|
Re: مـلـقـوفـه (Re: احلام وهبي)
|
احلام سلامات
Quote: ( نجدي ) بيقول لي حلاق الجامعه |
اوعه تقولي لي دا عبدالرحمن نجدي
وبعدين ادينا نوع من اللقافه بالرطانه
| |
|
|
|
|
|
|
Re: مـلـقـوفـه (Re: عمران حسن صالح)
|
ود الحبر اهليييين ايوه عبدالرحمن نجدي وبعدين انا كان قلت ليك لقافه بالرطانه انت حتكون زي الاطرش في الزفه ماحتفهم اي حاجه فاحسن خليها بالعربي . وشكرا علي مرورك
| |
|
|
|
|
|
|
Re: مـلـقـوفـه (Re: احلام وهبي)
|
الاخ العزيز عمران لك كل التحايا Quote: انافي حياتي ما مشيت لي بيت بكا (خارج اسرتي)
اللقافـــــــــــــــه هينه دي يقولو عليها شنو ؟
يا عمران الوقت داك انا ماكنت صغيره وامي هي الكان بتقوم بالواجب لكن هسه وحاتك الفح اقرب توب وامشي . وانشاءالله نجيك في السمح يا اخوي .
| |
|
|
|
|
|
|
Re: مـلـقـوفـه (Re: احلام وهبي)
|
الاخ العوض .... تحياتي اول حاجه طمنونا عليكم عاملين كيف في الجليد البرد الشديد ده. والله يمكن تكون الشفقه لكن بسأل ليك السني لانو هو السماني لقافه .
| |
|
|
|
|
|
|
Re: مـلـقـوفـه (Re: احلام وهبي)
|
شوفوا لقافتي التانيه كنت حاترفد من الشغل بسببا واحده من الموظفات مشت جات بتها من الحضانه واول ما دخلت المكتب البت بقت تبكي بكي شديد وابت تسكت واناعلي شقاوتي قلت ليها جيبيهاانا حاشيلا واطلع بيها بره المكتب عشان ما يعملوا ليك مشكله وشلتها ومشيت بره ولقيت واحد من الزملاء واقف جنب عجلتو قلت ليهوه عليك الله اديني العجله دقيقه قام طوالي اداني ليها ركبت العجله معاي البت وهاك يا جرس العجله تررررررن كلللللن ترررررن ولافه بالعجله في الحوش بتاع سودتيل وكان الوقت صلاة الضهر . البت سكتت وانا رجعت المكتب لقيت ليك استيضاح واستجواب قدر الضربه راجيني . التسيب اثناء الدوام الرسمي وازعاج في وقت الصلاة. وبعدها المدير حلف وقسم ما يخليني في الورديه بتاعتو. حولني لورديه الضهر . علي فكره معظم بنات عطبره بيعرفوا يسوقوا عجلات .
| |
|
|
|
|
|
|
Re: مـلـقـوفـه (Re: نادية عثمان)
|
انتى يا احلام لقافتك دى حسى ولا زمان (وش مندهش)
غايتو انا لقافتى كانت زمان ايام الثانويه
لكن حسى بقيت مسكينه الكديسه تاكل عشاى
بتزكر مره غبت يومين من المدرسه ولما المديرة سآلتنى
قلت ليها جدى مات (يبرى يايمه)
ونسيت انو المديره بتعرف امى وجات تديها الفاتحه
اها بعداك الحصل اعرفى براك لا بتكتب ولا بتقرى ...
بجيك تانى
| |
|
|
|
|
|
|
Re: مـلـقـوفـه (Re: منال)
|
الاخ عماد تحياتي . شكرا علي مرورك . والسني هو السماني ملقوفه طبعا عارفين التسميات دي ما بتجي بالساهل يعني عيني لي زول ملقوف واقول باص ما لازم اسمي احكي ليهم لقافتك مع اللبنانية!!!!!
| |
|
|
|
|
|
|
Re: مـلـقـوفـه (Re: Amira Elsheikh)
|
احلام الملقوفه سلام انا اول ما جيت السعودية بسمع في الكلمات الغريبة ذي ملقوفه دي000000
مرة قمت سمعت من المعقب السعودي بتونس مع قريبة ساله من واحد كده فقام قال ليه 00هادا خراط انا فهمتها انه مستهبل000
بعد يومين جانا واحد سعودي في المكتب كان مؤجر من عندنا سيارة واتأخر وجاي يعتذر انه لسه ما استلم الراتب وشكلهمحترم
قمت قلت انا اتكلم معاهو سعودي نظام مفتح وكده وعشان ما يتأخر قلته ليه انت خراط000 وحاتك وشو احمر واصفر وافهر ونزل فيني شتيمة وحاول يضربني والله ما حلوني منو الا الزملاء00 وهدوه وتعتزروا ليهو 000 وطبعا بعد ما فات ادانوني شجبوني كيف تقول ليه كلمة ذي دي في وشة
| |
|
|
|
|
|
|
Re: مـلـقـوفـه (Re: احلام وهبي)
|
بتزكر مره غبت يومين من المدرسه ولما المديرة سآلتنى
قلت ليها جدى مات (يبرى يايمه)
يا منال ما كنتي تقولي ليها كان عندي صداع ولا بطني كان واجعاني ماكان احسن بدل ما تاخدي ليك دقه تمام من امك . انا غايتو زمان لما اكون ما عايزه امشي المدرسه كنت بقول لي امي انا الليله عندي صداع شديد لا بطني واجعاني . ومرات الاتنين ما كان بحلوني وكان بتقول لي عندك صداع وبطنك واجعاك حتمشي المدرسه .
| |
|
|
|
|
|
|
Re: مـلـقـوفـه (Re: احلام وهبي)
|
الاخ طارق ... تحياتي انت باين عليك ملقوف اكتر مني . بتقول للراجل انت خراط كمان بتقولا في وشو . كويس الما فنشوك
| |
|
|
|
|
|
|
Re: مـلـقـوفـه (Re: احلام وهبي)
|
اهايا ناس الشمارات شوفوا لقافتي مع البنانيه مره كنا انا والسني قاعدين في كوفي شوب في وكل الطاولات مليانه يعني مافي مكان فاضي واشوف ليك لبنانيه جايه علينا وبتقول لينا اهلين في حدا معاكم . انا طوالي وقفت علي حيلي وقلت ليها لا مافي حدا معنا اتفضلي ولا اشتغلت بي شغله طوالي مشت للطاوله الورانا وكان فيها لبنانيين وهاك يا بوس وسلام بالاحضان . وطبعا انا واقفه علي حيلي والسني ميت من الضحك علي وقلت ليهوه يعني شنو ما خلاس مافي داعي تضحك علي كده وزي انت بتقول لي انا ملقوفه انا الليله آمن بنفسي انا ملقوفه وشلاقه كمان
| |
|
|
|
|
|
|
Re: مـلـقـوفـه (Re: احلام وهبي)
|
أحلام وهبى
تحياتى
بوست ظريف .. حكاية لقافتك مع اللبنانية .. هى جنس لقافة لكن شنو التأخير دا فى حكيها .. دا ما شغل زولة ملقوفة!
بروفايلك عضوة بتاريخ 24 ديسمبر 2009 يعنى ليك إسبوعين ومداخلاتك وصلت 239 مداخلة .. لقافة شديدة .. لكن باين البورد كسب عضوة خطيرة .. مرحب بيك فى البورد!
| |
|
|
|
|
|
|
Re: مـلـقـوفـه (Re: نادر الفضلى)
|
الاخ نادر الفضلي ... تحياتي شكرا علي مرورك . هسه علي كلامك انا كما ملقوفه بالجد في اسبوعين مداخلاتي 239 دي ماهي القافه والشلاقه زاتا
| |
|
|
|
|
|
|
Re: مـلـقـوفـه (Re: احلام وهبي)
|
الملقوفة إحلام وهبى اولا هذا الاسم أنا من اطلقه عليك حيث تكررت لقافتك اثناء فترات عملك معنا في الشركة وقبلها لقافتك في البيت وفي السوق لمن تكونى مع السنى والملقوفة كلمة خليجية يعادلها بالسودانى الزول متلقى الحجج وهناك مسلسل كوميدى كويتى شهير اسمه الملقوفة بطولة حيات الفهد
| |
|
|
|
|
|
|
Re: مـلـقـوفـه (Re: بدر الدين الأمير)
|
الملقوفة احلام اتحادك تحكي لقافتك مع القطرية (أنصارية السنى) حين كنت تعملى معنا اثنا الحملة الترويجية الكاس سمو امير دولة قطر وعلى شرط تقولى الكلام القلتيهو ليها بدون سنسرة حين قالت لك هي ما تستحين سودانية سافرة وتلبسين بنطلون كمان والكلام القتيهو انت ليها لمن قامت جارية منك عشان بكرى ينهى خدماتك زي ماعملت انا معك يسحب منك الباسورد ويرحنا من لقافتك
| |
|
|
|
|
|
|
Re: مـلـقـوفـه (Re: بدر الدين الأمير)
|
الملقوفة احلام اتحادك تحكي لقافتك مع القطرية (أنصارية السنى) حين كنت تعملى معنا اثنا الحملة الترويجية الكاس سمو امير دولة قطر وعلى شرط تقولى الكلام القلتيهو ليها بدون سنسرة حين قالت لك هي ما تستحين سودانية سافرة وتلبسين بنطلون كمان والكلام القتيهو انت ليها لمن قامت جارية منك عشان بكرى ينهى خدماتك زي ماعملت انا معك يسحب منك الباسورد ويرحنا من لقافتك
| |
|
|
|
|
|
|
Re: مـلـقـوفـه (Re: بدر الدين الأمير)
|
او احكي لقافتك مع حارسة العنبر في مستشفى عطبرة والعلقة الساخنة الاخدتيها بسببها كل ما اتذكر تلك اللقافة اضحك كمن يكتشف الضحك لاول مرة بس اوعك تسنسريها تحكيها زي ماهى
| |
|
|
|
|
|
|
Re: مـلـقـوفـه (Re: بدر الدين الأمير)
|
او احكي لقافتك مع حارسة العنبر في مستشفى عطبرة والعلقة الساخنة الاخدتيها بسببها كل ما اتذكر تلك اللقافة اضحك كمن يكتشف الضحك لاول مرة بس اوعك تسنسريها تحكيها زي ماهى
| |
|
|
|
|
|
|
Re: مـلـقـوفـه (Re: بدر الدين الأمير)
|
او احكي لقافتك مع حارسة العنبر في مستشفى عطبرة والعلقة الساخنة الاخدتيها بسببها كل ما اتذكر تلك
بدر صديقي . دي بالذات غير صالحه للنشر هنا .
| |
|
|
|
|
|
|
Re: مـلـقـوفـه (Re: بدر الدين الأمير)
|
لكن يا احلام هم لقافة لك هي لقافتك مع السنى حين شفتيهو لاول مرة في القطار حين كان مسافر لمصر وانت ايضا وحتفال شقيقاتك بالسنى وسعادتهم ان يكون معهم في نفس القطار الفنان محمد السنى ولقافتك مع اخواتك وتعاليك على السنى وبسبب تلك اللقافة السنى حباك وتزوجك
تنهدات: حين اكون مع السنى في المنزل مندمجين في ونسة وتجى احلام تتلاقف اقول للسنى طلقها كان قطار نكد الجمعك بيها ...
| |
|
|
|
|
|
|
Re: مـلـقـوفـه (Re: بدر الدين الأمير)
|
لكن يا احلام هم لقافة لك هي لقافتك مع السنى حين شفتيهو لاول مرة في القطار حين كان مسافر لمصر وانت ايضا وحتفال شقيقاتك بالسنى وسعادتهم ان يكون معهم في نفس القطار الفنان محمد السنى ولقافتك مع اخواتك وتعاليك على السنى وبسبب تلك اللقافة السنى حباك وتزوجك
تنهدات: حين اكون مع السنى في المنزل مندمجين في ونسة وتجى احلام تتلاقف اقول للسنى طلقها كان قطار نكد الجمعك بيها ...
| |
|
|
|
|
|
|
Re: مـلـقـوفـه (Re: بدر الدين الأمير)
|
بدر يا صديقي . حاكتب عني لقافتي في مدرسه السواقه في امتحان الشارع سوقته العربيه بكل ثقه وكنت في شارع فرعي وفي عربيه جابيه من الشارع الرئيسي المفروض اقيف لما العربيه تمر لكن انا خلاص عامله فيها البت بتعرف تسوق دوسته ليك بنزين بسرعه وطلعت في الشارع يعني بالعربي كده فحطه لما العربيه طلعت في الترتوار والشرطي بيقول للشرطيه هادي موبصاحيه كلش السودانيه بتذبحنا . وطبعا بعد داك اداني سقوط بجداره . ( بيني وبينكم بعد تلاته مرات حتي اجتزته امتحان الشارع ) وفي كل مره بتكون في كارثه .
| |
|
|
|
|
|
|
Re: مـلـقـوفـه (Re: محمد سنى دفع الله)
|
Quote: الحي ده شنو ؟ جميل خالص !!!؟ رد يوسف : ده حي الموردة العريق طوالي قومي مع السلطنة والمزاج الرايق قالت :: بالله ياسلام ده الحي الغنو ليهو وطوالي رفعت صوته وغنت اغنية ( لي في المسالمة غزال |
السنى انت داير ليك مبرر للطلاق افضل من كدا دى زولا عندها انفصام في الشخصية ياصاحبى طلقها قبل ان تطلق عيك هى النار
| |
|
|
|
|
|
|
Re: مـلـقـوفـه (Re: khaleel)
|
لوووووول ياخي دي ملقوفه عسل بس انت يا بدر الامير متل العسل دا بطلقوه تنطلق بيك ام شراع . تحياتي يا مدام السني يا عسل
| |
|
|
|
|
|
|
Re: مـلـقـوفـه (Re: doma)
|
بدر يا مطرطش انا عندي انفصام في الشخصيه !!!!! انت العندك ميه انفصام في الشخصيه متل العسل دا بطلقوه تنطلق بيك ام شراع .
| |
|
|
|
|
|
|
Re: مـلـقـوفـه (Re: احلام وهبي)
|
الملغوفة ازيك والله الواحد ضحك لمن امبرش لكن عندي سؤال
إنتي السني ده عملك اسكتش وإتزوجك ولا الحاصل شنو؟
مرحب بيك في العالم العجيب ده وكل سنة وانتي طيبه
| |
|
|
|
|
|
|
Re: مـلـقـوفـه (Re: احلام وهبي)
|
دايما ما تكون الردود عفوية وحاضرة ولكنها تأتي غير مطابقة للموقف يعني زولتنا دي عندها حكاية كلام المجاملات ده فيهو مشكلة اما حكاية عتشميت العاطس وابو قحة كتكوته دي قريب عرفت كيف ترد عليها يعني زي الحنكوش العطس والجنبو قال ليهو يرحمك الله ..طبعا اتلفت وقال ليهو شكرا حبيب قلبي اها سمحونه حكاية تقول لي الزول البكتكت ابو قحة ناشفة ـ كور كور زي الحبوبات مابتعرف مع انها تربية حبوبته اها انا لامن اقوم من الأكل واقول الشكر لله والحمدلله ـ اول مرة تخيلو قالت لي شنو؟؟ البت عايزة تجامل وتشكر الرحمن معاي : قالت لي .. تستاهل الحمد..
| |
|
|
|
|
|
|
Re: مـلـقـوفـه (Re: محمد سنى دفع الله)
|
عماد الشبلي ابو التصوير تحياتي وسلامي عارف السني اصحابوا قالولي لقبو فراش لانو كان يعشق الجمال وكل يوم من زهرة لي زهرة وانا فراش واحد لزهرة واحدة,, عارف محمد هسي عندوا سلسلة كتب للأطفال اسسمها ـ الفراش ــ مش صدفة غريبة انو الفنان عمر ارباب يعمل التصميم ده باحساسو بس يا استاذ عماد نزل لينا الصور العندك شكرا ليك
| |
|
|
|
|
|
|
Re: مـلـقـوفـه (Re: احلام وهبي)
|
الأخ الســــنى والأخــت أحــلام
ســـلام
Quote: يعني زولتنا دي عندها حكاية كلام المجاملات ده فيهو مشكلة |
وآيــه الـغــريب؟
مــاهـى أصـلـها مـن عــنديـنا.
أنا كان عــندى بت عــمة جاتنا زمــان مــن قســطل
كل مــرة ماتصـلى النســوان يقولوا لــيـها "حــرما"
وهــى مســكينة ماعارفـة تـعقـب
مــرة كانوا فى نســوان كـتيرين فى البيت فى مناســبة
فبـعد ماصــلت كثير مـنهن قالن لــيها حــرما زى كــدة فى وقــت واحــد
فــردت بـفورية مـباغــتة "برمــا"
| |
|
|
|
|
|
|
Re: مـلـقـوفـه (Re: عبدالرحمن إبراهيم محمد)
|
عبدالرحمن اخوي سبك من احلام انا زاتو كنت عندي مشكلة في كلام المجاملة لمن تقول لي كلام كتير نوع اطرح البركة فيكم وربنا يجازيكم خير الجزاء وشنو ما عارف بطنطن وببرطم تحت تحت يعني الولد ناقش وبرد الكلام بي احسن منو عندي قريبتي النسوان غصبوها تمشي الجامع وهي متعودة تصلي في البيت صلاة العجايز الفيها وضو لكن ايات صغير ومرات دعا لكن واصلة مشت معاهم اها اول ما قعدت قالو ليها قومي صلاة المسجد قالت ليهم دي كمان صلاة جديدة مما قمنا ياهي الصلاة الواحدة دي ..بس
| |
|
|
|
|
|
|
Re: مـلـقـوفـه (Re: omar arbab)
|
Quote: عندي سوال ملقوف ومشروع
ليه السني جنبو فراشتين والوان ؟؟!! وانت جنبك فراشه وادة بس ؟؟!!!!!!!! |
عشان ماتزعل يا عماد
| |
|
|
|
|
|
|
Re: مـلـقـوفـه (Re: omar arbab)
|
Quote: الاخ احمد .... تحياتي شكرا علي المرور . تصدق انا ما عندي اي علاقه بالفن لك احتراماتي |
ياخ والله انتي كضابه كضب !!!!! ياخ انتي الفن متزوجاه عديييييييييل وتقولي ماعندك علاقه بيه ؟؟؟
ـــــــــــــــــــــ تحت تحت ازيك ياراقيه
| |
|
|
|
|
|
|
Re: مـلـقـوفـه (Re: احلام وهبي)
|
Quote: عشان ماتزعل يا عماد |
الارباب يا فنان ,,
كدي انا زعلت زيادة ,,
السني بقي عندو 7 فراشات
ومرتو الغلبانة لسع فراشة واحدة
مفروض تقسمن بالتساوي ...
عشان يسود العدل و نهتف يحيا ,,,
| |
|
|
|
|
|
|
Re: مـلـقـوفـه (Re: عماد الشبلي)
|
ياقريبتي من لقافتي ما شفت البوست دة الا حسي بس اكتر لقافة مرت علي اليوم هي "حرم" بتاعة المجرابي قريبي (فيسل هليل) في لقافتو اعلاه .. جنس لقافة ....
| |
|
|
|
|
|
|
Re: مـلـقـوفـه (Re: احلام وهبي)
|
Quote: تصدق انا ما عندي اي علاقه بالفن |
دة كلام؟؟ دي لقفنة زيادة خاااالص .. امال الواقف عدالك دة يبقي فتان سااااي ...
| |
|
|
|
|
|
|
Re: مـلـقـوفـه (Re: abubakr)
|
ه تموت الصاروخ ليه يا وديييييع
دة يبقي فلم زبالة
أستااااااااااااذة يا أحلام
أحلام وهبي أم الأجنبي
لا والله الفكرة حلوة و ملقوفة
المهم بركة الشوفة رغم اللقافة وكدة
تحياتي لي قريبنا
بجيك أتلاقف تاني
أصلوا انا بموت في الخستكة
| |
|
|
|
|
|
|
Re: مـلـقـوفـه (Re: حبيب نورة)
|
السني بقي عندو 7 فراشات
ومرتو الغلبانة لسع فراشة واحدة
مفروض تقسمن بالتساوي ...
عشان يسود العدل و نهتف يحيا ,,, ناس حاسدة كيف انت مالك يا ملقوف قوم لف كده يا ادينا الصور العندك وقوم لف برضو وهتف يحيا الفراش والزهر في الحديقة !!!
| |
|
|
|
|
|
|
Re: مـلـقـوفـه (Re: omar arbab)
|
شكرا يا عماد الفنان المصوراتي دعمك لي لكن ابو الفن الديجتال عمر ارباب مابقصر ما خلا فراش افريقي ولا مداري ما جابو لينا ليكم شكري ومودتي واحتراماتي الواحد بعد ده يختار فرشو براه
| |
|
|
|
|
|
|
Re: مـلـقـوفـه (Re: محمد سنى دفع الله)
|
Quote: ناس حاسدة كيف انت مالك يا ملقوف قوم لف كده يا ادينا الصور العندك وقوم لف برضو وهتف يحيا الفراش والزهر في الحديقة !!! |
السني .. انت الملقوف ومتلقي حجج كمان
البوست دا بتاع احلام .. كل مرة جاي ناطي فيهو مالك ؟؟؟؟
ياخي غيرنا كدي ولا كدي ...
والصور العندي خلاص بقت بالقروش ..
اوعك تقول لي يقرش كنكوجك ...
| |
|
|
|
|
|
|
Re: مـلـقـوفـه (Re: عماد الشبلي)
|
اخونا حبيب نورة التحيات بجيك أتلاقف تاني
أصلوا انا بموت في الخستكة نحن البوست ده فاتحنوا عشان الخستكة تعال مفتوحة لك كل الابواب ماتخلي خستكة الجهة قوله لينا ورينا موقفك من الفراشات احتراماتي
| |
|
|
|
|
|
|
Re: مـلـقـوفـه (Re: احلام وهبي)
|
قريبي وملاذنا الحبيب انا بعني اني زولة بتاعة حقوق وبحب الادب وكنت قراية فارة كتب لكن الفن ده بحرو عميق لكن من عاشر قوما ... اها انا بقيت لو ادوني مسرحية بخرجها زي الماحصل شئ احتراماتي
| |
|
|
|
|
|
|
Re: مـلـقـوفـه (Re: احلام وهبي)
|
Quote: اها انا بقيت لو ادوني مسرحية بخرجها زي الماحصل شئ |
ياقريبتي اللقافة من مسرح الواقع ..واها كتبتي الاسكريبت بتاع اول نص مسرحي وانتي خلاس قلتي حتخرجي زي ما حصل شي ونشوف ناس حبيب نورة وكبير القوم في التمثيل .. انتي ما شفتي المسرحي الفلسطيني الكان عندكم او في فضائية حداكم وجاب عناصر افلامو كلهم من بيتو (امو ابوه اخوه اولاد اخوه اصحابو ..الخ) ومثلو الواقع نصا وحركة .. حسع كبيرهم المعاكي دة واحد وحبيب نورة الجالس (بينفع لانو نص اللقافة ما فيهو حركة كتيرة ) واكييد حتلمي في الباقيين اصلو ناس عطبرة كتاااااار في المنبر دة .. والدعاية علينا .. وبس
| |
|
|
|
|
|
|
Re: مـلـقـوفـه (Re: عماد الشبلي)
|
ابو الفن البصري وكل تفانين الديجتال لك تشكراتي والظاهر سوف ارسل لك عدد مقدر من الصور لتتفنن فيها شكرا الفنان عمر ارباب لكل لحظة جعلت منها لحظة جمال ابدي فالصورة تخلدنا للزمن احتراماتي
| |
|
|
|
|
|
|
Re: مـلـقـوفـه (Re: احلام وهبي)
|
ألأخــت الـفـضـلى أحــلام
ســـلام
أديـكم لــقـفة تؤكـد أنـو اللقافـة جـزء مـتأصـل فينا
جـاتنا عـمة زوج خالـتنا مـن أرقـين زيارة
قامـت يوم مشــت مـعاهـم لـصـبحية فى الخــرطوم أثـنـين
جابـوا لــيـهم الـغـدا
بـعـدين مـرت علــيـهم واحـدة مــن الضـيافات
وقالت لـيـهم "الرســول يابنات أممـى ماتتونسـوا" [تـقـصـد تاكلوا]
فقامـت تـلك المـرأة الـطيـبة تـقـول
"والله نـهـن فى مـرة جات صاحبة ابو مـهـمد. قمت عملت ليها شـربات منـقة بأدين شـرب هـبه كدى وقالت لا أنا إندى ســكرى. قلت لـيها تيـب قـبل ماتوسيهـيهـو مش كنت عارفه عـندك سـكرى؟"
وبـقـية النسـاء يسـتــمـعون إليـها بإنتباه
فـمرت علـيهم الضيافـة مــرة ثانيـة وقالت لـيـهم
"هــى يابنات أمـى ماقلنا ليكن ماتخـجـلوا،،، الرسـول تتونســو"
فـطوالى الـعمـة دخـلت بالعـرض وبـدأت قـصـة جـديدة، قائـلـة:
"والله مـرة جـاتنا هــرامى,,,,,,,
| |
|
|
|
|
|
|
Re: مـلـقـوفـه (Re: احلام وهبي)
|
يخص عليك يا احلام وهبى تغشيني وتقولي لي البوست مافيهو ابوجهل
غايتو
البوست لذيذ وفكرته جميلة وبالمناسبة ناس كتار جدآ بيعانو من موضوع قول العبارة المناسبة في المجاملات وعندنا واحد صاحبنا كان بيعمل عمايل يمشي بيت عزاء يقول مبروك يمشي بيت فرح يقول البركة فيكم جايط الحكاية جوطة شديدة حتى العبارات البتتقال في احوال معينة زي لمن زول يعطس او يجيب قون او يؤدي اداء مدهش فيها جميعآ بيقول حاجات تجعل جميع الحاضرين يضجون بالضحك والغريبة هو بيكون جادي جدآ
كويس إنك ما قلتي لي فيهو أبوجهل كان فاتني بوست في السلك
تاني طوالي غشيني كده
| |
|
|
|
|
|
|
Re: مـلـقـوفـه (Re: احلام وهبي)
|
Quote: خلاس انت اعمل الدعايه من هسه . والمسرحيه حتكون رهيبه |
علم يا قريبتي .. انوه الي ان لغة المسرحية هي "النوبية" .. وكده نشوف ناس اوكسنت و انلنغوا حيسوو شنو ؟؟؟ دي ما فيها مترجمات ومترجميين مستورديين .. منطقة اختيار المترجمات والمترجمين وكل الراجمات من كوم امبو الي دنقلا ...
| |
|
|
|
|
|
|
Re: مـلـقـوفـه (Re: احلام وهبي)
|
Quote: وقلت ليها : ســـــــــــلامتا ما تشوف شر |
يا مدام مساء الخير
وأهلاً بيك معانا في دارِك وعسانا نكون عند حُسن ظنّك
وأعملي حاسبك سيّدنا داك ما يعمل من قصصك دي حلقات
تحيّاتي
| |
|
|
|
|
|
|
Re: مـلـقـوفـه (Re: لؤى)
|
اهلين لؤي
وأعملي حاسبك سيّدنا داك ما يعمل من قصصك دي حلقات ـــــــــــــــــــــــــ حقوق الطبع محفوظه يا لؤي يعني ما عندو اي طريقه
| |
|
|
|
|
|
|
Re: مـلـقـوفـه (Re: بدر الدين الأمير)
|
احلام العسل بوست لذيذ وظريف ومواقفك فيها كلها تحفة بالجد ضحكتينى وجعلتى صباحى مشرق لكن ليه انا ما شفت البوست ده يا جماعه هل دى برضو لقافة منى؟ تحياتى حبيبة لك ولكل الاحباب زوارك
| |
|
|
|
|
|
|
Re: مـلـقـوفـه (Re: soma)
|
انوه الي ان لغة المسرحية هي "النوبية ــــــــــــــــــــــــــــــــــــ علم يا قريبي . وعشان بدر العرريب يكون حاضر المسرحيه وهو زي الاطرش في الزفه
| |
|
|
|
|
|
|
Re: مـلـقـوفـه (Re: احلام وهبي)
|
أُختنا إحلام وهبي سلام، تعرفي مرّة كنا شغالين وجابو معانا واحد اُردُني. الجماعة قالوا: الزول دا عربيهو تعبان. قلت ليهم خلوهو أنا دا بتفاوض معاهو. أها الراجل طالع، قلت ليهو: لو سمحت ممكن تاخد الباب معاك؟ (يعني ممكن تقفل الباب معاك) الود نظام داير يفهمو وكده. قام قال لي: إيش أخد الباب معاي، دي لغة عربية يا عمي والا حاجة تانية؟ زعلت جداً لاني كنت مفتكر نفسي فهمتو. قلت ليهو بزعل: والله أنا بتكلم عربي أحسن منّك. قال لي: روح يا شيخ إنتو بتتكلموا زي الإذاعة... الجماعة فقعوها ضحكة، لحدي اليوم ما عارف ضاحكين فينى أنا والا فيهو هو؟؟؟
| |
|
|
|
|
|
|
Re: مـلـقـوفـه (Re: معاوية المدير)
|
الاخ الفاضل معاويه المدير .... تحياتي صدق هسه حيرتني انا زاتي الجماعه ديل كانوا بيضحكوا علي ولا علي الادرني . يا سيدي مشكور المرور . لك احتراماتي
| |
|
|
|
|
|
|
|