فى السودان العظيم .. ناس تاكل كباب بالسيخ وناس بالسيخة مفلوقة !! .. صور..

Quote: الهلباوي و عبدالرازق يا أخوانا كان ما بتقدرو علي الكلام ما تقولو !! ياخي ما ممكن فاتحين ليكم بوست من أول الشهر تنظرو فيه زي ما دايرين و لمن نجي نسألكم سؤال واحد عن عنوان البوست تقولو لي ( (لا تسألوا عن أشياء إن تبد لكم تسؤكم) ؟!

معليش يا أستاذ إن شاء الله تلقى منا الإجابة من باب إنت تسأل ونحن نجيب بالهداوة بس !!

Quote: البسؤني جنس كلامكم الممسح و مغتغت البتقولو فيه ده و ما عارفين تاثيرو علي الناس و لا علي قضيتكم ‎- كان عندكم قضيه !

دى بس جانبت الحق قيهاالحقيقة !! هنالك قضية وكبيرة كمان وكل الناس عارفنها اللهم إلا إذا شالتك الهاشمية والحمية كما قال ود الطالب وأنا الذى أخالك مع الحق دائما وأمين إسم على مسمى !!

Quote: البسؤني لمن أسأل سؤال واضح و بسيط و من عنوان البوست و تقعدو تلفو و تدورو !

الله لا جاب ليك الإساءة ولكن هنالك القارئ الحصيف الذى يميز من الذى يلف ويدور وحنجاوب إنشاء الله

Quote: و البسؤني ‎- و دي ليك إنت يا ادم بالذات ‎- إنو من تحسن فيه الظن ‎- غير ما يخذلك ‎- كل مره ‎- ما بسوي في شي

إطمئن حسن ظنك فى محلو ولا عاش من يخذلك لا مرة ولا مرتين وإن شاء الله حيسوى الكتير وهيا معى قل لا عاش من يخيب طننا فيه ومن يخذلنا ؟!

Quote: والبسؤني أكتر من ده كلو : لمن يكون في ناس ‎- مفترض يكونو متعلمين و واعين ‎- بيتناولو قضايا البلد المهمه و المصيريه بالطريقه السطحيه بتاعتكم دي ....

هذا يعنى إنك مقتنع إنو البلد فيها قضايا مهمة ومصيرية تغض الطرف عنها وتدس رأسك فى الرمال وتقول ماشايف حمية ومناصرة وعزة بالاثم ولما تتناولها الناس وباى طريقة كانت تصفهم بالسطحية ضع الرحمن فى قلبك وكف عن ذنبك هذا واستغفر الله واستهدى به وصية لوجه الله سبحانه وتعالى من باب المؤمن مرأة أخية

Quote: فيا ادم و يا عبدالرازق : داير إجابه علي سؤالي ، ولا كمان قولو لي ما دايرين نجاوبك عشان نمشي لنقطه تانيه !

طبعا سؤالك عن من هم الذين ياكلون الكباب بالسيخ من عنوان البوست نقول لك مثل هذا (الكذاب الأشر )

وأوضح د. عبد الباقى الجيلانى وزير الدوله بالشؤون الإنسانية أن هناك مجموعة من القرىالنموذجية تم إنشاؤها بالتنسيق مع عدد من المنظمات العربية والإسلامية والمنظمات الصديقة.

أكيد هنالك مبالغ رصدت لقيام تلك القرى بس القرى ما قامت ولا أنشى شيئا تفتكر أين ذهبت تلك المبالغ أو ربما تلك محفوظة فى جيب ما أو ولربما أنشئت بها قرى مروى الخمسة نجوم ومن كان منكم على ضلالة فليمدد له الرحمن مدا؟!


هذا قرى تعويض للنازحين فى الشمالية خمسة نجوم ؟!


وهذه قرى للنازحين فى دارفور بالله عليك الله مش تلك هى القسمة الضيزى ؟

تخريمة :
يا رجل قل خيرا أو أصمت
ومافى داعى للمكابرة والمواربة !!

(عدل بواسطة ادم الهلباوى on 10-22-2009, 08:07 AM)
(عدل بواسطة ادم الهلباوى on 10-22-2009, 08:11 AM)
(عدل بواسطة ادم الهلباوى on 10-22-2009, 08:13 AM)