|
Re: (5) امتداد الدرجة الثالثة ذلك الحي المتفرد (Re: عبدالله كع)
|
شباب مربع 8 -
في واحدين ياقرجاج خيناهم قدر كدا .... صغاريعني هسي بي صلع نسال الله السلامه
اول زول ده عبدالمنعم جلود
البعدو طواالي دفع الله علي دفع الله
ثم - الاخ الصديق اشرف محمد نصر - فراشه ثم عبدالكريم الخير سالم - الكتا اخو الباقر الصغير البعدو يبدو لي تعريفه ود عم خالد عجالي ثم محمد قورتي ..... (( شدو)) ود بالزات حصلي معاهو موقف غريب قبل اكتر من 15 سنه تقريبا كان عمرو 3 سنه هههههههههههههههههه
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
Quote: كع لك تحيه ولحفيظ مثلها- بالله قعدتالطش دي والبرميل والماسورة زمن مابيرجع أظنو تاني ياكع .. صور رجعتنا لزمن جميل دي نسمات المربع 9 مفروض سارة تستلم الراية |
يرجع !! ؟؟ يا حليل يا ابو قصي - وحتي لو رجع العمر الشتت في الغربه دي البرجعو شنو يا قريبي - نحنا يا مان نعيش علي الزكري ونبكي بس وعين قطرة والتانيه مس ......... انسي
قبيل : اعترزنا لي ناس تسعه وحا نتجدع ( ناس 8 ) في الصفحه دي
الفاضل اغيبش - ومحمد قورتي (( شدو )) دي هديه لي ناس تسعه يا ابو قصي ...
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: وليد عبد اللطيف)
|
رغم المرارة برضو لازم نفرح وونغني من الزمن الجميل
وبهديها لكل احبتي بالدار الحبيبة واخص برضو ولي وشبكة
ياكع والله الكزو جننتو جن في صلعتو....لكن ماصورة ..بتتكلم عديييييل كده ..
ابوقصي مالك نسيتني وماجاوبت علي يااخي ماساعدني علي البرنامج
برضو امتدادنا فوق وياقرجو خففت عننا انت والحبيب جومو ..بعد كدة!!!!
الاعنية لوما مسموعة ياكع بالله اديني بالاصبع عشان اعرف.....
لكم حبي وتقديري
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: عبدالله كع)
|
اه ياعمده ... عشان كده مفطسين فيهو الامتداد
يا خي ناسو حلوين .. امبارح بتكلم مع الشازلي عبدالحميد اخو اميقو عن ناس الامتداد وطيب معشرهم ... طبعا الشازلي ليهو قريب ال 30 سنه في الغربه المقرفه دي - قالي عمل صداقات مختلفه مع ناس من مختلف مناطق الخرطوم والسودان عموم لكن زي ناس الامتداد مااااااااافي - وقال يلف ويرجع ليهم يلقاهم احلي اجمل ..
يا عمدة الاغنيه قويه وجات في محلها ... ظبتين **
الصورة من ركن مستشفي سارة وغنيمه ..
بركه علي كوكو المعاهو - اسامه الكنج والله اعلم ..
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
صوت شكر من أخونا علاء الدين بلال من درجتنا الثالثة (00249922377359)
هاتفني اليوم وأوصاني بأن أكتب شاكرا لكم حسن المواساه في والده الشيخ الجليل بلال والتخفيف من المصاب وهذا حالنا أهل الأمتداد في كل الملمات لكم الصبر أخي علاء الدين ولقد أوصلت الرسالة نسأل الله لكم من بعده أن تكون خير خلف لخير سلف وإنا لله وإنا إلية لراجعون.
،،،،أبوقصي،،،،
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: عبدالله كع)
|
Quote: صوت شكر من أخونا علاء الدين بلال من درجتنا الثالثة (00249922377359)
هاتفني اليوم وأوصاني بأن أكتب شاكرا لكم حسن المواساه في والده الشيخ الجليل بلال والتخفيف من المصاب وهذا حالنا أهل الأمتداد في كل الملمات لكم الصبر أخي علاء الدين ولقد أوصلت الرسالة نسأل الله لكم من بعده أن تكون خير خلف لخير سلف وإنا لله وإنا إلية لراجعون.
،،،،أبوقصي،،،، |
اسمح لي ابو قصي شكر هذا الشخص الجميل الذي يقابل واجب الامتدادب بكلمات طيبات في حقهم حسب كلامي معك وانه لشعور جميل عندما صاحب المتوفي يجد دعوات من هنا وهناك واكيد واحدة من الدعوات تجد القبول عند الله وتكون زاد المرحوم وتخفف علية وعلى اهل المرحوم وعند مشاهدة مشاركة ابناء وبنات الحي الوقوف معهم في محنتهم يا له من شعور طيب ووفقكم الله في فعل الخير وللفقيد الرحمة والمغفرة
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: عبدالله كع)
|
Quote: يا قرجاج وسارة كرودي ابعدوا مني انا كان بديت السيرة دي بترقدوا خل |
نرجع لي موضوعنا بتاع تهديد الدكتور طارق للاخوان قرجاج و سارة وانه سوف يرقدهم خل !! .......... عديل كد ا لو قام علي جنو !!
و اتمني من الاخوان سارة وقرجاج مواصلة ما بدءهو وخاصة الاخ قرجاج ويواصل قصة صاحبه الواقع علي حيلو !!
سوف نوافيكم با خر صور من مربع 8 ..
اخراج - عبدالله كع
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
سلااااااام لكل أهلنا في الامتداد
Quote: قبل ما تواصلو في الموضوع داااك ... كدي نسال من بعض الاخوان : |
وشكرا يا عبد الله على سؤالك الدائم عن الإخوة الغائبين
العيد في الامتداد مليان بهجة يا كع وسعدت هذه المرة بمقابلة الأخوين العزيزين جمال علي يوسف وعبد الحفيظ أحمد عبد الحفيظ (الكزو) ووعدني إنو يرسل كل الصور الإلتقطها خلال الإجازة للبوست والحمد لله إنو أوفى وعده
معليش يا شباب على الغياب لكن الزنقة حاصلة والسنة المالية قربت تنتهي لكن الشغل أبى ينتهي
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: طارق جبريل)
|
ياسلام ياكع صور جميله ومبالغه وشايف ناس مربع 8 بتكلموا عنها قبيل والله مربع 8 اثبت انو مربع ريادى مافى كلام مالين النادى والمربع والامتداد والبوست ماشاء الله عينى بارده انت ياكع قلت لى شدو اخو ناس قورتى كان عمرو تلاته سنه الزمن داك يعنى دخلتنى فى حسابات صعبه بالنسبه للعمر وكده...
ياسارة ... طارق جبريل كابى الزوقه بقى يعاين للبوست كده واتخارج لكن مابنخليهو ...
ابو قصى رسلت ليك رساله خاصه فى منتدى الامتدادارجو انك ترد عليه هناك اوهنا فى الماسنجر الداخلى ....
انبارح صحبى بتاع الدوحه يضرب الليل كلو شكلو كده هيجتنى الذكرى وزعلان قال: فى ناس لو ركزوا شويه ممكن يتعرفوا عليه قلت ليه: الشاكوش ماعيب خليهم يعرفوا...واقيف وسط البلد واهتف بريدك ياصباح عمرى
يافرو بحاول اتصل عليك التلفون مابجمع شكلك منهمك مع لوليتا.. اقصد الكتاب يعنى... ماتجى تحكى عن الصحافة شويه ولا احكى انا؟
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: مدثر قرجاج)
|
تحياتي للجميع حباوتقديرا
الارباب انت وين من انجي ..Angres احتمال اكون هناك يوم 2 يناير 2010
انشاء الله تكون قريب من المنطقة اتمني شوفتك ..بس انتظرني لحدي ما احددليك
الزمان والمكان ...
ياابوقصي مالقيت البرنامج بالتحديد لانه عندي بلير حافظ فيهو كمية من الاعاني
بس انا عايز برنامج انزل فيهو الاغاني من الاستريو للكمبيوتر عشان احفظه واقدر انزله ليكم
تسلموا ..
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: عماد شمت)
|
كع الجميل ....
تسلم وانت دوما قابض على المحبة لحضن الامتداد الجميل .....
نحنا لا لا يمنعنا التواصل عن من نحب الا الشديد القوى ....
سيظل الامتداد دوما نبراسنا ...
التحية لمربع (8) مربع الجمال والكورة الحلوة (فريق النجوم ) ومنارة العلم (مدرسة الامتداد (1) الابتدائية ) والاجلاء استاذ صديق حمتدو استاذى بكورس ...
بالامتداد وانا مستعد لامتحان الشهادة الثانوية بمدرسة المرضى لرابطة ابناء جامعة الخرطوم بالامتداد وماتكبروا صديق حمدتو
وهامتنا بالمجال الصحى لمركز صحى سمير ومركز سارة وغنيمة ورموزة بكل المجالات وفنة الذى اتحفنا بالروائع عماد شمت والمرحوم حمدتو ...
الريس طارق جبريل ...
Quote: الليلة شوفوا الو مرحبا في النيل الازرق فيها زول مهم شديد |
شنو يامعلم حتى الان الحلقة لم تنتهى وكنت اتمنى مشاهدتك وبأغنية لجمال فرفور اشاهد شخصية احدثت جدلا من قبل وسبق ان نبهت لها باحدى البوستات
اتمنى ان لا تكون مفاجاتك فلنكمل الحلقة وعسى ان نسعد بشوفتك ....
ولنا عودة
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: عماد شمت)
|
Quote: الارباب انت وين من انجي ..Angres احتمال اكون هناك يوم 2 يناير 2010
انشاء الله تكون قريب من المنطقة اتمني شوفتك ..بس انتظرني لحدي ما احددليك
الزمان والمكان ...
|
العمده سلامات يا حبيب
Angers انجي ياالله دي حلتي 8سنه بس فيها
اكيد لينا عشان نجهز الخرفان بس دي ماتكون الكمره الخفيه وكدا عشان هسا اناعملت جوطه امكن البوليس واقف بره هسا ههههههه
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: omar arbab)
|
Quote: التحية لمربع (8) مربع الجمال والكورة الحلوة (فريق النجوم ) ومنارة العلم (مدرسة الامتداد (1) الابتدائية ) والاجلاء استاذ صديق حمتدو استاذى بكورس بالامتداد وانا مستعد لامتحان الشهادة الثانوية بمدرسة المرضى لرابطة ابناء جامعة الخرطوم بالامتداد وماتكبروا صديق حمدتو |
تحياتي وأشواقي يا بابكر وسلامي لجميع الأهل
بالله أنا درستك في الكورسات يا قدرة !!!!!! لكن ما أنتهيت مني عديل كده لوووووووول ياخ أنا لمن كنت بجيكم في جامعة أم درمان الأهلية إنت ومصطفى سري وعوض عثمان وناصر مهدي (وبقية من عزيزات لعلك ما زلت تذكرهم) كنت فاكرك فردتي يا قدرة ياخ !! تقوم تقول لي أنا درستك !!!!!!!!!!
تذكر يا قدرة سنة 1993 زمن المطاردات والإعتقالات لمن لجأتوا لي إنت وناصر مهدي (بتحريض من مصطفى سري - شكيتو على الله !!) عشان اساعدكم في إخفاء بوسترات معرض الجبهة الديمقراطية - متذكر الواقعة دي يا قدرة وللا الغربة عملت عمائلها في الذاكرة !!!!!!
تحياتي لك ولأسرتك يا بابكر وأتمنى أن نلتقي قريبا في رحاب الامتداد
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: صديق حمدتو)
|
عبد الله كع هذا الدفوري ومن اسباب تدهور الكره في السودن وقول لي ليه لان كل اللاعبين يعشقوها اكتر من التزامهم في الاندية التي يلعبون لها وشوف مكوناتها واحد يجيك بجزمة قشره ولابس شراب اصفر وشراب ازرق وواحد يجيك قاصي بنطلون وعاملو ردا وواحد لاعب بقميص وبعد الدافوري بيغسلوا عشان يمشي بيهو حفلة ..وفي الحفلة هناك كل اولاد الحله يتلموا وتارة ينظرون للحسان وتارة يضحكون في محاورة وترقيص لاعب في الدافوري رقد رز وخل زي ماقال ود جبرين ياخي الدفوري ممتع تلعب في هلال مريخ ولا تنسى ايام الدافوري
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: وليد عبد اللطيف)
|
سلام ياناس الامتداد يااعز ناس اولا الرحمه لكل مراحيم الامتداد وربنا يتقبلهم جميعا والله ياجماعه الشديد القوي الحرمني من التواصل لكن والله الامتداد جوانا اتحكر والله ظروف البلد دي صعبه خالص شغل ليل ورعايه طفلين بالنهار لانو امهم بتعمل في امتحانات معادله المهنه شكرا لكل من سال عني خاصه الاحباء كع واحمد جمعه شكرا عامر تيتاوي صديق حمتدتو عماد ابوالروس علي تلفوناتكم الدافئه عماد عويس اتصلت بيك مرتين وسلمت على المدام احمد خضر صحي النوم
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: بكرى الخليفة الكتيابى)
|
حلو خالص ياارباب عصرو.. في مطار في انجي دي وللا لا ؟؟اقرب مطار لي انجي وين ؟؟ قالوا لي تعال باريس
وبعدين نتواصل بالعربية المسافة اعتقد ساعة واربعين دقيقة غايتو لو صدقت تكون فرحة علي الاقل نشوف ابشنب بتاعك
ده المهم اديني الموبايل عشان اقدر اتواصل معاك ...
بكري الخليفة الشوق بحور ماليها حد ..اكيد اتصلت انا مصدقك لكن مرتي دي مافضل ليها الا يوم اجي داخل البيت تقولي
اهلا وسهلا عايز منو...ياخي نتمني شوفتك او علي الاقل كتر طلاتك علينا في الحوش ده
صديق حمدتو ياخي انت درستني انا وفاروق سعيد كمان قدرة ده سغييير خالس لمن كنا بنشرب جك الليمون انا
وعبدو التوم كان بتضهب يااخوانا انتوا الكبر ده بتابوا مالكم !!!!الاغنية المدورة دي كانت سنة 81
يلا احسب علي كدة ...
لمن اجي راجع فتكم بعافيه
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: وليد عبد اللطيف)
|
Quote: صديق حمدتو ياخي انت درستني انا وفاروق سعيد كمان قدرة ده سغييير خالس لمن كنا بنشرب جك الليمون اناوعبدو التوم كان بتضهب يا اخوانا انتوا الكبر ده بتابوا مالكم !!!! |
كل سنة وأنت طيب يا عماد ياخي وتحياتي لجميع الأهل.
ياعماد عويس ياخ إنت لمن كنت بتغني في الحفلات الزمن داك أنا كنت صغير بنوم في الكرسي بتاع الحفلة لووول (طبعا الزمن داك الحفلات كانت صبّاحي) وفاروق سعيد هو بنفسه الكان البصورالحفلات بالفيديو!!!!! تقولي شنو وتقولي منو !!!
بالله يا عماد لمن تمشي فرنسا أمشي مدينة أسمها بواتيية (جنوب غرب باريس) في ضواحيها في قرية أسمها السودان - زرناها أيام كنا في جامعة بواتيية وقابلنا العمده بتاع القرية وحدثت لنا قصة طريفة (كنا في زيارة معه لبعض المدارس الابتدائية وطلب منا التلاميذ الأطفال أن ننشد لهم بعض الأناشيد التي يرددها الأطفال في المدارس في السودان. طبعا أسقط في أيدينا وكنا مجموعة من ثمانية من بينهم صديقي العزيز عبده حسين وهو حاليا محاضر بشعبة اللغة الفرنسية بكلية التربية - جامعة الخرطوم - الذي فتح عليه ربنا بنشيد العلم ورددناه معاً وقلنا للأطفال هذا النشيد يردده الأطفال في طابور المدرسة كل صباح (في ذلك الزمن طبعا قبل قدوم التتار - أقصد الإنقاذ). طبعا الأطفال فرحوا بالنشيد ولكن لدهشتنا الشديدة وجه لنا العمده سؤاله قائلاً "ده مش السلام الجمهوري السوداني ؟!!) فالرجل يعرف الكثير عن السودان غير أنه وللأسف لم يستطع أن يقدم لنا تفسيرا عن سر تسمية هذه القرية بالسودان!!!!!!!!!!!!
كل سنة وإنت طيب يا بكري الخليفة وخالص الأشواق والتحايا لك وللدكتورة ولأحمد وياسين
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: صديق حمدتو)
|
Quote: ياعماد عويس ياخ إنت لمن كنت بتغني في الحفلات الزمن داك أنا كنت صغير بنوم في الكرسي بتاع الحفلة لووول (طبعا الزمن داك الحفلات كانت صبّاحي) وفاروق سعيد هو بنفسه الكان البصورالحفلات بالفيديو!!!!! تقولي شنو وتقولي منو !!!
|
نحنا بره الكلام دا لانو ليسه ما اتولدنا ياعماد
صديق حمدتو
مهما قلنا او تكلمنا او سطرنا صفحات لا نستطيع ان نوفي حقه فهو يحمل تاجا من الاخلاق على راسه ومهما قلنا او كتبنا لانستطيع ان نصل لما فعله معنا كان هو الفضل في سفرنا بعد الله الي فرنساوجزاه الله خير الجزاء والله يوفقه ويسهل اموره ومن لايشكر الناس لايشكر الله
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: omar arbab)
|
صديق حمتدو ....
Quote: بالله أنا درستك في الكورسات يا قدرة !!!!!! لكن ما أنتهيت مني عديل كده لوووووووول ياخ أنا لمن كنت بجيكم في جامعة أم درمان الأهلية إنت ومصطفى سري وعوض عثمان وناصر مهدي (وبقية من عزيزات لعلك ما زلت تذكرهم) كنت فاكرك فردتي يا قدرة ياخ !! تقوم تقول لي أنا درستك !!!!!!!!!! |
والله ياصديق ضحكت لما قلت بس لانو انا نبهت فى المداخلة وقلنا ماتكبروا الزول دا المسالة بسيطة ...
ايام الرابطة والكورس انت كنت فى ثانية جامعة على مااعتقد وانا كنت ممتحن او عائد ماعارف يعنى المسالة سنتين ...
اتراب يعنى .
ياخى ديك ايام بتتنسى بالمناسبة الشباب ديل معاهم طوالى بالتلفون ناصر وعوض عثمان وابو ربيكة وشمار تقيل...
طبعا ناصرتوفى شقيقة الطيار فى حادث سقوط طائرة سودانير فى الشارقة قبل حوالى شهرين ...
ياخى الواحد بقى ينزل اجازة مايفهم اى حاجة الكبر حصل ياصديق ....
الامتداد جميل بالجد ياشباب
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
Quote: قبل ما تواصلو في الموضوع داااك ... كدي نسال من بعض الاخوان : وبا بكر قدرة ...........شنو يا خ ؟ عوض الكريم صديق حمدتو عامر تيتاوي راشد ابنعوف .. ( الجلك ) مصطفي سري نسرين جمال وامبارح سالنا من عماد عيونو اشرف الباقر عادل عوض بلال عوض كمباء ناصر جبريل راشد جبريل عبدالله كع سيد سيدنا محاسن ابراهيم بدرالدين فرو ............ وحالتو كرت كرتونه عامل ميت !! امير الجمري يا خي عيد القربان مبروك ......... ما اتلاقينا اعزرانا ياخي !! عادل محمود ويا سر حنا وعزالدين .. مربع 13 بكري الخليفه .. وشبكه ؟؟؟؟؟؟؟؟؟؟؟؟ عادل محمود والباقي ................................ كلو
|
الجميل كع لك كل الود وانت راس حربة الامتداد حضوراً وتفقداً للاخرين ربنا يمتعك بوافر الصحة والعافية الشديد القوي وراء الغياب ربنا يسهل للجميع والبركة فيك وانت روح الحضور
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: AWAD MAHMOUD OSMAN)
|
الجميل عماد عويس كتب لعمر شيخ الدين
Quote: وبعدين نتواصل بالعربية المسافة اعتقد ساعة واربعين دقيقة غايتو لو صدقت تكون فرحة علي الاقل نشوف ابشنب بتاعك
|
اها يا عماد وعمر مافي طريقة يكون الواحد معاكم انا اجازتي من ٢٩ /١٢الي ٣/١
__________________________________
Quote: ننعي بمزيد من الحزن والأسي فقيدنا العم أحمد موسي عم أخونا أزهري محمد موسي ونسأل الله له الرحمة والمغفرة وأن يسكنه جنات الخلد وكل من عليها فان ولا يبقي إلا وجة ربك زو الجلال والإكرام وإنا لله وإنا إلية لراجعون. |
اللهم أغفر له وأرحمه وأجعل مثواه الجنة اللهم أغسله من خطاياه بالماء والثلج والبرد ونقه من خطاياه كما تنقى الثوب الأبيض من الدنس واعطه داراً خيراً من داره وأهلاً خيراً من أهله اللهم إن كان محسناً فزد في إحسانه وإن كان مسيئاً فتجاوز عن سيئاته وتغمده اللهم بواسع رحمتك وتقبله عندك قبولاً حسناً وأدخله اللهم فسيح جناتك مع الصديقين والشهداء وحسن أولئك رفيقاً إنا لله وإنا إليه راجعون
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: عبدالله كع)
|
اللهم أغفر له وأرحمه وأجعل مثواه الجنة اللهم أغسله من خطاياه بالماء والثلج والبرد ونقه من خطاياه كما تنقى الثوب الأبيض من الدنس واعطه داراً خيراً من داره وأهلاً خيراً من أهله اللهم إن كان محسناً فزد في إحسانه وإن كان مسيئاً فتجاوز عن سيئاته وتغمده اللهم بواسع رحمتك وتقبله عندك قبولاً حسناً وأدخله اللهم فسيح جناتك مع الصديقين والشهداء وحسن أولئك رفيقاً إنا لله وإنا إليه راجعون
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: عبدالله كع)
|
Quote: عبد الله كع هذا الدفوري ومن اسباب تدهور الكره في السودن وقول لي ليه لان كل اللاعبين يعشقوها اكتر من التزامهم في الاندية التي يلعبون لها وشوف مكوناتها واحد يجيك بجزمة قشره ولابس شراب اصفر وشراب ازرق وواحد يجيك قاصي بنطلون وعاملو ردا وواحد لاعب بقميص وبعد الدافوري بيغسلوا عشان يمشي بيهو حفلة ..وفي الحفلة هناك كل اولاد الحله يتلموا وتارة ينظرون للحسان وتارة يضحكون في محاورة وترقيص لاعب في الدافوري رقد رز وخل زي ماقال ود جبرين ياخي الدفوري ممتع تلعب في هلال مريخ ولا تنسى ايام الدافوري |
راجع ليك ياوليد للحته دي !!
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: بكرى الخليفة الكتيابى)
|
هسي المغمض عيونه .. ده ما شبو يا بابان يا حبيبي ؟؟؟ صدقني يا عمر نحنا واثقين من نفسنا .. بس الناس دي اشكاله اتغيرت والغريب - انهم بقو سمان زمنة عدوووووك يعني نجم الدين اب عكيوات الكان بكون حايم جو جلابتو - بالله شوفو بقي زي شوال العيش ماشاء الله - عينا بارده .. وحااااااااااااتك انا قايلو شبو - واميقو قايلو شبو .!!!
الشباب الاتغيرو - احمد ابوشامه - ومحمد عوض - الشومه - وخالد مره - حتي شبو ( اخ) اقصد السكران - وكلهم بقو جقق حتي دلي شيخ العشيره
وتقول لي السودان مأمن يا رده
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: عبدالله كع)
|
يا ابوقصي ... (( الاتنين ))) - يعني الكااااااااااسين ؟؟
Quote: كع بقيت تجليها واقفه؟ |
بي كدا يا ابو قصي انا اقتنعته تماما اني عجزته - وفات فيني الفوات الواحد كان عندو نيه يدبل ويثلث - ويربع كمان .. ولكن ما ظنيت !!
بالله لا طارق جبريل - لا احمد جومو - لا سارة - لا صديق لا .............. كلكم ما بتباركو للهلال العظيم ليش ؟؟؟ ختو في عينكم وحصوة ملح !! .. نحنا ما اخـــــــــــــوانكم برضو
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: وليد عبد اللطيف)
|
Quote: بالله لا طارق جبريل - لا احمد جومو - لا سارة - لا صديق لا .............. كلكم ما بتباركو للهلال العظيم ليش ؟؟؟ ختو في عينكم وحصوة ملح !! .. نحنا ما اخـــــــــــــوانكم برضو |
إلا وليد
Quote: جميل لاعب الهلال وابن الامتداد يتوسط ابناء بحري وبنهديها للاخ عبد الله كع وكل الهلالاب بالامتداد بمناسبة الفوز امس |
بالمناسبة صحيح كانت هدية منى ليك ولكن في نفس الوقت اردت ان تكون موضوع للناس لكي تضيف عن هذا اللاعب لانه يمثل حي الامتداد اقل شي سيرة صغيرة عنه وعن حياتة
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: وليد عبد اللطيف)
|
Quote: بالمناسبة صحيح كانت هدية منى ليك ولكن في نفس الوقت اردت ان تكون موضوع للناس لكي تضيف عن هذا اللاعب لانه يمثل حي الامتداد اقل شي سيرة صغيرة عنه وعن حيات |
هديتك مقبوله يا غالي .. وشكرك عليها .. الزول الجميل جميل - قصه طويلة وااكد ليك عندما كا ن يلعب جميل في هلا ل العظمه كانت كل امنياتي ان اصل الي درجه تالقه كمدافع قوي وجسور - تعرف يا وليد كانت متابعتنا لجميل منذ كان يلعب في الاهلي الخرطوم ومعه الاخ دفع الله عبدالكريم لم مباراة واحده لاهلي الخرطومي - وكان معظم نجوم الاهلي من الامتداد والصحافه - واذكر منهم - محمود صالح - حرس الاهلي المعروف ياسر الحاج دفع الله عبدالكريم عادل شاويش مجد الجمري اسامه التاج والحته حقت الدافوري - اتفق معاك في ان لعب الدافوري له تأثيره سالب علي الكورة السودانيه عموما .. .. .. ولكن فيه متعه تفوق الخيال - معظم شباب الامتداد جيالي والجيل القبلي - يمتلكون الموهبه الكبيرة في كرة القدم تمكنهم من اللعب اكبر الانديه العالميه خليك من السودانيه .. و ( لكن )
راجع ..
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: بابكر التوم)
|
وليد عبد اللطيف .....
Quote: جميل لاعب الهلال وابن الامتداد يتوسط ابناء بحري وبنهديها للاخ عبد الله كع وكل الهلالاب بالامتداد بمناسبة الفوز امس |
هاردلكم بعد خمسة اعوام لوربنا احيانا نبارك ليكم الدورى الممتاز والعام القادم كأس السودان تحلية خشم وعشان المنافسة وكدا
فعلا دفع الله حاج سعيد الملقب بجميل هو من اسرة رياضية بمربع (2) ....
لعب لفريق الردستار برايطة الامتداد ....
وانتقل للاهلى الخرطومى تميز واختير للمنتخب القومى وكان من ابرز نجومة ....
وانتقل للهلال العظيم ولعب عدة سنوات وهو لاعب مميز ومدافع صلد وكان من اميز من لعب للطرف الشمال ...
وهو فنان وهادى ويلعب بقتالية ولة فكر داخل الملعب وقائد ولاننسى بانة لة الذى سجل منصور بشير تنقا فى خانتة ...
وكان خير خلف لاعظم سلف ويمتاز بعلاقات قوية خارج الملعب وعمل بالجهاز الفنى للهلال وأظن اخر مباراة قادها وهو
كمدرب هلال - مريخ وكانوا معسكرين فى منزلة العامر بمربع (2) وانتهت المباراة 1/0 احرزوا كرار ابوعلى ولا انسى
تالق الحارس بذلك الوقت عوض حسب الرسول (اتزكروا لانو جاء سائق موتر فيزبا )
بعدها سلك درب التدريب وغادر لدولة الامارات وعمل مدرب للفئات السنوية وتلقى دورات تدريبية على مستوى عالى فى البرازيل
وهو وجة مشرف للكرة السودانية الان فى دولة الامارات ....
ولابد ان نذكر شقيقة الاصغر من احرف لاعبى الوسط الذين شاهدتهم طوال حياتى الصديق ازهرى حاج سعيد ...
لعب فى فريق المعلمين وانتقل لفريق الخرطوم تلاتة (فريق الخرطوم لان بالمتتاز ) ....
و اغترابة فى فترة مبكرة للامارات لفاق شهرتة شهرة جميل ولعب وتميز فى احدى فرق القمة ....
ولعب شقيقة زروق ايضا لفريق المعلمين وكان من المدافعين المميزين كان شديد التاثر بجميل فى طريقة لعبة ...
من الطرائف كان كم اسلفت جميل علاقاتة بلاعبى الهلال مميزة جاء لزيارتة الديبة وحمد دفع الله وفى طريقهم
لمنزلة بمروا بمربع واحد فى نص اشهر ميدان دافورى (حلة العورة ) وكا ن شباب بلعبوا قيم فى نص الميدان (حاليا حديقة ونادى انيق)
جوا حمد والديبة قاوا ليهم ياشباب عاوزين نلعب القيم دا المهم قالوا العرب ديل جنوا ولا شنو المهم قالوا ليهم اتفضلوا الجماعة كفكفوا الشارلستونات
وعينك ماتشوف النور جضموا الكفر وشى قياس جلاليب وتحت الرجلين قعدوا ليك الجماعة فى الواطة اتنفضوا وسالوا من بيت ناس جميل وشتتوا
بعد كم يوم ناسهم ااعرب المابيغبوهم صورهم فى الجرائد واتسجلوا فى الهلال (حمد والديبة حاجة عجيبة )
اتمنى ان اكون اعطيت جذء من سيرة كبيرة لجميل كلاعب مميز واحدى رواد الرياضة بالامتداد ...
يلا ياشباب نوثق لعاطف القوز وعوض وعصمت الامتداد وكل المميزيين فى المجال الرياضى وكل المجالات ...
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: بابكر التوم)
|
مواصلا لذكرى الهلال العظيم ومربع (2) ...
وطبعا الايام دى ايام تسجيلات فى بيتين فى هذا المربع لقامات هلالية كانوا بيخبئوا فيهم نجوم التسجيلات
منزل قطب الهلال عبد العزيز الجعلى قريب من بيت ناس نجيلة وبيت أميم ذكى نجم الهلال كما عرفنا مجاور لمنزل المرحوم الخير
شارع ناس صلاح حسو واولاد الجمرى ...
وسكن في البيت دا بعد تسجيلة لطوال فترة لعبة فيصل العمدة بتاع مدنى وخلق علاقات قوية مع شباب الحلة ...
ومن طرائفة اول كورة لية فى الدورى لحظة السئ كانت مع فريق العباسية (شفوت ) الشلة كلها مشت لكى تازروا
وفى اول خمسة دقائق اطردت فى كورنر هو كان حريف وفرفارة كابع ليك المدافع بنية عينك ياتاجر ...
لما سألوا الشباب قال المدافع شايل دبوس وتبظ ليك صاحبنا بعد اثاروا بنبذ تقيل من قولة تيت ...
الجماعة الايام ديك اتمتعوا فى صاحبة هاشم التاج
ومن مشاهير الاعبين ايضا المحترف الارتيرى يوهانس ....
ومحمد جاد كريم من الحصاحيصا وتنقا واقجى والمرحوم والى الدين وكثيرين
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: بابكر التوم)
|
وَلَنَبْلُوَنَّكُمْ بِشَيْءٍ مِّنَ الْخَوفْ وَالْجُوعِ وَنَقْصٍ مِّنَ الأَمَوَالِ وَالأنفُسِ وَالثَّمَرَاتِ وَبَشِّرِ الصَّابِرِينَ{155} الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعونَ{156} {صدق الله العظيم}
اشاطركم اخي ازهري والاسرة الكريمة وكل الاهل اللهم أغفر له وأرحمه وأجعل مثواه الجنة اللهم أغسله من خطاياه بالماء والثلج والبرد ونقه من خطاياه كما تنقى الثوب الأبيض من الدنس واعطه داراً خيراً من داره وأهلاً خيراً من أهله اللهم إن كان محسناً فزد في إحسانه وإن كان مسيئاً فتجاوز عن سيئاته وتغمده اللهم بواسع رحمتك وتقبله عندك قبولاً حسناً وأدخله اللهم فسيح جناتك مع الصديقين والشهداء وحسن أولئك رفيقاً إنا لله وإنا إليه راجعون
اشاطركم اخي ازهري والاسرة الكريمة
| |
|
|
|
|
|
|
|