Re: س سؤال (Re: دينا خالد)
دينا خالد صباحاتك بيضا قبال ما أخش معاك في النقاش داير أثبت ليك حاجة في البداية، وهي إنو بنت عمرو بن هشام دي أساساً كانت مسلمة ما كانت مشركة ولا حاجة وأساساً مسألة الزواج من المشركات مسألة محسومة في الدين عشان كده القرآن بيقول {ولا تنكحوا المشركات حتى يؤمن .... الآية} ولغاية النقطة دي زااتا كان في سؤال بيطرح نفسو [ليه الرسول أخد الزولة دي بذنب أبوها؟] لكن أنا اجاوزت عن السؤال ده للسؤال الحسي قاعدين نتناقش فيهو. وطالما ثبتنا إنو الزولة الكان داير علي بن أبي طالب يعرسا مسلمة ما مشركة يبقى نكمل نقاشنا على هذا الأساس. الكلام القاعدين نناقش فيهو ده يا دينا معترة ليهو نقطتين أساستين لازم نحسمهم عشان نفهم القصة بشكل صاح، أول نقطة هي [هل للرسول عصمة مطلقة زي ما الشيعة بيقولوا؟] والنقطة التانية هي [هل الزواج مسألة دنيوية ولا دينية؟] وخلينا نناقش المسألتين وحدة وحدة. المسألة الأولى: عصمة الرسول المُطلقة الناس البتقول بعصمة الرسول المطلقة دي بتعتمد في كلاما ديّا على آية {وما ينطق عن الهوى إن هو إلا وحي يوحى} وشايفة إنو الآية دي حسمت المسألة بشكل نهائي، بدليل إنو أي كلام بيقولو الرسول هو وحي من الله وعلى هذا الأساس فهو بيكذبوا قصة [تأبير النخلة] وبيكذبوا قصة [عبس وتولى] إنو المقصود بيها الرسول، وبيقولوا إنو المقصود بيها زول تاني وإستحالة بأي حال من الأحوال يكون الرسول عبس في وش بني آدم لأنو ده منافي لأخلاقو الشكرو فيها القرآن {وإنك لعلى خلق عظيم.... الآية} و {أدبني ربي فأحسن تأديبي .... الحديث} لكن بغض النظر عن كلامهم دا فالموضوع ممكن نناقشو برضو من جانب تاني. إنتي بتقولي إنو الرسول حلف العرس ده ما يتم بدافع [بشري أبوي] ولو كان علي بن أبي طالب أصر على الزواجة دي كان الرسول ما حيقدر يمنعه وكل الكان ممكن يعملوا يصوم تلاتة أيام كفارة الحلف؛ فهل كلامك ده صاح؟ أولاً: كفارة اليمين ما صيام تلاتة أيام [مباشرة] لكن الصيام ده خيار أخير لكفارات سابقة عليها وهي واضحة في الآية بتاعت كفارة اليمين {لا يؤاخذكم الله في اللغو في أيمانكم ولكن يحاسبكم بما عقدتم الأيمان فكفارته إطعام عشرة مساكين من أوسط ما تطعمون أهليكم أو كسوتهم أو تحرير رقبة فمن لم يجد فصيام ثلاثة أيام} يعني أول حاجة لازم يطعم [10] مساكين أو يشتري ليهم كسوة، أو يعتق رقبة وكان ما قدر على الاتنين ديل حتن بعد داك يجي موضوع الصيام. وعلى العموم ده ما موضوعنا. ثانياً: هل من الممكن إنو الرسول يخالف شرع إلهي قرآني بالحلف مع عدم القدرة على الإيفاء؟ ياهوندا الدليل الأول قدامك [آية الأيمان] وده دليل تاني كمان {ولا تجعلوا الله عرضة لأيمانكم ..... الآية} أعتقد إنو في الحتة دي الموضوع مرق من مسألة الدنيوية إلى موضوع شرعي ليها أدلة من القرآن، وما أعتقد إنو الرسول حيخالف تشريع واضح، وطالما إنو الموضوع فيهو كفارة فهو معصية وما من المنطق نقول إن الرسول قد يعصي الله؛ فيبقى ليه حلف؟ المسألة التانية: الزواج أمر ديني في رأيي أنا الشخصي يا دينا الزواج ده أمر دنيا ما دين، لكن رأيي حاجة، والواقع التشريعي حاجة تانية، فالزواج مسألة دينية عندها شروطها وأحكامها وفيهو أشياء محرمة وأشياء مكروهة وأشياء مستحسنة وليهو آيات كتيرة جداً بتدخل بتنظيمو وتشريعو حتى في حالة الخلافات الأسرية والنشوز لغاية الطلاق زاتو، وباختصار كده الزواج ده في الإسلام شأن ديني بحت؛ فهل الإفتاء في الشأن الديني ممكن يتأثر بعوامل عاطفية إنسانية؟ أنا ممكن أتصوّر أيّ زول يفتي في مسائل الزواج والطلاق دي بي عاطفتو إلا الرسول [وتحديداً لمن يكون الأمر متعلق بالحرام والحلال] طيب قلنا إنو الرسول ما كان بيحاول يحرم الحلال، أها يبقى حجتو القالا دي موقعا شنو من الإعراب؟ هل هي [زي ما بتقولي كلام زعل ساي] ولا حاجة عندها علاقة بالدين؟ لو قلنا إنو الموضوع كلام زعل ساي فحنخش طوالي في النقطة التانية [هل ممكن الرسول يخالف الشرع ويحلف في حاجة ما ممكن يوفي فيها وخاصة إنو فيها رأي ديني واضح؟] وهل الكلام القالو ده فعلاً كلام زعل ساي؟ [والله لا تجتمع بنت رسول الله صلى الله عليه وسلم ، وبنت عدو الله مكاناُ واحد أبداً] يعني ليه دخل [الله] في الموضوع؟ ما كان يقول {والله لا تجتمع ابنتي [أو ابنة محمد] وبنت أبي جهل في مكان واحد} زي ما قال في حادثة قطع اليد {والله لو سرقت فاطمة بنت محمد .... إلخ} ودي نفس الجُملة القلتيها إنتي في المداخلة بتاعتك، بس هو ما قالا بالصيغة دي، إنتي ما شايفة إنو استخدامو لعبارات زي [بنت رسول الله] في مقابل [وبنت عدو الله] بتدي إيحاء إنو الموضوع ده ديني في المقام الأول؟ معليش طوّلتَ عليك ++ (عدل بواسطة هشام آدم on 01-24-2010, 07:36 AM) (عدل بواسطة هشام آدم on 01-24-2010, 07:40 AM)

العنوان	الكاتب	Date
س سؤال	هشام آدم	01-21-10, 11:04 AM
Re: س سؤال	رغيم عثمان رغيم الحسن	01-21-10, 06:09 PM
Re: س سؤال	رغيم عثمان رغيم الحسن	01-21-10, 06:15 PM
Re: س سؤال	هشام آدم	01-22-10, 11:48 AM
Re: س سؤال	Abureesh	01-21-10, 06:24 PM
Re: س سؤال	Mohamed E. Seliaman	01-21-10, 07:28 PM
Re: س سؤال	هشام آدم	01-22-10, 12:19 PM
Re: س سؤال	هشام آدم	01-22-10, 12:13 PM
Re: س سؤال	هشام آدم	01-22-10, 11:45 AM
Re: س سؤال	Mohamed E. Seliaman	01-23-10, 06:23 AM
Re: س سؤال	هشام آدم	01-23-10, 08:46 AM
Re: س سؤال	Mohamed E. Seliaman	01-23-10, 08:50 AM
Re: س سؤال	هشام آدم	01-23-10, 08:54 AM
Re: س سؤال	Mohamed E. Seliaman	01-23-10, 09:04 AM
Re: س سؤال	صلاح عباس فقير	01-23-10, 10:40 AM
Re: س سؤال	دينا خالد	01-23-10, 09:54 AM
Re: س سؤال	جمال المنصوري	01-23-10, 09:59 AM
Re: س سؤال	هشام آدم	01-23-10, 10:18 AM
Re: س سؤال	هشام آدم	01-23-10, 11:51 AM
Re: س سؤال	صلاح عباس فقير	01-23-10, 12:48 PM
Re: س سؤال	هشام آدم	01-23-10, 01:10 PM
Re: س سؤال	عمرو علي	01-23-10, 12:56 PM
Re: س سؤال	هشام آدم	01-23-10, 01:27 PM
Re: س سؤال	دينا خالد	01-24-10, 00:35 AM
Re: س سؤال	هشام آدم	01-24-10, 07:31 AM
Re: س سؤال	محمد عبدالله مختار	01-24-10, 02:17 PM
Re: س سؤال	Mohamed E. Seliaman	01-24-10, 06:57 PM
Re: س سؤال	سيف اليزل برعي البدوي	01-24-10, 11:41 PM
Re: س سؤال	عمر صديق	01-25-10, 00:13 AM
Re: س سؤال	Mohamed E. Seliaman	02-01-10, 12:26 PM
Re: س سؤال	Mohamed E. Seliaman	02-06-10, 08:23 AM
Re: س سؤال	Mohamed E. Seliaman	02-09-10, 02:34 PM
Re: س سؤال	هشام آدم	02-09-10, 06:04 PM
Re: س سؤال	عمر عبد الله فضل المولى	02-09-10, 07:41 PM
Re: س سؤال	هشام آدم	02-09-10, 08:04 PM
Re: س سؤال	عماد موسى محمد	02-09-10, 08:43 PM
Re: س سؤال	هشام آدم	02-09-10, 09:05 PM
Re: س سؤال	آدم صيام	02-10-10, 08:38 AM
Re: س سؤال	عشة بت فاطنة	02-10-10, 04:15 PM
Re: س سؤال	Mohamed E. Seliaman	02-22-10, 06:21 AM
Re: س سؤال	Mohamed E. Seliaman	02-22-10, 07:07 AM

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]