|
كتب الكاتب الفاتح جبرا المتوفرة بمعرض الدوحة
|
|
 Re: رسالة الى ابنتى عزة وابنى على طاهر وهما فى الطريق الى الحياة الجديدة (Re: ماجدة عوض خوجلى)
|
طبعا يا سلمي نحنا عرفنا عزة قبل ما نتشرف بمعرفتك
يعني اهل عروس عديل كدا ننافس ام العروس نفسها
لحدي الان بتذكر اول يوم تتكلمي معانا في البالتوك
و قمتي فتيتي اسم عزة بكل طيب خاطر و هي تقول ليك
لا يا ماما لوووووووول
غايتو الما ناسبك ما ناسب تب.. مفروض نسلفك نسوانا
كلهن توصيهن الوصايا السمحة دي، اي نعم وصوهن لكن
ما بالبلاغة و الوضوح ديل كأم شابة و مثقفة و مغتربة
في بلاد العم سام شخصيا...
يا علي طاهر عزة دي امانة في رقبتك زولة ما شاء الله
اكبر من عمرها بعقلها و اصالتها البتحير كيف اتمسكت
بها و هي ناشئة في بلاد بعيدة و ثقافة غريبة؟؟!!
ربنا يجمع بينكم بالخير و الحب و الاحترام المتبادل
و يروقكم البنين و الخيرات و الرضا و راحة البال
| |
  
|
|
|
|
|
|
|
|
Re: رسالة الى ابنتى عزة وابنى على طاهر وهما فى الطريق الى الحياة الجديدة (Re: Soumeta)
|
الاحبة والحبيبات
امل كرار ابراهيم فرح بت الابيض ياسلام على الابيض واهلها جميعا لهم سلامى
كمال كرار الحبيب شكرا لجمال حضورك بينا اتمنى انك فى السودان
سعد مدنى تسلم لينا يا روح وسيد التوثيق الاصيل ولو فى السودان خلينا نتلاقى
بله محد الاضل فى وصية تانيةماتفوك
ابوعسل العسل عارف معزتى ليك مش؟
منصور المفتاح حنتلاقى قريب ما تسالنى وين ؟
احمد سردوب يا نبيل مشتاقة ليك
عقبالك
محمد صلاح اتمنى انك فى السودان عشان نتلاقى يوم 6 يناير
الغالى الطيب شيقوق اتمنيت تكون معانا
لنامهدى حاكون اسعد زول لو جيتى السودان فى الايام دى راك شنو؟
محمد الشيخ ود ابوى السمح وصلنا تحاياك لحذيفة كتر خيرك حبيب
نهلة الزولة الكلها انسانية اتمنى نتلاقى يوم 6 يناير
عبد الحكيم ود الخال سعيدة انك طلعت قريبى يااجمل قريب
شكرا ليكم كلكم وبحبكم جدا وحات الله
| |
|
|
|
|
|
|
|
|
|
Re: رسالة الى ابنتى عزة وابنى على طاهر وهما فى الطريق الى الحياة الجديدة (Re: Soumeta)
|
الحبيبة سوميتا
تحياتى
رسالة الى ابنتى عزة "2"
فى المرة السابقة حدثتك عن علاقتك بزوجك وكيف ترومينها ، الان جاء دور آخر ، وهو اهل زوجك
كونى عزوة لامه وابيه ، فهما من اسلماك جزءا عزيزا منهما ، ابنهما ، فكونى بارة بهما كما انك بارة بامك وابيك
لاخوته واخواته ، كونى الشقيقة التى لم تنجبها امهم ، شفوقة عليهم ، اجعليهم اخوتك ،سيكونوا اخوتك واشقائك ، استوصى بهم خيرا فسيفعلون ، فهم "ناسك " واهلك احبيهم بقدرما اتيحيت لك المحبة ، اسالى عن احوالهم واستوصى بهم خيرا ، فهؤلاء اهلك سيظلون دائما ، واهل ابناءك من بعد ، فاجعلى الحب قاعدة ومدخلا اصيلا بينكم ،اجعلى احفادهم وابناء اخيهم بينهم وبينك مدا بلا جزر ، وبحر لا قاع له ، ستكبرين حينها فى نظرهم ، وكلما سنحت سانحة خيرا او شرا كونى اول من يصل ، ويقف على ذلك الامر ، ليس بدعاوى ظاهرها الاشفاق بل باطنها المحبة الحقيقية ، وانك الاقرب اليهم
اجعلى امك الثانية محل مشورتك راجعيها فى كل خطوة تخطينها فهى تمتلك الخبرات التى تدفعها نحوك دفعا لانك ابنتها بلا جدال ، واقعدى اليها ، مثلما تقعدين الى امك ، استمعى اليها وحاوريها وجادليها بالتى هى احسن
اطردى تلك الاوهام التى تعانى منها الكثيرات ان "ام الزوج "هى امراة غير الامهات التى يعرفنها ، اقطعى تلك المقولة بسيف صارم وارمى بها الى حيث لاترينها ولاتعودى اليها قط ، وادخلى من ثم الى قلب امك وام زوجك بالمحبة ستجدينها محبة لك ، حينها ستخرج كل تلك المفاهيم "الغبية " الى الابد ، ستجدين "اما" تدخل اليك من شباك كبير يصير بابا فادخليه آمنة ، فهى نعم الام ، فهى جدة ابناءك وام زوجك الذى تخيرتيه من بين كل العالمين ، فارحميها سينزل المولى رحمته عليك ، وعلى زوجك وبيتك واطفالك
اعرف ان كلماتى من نفق قديم خرجت ، لكنى اود لو كان بيدى ان اجنبك كل ما فشلت فيه ، واريدك امينة على عشك وزوجك واهله وعشيرته
دمتى ايتها الحبيبة يا قطعة من قلبى
امك
| |
|
|
|
|
|
|
|
|
|
Re: رسالة الى ابنتى عزة وابنى على طاهر وهما فى الطريق الى الحياة الجديدة (Re: عبدالله الشقليني)
|
.....
..
..
.. حبّوبه ...ســــــــــــــــــــــــــــــــــــلمي ....
.....Wayeeeeeeeeeeeeeeeeeee...
..
...Wayeeeeeeeeeeeeeeeeeee......
....
..
..
..
.. اخر الزمن ....
..
..
..
...عشنا و شفنا ....
..
..
الحبوبات ... كمان...
..
..بقو ...
..
..يسافرو ... امريكا ...
..
... يستخدموا الكومبيوتر...
..
...و يطالعن الانترنت ...
..
.. ويكتبوا في موقع بكري اب صلعه ..
..
..
..دنيا ...
..
..
..تعيش كتير .... تشوف كتير ...
..
..
..مبروك عزوز ... مبروك علوب...
..
..بيت عيال و مسرح .... و اغنيه...
..
..
..شدوا حيلكم
| |
|
|
|
|
|
|
|
|
|
Re: رسالة الى ابنتى عزة وابنى على طاهر وهما فى الطريق الى الحياة الجديدة (Re: جعفر خضر)
|
احبابى
ماجدة عوض معليش ما قدرت احضر معاكم راس اسنة لانه البيت مليان ضيوف
وصوتى راح ما تسالينى وين ؟صحيت ما لقتو
عبدالله الشقلينى
ممنونة بالكلام الجميل واتمنى انه ربنا يسعد وليداتنا كلهم
حلولى قول لهاشم بت الشيخ زعلانة منك
وحبوبات الزمن دااحلى حبوبات كان شفت
الطيب الحبيب مشتاقة ليك وكتر خيرك
ضحية ازيك حبيبنا ونجيك فى السمح
عبدالدايم سيد احمد شكرا لاتصالك وفى سمح بنياتك
حجة امنة عزة زعلانة منك بث
عمر عبدالسلام سلامى ليك وللحبيب كمبال شديد
نادية عثمان اتمنى ليك كل الخير وتحياتىلبنيتك اتمنى انها بخير
جعفر خضر تخطف الزمن وتجينى لازم الاقيك سمح؟
نتلاقى كلنا فى حفل عزوز وعلى
| |
|
|
|
|
|
|
| |
ماجدة عوض خوجلى
نصار
سلمى الشيخ سلامة
لؤى
أحمد الشايقي
معتصم دفع الله
Hashim Badr Eldin
عفاف ابوكشوه
Tumadir
Omayma Alfargony
شول اشوانق دينق
عبدالله الشقليني
الطيب شيقوق
ضحيه ابراهيم
عبد الدائم سيد أحمد
omer abdelsalam
عمر عشاري
Rihab Khalifa
Mohamed Abdelgaleel
فيس بوك
تويتر
انستقرام
يوتيوب
بنتيريست