|
|
 Re: عيد ميلادها مطلوب ترجمه لبعض المفردات من المصحح اللغوي الطيب شيقوق (Re: Yousif A Abusinina)
|
المسنوح,,,, المسنوحة,,,, المسينيح,,,, ادونا فرقة معاكم في البوست.
| |
 
|
|
|
|
|
|
|
|
Re: عيد ميلادها مطلوب ترجمه لبعض المفردات من المصحح اللغوي الطيب شيقوق (Re: سيف الدولة كامل)
|
السلام عليكم اجمعين
من دواعي دخولي علي هذا البوست الجميل هو ان احيك اخي سيف الدوله
وان احي شيخ العرب الطيب
وسلام للعم ان جازي لي التقدير العم جعفر
ومن قبلكم تحيه لصاحبة الموضوع الاخت هويدا
العم والاخ جعفر قد ابليت بلاء حسن
شيخ العرب الجميل الطيب ما سخا للشرح سخا دي دارجيه بحته
الاخ كبر ايضا شرحا كافي وشافي وممتاز لك الاحترام ايضا
لكم التحيه حقيقه هذا الشاب الشاعر ظهر بتميز وله اعمال عده
والقصيده رائعه والتي عقبتها لا تقل عنها روعه
ولكن
شيخ العرب شرح مقطع معين احب ان ادخله فيه
كلامك صاح لكن الاصح في تقديري مكوفرات تعني مريضة ومصابة باسهال (تزرق)
تزرق يا هويدا تعني مجدعة سااااااااااااى
| Quote: ÇáãÓäæÍ,,,, ÇáãÓäæÍÉ,,,, ÇáãÓíäíÍ,,,, ÇÏæäÇ ÝÑÞÉ ãÚÇßã Ýí ÇáÈæÓÊ. |
دا كلام شيخ العرب الطيب
الكوفاره في البهيمه اي البقره او غيرها من المواشي او حتي الكوفاره عن الانسان تكون لسببين
الشبع الشديد في نوع طعام غير معتاد لاكله
او الجوع الشديد
وهذا ما يقصده الشاعر علي ما اعتقد
اتبوبح دي دحين االطيب اخوي فسرتها صاح ولا ما داير تدخل في الغريق
الله ورسوله اعلم
مودتي
| |
|
|
|
|
|
|
|
|
|
Re: عيد ميلادها مطلوب ترجمه لبعض المفردات من المصحح اللغوي الطيب شيقوق (Re: الطيب شيقوق)
|
| Quote: المسنوح,,,, المسنوحة,,,, المسينيح,,,, ادونا فرقة معاكم في البوست. |
طيب جيب مصلايتك وتعال استوى لو متأكد أنك متوضي
| |
|
|
|
|
|
|
|
|
Re: عيد ميلادها مطلوب ترجمه لبعض المفردات من المصحح اللغوي الطيب شيقوق (Re: الطيب شيقوق)
|
الاخ الرشيد
سلامي
شكرا على كلماتك الطيبة يا العزيز
| Quote: اتبوبح دي دحين االطيب اخوي فسرتها صاح ولا ما داير تدخل في الغريق |
إستفسارك عجبني بالحيل ولفتة تجاوزها جميع المسانيح والمسنوحات
المفردة ( اتبوبح ومنها البوباح) يا الرشيد ما بعرفوها ناس زمنا تشمم فيهو ايدك الماسورة وتروح داشرة براها . في محلات هنا عندنا عندما تمشى تغسل يديك ما بتلاوي الحنفية ولا بتهبشا بيدّك ، فقط ما عليك الا تشمم الماسورة يدّك .
لكن بيني وبينك البوباح في تراب القرير و تراب العزاز - ما البادوب ما البادوب ما البادوب - زيو مافي .
اوعاك من الكركجة بتسوّّد خطوتك .
المسنوحة تكون هسع مع قوقل كايسة لمعنى الكركجة والبوباح
| |
|
|
|
|
|
|
|
|
|
Re: عيد ميلادها مطلوب ترجمه لبعض المفردات من المصحح اللغوي الطيب شيقوق (Re: الطيب شيقوق)
|
| Quote: المسنوح,,,, المسنوحة,,,, المسينيح,,,, ادونا فرقة معاكم في البوست |
.
قالك ادو فرصة المسنوح بشوف ضحوتك من بدرى اليوم ماسك موية قمح وياحليل زمن القمح ابوى موية تشقق الكريعين .
الاخ سيف الدولة هلا بيك خذ ما يكفيك وكلنا اذن صاغية لمدخلاتك الكريمة
صاحبة البوست الله اديها ذى ام العروس مشغولة من غير شغلة بدورليها صباحين عشان ترد عليكم وتعب على على مداخلاتكم .
المهم اخوى انا والمسنوح اخوى شادين رسن البوست فيشان ما يهج بعيد لحين ما ترجع المسنوحة
| |
|
|
|
|
|
|
|
|
|
Re: عيد ميلادها مطلوب ترجمه لبعض المفردات من المصحح اللغوي الطيب شيقوق (Re: الطيب شيقوق)
|
المسنوحة
| Quote: ما قصرت قلت فاوفيت وبتمني الطيب يكون عندو الشجاعه للتحليل والشرح الباقي لانو في بعض المفردات بتغابي فيها العرفه |
امشي راجعي التحليل فووووق فاتك ويقيني التحيل نفسو فاقد تحاليل طبية والتحاليل الطبية عند سمية بت الحسن ود طلحة واحيانا ابو سنينة المسنوح ويمكن الرشيد اما اولاد الامتدادات والعمارات واركويتات هيييييييييييييييع طالعين منو شيح في ريح
| |
|
|
|
|
|
|
|
|
|
Re: عيد ميلادها مطلوب ترجمه لبعض المفردات من المصحح اللغوي الطيب شيقوق (Re: الطيب شيقوق)
|
| Quote: الطيب وابو سنينه نسبة لانشغالي الشديد اترك لكم رعاية هذا البوست فما تقصرو وحقككم محفوظ واكثر توصيه لابو سنينه |
اهاا شوف زويلتك المسنوحة ما قلت ليك رسنو عندنا جالك كلامى ما بقول شى ساكت
اها وينو البدرولو فرقة (السيف) خلو اجى يقدل فوقة اننشوف اليسعلوا منو
اخترى المسنوحة وداراك محروسة بس لاتطلعى بمصيبة تانى
وبوستك كل يوم بنعلقوووووووا ب (فوق)
| |
|
|
|
|
|
|
|
|
|
Re: عيد ميلادها مطلوب ترجمه لبعض المفردات من المصحح اللغوي الطيب شيقوق (Re: Yousif A Abusinina)
|
والله يا ياسر قدرت علي المسنوح صاحبي ده,,, با قي يا ياسر
نحن كنا مع بعض في السلطنة سنين طويلة ويوم والتاني علي
الاوفو مجدعين في الونسة,,, عليك الله خشوا معانا وشوف المسنوح
علي حقيقته,,,, منقة بلدية,,,, طعم وريحة,,,, ابقي عشرة علي
وصية هويدا وماتخلي المسنوح يخرب البوست,,,
,, الرشيد سلامات ومرحب بيك في البوست تعال يا أخوي واجدع ولايهمك
البيت بيتك والمسانيح اخوانك.
| |
|
|
|
|
|
|
|
|
|
Re: عيد ميلادها مطلوب ترجمه لبعض المفردات من المصحح اللغوي الطيب شيقوق (Re: Yousif A Abusinina)
|
والله يا الطيب
رجعتنا للعبش الغلابه السمحين وزنين
دنياهم بسيطه
تفيض حنيه
تتدفق موده ورحمة
انا ياخوي زولك تب بس انا مشاركتي ضعيفه
في المنبر الا الشديد القوي زي نضمك السمح دا
دحين ااخوي نحن من شقاقك
مفطوم بموية الدندر البهدر هدرت السيف
وشبعان من لبن بت غبش الفاطره دخن وعشاها عليف
انا من اهلك عرب 44 وداونسه
وسبق لي ان كتبت في رمضان بوست عن مسقط راسي ووطني الاول
لك ولكل المتداخلين المحبه
اتمني تواصل لينا في الشرح
حقيقه انت ممتع ولطيف وامكن حنين كمان
| |
|
|
|
|
|
|
|
|
|
Re: عيد ميلادها مطلوب ترجمه لبعض المفردات من المصحح اللغوي الطيب شيقوق (Re: الطيب شيقوق)
|
الاخ الرشيد ود ابراهيم
Quote: انا ياخوي زولك تب بس انا مشاركتي ضعيفه
في المنبر الا الشديد القوي زي نضمك السمح دا
دحين ااخوي نحن من شقاقك
مفطوم بموية الدندر البهدر هدرت السيف
وشبعان من لبن بت غبش الفاطره دخن وعشاها عليف
انا من اهلك عرب 44 وداونسه
وسبق لي ان كتبت في رمضان بوست عن مسقط راسي ووطني الاول
لك ولكل المتداخلين المحبه
اتمني تواصل لينا في الشرح
حقيقه انت ممتع ولطيف وامكن حنين كمان |
حبابك حبابك حباب قريبي وعبرك احيي اهلى ناس 44 واشراف حلة الشريف والشريف بجبوج
بس اوعاك تقول لي كمان قاسمي ؟
أظنك كاهلي ماك رفاعي .
اوع تكون في الكواهلة من النفيدية
| |
|
|
|
|
|
|
|
|
|
Re: عيد ميلادها مطلوب ترجمه لبعض المفردات من المصحح اللغوي الطيب شيقوق (Re: الطيب شيقوق)
|
| Quote: يا خي اسمو يوسف ود عمك عبد الرحيم ابو سنينة مش ياسر يا مسنوح . من زمان كلمتك قلت ليك البتكتبو بالليل راجعو الدغش شان مرات وقت تكون .... بتفك الدرب . |
خلووووو كلهم فى اخر الصف كان ياسر كان يوسف تفتش لاسمك لما تفتر حتى تلاقى مكانو كان رقم جلوس او كرسى الامتحانات بس الحمد لله ناس السعودية مرحين شغالين بالارقام اها وانت وحظك عشان كدة البنيات ختيتهم فى الاوائل حرف الالف والثاء والفاء والاخيرة مجبر اخاك ما بطل السين
غايتو حرف يجنن هههههههههههه دائما باقى على الاخيرررررر عشرة
| |
|
|
|
|
|
|
|
|
|
Re: عيد ميلادها مطلوب ترجمه لبعض المفردات من المصحح اللغوي الطيب شيقوق (Re: Yousif A Abusinina)
|
ود ابو سنينة,, المسنوح ما بريح,,, معليش يا يوسف العتب علي النظر
ما علي حاجة تانية,,, لكن الفيك بدربو بنطبق علي المسنوح,,,,,,,,,,
| |
|
|
|
|
|
|
|
|
|
Re: عيد ميلادها مطلوب ترجمه لبعض المفردات من المصحح اللغوي الطيب شيقوق (Re: سيف الدولة كامل)
|
الكامل
الله يسخطك المسنوح ومشوطن وواقع من السماء مليون مرة شن جاب النظر ؟ اسم مكتوب ليك ماااااااااااااكن يوووووووووووسف تقول النظر ؟ باقي ليك زولا سمح في طلعتو وسمح في قدلتو وسمح في رايو معقول ما يكون سمح في قرايتو؟
يمكن ناس العشش الامريكيين ادوك عين الله يجازيهم - تعال راجع ناس عششنا هنا عينهم باااااااردة بمسحوا مجانا قبال تبدأ
ابو سنينة تعرف العبار المسحة؟
| |
|
|
|
|
|
|
|
|
|
Re: عيد ميلادها مطلوب ترجمه لبعض المفردات من المصحح اللغوي الطيب شيقوق (Re: سمية الحسن طلحة)
|
Quote: لك الأمر وعليهم السمع والطاعة
جيبي أسئلتك من المبوبح لي المطوطح
أنا إخيتك إتي . |
ههههههههههههههههههههههههههههههههههههههههه كتلتيني بضحكة نامن اوردلوب وقعت من السرير
دحين ابو سنينة طالما جابت بت طلحة احسن ننعدل في قعدتنا قبال خشومنا تتملئي طين
كدى يا بت ابوى الشيخ الحسن ما تتلهمينا ساى خلينا نمشهدك
اا
المسنوحة دى ما تتكلمي ليها بمفردات الضهاري عايزة مفردات زى تخيل و اتوقع الى لوووووول اوعاك تلهميها الصقيع والحدب والبادوب والشوبة . يتشوبوا فيها ام دلادم
| |
|
|
|
|
|
|
|
|
|
Re: عيد ميلادها مطلوب ترجمه لبعض المفردات من المصحح اللغوي الطيب شيقوق (Re: سيف الدولة كامل)
|
| Quote: كدى يا بت ابوى الشيخ الحسن ما تتلهمينا ساى خلينا نمشهدك |
سعادة المستشار شنو البخليكم تعرفوا كلاما وهي ماتعرف كلامكم ؟
الزولة دي جادة في المعرفة
الكلام كتر حول : الكوفارة ومكوفرات
الكوفارة : الجوع الشديد لفقد العيش أيًا كان نوعه ، فتريتة ، حميسي ، ود عكر ...
القَرَم : فقد اللحم ومنها : قرمان وأيضًا الجحم بمعنى : السعر والجحمان أي : السعران
العيمة : فقد اللبن ومنها عيمان ويقال : ( الجرجير لِبينة العيامى ) أي : يسد مكان اللبن للعيمانين
دي هوادة من عندي ياهويدة وريني الكلمات العاوزه تعرفيها وماببخل عليك بمعرفتي .
| |
|
|
|
|
|
|
|
|
|
Re: عيد ميلادها مطلوب ترجمه لبعض المفردات من المصحح اللغوي الطيب شيقوق (Re: Yousif A Abusinina)
|
| Quote: الكوفارة : الجوع الشديد لفقد العيش أيًا كان نوعه ، فتريتة ، حميسي ، ود عكر ... |
Quote: القَرَم : فقد اللحم ومنها : قرمان وأيضًا الجحم بمعنى : السعر والجحمان أي : السعران
العيمة : فقد اللبن ومنها عيمان ويقال : ( الجرجير لِبينة العيامى ) أي : يسد مكان اللبن للعيمانين |
| Quote: دي هوادة من عندي ياهويدة وريني الكلمات العاوزه تعرفيها وماببخل عليك بمعرفتي |
.
كدى اولا نقول سلام لبنت الحسن
ات المسنوح دى استعانت بيها المسنوحة او ناطة بالحيطة
كنا كدة انولها الطاجن زنجهزها القدوقوا بالكجيك وقبل النيدهاشربات الليمون الحار نظام ضيافة يعنى
او رايك شنو المسنوح
لكن شكلها بنت ضهارى صاح كاتلة الجدادة وخامه بيضها
| |
|
|
|
|
|
|
|
|
|
Re: عيد ميلادها مطلوب ترجمه لبعض المفردات من المصحح اللغوي الطيب شيقوق (Re: Yousif A Abusinina)
|
| Quote: الكوفارة : الجوع الشديد لفقد العيش أيًا كان نوعه ، فتريتة ، حميسي ، ود عكر ... |
Quote: القَرَم : فقد اللحم ومنها : قرمان وأيضًا الجحم بمعنى : السعر والجحمان أي : السعران
العيمة : فقد اللبن ومنها عيمان ويقال : ( الجرجير لِبينة العيامى ) أي : يسد مكان اللبن للعيمانين |
| Quote: دي هوادة من عندي ياهويدة وريني الكلمات العاوزه تعرفيها وماببخل عليك بمعرفتي |
.
كدى اولا نقول سلام لبنت الحسن
ات المسنوح دى استعانت بيها المسنوحة او ناطة بالحيطة
كنا كدة انولها الطاجن زنجهزها القدوقوا بالكجيك وقبل النيدهاشربات الليمون الحار نظام ضيافة يعنى
او رايك شنو المسنوح
لكن شكلها بنت ضهارى صاح كاتلة الجدادة وخامه بيضها
| |
|
|
|
|
|
|
|
|
|
Re: عيد ميلادها مطلوب ترجمه لبعض المفردات من المصحح اللغوي الطيب شيقوق (Re: الطيب شيقوق)
|
تايا بِت شرف الدين دي مالا بوشا كُتار كَدي ... الناس دي مِتْحولِقين في شنو؟ إن شاءالله ما يِكون في زولاً أبى الكِسرا ... شكيتك على الله حتو إتْ بِجاي مكَسَر؟! يا زول حدِثني الجيت منهُم إن شاءالله طَيْبين ... جُملة الأهل ... الجيران ... الوِليدات ... وأُمهُم ... علهُم بِخير؟ مالك بِجاي ، في شنو؟ كَدي! سمِح بصُد ،هسِع ماش السوق بِت إبراهيم دايرالا عطرون وطايوق وفِتنه ، بجيبِن ليها وبتْلافاكُم بعد ما تفَلِل دون الوكِت ... أسمع ود طه جا بِجاي ولا ما سِمِع بِالديش ده؟
| |
|
|
|
|
|
|
|
|
|
Re: عيد ميلادها مطلوب ترجمه لبعض المفردات من المصحح اللغوي الطيب شيقوق (Re: عزام حسن فرح)
|
عزام
| Quote: تايا بِت شرف الدين دي مالا بوشا كُتار كَدي ... الناس دي مِتْحولِقين في شنو؟ إن شاءالله ما يِكون في زولاً أبى الكِسرا ... شكيتك على الله حتو إتْ بِجاي مكَسَر؟! يا زول حدِثني الجيت منهُم إن شاءالله طَيْبين ... جُملة الأهل ... الجيران ... الوِليدات ... وأُمهُم ... علهُم بِخير؟ مالك بِجاي ، في شنو؟ كَدي! سمِح بصُد ،هسِع ماش السوق بِت إبراهيم دايرالا عطرون وطايوق وفِتنه ، بجيبِن ليها وبتْلافاكُم بعد ما تفَلِل دون الوكِت ... أسمع ود طه جا بِجاي ولا ما سِمِع بِالديش ده؟ |
جاييييييييييك
| |
|
|
|
|
|
|
|
|
|
Re: عيد ميلادها مطلوب ترجمه لبعض المفردات من المصحح اللغوي الطيب شيقوق (Re: عزام حسن فرح)
|
قُلت لي أُم شِعيفا ... أُم شِعيفا ... شكيتك على الله أكان دايِر لي البشتنا باقي عُمري ده
شكيت محنك العريبى المقطع كان قطعت مصارينى من الضحك ورميتنى دردلوب على قول المسنوح من كرسى الناس القاعد فوكوو
ات عريبى خشميك اب لسان طويل غير ام شيعفة البقدرو شنو معها كسترن فترتيى وعيشة ببتوابووو لونها زى الطملة .
المسنوح والمسنوحة جاكم عربيينا مخالف ومشاتر من ضهارى غرب الكنار لسانوووو متبرى منوووو
شوفلكم فيه حللللل لحن ما ارجع لية تانى .
| |
|
|
|
|
|
|
|
|
|
Re: عيد ميلادها مطلوب ترجمه لبعض المفردات من المصحح اللغوي الطيب شيقوق (Re: الطيب شيقوق)
|
Quote: ا إمتن انادي ليك الزبير و/أو بله موسى
او تعترف أنكـ زول موليتات وعنكوليب ساكت؟ |
اناديهم وللا تعترف؟
هويدا ياخ انتي بتسلمي الدفات ساكت. ؟
الطيب ده استغل غيابنا المتكرر (بدليل اني وجه جديد)
ووضع معلومات تسخر من الفهم الجمعي العام (راجعي مداخلة سمية) وبدل يفسر ليك ، قعد يتحنكش مع بنوت (البشرى) الموصوفات في القصيدة
ثم طفق يعالج الشكل الشعري وبنية القصيدة من منظور استنباطي عوضا عن الاستقرائي (باقي ليك كده ما استلمت ) 
تقولي لي عالم وبطيخ.؟
والله تكترو وتقللو انادي لك بله !
| |
|
|
|
|
|
|
|
|
|
Re: عيد ميلادها مطلوب ترجمه لبعض المفردات من المصحح اللغوي الطيب شيقوق (Re: الطيب شيقوق)
|
المسسسسسسانيح بدون فرز
مليون سلامة
Quote: حُلو الشم ... هو الجنا الزول بِضُمو لِسدرو ويشِمو شمْ
- الغابة الضرِية ... الأهل يِمْه.
- سمح الأتر ... نُقاط المطر في اللرِض
- الضُل الرهين ... إنو يكون عِند الواحِد عبيد شغالين ليهو وهو مُرتاح |
قلت لك مشاء الله علية مو ساهل مخلف طاغيتووا ولد بطانة عديل فاقد المراح
ات المسنوح ابارو اديتو تاشيرة دخول او نحول قسم الوافدين
المسنوحة بنهاك مشغولة فى ايدياتنا بدور تسويلنا المشاكل مع الباى بالك
معليش غبت عليكم اختلى سفرة لا وراء ورجعت بلدا اهلها سموها جدة غيررر
لزوم شغل واللمنتى ليك ما بقدر اقول رافد سمعا وطاعةياسيدى
برجع تانى اتحرونى ما تختروا
| |
|
|
|
|
|
|
|
|
|
Re: عيد ميلادها مطلوب ترجمه لبعض المفردات من المصحح اللغوي الطيب شيقوق (Re: الطيب شيقوق)
|
| Quote: دا خلو كان شالوا ما بنشال وكان خلوا خرب الدار |
هههههههههههههههههههههههههههه
هوووووووووى المسنوح ات دخلت فى السياسة
اهااااااااا الرماد كال حماد
اباررررو كاروشة صاحبك بسلم عليك وبخيت وسعيدعليك لقيتلك واسطة كبيرة مو ساهل ادخل بكراعك اليمن وقول بسم الله واقصد ساكت الدارستهاالمسنوحة مافيشه لين ما تشرب كباية الليمون الحارة دى بترجع .
غداك كجيك انبسط هههههههه اها شنو ليك مو كرم
مو تزعل متل خويك عزام جبنا لية ام شعيفة لحد الان ما سكت .
| |
|
|
|
|
|
|
|
|
|
Re: عيد ميلادها مطلوب ترجمه لبعض المفردات من المصحح اللغوي الطيب شيقوق (Re: الطيب شيقوق)
|
من روائع الشاعر بشرى ابراهيم وبصور قصة عندما دعته زميلته الى عيد ميلادها قصيدة
جمييييييلة وفيها تسلسل احداث روعة
وانا من زمنا خدو مشلخ
وهى من ازمانا خدها ساده
اتعجبت سماحا مواتر
طبقات عالية وكلها ساده
وكانت بينا فوارق شاسعة
اتعارفنا
وكانت جاده
وقالت عيد ميلادى الشهر الجاى
ولازم تحضروا
قتلها خير
قتلها خيييييييييييييييييييييييييييير
ودخل فى اضافرى
تقصدى ايه بى عيد ميلاده؟
ايا ربى اتولدت يا دابا؟
يبقى الاعياد سوها زيادة؟
امكن ولدت وانا ما عارف؟
يمكن ميلاد عيسى واجدادها
يا ربى بدقوا الدلوكة؟؟؟؟؟؟؟؟؟
وبعزموا الحلال كالعاده
بس قتلها خير وانا جاييكم
وعديلة وزين
والشهر الجاى
مرق مركوبى من السحارة
داقاهو المطرة قبل شهرين
ونكت طاقيتى من العضاضة
سليتلى ثماد رقعتها زين
سديريتى ابوى مسويها لبد
فرتقت اللبده مرقتها طين
عراقى مغزوز فى الكوكار
كان سوهو وقاية وكت فازعين
سروال مدفون فى رهل العيش
ملفوف محشور بين شوالين
لميتن واديتن شطفة
شريتن فووووق فى زريبت الزين
والزين بقراتو مكوفرات تب
مدغن طاقيتى هرنها زييييييييييييييييييييييييييييين
شافتن السرة بت الهراف
طردتن وجابتن لتاف
وغضبت غضب
وعزمت اقوم
جفن ما جفن
اقوم فى الحين
مرقت ووشى مطوطو تب
وصتنى الحلة رجال وعوين
وصتنى ام نوفل لى كركار
كان تلقى ودك جيب لى رطلين
وقروشى حلف صرة وبى خيت
وصتنى حليمة بت العجبين
سروال لى محمد ورطلين بن
بنبيعلنا شي ونديك بعدين
وصانى الهابر لى مركوب
مخلوفة وسرج وكرباجين
عنقريب وموسر بى حبال قد
تيبار ومسلة وابريق طين
والناس بتوصى وغبيانة
والناس غبيانة وبتوصى
وانا ظرفى مكدر زى الطين
وبتوصى وزى بايعلى بعير
وانا بايع تيسى وعيش كيلتين
والتيس اعور ما جابلو سعر
والعيش بتاب ومسوس وشييييييييييييييييين
تتسود ختوة هالسفرة
انا ماشى لواجب اقوم بالدين؟؟؟؟
وركبت الباص مخلاتي دفس
كدوسي وحقتي وعود سكين
وانا راكب في الباص بتأمل
ياربي بجيبو الحكامات
بتسو دلوكة بيجوا الحلال
ضابحين تيران ام خرفان صر
مدققين كمين شوالات عيش
وانا مالي ومال عيد ميلادن
ان نقروا الدلوكة اولادن
انا بنزل حربي ومتعكز
وادارق اصقر في الدارات
وانا معروووووووووف خراب حفلا ت
وامسك صوتي المدهون قطران واركز واندق
شان السمحات ما يقولن ضيفنا قريزن ساكت
ووصل وسعل لامن جيتن
وهداك البيت يرقش لوحات
وصل ولقيت البيت مزرود لاحدو بنات سمحات
شايلات هديات
وحدات وردات
وحدات زهرات
شايلات رسمات في شكل ارنوب
واسودونمور سبحان الله زي الميتات
يضاحكو قر حايشين صينية تبق شمعات
ماف زول قالي انت منو مابعرفو الضيف زي الخواجات
لتيت عكازي وقفت طرف
ملص نعلاتي اتفرجختا
لي تفه خلالي مضنقلو تب سكيني ملسنه بالجمبات
تبماكي وحُقتي مزرودا ولعتا كدوسي واخد جبدات
وان بتأمل هذا العالم ياتو البنوت وياتو الجنيات
وبحرت عيني لامن برقن
كل البنوت زيها سمحات
والبقر اشابه لي ضمة
ما عرفت الراحن والفايتات
لي حسن الحظ هي النقرتني
ما شالت شك من شافتني
ساقتني وقامت بالواجب هي اصيلة وراسية وست حوبات
نادت صاحباتا بنتعارف
نانسي وناندى وشيماء ولمياء ْ وحوراء وكفا
من وين! من لندن جينا امس راجعين باكر زي ها الحظات
من الطايف والمنشية ومدينة النيل وبنوت راقيات
طيبات طيبة وكل كليمة معاها ضحيكة
ونضاااف ورهااااف زي اللعبات
واحدتاٌ فيهن سمحة سماح لكن مي طاعمة
وانا زول مستغرب في حاجات
ان زول اسراني سماحتاً كاسيا
بنت البلد الهاديه وراسية وضميرا الحي التب مامات
وقالت لي
عرف نفسك بي عبارات
عرف نفسك بي عبارات
قتليها : انا الاسد الحرس غابتو الضريا
وانا الساعة الكتال بختف حديا
وانا الدايرني مابجيب لي هديا
وسارح مدرج ام هبج التخيه
مراتع اللبل الضان السعيه
وادرج عاصفة اللقدة السخيه
وادرج عاصفة اللقدة السخيه
| |
|
|
|
|
|
|
|
|
|
Re: عيد ميلادها مطلوب ترجمه لبعض المفردات من المصحح اللغوي الطيب شيقوق (Re: الطيب شيقوق)
|
مرحب بيك شيخ العرب ود شيقوق
الحمدلله طيبين تب علا المسعوليات زادت
واشكرك على الرابط اللي لسة ما دخلت عليه - عندي بصراحة شريط كاسيت لبشرى البطانة وعجبتني اشعاره جدا جدا ويا ريت لو ترشح لي اسماء شعراء تانيين اقرأ ليهم
بالنسبة للترجمة والله محتاجة ليها جدا - مشكلتي انه امي وابوي مواليد الخرطوم يعني مترجم في البيت مافي
تحياتي لجميع رواد بوستكم الجميل دا
| |
|
|
|
|
|
|
|
|
|
Re: عيد ميلادها مطلوب ترجمه لبعض المفردات من المصحح اللغوي الطيب شيقوق (Re: الطيب شيقوق)
|
الاستاذة شادية بت الطيب
الف مرحب بيك
| Quote: واشكرك على الرابط اللي لسة ما دخلت عليه - عندي بصراحة شريط كاسيت لبشرى البطانة وعجبتني اشعاره جدا جدا ويا ريت لو ترشح لي اسماء شعراء تانيين اقرأ ليهم |
شعراء الدوبيت كثر واشهرهم ( الحاردلو ، ود الشلهمة ، الصادق ود آمنة ، ود شعيت ، ود الشوراني) لو كتبت في قوقل اى منهم تأتيك أشعاره بس كما تفضلت مفرداتهم ، رغم انها تقارب مفردات شعراء المعلقات ، غير انها ، احيانا ، تميل الى كلمات من بيئة البطانة التي يصعب على ناس البندر استيعابها.
اطيب الاماني
| |
|
|
|
|
|
|
| |
سيف الدولة كامل
الرشيد ابراهيم احمد
الطيب شيقوق
Yousif A Abusinina
هويدا شرف الدين
عزام حسن فرح
Ahmed Yousif Abu Harira
ممدوح أبارو
فيس بوك
تويتر
انستقرام
يوتيوب
بنتيريست