|
Re: وداعاً عزف الالحان... ستجري لي عمليه جراحيه في يدي ... دعواتكم معنا (Re: محمد زكريا)
|
اصابه كسر في يدي ذلك الحادث كان بعد عودتي من الخرطوم الي اوسلو في السابع من ديسمبر انها الاقدار والحمدلله تم وضع يدي اليمني في الجبص لمده شهر كان هذا سبب في عدم مشاركاتي في العديد من البرامج والنشاطات الموضوعه بمناسبات راس السنه واعياد الاستقلال وغيرهامن المناشط في غربتنا المحزنه هذه كم كنت حزيناً علي انني لا استطيع تحرك اصابعي........والحمدلله جات سليمه وعلي كده لقد وقف معي الاخوه والاخوات السودانيين في اوسلوا وقفه لن انساها طول ما حييت فلهم الشكر جميعاً بعد زاله الجبص وجد الاطباء ضروره اجراء عمليه جراحيه حتي لا تعاق عمليه تحريك اصابعي في المستقبل قرروا ان يكون يوم الاثنين الموافق18 يناير تاريخا لاجرائها يجب ان اصوم12 ساعه علي الاقل قبل العمليه لم يحدث ان تعرضت الي تخدير كامل من قبل غايتوا ربنا يجيب العواقب سليمه ونقوم منها بصحه وعافيه يارب
دعواتكم معنا اللهم اعطنا جميعاً الصحه والعافيه.. والحمد والشكر لله علي كل حال
| |
|
|
|
|
|
|
Re: وداعاً عزف الالحان... ستجري لي عمليه جراحيه في يدي ... دعواتكم معنا (Re: د.يوسف محمد طاهر)
|
Quote: د.يوسف محمد طاهر نسأل الله تعالى لك العافية والسلامة أخي محمد زكريا ... طهور إن شاء الله ... |
سلام د. يوسف محمد طاهر
الحمدلله ونعم بالله ربنا يديك العافيه ويسلمك نم كل اذي وشر ===== الحمدلله لقد تمت اجراء العمليه بنجاح ووجدت اهتمام فائق من الاخصائيين
وكله بتوفيق من عندالله سبحانه وتعالي والشكر لكل من اورد حرفا ونطق والي اللذين اتصلوا هاتفياعلي او علي شقيقي اثناء العمليه وبعدها وان شاءالله ما يوريكم الا كل خير يا رب كما ارجوكم الاستمرار بالدعاء دائما ليشفي كل المرضي يارب اامين
| |
|
|
|
|
|
|
Re: وداعاً عزف الالحان... ستجري لي عمليه جراحيه في يدي ... دعواتكم معنا (Re: أسامة البلال)
|
Quote: سلامتك وكل النرويج كرامتك يافنان
ماسمعنا بالحادث وخبر زي دا مفروض يكون في اول نشرات ال إن أر كو رئيس جالية قدر الدنيا
اتصلت عليك كم مرة أبارك ليك العرس لكن التلفون كان مقفول وكنت فاكرك نايم في العسل في السودان
كفارة يا عريس وبركة العين الجات علي كدا وربنا ينجح العملية وان شاء الله نجيك زيارة |
اسامه استافنقر شخصيا ياخ انت تجي الحوش وما تكلمنا نستقبلك
الحادث حدث كقدر لم يكن في الحسبان ولم اشاء ان اؤرق الاهل والحبان به لذا لم ينشر نزولا لرغبتي في عدم اثاره الامر, صح لقد اغلقت ذلك الرقم القديم....عريس وكده زورونا وما تنسي البطيخ والبرتكان ههه تسلم يا صديق وشكرا علي كلماتك العطره تحياتي للعائله
| |
|
|
|
|
|
|
Re: وداعاً عزف الالحان... ستجري لي عمليه جراحيه في يدي ... دعواتكم معنا (Re: لؤى)
|
Quote:
مورتون مساء الخير
ألف سلامة ياخي ما سمعنا بالموضوع دا ربّنا يواليك بالعافية وتاني ما تعزف قدّام العيون الحارّة
|
عريس الموسم المحبوب لؤي
انا غايتو الحمدلله جات في يدي وسامحتني شيل معاك كمون اسود لمن تجي للعرس اصلوا انت عيون السودان كلها متابعاك بعد العقد العملاق ..ماشاءالله تبارك الله وربنا يتمم لكم بخير ويديكم الصحه والعافيه
مرورك خفف علي الحال...شكرا
| |
|
|
|
|
|
|
Re: وداعاً عزف الالحان... ستجري لي عمليه جراحيه في يدي ... دعواتكم معنا (Re: Elmosley)
|
Quote: محمد سلامتك ياخي والله انت من اكثر الموسيقيين الذين امتعتني كتاباتهم ونشاطك هنا جاد وحميل وفيد شفاك الله وقلوبنا معك |
استاذ الموصلي هذه الكلمات الشذيه هي ما الا نفحات عطره استنشقهاواجدها نقيه وطيبه تشفي كل من مر عليهامن عله اسعدني مروركم وازاح الحزن مفرداتك الثنيه وافرحتني تشجيعا وليتني اكون دائما كما احسنت الظن فيني تقبل الله كل دعائك واستجاب وليجعل قلبك مودع لكل الناس حبا وخيرا
شكرا جزيلا مع تحياتي الخالصه
| |
|
|
|
|
|
|
Re: وداعاً عزف الالحان... ستجري لي عمليه جراحيه في يدي ... دعواتكم معنا (Re: محاسن أحمد محمد)
|
Quote: محاسن أحمد محمد الف سلامه ليك وانشاءالله تقوم بالسلامه وحتكون اكثـر ابداعا, ونحنان فى انتظارك لمن تقوم بالسلامه ولانسان المبدع حيظل مبدع
|
الله يسلمك ويسمع منك الدعاء شكرا علي كلماتك الطيبه هذه , هي لا شك من انسان فنان ونبيل
Quote: يلى ورينا قاعد تكتب كيف هسع فى سودانيس اولاين علما بانو يدك اليمينـ فى
( ده الابداع زاتـو )
|
ما ح تصدقيني لو قلت ليك عندي جهاز بتكلم فيه شفاهه وهو بطبع الكلام البقولو ليهو....اخر صيحه في التكنلوجيا
| |
|
|
|
|
|
|
Re: وداعاً عزف الالحان... ستجري لي عمليه جراحيه في يدي ... دعواتكم معنا (Re: فضل الصادق)
|
Quote: فضل الصادق ألف لا بأس عليك الاخ محمد زكريا سوف تتحرك الأنامل ثانية لتعزف أروع الألحان بحول من الله بالنسبة للتخدير الكامل ، لى تجربة فى خلال سنتين تعرضت له أكثر من مرة لا خوف عليك منه بإذن الله خاصة أنك فى بلاد تعرف معنى وقيمة الإنسان |
ونعم بالله حقيقه خفت من العمليه كلها ورفضتهاعندما اقترحوها اول مره لكن الاخصائيين نصحوني بشده خصوصا عنما علموا بانني موسيقياً هم يقدرون فعلا قيمه الانسان واشيائه القيمه شكرا علي كلماتك هنافهي بلسما
| |
|
|
|
|
|
|
Re: وداعاً عزف الالحان... ستجري لي عمليه جراحيه في يدي ... دعواتكم معنا (Re: طارق ميرغني)
|
Quote: طارق ميرغني اخي الفنان محمد
كفاره وسلامتك والف عزيز كرامتك
باذن الله ستقوم وتواصل بدعوات اصدقائك |
الاخ طارق كفر الله سيئاتكم وسلمك من كل شر شكرا لك وللاصدقاء
====
Quote: لكن قول لي:
Quote: كانت اصابه في يدي اليمني هذا قدري ومن لطف ربي والحمدلله
هي اليمين ولا الشمال ؟؟
|
هههه هههه طبعا الصور الفوق جات كالمرايا معكوسه من كاميرا الكمبيوتر
لكن هي اليد اليمين...قالوا عين في يوم عرسي هههه ههه الحمدلله جات علي كده
في الصوره انا وابن صديقي سمندلاوي ...... كتبوا علي الجبص بعض الكلمات للذكري ....اطفال حلوين
| |
|
|
|
|
|
|
Re: وداعاً عزف الالحان... ستجري لي عمليه جراحيه في يدي ... دعواتكم معنا (Re: محمد زكريا)
|
ثق بالله تماما يا محمد زكريا...طالما أناملك فيها نعمة من الخالق العظيم فلن يأخذها منك...وهو ذو الجلال والاكرام.... توكل عليه وحده وثق في ان انانلك عائدة الي مداعبة الساكس... هي فقط قرصة اضان لتكفير ذنب...
شفت رحمة ربك بعباده كيف؟؟؟؟
فلن تودع الألحان ولم يكن القصد ذلك يا محمد... ومع كل ذلك ألف لا بأس عليك....حسنة وأجر ونشوفك منتصب القامة يعزف علي ساكسه
| |
|
|
|
|
|
|
Re: وداعاً عزف الالحان... ستجري لي عمليه جراحيه في يدي ... دعواتكم معنا (Re: nazar hussien)
|
العزيز نزار حسين
Quote: nazar hussien ثق بالله تماما يا محمد زكريا...طالما أناملك فيها نعمة من الخالق العظيم فلن يأخذها منك...وهو ذو الجلال والاكرام.... توكل عليه وحده وثق في ان انانلك عائدة الي مداعبة الساكس... هي فقط قرصة اضان لتكفير ذنب...
شفت رحمة ربك بعباده كيف؟؟؟؟
فلن تودع الألحان ولم يكن القصد ذلك يا محمد... ومع كل ذلك ألف لا بأس عليك....حسنة وأجر ونشوفك منتصب القامة يعزف علي ساكسه
|
هذا اجمل تعليق اقراؤه في هذا البوست حتي الان...يا الله الحمد له وعلي نعمته علينا لم احس يوما بعظمه اعضاء جسمي وسبحان من خلق الا في هذا الامتحان الصغير رايت كيف تتحول الامور في اقل من ثانيه ,تمرح وتختال بصحه وحيويه وفجاءه تتبدل الامور كيف يمكن ان تكون ضعيفاوعاجزا اذا اراد الله ذلك لا حول ولا قوه لنا الا به سبحان الله اتمني ان اكون بصحه وعافيه واتمني لك ولذويك ايضا دوامها يارب..شكرا عزيزي نزار
| |
|
|
|
|
|
|
Re: وداعاً عزف الالحان... ستجري لي عمليه جراحيه في يدي ... دعواتكم معنا (Re: Raja)
|
Quote: Raja ألف لا بأس عليك يا مجمد يا عزيز..
ربي يكتب ليك الشفا التاام وقريب بإذنه تعالى
ســـلامة..
|
رجاء الرجاء التني وفي العجله اخطاء املائيه فادحه في تغيير المعني كما كانت مصيبتي محزنه ولكن خطاء الاملاء اضحكني وفرج عني بعض حزني ..قلت لي يا مجمد ياعزيز...قايلاني جداد كويتي ههه ههه ياختي مرورك هنا بالدنيا يا الذ زوله ودعواتك مستجابه باذن الله يا رب يديك الفي مرادك...الف شكر
| |
|
|
|
|
|
|
Re: وداعاً عزف الالحان... ستجري لي عمليه جراحيه في يدي ... دعواتكم معنا (Re: محمد زكريا)
|
اللهم رب الناس ، أذهب البأس ، أشف أنت الشافي لا شفاء إلا شفاؤك شفاء لا يغادر سقماَ اللهم رب الناس ، أذهب البأس ، أشف أنت الشافي لا شفاء إلا شفاؤك شفاء لا يغادر سقماَ اللهم رب الناس ، أذهب البأس ، أشف أنت الشافي لا شفاء إلا شفاؤك شفاء لا يغادر سقماَ
أسأل الله العظيم رب العرش العظيم أن يشفيك أسأل الله العظيم رب العرش العظيم أن يشفيك أسأل الله العظيم رب العرش العظيم أن يشفيك أسأل الله العظيم رب العرش العظيم أن يشفيك أسأل الله العظيم رب العرش العظيم أن يشفيك أسأل الله العظيم رب العرش العظيم أن يشفيك أسأل الله العظيم رب العرش العظيم أن يشفيك
| |
|
|
|
|
|
|
Re: وداعاً عزف الالحان... ستجري لي عمليه جراحيه في يدي ... دعواتكم معنا (Re: إبراهيم عبد الحليم)
|
Quote: إبراهيم عبد الحليم يا اخوى انت فى هايتى ولا شنو
يا جارنا ماقلنا ليك ماتعرس اه شوفت العرس شن بسوى
عاجل الشفاء وللساكسفون الصبر والسلوى
|
الاخ ابراهيم كيف بري وناس بري والخرطوم وحلاوه ناسها اولاد الخاله ناس واي كليف جون الله يكون في عونهم زا والله ده ما العرس ده قدري هو الخلاني اعرس واكسر يدي ولطف بي لحدي هنا الله يسمع منك ويعجل بالشفاء وتجينا لكرامه وفرحه العافيه الساكس يا حليلوا شكرا
| |
|
|
|
|
|
|
Re: وداعاً عزف الالحان... ستجري لي عمليه جراحيه في يدي ... دعواتكم معنا (Re: خدر)
|
Quote: خدر سلامتك يا شليق و الف كفارة .. الحاصل عليك شنو ده كلو من العرس قلنا ليك ما تعرس ما صدقتنا و مشيت اتهورت اها خم و صر و شابكني تعال تعال اجي كيفن بعد يدك دي ؟ والله الا انا و بكور نعمل كونشرتو كمان و فوكال (دي جديدة دي )
سلامتك يا مورتون والله اجدع لي تلفونك في المسنجر و ما تشوف شر يا فنان |
كويس يا طارق الحنه وعدت تغني لي وما جيت عرسي وابيت تجي عملتها لي امريكاو ويكا داير تلقي ليك سبب عشان تزوغ ها ها بنجيب ليك عازف ساكس من اثيوبيا لو داير بكري مالو هين ولا ما كفايه والله لو جرا ليك قوس الا تبكي بس بعدين كمان وفوكال اشد حاجه انت ما سمعت التسجيلات القديمه لي كرومه وسرور
تسلم ياخي وربنا يتقبل دعوتك وتلفوني بتلقاهو قدامك
| |
|
|
|
|
|
|
Re: وداعاً عزف الالحان... ستجري لي عمليه جراحيه في يدي ... دعواتكم معنا (Re: MOHAMMED ELSHEIKH)
|
الزميل محمد زكريا
زميل من ناحية الكسر ..
من قبل ستة شهور حصل لي حادث ادي الي كسر عظمة الكعب Calcaneus Fracture
تخدير كامل و جبس و عصايات كلو كان لاول مرة .. عادي الامور مشت عال العال
في الاول بكون في خوف ورهبة لكن المكتوب في الجبين لابد تشوفو العين ودي
انشاء الله كفارة للذنوب وزكاة للجسد و قدر اخف من قدر والبشوف مصيبة غيرو
تهون عليهو مصيبتو ( يعني الواحد يشكي ما عندو جزمة لحدي ما يلقي واحد رجلينو مقطوعات )
فلنحمد الله و نكون من الشاكرين و قلوبنا .. معك .. و لحين سماع صوت ساكسفونك كَتر من الترمس
و البلح ... وتلك الحبة سحرية المفعول Percocet Oxycodone عند الزوم مع تخفيف الجرعة
يواليك بالعافية و انشاء الله تضبح خروف الكرامة براك ... حتي لو في النرويج يا زكريا ..
| |
|
|
|
|
|
|
Re: وداعاً عزف الالحان... ستجري لي عمليه جراحيه في يدي ... دعواتكم معنا (Re: محمد الفاتح خالد حسون)
|
الزميل محمد الفاتح اتيتني بالمفيد كلام يطمئني ويزيل التوتر والخوف
Quote: كَتر من الترمس
و البلح ... وتلك الحبة سحرية المفعول Percocet Oxycodone عند الزوم مع تخفيف الجرعة
|
والله الترمس والبلح بتاعنا ديل في بلدنا البارده دي مافي لكن نخلي الجماعه يرسلوا طرد لكن وريني الحبوب السحريه دي شنو وبتعمل ايه وبروشيته فري ولا من الدكتور الله يخليك يا ود خالد حسون ويدوم عليك الصحه شكرا علي الكلام والنصائح
| |
|
|
|
|
|
|
Re: وداعاً عزف الالحان... ستجري لي عمليه جراحيه في يدي ... دعواتكم معنا (Re: ناصر احمد الامين)
|
القرين ناصر احمد الامين ....من اقران الصغر والدراسه وكده
Quote: و قالوا الزول البعمل عملية في يدو في بداية السنة معناتا حا يكون عندو قروش كتييييرة اخر السنة |
والله قروش الدنيا كلها شيلوها بس خلوا لي صباعاتي زي ما هم بعديها شويه قريشات عشان فلسه ما بعد العرس دي
Quote:
بس ان شاء الله تكون خليت الجرسة
عارفك ......... جرسة شديدة خلاس |
كمان داير تفضحني با صاحبي..حدد ياتو نوع من الجرسات؟ بعدين متنسي المدام بتقراء كل التعليقات الهنا دي تقوم تفهم غلط ونخش في حيص بيص
=====
حيص بيص يعني شنو؟
| |
|
|
|
|
|
|
Re: وداعاً عزف الالحان... ستجري لي عمليه جراحيه في يدي ... دعواتكم معنا (Re: محمد زكريا)
|
الاصدقاء الاعزاء ..الاخوه والاخوات والمتابعين لهذا البوست الحمدلله تمت العمليه الجراحيه بخير...كانت ساعات عصيبه مرت بسلام لم اعي ما الذي جري ولكن حين افقت من حاله التخدير ووجدت نفسي من الاحياء وبخير وشكرت ربي تخرجت في مساء نفس اليوم بعد العنايه الفائقه التي وجدتها واصلت نومي عميقا في منزلي توافد الزوار في اليوم التالي توالت الهواتف في الرنين...اتصل بي الكثيرين
ليست لدي كلمه سوي شكرا لكم لقد خففتم علي الالم..........والحمدلله
| |
|
|
|
|
|
|
|