أي حرب اهلية ليس في السودان فساد السودان اليوم مثله مثل المدينة زمن الرسول (ص) الرئيس البشير يحكم بما أنزل الله مثله مثل الرسول (ص) فهو قدوته. الرئيس البشير لم يظلم أحداً في السودان.
ونتحداكم أن تثبتوا الآتي:
حالة فساد واحدة في زمن البشير حالة فقر واحدة في زمن البشير حالة حرب واحدة في زمن البشير حالة زنا واحدة في زمن البشير حالة قتل واحدة في زمن البشير.
في زمن البشير العدل شمل كل الناس، مثله مثل زمن الرسول (ص)، فالبشير يحكم بما انزل الله قدوته الرسول (ص)، فإذا كانت دولة الرسول (ص) هي أعدل دولة في الأرض، فعمر البشير يسير في خطوات الرسول (ص).
البشير أعدل حاكم عرفته البشرية بعد الرسول (ص) البشير أشرف حاكم عرفته البشرية بعد الرسول (ص) البشير أصلح حاكم عرفته البشرية بعد الرسول (ص) البشير أطهر من مشي على الأرض بعد الرسول (ص)
البشير من أعاد للإسلام مجده بعد وفاة الرسول (ص)
السودان الآن في مقدمة الدول من حيث العدل واتنمية والإنسان السوداني يعيش في أحسن حال وكل شئ متوفر له وليس في السودان شخص واحد لا يحمد الله على أن قيضّ له من يعيد سيرة الرسول (ص) في الحكم في شخص الفقير إلى ربه عمر البشير
الاخ الصادق اسماعيل لم نقل انو الانقاذ قد اقامت لنا دولةفاضلة او مدينة فاضلة لا ظلم ولا فساد ولا فقر ولا زنا فيها ووجود الخير والشر هي من سنة الله في الارض والحاجات الحضرتك ذكرتها دي موجودة في ارقى الدول والعائلات بره يعني ما السودان براه .... وياريت ما تعتبروا دا تبرير للبعملوه مفسدي النظام لكن كمان ماتتكلموا انتو انوالسودان الدولة الشاذة في العالم كله في العناصر الذكرتها انت فوق وانا ما عندي شغلة بالمؤتمر الوطني الا مرشحنا الوحيييييييييد دايرنه البشير
11-10-2009, 08:51 PM
Magdi Ahmed Elsheikh Magdi Ahmed Elsheikh
تاريخ التسجيل: 03-11-2008
مجموع المشاركات: 7720
Quote: اعادة انتخابه لزومها انو حضرة جناب احزابنا المعارضة ما عندها بديل عشان نحن كشعب نقتنع بيه ونرشحه في مقابل البشير
قالت أحزاب معارضة قالت، يا أستاذة الحزب الحالكم العظيم (المؤتمر الوطني) بذات جلالة قدرو بديلو منو للبشير اذا جاء أمر الله (طبعا لأنو ما ح يتنازل أبداً مهما يكون)
11-10-2009, 09:54 PM
كمال عباس كمال عباس
تاريخ التسجيل: 03-06-2009
مجموع المشاركات: 17154
Quote: احزابنا للان لم تطرح بديل قوي ومقنع\ياهودا بشيرنا وراضين بيه في المرحلة الراهن طالما مافي بديل من الذين يرفضو البشير
وقد قمت بالرد عليها البدائل موجودة وأسوأ السادة المعارضين يعد أفضل من الطاغية البشير للأسباب التي فصلناها في أعلاه!! والسؤال المنطقي هو لماذا لم تعلن البدائل عن ترشحها ? والأجابة البسيـطة لا يمكن الترشح والمشاركة في عملية إنتخابية مالم تتوفر فيها مقومات وأسس الأنتخابات والتي لخصناها في الاتي (لأجراءإنتخابات حرة ونزيهة لا بد من توفر عدة عناصر ضرورية -- الغاء القوانين المقيدة للحريات -- حيدة وإستقلالية أجهزة ومؤسسات الدولة من خدمة مدنية وقوات نظامية وأجهزة إعلام قومية -- كفالة حرية التجمع والتعبير والحركة وحق إقامة الفعاليات السياسية لجميع التنظيمات - إستقلال القضاء وصياغة قانون ونظم إنتخابات بصورة عادلة وبموافقة جميع القوي المؤثرة!! - الألتزام بالمواثيق والدستو ر - المساوة في الفرص والحقوق بالفصل مابين جهاز الدولة والحزب الحاكم حتي ينزل المؤتمر الوطني بوزنه الحقيقي بعيدا عن التورم الناتج عن وهج السلطة وبريق الثروة! !! ) من يطالب يالبدائل عليه أن يتصدي للبشير لا أن يدعمه!! - فالبشير هو من يسعي للكنشكة وإقصاء الاخر ويسعي لأجراءإنتخابات شكلية تفتقد الشرعية !! وبعدين يا ميادة يعني إنتي كنتي ضد البشير وعلي النقيض من نهجه وقمتي فجاءة كدة غيرتي رأئك لأنو ما في بدائل للبشير??!! والظاهر أنو نافع علي نافع علي نافع نفسه ما حايقدريؤيدالبشير بالواضح كد ة وحا يبحث عن مدخل للتأييد كأن يجيبنا قائلا "والله يا جماعة البشير مسجم ومرمدوأضينة ومفرط في بلده بس أنا حا أقيف معاه لأنو ما في بديل .. أها طيب يا نافع ما تصوت لدكتور عبد الله علي إبراهيم? نافع: حرم مابصوتلو !! ليه? داغالبو يعمل ندوة ? بس ليه غالبو يعمل ندوة ? ج/ وها نحن نري أن بعض مرشحي الرئاسة يلهثون بلا جدوي لقيام ندوة : يذهبون لجهاز يقول أن تنظيم الندوات أضحي من إختصاص الشرطة يذهبون للشرطة لتفتي بعـدم الأختصاص أيضا ولهئيات الأنتخابات فتعيدهم بخفي حنين !! بينما يخلو الجو للبشير ليبيض ويفرخ ويرقص ويعرض ويستأسد علي بني شعبه !! ..أها طيب يا نافع ما تلتزموا بإجرأ إنتخابات حرة ونزيهة نافع: مافي طريقة بعدمالبنت ما بنديها الطير!! والعائز تغيير من خلال إنتخابات يلحس كوعوا!!............... لماذا ترفض التصويت لعمر البشير ??
وفي ذات البوست كتب الاخ عثمان دغيس
Quote: أنا يا أخوانا وبصراااااحة كده ... ح أصوت للبشير .... دي قناعتي في عدم وجود شخص مثنع آخر ... ما معنى أن ( الجماعة ) طرحوا السؤال من البديل ... إننا نتحاشى نقاشه ...! فعلاً من البديسل المطروح ... أفضلهم أسوأ من الكيزان
وكان الرد
أفضلهم أسوأ من الكيزان بأي حيثيات ? هل فرط هولاء في تراب وسيادة البلاد للدول الأجنبية? هل مزقوا نسيجه الإجتماعي وأشعلوا الفتن العرقية في ربوعه ? هل كذبوا وأقسموا وحنثوا القسم? هل دولوا مشاكل البلاد وبصموا علي دخول قوات دولية? هل فرطوا في وحدة البلاد وربطوها بالتطرف والأرهاب? ونحن نقول أن من حقك تصوت للبشير ونقبل طرحك هذا كرأي أخر لأننا نؤمن بالديموقراطية وحريةالتعبير بعكس مرشحك البشير الذي يقصئ ا لأخر ويكمم الافواه ويصادر الحريات ويصر علي طبخ إنتخابات تقف بلا أرجل وتفتقد أبسط مقومات الأنتخابات الحرة النزيهة!! نعم من حقك أن تؤيد البشير ومن واجبنا إحترام خيارك هذا ولكننا نملك حق الإختلاف معك ونتسآل : كيف يقوم شخص غيور علي بلده بتأيئد البشير: ...لا ادري كيف يساند إي أنسان وطني- غيور علي تراب بلده وعزة وطنه - البشير? كيف تساند من فرط في صيانة أهم وأقدس واجب لرئس دولة? كيف تؤيد شخص كاذب ومنافق ? كيف تؤيد شخص أفقد مؤسسة الرئاسة هيبتها? كيف تؤيد شخص أدمن خرق الدساتير ونقض العهود ? كيف تؤيد شخص قام بتسيس الخدمة المدنية والقوات النظامية ? كيف تقوم بتأئيد شخص عسكري محظور وبنص الدستور من الإنتماءلأي حزب سياسي? وإن كنت تبحث عن البدائل والخيارات الأخري فكيف تؤيدرئس نظام قتل فرص البدائل وخنق التنافس الشريف فمن يطالب يالبدائل عليه أن يتصدي للبشير لا أن يدعمه!! - فالبشيرهو من يسعي للكنشكة وإقصاء الاخر ويسعي لأجراءإنتخابات شكلية تفتقد الشرعية !! قلنا البدائل موجودة وأسوأ السادة المعارضين يعد أفضل من الطاغية البشير للأسباب التي فصلناها في أعلاه!! والسؤال المنطقي هو لماذا لم تعلن البدائل عن ترشحها ? والأجابة البسيـطة لا يمكن الترشح والمشاركة في عملية إنتخابية مالم تتوفر فيها مقومات وأسس الأنتخابات لهذه الأسباب يرفض أصحاب الضمائير الحية خيارالبشير ولهذه الأسباب يناضل الوطنيون من أجل وطن ديموقراطي كمال .
(عدل بواسطة كمال عباس on 11-10-2009, 09:57 PM) (عدل بواسطة كمال عباس on 11-10-2009, 09:58 PM) (عدل بواسطة كمال عباس on 11-10-2009, 10:00 PM)
11-10-2009, 09:55 PM
أنور أدم أنور أدم
تاريخ التسجيل: 12-12-2004
مجموع المشاركات: 2825
Quote: الجماعة ديل يا أخوي قالوا ما ح يسلموها إلا للمسيح عيسى بن مريم عليه السلام غايتو كان بتقدر تنتظر أنتظر
الكلام ده قبل و للا بعد الانقسام (المفاصلة) لأنو الترابي رأيو الفقهي انه ليس هناك سند من القرآن على أن المسيح سيعود في آخر الزمان و هو شخصيا يرجح أنه لن يعود و يرى أن قصة عودة المسيح تسللت للفقه الاسلامي من مصادر مسيحية. اها كان المسيح ما جا بحسب كلام شيخ حسن حيعملوا شنو ؟
11-10-2009, 11:57 PM
عاطف عبدون عاطف عبدون
تاريخ التسجيل: 02-27-2008
مجموع المشاركات: 3701
Quote: الكلام ده قبل و للا بعد الانقسام (المفاصلة) لأنو الترابي رأيو الفقهي انه ليس هناك سند من القرآن على أن المسيح سيعود في آخر الزمان و هو شخصيا يرجح أنه لن يعود و يرى أن قصة عودة المسيح تسللت للفقه الاسلامي من مصادر مسيحية. اها كان المسيح ما جا بحسب كلام شيخ حسن حيعملوا شنو ؟
أخوي سيف عشان أمخولك زيادة أنا أقول بما يقوله أخوانا الجمهوريين "عجبت لمن ينتظر عودة المسيح ولا ينتظر عودة محمد"
Quote: اها كان المسيح ما جا بحسب كلام شيخ حسن حيعملوا شنو ؟
طيب ما الضحك شرطكم ح يمسكوها لاااااااااااااامن تنتهي تحياتي
11-11-2009, 00:02 AM
الشفيع وراق عبد الرحمن الشفيع وراق عبد الرحمن
تاريخ التسجيل: 04-27-2009
مجموع المشاركات: 11406
ووووووووووووووووووووووووووووووووووووووووو البوست فوق شكرا يا باشمهندس والشحدة الماسنجرية جابت ليها نتيجة شكلها ههههههههه بعد دا ياني الشاحداك كل مرة لووووووووووووول يكة
11-11-2009, 06:29 AM
Magdi Ahmed Elsheikh Magdi Ahmed Elsheikh
تاريخ التسجيل: 03-11-2008
مجموع المشاركات: 7720
Quote: ووووووووووووووووووووووووووووووووووووووووو البوست فوق شكرا يا باشمهندس والشحدة الماسنجرية جابت ليها نتيجة شكلها ههههههههه بعد دا ياني الشاحداك كل مرة لووووووووووووول يكة
11-11-2009, 06:11 AM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11833
Quote: المؤتمر ما عندو بديل لرئيس لا يستطيع ان يؤدي واجباته كامله لظروف خارجة عن ارادته!
أصدقك القول أخي MOHAMMED ELSHEIKH لو المؤتمر الوطني رشح غيره لن اعطيهم صوتي مرشحنا فقط البشير ولا احد سواه (وموش عارفه حبنا للبشير جاء من وين) ومقتنعة جدا انو ما براي ياخي كفاية وليد الشفت رايه نفس الراي
حبوبتي في البيت بتكره الكيزان لكن بتمووووووت في البشير وما بترضى فيه كلمة (الله يرحمها) كلنا شوفنا مسيرات التاييد للبشير بعد نصف ساعة فقط من صدور مذكرة اعتقاله واللي كانت عفوية
والله منظر وشعور لا يوصف
11-11-2009, 06:38 AM
حمزاوي حمزاوي
تاريخ التسجيل: 10-10-2002
مجموع المشاركات: 11622
Quote: اعادة انتخابه لزومها انو حضرة جناب احزابنا المعارضة ما عندها بديل عشان نحن كشعب نقتنع بيه ونرشحه في مقابل البشير
احزاب كسيحة .... عرجاء .... لا تقوى على طرح برنامج بديل لبرنامج الانقاذ يعني تقدر تقول خيارنا في الانقاذ زي خيار (احلاهما مر) وكمان انا عندي قناعة طالما الوضع بتاع احزابنا المعارضة بالصورة الشايفنها انا في الحالة دي مقتنعة بي المقولة دي (نار حكومة الانقاذ.... ولا جنة الاحزاب الكسيحة)
الكوزة ميادة مسكاقمي من حقك ان تحبي وتعجبي وتتفاخرى بمعشوقك عمر البشير ولكن ان تستخفي بالشعب السوداني وأحزابهم وكياناتهم بهذه السذاجة وتقول ان مافي زول غيرو من اهم مقومات الديمقراطية ان نحترم الاخر ويكون المنافسة شريفة فعلاً يا دينق اخوي كما ذكرت لابد أن يكون هنالك خلل ما في تركيبة تفكير هؤلاء الكيزان غايتو جنس غايتو
11-11-2009, 07:00 AM
ياسر عبدالعزيز الطيب ياسر عبدالعزيز الطيب
تاريخ التسجيل: 11-26-2004
مجموع المشاركات: 170
ميادة السلام عليكم وصباح الخير مبروك البوست صار في العلالي بس كلامك دا والله حيرني عديل كده فهل بهذه البساطة نختار من يحكمنا
Quote: أصدقك القول أخي MOHAMMED ELSHEIKH لو المؤتمر الوطني رشح غيره لن اعطيهم صوتي مرشحنا فقط البشير ولا احد سواه (وموش عارفه حبنا للبشير جاء من وين) ومقتنعة جدا انو ما براي ياخي كفاية وليد الشفت رايه نفس الراي
11-11-2009, 07:34 AM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
والله خجلان ليكى يا ميادة... ما فى نوبية عملت عملك دة ... تمجدى فى كتال كتلا؟ البشير كاتل مجدى وشهداء كجبار خليكى من الملايين فى الجنوب ودارفور واغتصاب نساء دارفور وقتل شهداء امرى وبورتسودان واطفال العيلفون وبيوت الأشباح !!!!!! يا ميادة ما سمعنا انو اليهود اغتصبوا بت فلسطينية واحدة من سنة 48 حتى الآن...وانظرى حولك الفساد فى ظلال المشروع الحضارى... لو البشير فاز بالتزوير سيتفتت السودان الى اكثر من دولة وتقوم حروب أهلية فى كل السودان... بطلى هلوسة وخلى رئيسك دة يغور... رئيس ما بيقدر يزور يوغندا وافريقيا الوسطى وتشاد دة ما ينفع رئيس جمعية خيرية..
منان
11-11-2009, 10:57 AM
mayada kamal mayada kamal
تاريخ التسجيل: 08-31-2007
مجموع المشاركات: 8015
Quote: والله خجلان ليكى يا ميادة... ما فى نوبية عملت عملك دة ... تمجدى فى كتال كتلا؟ البشير كاتل مجدى وشهداء كجبار خليكى من الملايين فى الجنوب ودارفور واغتصاب نساء دارفور وقتل شهداء امرى وبورتسودان واطفال العيلفون وبيوت الأشباح !!!!!! يا ميادة ما سمعنا انو اليهود اغتصبوا بت فلسطينية واحدة من سنة 48 حتى الآن...وانظرى حولك الفساد فى ظلال المشروع الحضارى... لو البشير فاز بالتزوير سيتفتت السودان الى اكثر من دولة وتقوم حروب أهلية فى كل السودان... بطلى هلوسة وخلى رئيسك دة يغور... رئيس ما بيقدر يزور يوغندا وافريقيا الوسطى وتشاد دة ما ينفع رئيس جمعية خيرية..
منان
لا اوافق الرائل القائل بان ذهاب البشير سيكون الحل لمشاكل السودان ولا تواجده هو السبب الرئيسي الوحيد في مشاكل السودان يعني هل يعقل بقدرة قادر ستعالج جميع مشاكلنا في السودان لو الرئيس ترجل عن سدة الحكم معقولة !!!!!!!!!!!!!!!!!!!! شوفوا الداء وين واوجدوا ليه الدواء
11-11-2009, 08:07 AM
بدر الدين اسحاق احمد بدر الدين اسحاق احمد
تاريخ التسجيل: 03-29-2008
مجموع المشاركات: 17127
ــــ كتب الأخ الشفيع وراق متسائلاً مقتبساً جملة ليّ
Quote: أخت ميادة لك التحية
Quote: وقابضهامن خصرها
عماد الطيب يا أخوي ما دام القبضة دي محرقاكم كده مالكم ما فكيتوها منو؟
وجاء ردي كالاتي :
الشفيع يا خوي إنت حسّع دي قابض التحية وتوزع فيها للأخت ميادة بس ..!
أها أنا بقوليك التحية ليك ولي الأخت ميادة .
أولاً منو القاليك محرقنا؟! بالنسبة لي سلطة مسروقة ما في شيء بيلزمني ألحن وأغني ليها خالص خالص .
والفاكاك منها متروك ليكم إنتم .. و خليكم ما سكين فيها قوي .
وأظنك سمعت بالمثل القائل (كان دامت لي غيركم ما جاتكم أنتم)
وتحياتي ..
وجاء تعليق الأخ الشفيع وراق بالأتي
Quote: عماد يا أخوي والله ما عندي ليك كلام غير أقول ليك "طلعت أحسن مني" وليك العتبى حتى ترضى
Quote: (كان دامت لي غيركم ما جاتكم أنتم)
الجماعة ديل يا أخوي قالوا ما ح يسلموها إلا للمسيح عيسى بن مريم عليه السلام غايتو كان بتقدر تنتظر أنتظر
تحياتي
والأن يا الأخ الشفيع بعد السلام عليك أو جز ردي إليك في كيفية الفكاك من القبضة(الخصرية للبلاد) كما جاء في سؤالك إليّ وهو بنفس إنتزاع التحية التي (قبضتها وأختصرتها) علي الأخت ميادة فهاهو الأن أنت تطلقها لنا , ومع الملاحظة عندما مسكت فيها قوي (وجعتك) آي التحية, والأن السلطة هي بنفس الطريقة والتي هي تسمي بطريقة ( الفكاك بالإحراج) واحد من ألف أسلوب أخر .
وتحياتي تاني ليك يا الشفيع وشكراً ليك يا أخت ميادة..
ــ وبجيك راجع لي قصة التسليم إلي عيسي عليه الصلاة والسلام وأخير ليكم تتنازلوا في هذا الأمر لانو الإحراج ليكم ح يكون فاضح هذه المره.
الاخت الفاضلة ميادة كمال سلام وتحية شكراً لهذا البوست وارجو عدم الالتفات لمن يريدون ان يتسببوا في انحرافه مع احترامنا لوجهة نظر الاخوة المخالفين لآرائنا وبقدر ما وجدوا المساحة للتعبير عن رفضهم ترشيح الاخ المشير البشير فاننا ايضا نملك الحق باعلان ترشيحنا له الفيصل بيننا جميعا هو صندوق الانتخابات وهي ذات الانتخابات التي ظلت القوي السياسية المختلفة تتطالب بها للاحتكام الي الشعب ، اعتقادا منهم أن الانقاذ تفتقد الي المناصرين والان بعد ان اصبحت الانتخابات (قاب قوسين او أدني) أصبحوا يطالبون بالغائها
فليظل هذا البوست عاليا من اجل ترشيح الاخ المشير عمر البشير رئيسا للبلاد قائدا لها في كل مواجهات التآمر ومحاولات تمزيق وحدة السودان (ولا شمال بدون جنوب)
نعم نؤيد ترشيح الاخ المشير عمر البشير رئيسا للجمهورية ونؤكد ماهو مؤكد باستعدادنا للمضي معه اكمالا لمسيرة الوحدة والسلام
11-11-2009, 12:15 PM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
Quote: ووووووووووووووووووووووووووووووووووووووووو البوست فوق شكرا يا باشمهندس والشحدة الماسنجرية جابت ليها نتيجة شكلها ههههههههه بعد دا ياني الشاحداك كل مرة لووووووووووووول يكة
قوة عين كيزان.
11-11-2009, 12:44 PM
mayada kamal mayada kamal
تاريخ التسجيل: 08-31-2007
مجموع المشاركات: 8015
الشكر للاخ بكري اعتقد انه تصرف بنزاهة يحسد عليها كما اقدر له عدم انصياعه لاحتجاجت البعض هنا واي تعديل تم عاليه في المانشيت اعتقدانه تم كما العادة كاجراء روتيني وليس عن قصد بتلبيه رغبات المغرضين هنا
وفي الاخر كُتب لنا ان نسود... ولا يصح الا الصحيح
11-11-2009, 12:37 PM
Frankly Frankly
تاريخ التسجيل: 02-05-2002
مجموع المشاركات: 35211
الأخت الفاضلة ميادة كمال تحية طيبة من عند الله مباركة
كتب في مكان أخرل
البشير بصفته صانع السلام وقائد ركبان السودان الحديث إلى أفاق الستقبل الواعد البشير هو مهاتير السودان وصانع تاريخه الحديث لعقدين من الزمان , وأمل الأمة السودانية في الإنتخابات القادمة بدون منافس, رجلُ كلّه حكمة وفطنة ويقف إلى جانبه رجال أفذاذ في السياسة الخارجية وقواعد ساس يسوس رجل بهذه الصفات لا يعقل أن يخطو خطوة غير مدروسة وهو المرشّح الأوفر حظاً لقيادة السودان في ظل التحوّل الديموقراطي الذي هو من صنعه كما صنع السلام
Quote: الأخت الفاضلة ميادة كمال تحية طيبة من عند الله مباركة
كتب في مكان أخرل
البشير بصفته صانع السلام وقائد ركبان السودان الحديث إلى أفاق الستقبل الواعد البشير هو مهاتير السودان وصانع تاريخه الحديث لعقدين من الزمان , وأمل الأمة السودانية في الإنتخابات القادمة بدون منافس, رجلُ كلّه حكمة وفطنة ويقف إلى جانبه رجال أفذاذ في السياسة الخارجية وقواعد ساس يسوسرجل بهذه الصفات لا يعقل أن يخطو خطوة غير مدروسة وهو المرشّح الأوفر حظاً لقيادة السودان في ظل التحوّل الديموقراطي الذي هو من صنعه كما صنع السلام تحياتي كمال
البشير بصفته صانع السلام وقائد ركبان السودان الحديث إلى أفاق الستقبل الواعد البشير هو مهاتير السودان وصانع تاريخه الحديث لعقدين من الزمان , وأمل الأمة السودانية في الإنتخابات القادمة بدون منافس, رجلُ كلّه حكمة وفطنة ويقف إلى جانبه رجال أفذاذ في السياسة الخارجية وقواعد ساس يسوس رجل بهذه الصفات لا يعقل أن يخطو خطوة غير مدروسة وهو المرشّح الأوفر حظاً لقيادة السودان في ظل التحوّل الديموقراطي الذي هو من صنعه كما صنع السلام
تحياتي كمال
الاخ كمال فرانكلي حمد الله على السلامة وشايفاك مطول الغيبة من المنبر
نعم البشير رجل المرحلة والحمد لله الرجل له قبول شعبي واسع
11-11-2009, 04:28 PM
mayada kamal mayada kamal
تاريخ التسجيل: 08-31-2007
مجموع المشاركات: 8015
فوووووووووووق من اجل البشير لا يجوز للاخ كوستاي ان ينزل بوست بنفس الاسم كما لا يجوز له الاحتجاج عند الاخ بكري طالما انا لم اخالف اي قانون من قوانين المنبر وكلنا اعضاء سواسية في الحقوق والواجبات طالما نتميز بنفس الباسوورد
اعترض على طريقة احتجاج الاخ كوستاوي
11-11-2009, 04:29 PM
BAKTASH BAKTASH
تاريخ التسجيل: 02-21-2003
مجموع المشاركات: 2522
لا تسأل الادارة عما تفعل ولكن رفع البوست في صدر المنبر اهانة لضحايا هذه الطغمة بل استفزاز لمشاعر القراء واستخفاف بعقولهم.... في نهاية الامر نحن ضيوف وممكن نقبل (على مضض) شراب موية القرض.
11-11-2009, 04:42 PM
mayada kamal mayada kamal
تاريخ التسجيل: 08-31-2007
مجموع المشاركات: 8015
Quote: أصدقك القول أخي MOHAMMED ELSHEIKH لو المؤتمر الوطني رشح غيره لن اعطيهم صوتي مرشحنا فقط البشير ولا احد سواه (وموش عارفه حبنا للبشير جاء من وين) ومقتنعة جدا انو ما براي ياخي كفاية وليد الشفت رايه نفس الراي
طيب يا ميادة...ممكن توريني ماهي مؤهلات البشير كرئيس؟! من وجهة نظرك انت؟!. غير رمز البلاد..ورمز العزة.. ومافي بديل...والكلام بتاع الانشاء ده.
من كلامك وردودك زي كانك عايزة تقولي للناس انه البشير ما عنده زنب في الفساد الحاصل في البلد او الموت والاغتصابات الحاصله في دارفور..او التفريط في سيادة البلد... وانه الكلام ده زنب كل السياسيين الموجوديين في الساحه...حتى لو كانوا مؤتمر وطني..بس لكن ما البشير؟!..هل اعتقادي صاح ولا غلط..لو غلط ممكن تصلحيني.؟!.
دي زي نظرية الرسالات الالاهية....
ان يقوم الرسول بكافة ما كفل به على اتم وجه في ابلاغ رسالة ربه. أما اذا وجدت خطايا أو عم الفساد فذلك من انفس الناس وليس على الرسول الا البلاغ.
كلامي اعلاه صحيح في الديانات السماوية. اذ أن الرسل معصومون من الخطأ في التبليغ بامر الله. كذلك أنهم قوم مختارون من الله ومؤيدون بالناموس.
ليس البشير الا بشر.
وهو حاكم على رعية.
واحوال البلاد تثبت ظلمه وفشله في ادارتها وفشله في تبليغ أي اجندة سياسية..فهو عسكري وليس له بل تحت الدستور اللي كان لا يحق له أن يكون عضوا في حزب ناهيك عن رئس دولة.
د. إبراهيم عجلان: "*في قضية الجنائية ايد الشارع السوداني الرئيس البشير بشكل لافت هل تري انه يمكن ان يمتد لتأييده في الانتخابات ؟ - فعلا الرئيس البشير سيستفيد من هذا التأييد حتي علي المستوي العربي حيث أصبح هناك شعور عربي كبير بوجود مبالغات في وصف الاحداث والقضايا في السودان وهذا خلق نفورا وكرس للشعور بالاستهداف للسودان ..في الظرف الراهن البشير هو الاقرب لاكتساح الانتخابات كما ان هناك نمو اقتصادي في السودان سيكون لصالح البشير، وفي مصر اصبح يشار الي هذا التقدم ويستدل به وتعقد مقارنات كذلك لصالح السودان فكل هذه الامور برنامج انتخابي ناجح للبشير."
خلاص يا أُميمة خلِّيني أقعُد أسألِك وتقعُدي تسأليني كِدة لحدّي ما البشير ياخُد ليهو دورتين تلاتة في الرئاسة لا هو عِندو مُنافسين.. ولا نِحنا ورانا حاجة
Quote: ها هي ادارة البورد تستجيب لضغوط المناتليت وتنزل البوست
لا يا استاذ عمر انا لا احمل بكري المسئولية بالعكس بكري لو كان زي ما انت بتقول كان نزل البوست اول ما المناتلين ديل احتجوا وزي ما انت شايف التعديل شامل كل البوستات وليس بتاعى لوحده اللهم الا كان داير يحفظ ما وجههم لكن برضو نقطة تحسب لصالحنا ولا شنو وراهم وراهم وفي الاخر لا يصح الا الصحيح
11-12-2009, 00:34 AM
علاء الدين صالح علاء الدين صالح
تاريخ التسجيل: 08-11-2009
مجموع المشاركات: 1760
أهم مقومات الانتخابات مافيها, اذن كيف تسمى انتخابات من الاساس؟!.
ياريت لو الاحزاب المعاضة فعلا رفضت الاستراك في التمثيلية دي الا اذا تمت في ظل ديمقراطية انتخابية حقيقية.
أميمة توم آند جيري راكبين مُركَب جيري ماسك المجاديف وبيجدِّف وتوم قاعِد ورا في نُص البحر توم قال لجيري: - ياخي ما تجدِّف برّاحة ياخ.. غبّرتنا جيري المسكين قال ليهو: - يا توم البحر ما فيهو غُبار توم وقف على حيلو وقال لجيري: - وكمان جابَت ليها لَماضة؟ وطاااااخ
وبمناسبة البحر دي قالوا في كديسة في البحر جعانة جوع شديد قدُر ما تحاوِل تصطاد ليها في سمكة مافي طريقة بعد تعب شديد إصطادت ليها سمكة كبيييرة أكلَت منّها حِتّة صغيرة، في اللحظة دي شافتا واحدة صاحبتاجات ماشّة عليها وقالت ليها: بُرّة قعَد تاكلي في شنو؟ الكديسة راحت رامية السمكة في البحر وقالت لصاحبتا: - اوفففف.. سمكة.... لكن فيها جِنِس شطّة
11-12-2009, 01:13 AM
Omayma Alfargony Omayma Alfargony
تاريخ التسجيل: 09-01-2004
مجموع المشاركات: 1434
Quote: أميمة توم آند جيري راكبين مُركَب جيري ماسك المجاديف وبيجدِّف وتوم قاعِد ورا في نُص البحر توم قال لجيري: - ياخي ما تجدِّف برّاحة ياخ.. غبّرتنا جيري المسكين قال ليهو: - يا توم البحر ما فيهو غُبار توم وقف على حيلو وقال لجيري: - وكمان جابَت ليها لَماضة؟ وطاااااخ
وبمناسبة البحر دي قالوا في كديسة في البحر جعانة جوع شديد قدُر ما تحاوِل تصطاد ليها في سمكة مافي طريقة بعد تعب شديد إصطادت ليها سمكة كبيييرة أكلَت منّها حِتّة صغيرة، في اللحظة دي شافتا واحدة صاحبتاجات ماشّة عليها وقالت ليها: بُرّة قعَد تاكلي في شنو؟ الكديسة راحت رامية السمكة في البحر وقالت لصاحبتا: - اوفففف.. سمكة.... لكن فيها جِنِس شطّة
أستاذ علاءالدين...
الكلام الفوق ده كله...
Is a game
a duplex game
I can say it the same thing using your own words and not changing a bit
:).
11-12-2009, 02:59 AM
Kostawi Kostawi
تاريخ التسجيل: 02-04-2002
مجموع المشاركات: 39979
يا كوستاوي حلوة مشؤوم دي والله إنتو عندكم جنس حركات وين الديموقراطية وحرية التعبير واحترام الرأي الأخر؟
على كلٍ أنت أكثر واحد بيسهم في رفع البوست في سقف المنبر بكل مداخلة لك لا يهم محتواها, فكل يقرأ حسب فهمه وتقديره للأمور ورب مبلّغٍ أوعى من سامع
حقو الأخت ميادة تعطيك وسام العتالة الجمهوري ما قصّرت معاها خالص في الدعاية والإعلان والتعتيل
موضوع ناضل يناضل كيبورديا دي حقو تنسوها بعد دا الموضوع دخل في اللحم الحي قدّموا خياراتكم للشعب وبدائلكم لطريقة الحكم غير كدا خموا وصرّوا وسفّوا التراب البشير راجع راجع رضينا أم أبينا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
mayada kamal
عمر صديق
emad altaib
الصادق اسماعيل
Wasil Ali
Mannan
الشفيع وراق عبد الرحمن
Kostawi
احمد محمد بشير
جعفر محي الدين
Magdi Ahmed Elsheikh
عمران حسن صالح
Abd Alla Elhabib
Adam Omer
كمال عباس
أنور أدم
nabielo
البشير دفع الله
عاطف عبدون
walid shingrai
Hafiz Bashir
Deng
MOHAMMED ELSHEIKH
ياسر عبدالعزيز الطيب
علاء الدين يوسف علي محمد
بدر الدين اسحاق احمد
دورنقاس
عبود عبد الرحيم
فيصل محمد خليل
Frankly
BAKTASH
اسعد صلاح البدري
بشير أحمد
عبداللطيف محجوب
Omayma Alfargony
Medhat Osman
علاء الدين صالح
bamseka
فيس بوك
تويتر
انستقرام
يوتيوب
بنتيريست