|
|
 أوقـات الفـراغ
|
أصبحنا نتحسر على كل ما فات من حياتنا كان الناس قديماً في غاية البساطة
وكانوا في غاية النبل وفي غاية الكرم وكانوا يخافون على بعضهم البعض
وكانوا يعطون الجار المحتاج بلا من أو أذى وكانوا وكانوا ووووووووووووووووو
من الأشياء التي نتحسر عليها أوقات الفراغ
قديماً كان هنالك وقت فراغ كان الناس يذهبون للعمل صباحاً
ويعودون بعد ظهر اليوم يتناولون وجبة الغذاء مع ذويهم
ويأخذون قسطا من الراحة ومن ثم يبدأون رحلتهم لشغل أوقات فراغهم
بهواياتهم المحببة الى نفوسهم بعضهم بالقراءة وبعضهم بزيارة الأهل والأصحاب
وبعضهم بتمضية بعض الوقت في الأنشطة الرياضية
الآن أصبح الجميع يلهثون وراء لقمة العيش يخرجون للعمل صباحاً ويرجعون مساءً
لا تفكير لديهم سوى ان يتناولوا الوجبة الثانية ومن ثم النوووووووووووووووم
لكي يصحوا صباحاً لتبدأ دائرة العمل وهكذا....
تمعنت كثيراً في اسلوب حياتنا في هذا العصر العجيب وجدت ان أوقات الفراغ إختفت من حياتنا
فما أحوجنا اليها الآن حتى نستطيع ان نمارس هواياتنا التي نحب دون نعاني في إقتطاع زمن لها
|
|
 
|
|
|
|
|
|
|
 Re: أوقـات الفـراغ (Re: انعام عبد الحفيظ)
|
نعومي يا حبيبة ازيك ومشتاقيييييييييييين
يا حليل زمن الفراغ والله نفسي اكل في صينية مع ناس البيت حتي يوم الجمعة لو مافي شغل
بكون البيت كله نايم نوم الضان اها الحل شنو
زينب
| |
|
|
|
|
|
|
|
|
 Re: أوقـات الفـراغ (Re: Zeinab)
|
Quote: حليل زمن الفراغ والله نفسي اكل في صينية مع ناس البيت حتي يوم الجمعة لو مافي شغل
بكون البيت كله نايم نوم الضان اها الحل شنو |
عارفة يا زوبا
حلمي الآن صينية الغداء الزمان ديك
اقول ليك حاجة ما بتصدقيها انا ما بتذكر أكلت في صينينة غداء قريب
حتى الجمعة الفطور بكون زي الساعة 1 ظ وبكدا بيضيع الغداء
الله يكون في العون
| |
|
|
|
|
|
|
|
|
|
Re: أوقـات الفـراغ (Re: Zeinab)
|
العزيزة الغالية إنعام عبد الحفيظ والله موضوعك في غاية الأهمية وأوقات الفراغ هي في مفهومي الشخصي
هي تكملة لمسيرة الحياة الطبيعية , وهي تمد العقل والجسم بالنشاط والراحة من ضغوط العمل والحياة
في نفس الوقت , بس الحصل إنو كل الناس بقت في ساقية تدور وتدور ومافي توقف خالص , وبكل اسف ليس
هناك إي حل والعلاقات الإجتماعية قصرت بشكل واضح ناهيك عن علاقات الصداقة .
نسأل الله أن يفك آسر السودان من هذا السجن الكبير وتعود الحياة لمجاريها .
| |
|
|
|
|
|
|
|
|
|
Re: أوقـات الفـراغ (Re: هاشم أحمد خلف الله)
|
Quote: قديماً كان هنالك وقت فراغ كان الناس يذهبون للعمل صباحاً
ويعودون بعد ظهر اليوم يتناولون وجبة الغذاء مع ذويهم
ويأخذون قسطا من الراحة ومن ثم يبدأون رحلتهم لشغل أوقات فراغهم
بهواياتهم المحببة الى نفوسهم بعضهم بالقراءة وبعضهم بزيارة الأهل والأصحاب
وبعضهم بتمضية بعض الوقت في الأنشطة الرياضية
الآن أصبح الجميع يلهثون وراء لقمة العيش يخرجون للعمل صباحاً ويرجعون مساءً
لا تفكير لديهم سوى ان يتناولوا الوجبة الثانية ومن ثم النوووووووووووووووم
لكي يصحوا صباحاً لتبدأ دائرة العمل وهكذا.... |
ده كلو كووم يا انعام ..
القرفني من الإجازة المرة الفاتت .. اصحابي . .. ما قدرت اقعد معاهم .. امي اجي اتونس معاها .. بالليل خالص كدا .. تشبكني ااي .. صاح .. بعد شوية ابقى اتكلم براي زي المجنـون ..
افتش البيت كلو علشان اللاقي لي زول صاحي افكها فيهو .. ما اللقي لي زول
آخر حاجة اشيل الكرسي بتاعي الهزاز وجردل موية .. وامشي افكها في الشارع لحدي ما الناس تجي ماشه الشغل الدغش ... بعداك امشي انوم .. علشان اصحي الساعة تسعة ..
غايتو كان ما اللمة الفي صينية الغداء دي .. الواحد كان فكر شاف ليهو جنسية كندية 
| |
|
|
|
|
|
|
|
|
|
Re: أوقـات الفـراغ (Re: tmbis)
|
يعني يا تمبس عايز تقنعني انو انت ما جيت السودان
ليك مدة عشان الناس ما فاضية ليك ؟
بالله كدى شوف غيرها ياخ وأبقى تعال إجازة
كلنا بنحاول نقتطع زمن عشان نلاقيك
مش ناس بيتكم بس كلنا ح نحاول نديك زمن
| Quote: غايتو كان ما اللمة الفي صينية الغداء دي .. الواحد كان فكر شاف ليهو جنسية كندية |
والله يا تمبس بختك بصينية الغداء
وان كنت أشك انك تلم فيها تاني
| |
|
|
|
|
|
|
|
|
 Re: أوقـات الفـراغ (Re: هاشم أحمد خلف الله)
|
Quote: وأوقات الفراغ هي في مفهومي الشخصي
هي تكملة لمسيرة الحياة الطبيعية , وهي تمد العقل والجسم بالنشاط والراحة من ضغوط العمل والحياة
في نفس الوقت |
هاشم العزيز
نعم نحتاج لأوقات الفراغ
لأن الحياة أصبحت عملية جداً ومملة أحياناً
واليوم أصبح لا يكفي للضروريات حتى!!!
نحن الآن أحوج ما نكون لأوقات الفراغ
لخلق التوازن النفسي من ضغوطات لحياة
| |
|
|
|
|
|
|
|
|
|
Re: أوقـات الفـراغ (Re: انعام عبد الحفيظ)
|
والله يا انعام من يوم ابوي الله ارحمه اتوفت ما اتختت صينية غداء عارفة كا جابرنا
عليها وما بياكل الا البيت كله اقعد في الصينية اسي الحمد لله امي المسكينة بقت
سندوتشات سااااااااااااااكت يا ترسل مسج وتقول جيبو عشاء وطبعن سندوتشات والحمد لله
والعجب لما يكون في مناسبة بي اخر نفس وعشان الكلام تقوم تمشي تقعد ليك نص ساعة يعني
توري وشك وبيوت البكيات بقت الجنازة وبعدين عيييييييييك والعجب المرض تسمع بيه سمع
زينب
| |
|
|
|
|
|
|
|
|
|
Re: أوقـات الفـراغ (Re: Zeinab)
|
زوبا
عارفة واحدة من الحاجات المهمة لمة البيت وكلنا مع بعض في صينية أكل واحدة
واحدة من الحاجات الكان والدي رحمه الله عليه مهتم بها جداً ويصر عليها
لإعتقاده بأنها تجعلنا نجلس مع بعضنا البعض ونتحدث عن همومنا فيها
ونتسامر أيضاً ومثل هذا الوقت البنتلاقى فيهو على صينية الأكل كان مهماً
جداً لأنه يزيد من الترابط الأسري أما الآن فنحاول أن نحتفظ بذلك في يوم الجمعة
وفي صينية الفطور تحديداً ومثل هذا الوقت أعتبره من أوقات الفراغ التي نحتاجها
لأننا يبدو في زمن لا نستطيع معه توفير وقت للأكل الجماعي
| |
|
|
|
|
|
|
|
|
|
Re: أوقـات الفـراغ (Re: انعام عبد الحفيظ)
|
العزيزة انعام عبدالحفيظ
فعلاَ حصلت تحولات كبيرة تفاصيل الحياة في السودان. في تحولات كبيرة جداَ اقتصادية و في شكل علاقة الدولة و دورها في مجال الخدمات و الضرورات الحيايتة للمواطن. عموماَ النقلات الكبيرة صعوداَ او هبوطاَ بتترتب عليها تأثيرات اجتماعية يمكن تكون اكبر منها او هي في الغالب كذلك. نسفت كتير من الثوابت و تم تطبيق مشروع سياسي و اقتصادي شديد القسوة و منعدم الضمير. علشان كدا اتسعت الهوة بين طبقات المجتمع و اتلاشت الطبقة الوسطي اللهي محرك اي مجتمع و عنصر توازنه. المشكلة انه في حالة زي دي اللهث و الجري ما بكفي لتأمين اسباب حياة ميسورة لانه في خلل في شروط العمل و عوائده. قلة تسيطر علي حركة الاقتصاد لاسباب بعيدة كل البعد من الكفاءة و المثابرة و هم بدورهم بفرضوا شروطهم علي الاخرين محميين بواقع فاسد معتمد علي المحسوبية الحزبية او الجهوية او المنافع المتبادلة...
مسألة الكد و الاجتهاد اذا قابلها مردود معقولة لا تمثل مشكلة في نفسها و ما بكون في الشواغل النفسية البتزيد من غربة الانسان بين اهله.. يعني الواحد بقدر يباصر ليه وقت للتواصل الاجتماعي و ممارسة الهوايات و الترفيه عن نفسه.. لكن البحصل الان انه الواحد بكون مشغول طول اليوم و باقي الوكت بكون مهموم و محزون و بكدا مافي مزاج للاقبال علي الحياة خاصة او عامة.
| |
|
|
|
|
|
|
|
|
|
Re: أوقـات الفـراغ (Re: نصار)
|
العزيزة انعام...
من اسباب فشل الحضارة المعاصرة قتلها للفراغ، ولروح الفرد، وللذات الإنسانية، حتى صارت النفس عبارة مسخ، عن كائن آلي، في فكره، وتصرفاته، وسلوكه، فرد لا يعي ما يدور حوله، أو صار ريشة في مهب الريح ا لقوية، برياح العولمة، والرأسمالية القذرة، وانطلاق الشهوة في الفكر والصورة، والتفكير، عصر تحولت البشرية إلي "نمل"، يعمل ليل نهار، من أجل حفنة قروش، ولا يملك ال99% في العالم سوى 1% من ثروته، وقد توزعت تلك بين الاغنياء "في كل الاقطار"، يعني تحالف إغنياء العالم، ضد فقراءه...
ففي حين يتسكع الآن "في هذا الصيف"، أغنياء العالم في الملاهي، والسواحل والفنادق الراقية، يعمل النمل البشري ليل نها ر في مصانعهم، ومكاتبهم، وحقولهم، ولا يجدوت وقت "يحكون به رؤوسهم"، ولذا احس بإن الإفلاس يأتي من قتل الغراغ، .. فالفراغ كما يقال "وقت العمل يمتلكك، ووقت الفراغ تمتلكه"، وهنا يأتي الدور الفردي في ملء أوقات الفراغ،... ورغم تطور البشرية، وتلطيف اجواء العمل بمساعدةالآلة، من تراكترات، وسيارات وطائرات، إلا أن طمع "الرأسمالية"، ونهمها للربح، وطول ساعات العمل، والثقافة الاستهلاكية، واتساع المدن، جعل اغلب عمل العمال والموظفين والفلاحين يستمر طوال اليوم...
حقا، أين الفراغ.. وجلسات الاسر، والاحساس بالحياة، وتزجية النفس، واعطائها وقتها الذهبي، سئل الاستاذ محمود، عن (خلوة القبر)، كيف يقضيها الإنسان، وهو كائن اجتماعي، فقال بأن الإنسان كائن فردي، مناخه داخلي، يجد قوته في ذاته، في خلوته، الحسية والمعنوية، ويفجر قدراته المخبأة، وحقا، كل الانبياء والمفكرين اختلوا بأنفسهم، ووظفوا الفراغ، في بناء ذواتهم، و اكتشاف ذواتهم وكنوزهم الداخلية...
وطبعا قصة السماك والرجل الغني معروفة، وهي تدور سماك يصطاد سمكة واحدة ثم يستريح ويتأمل وينام تحت الشجرة طوال اليوم، فزجرة الرجل الغني كي يعمل ويصطاد طوال اليوم، اكثر من مائة سمكة، ثم يمضي بها للسوق، ونهاية المطاف يكون ثري و"يجد فراغ عريض كي يرتاح..
فقال له السماك :طيب هسي انا ما مرتاح، بدون اللف والتعب والصيد..
يجب ان يعاد لنا وقت الفراغ، وقت الروح، وقت اكتشاف المواهب الذاتية الاسطورية المخبأة في كل فرد بشري، على سائر الكوكب..
كوني بخير، ومتعك لله بأوقات فراغ طويلة، ومباركة وثرية..
| |
|
|
|
|
|
|
|
|
|
Re: أوقـات الفـراغ (Re: عبدالغني كرم الله بشير)
|
Quote: يجب ان يعاد لنا وقت الفراغ، وقت الروح، وقت اكتشاف المواهب الذاتية الاسطورية المخبأة في كل فرد بشري، على سائر الكوكب..
|
عبد الغني كرم الله
شكراً لمداخلتك الثّرة
ونفتقد فعلاً وقت الفراغ لأنه يجعلنا نكتشف
مواهبنا الذاتية وهو راحة للروح من رهق الحياة
| |
|
|
|
|
|
|
|
|
|
Re: أوقـات الفـراغ (Re: gamal elsadig)
|
يا حليل ضل الشجر وضل العمود وضل الحيطة والدنيا كلها كانت مظللة بالود والتآلف والونسة الحميمة.
| Quote: لا تفكير لديهم سوى ان يتناولوا الوجبة الثانية ومن ثم النوووووووووووووووم |
كويس إنك انتبهت وقلتي الوجبة "الثانية" وليس "الثالثة" كما كان الحال زمان.
بعض الناس الآن حتى الوجبة الأولي والأخيرة في تلتلة. ربنا يكون في العون.
على كل حال نحن في الغربة نطبق مقولة "خير جليس في الزمان كتاب" هذا أذا استطعنا أن نخرج من مطب الدوام اليومي.
ودمتي.
| |
|
|
|
|
|
|
|
|
|
Re: أوقـات الفـراغ (Re: Elawad Eltayeb)
|
ست انعام
من المفترض الا يكون هناك وقت للفراغ اصلا
اليوم مقسم لاربعة وعشرين ساعة تمانية ساعات نوم وتمانية ساعات شغل
وباقي الساعات ان لم تقطعها قطعتك عليك بالقراءة والاطلاع
ومرات قعدة الوحدة ( اخير من رفقة السجمان
| |
|
|
|
|
|
|
|
|
|
Re: أوقـات الفـراغ (Re: khaleel)
|
Quote: وباقي الساعات ان لم تقطعها قطعتك عليك بالقراءة والاطلاع
ومرات قعدة الوحدة ( اخير من رفقة السجمان |
خليل
الإطلاع لو لقينا ليهو زمن ما بناباهو
بس الرفيق السجمان دا أوعى منو
| |
|
|
|
|
|
|
|
|
|
Re: أوقـات الفـراغ (Re: Elawad Eltayeb)
|
| Quote: على كل حال نحن في الغربة نطبق مقولة "خير جليس في الزمان كتاب" هذا أذا استطعنا أن نخرج من مطب الدوام اليومي. |
الأخ العوض الطيب
أصبحت الحياة غريبة وأصبحنا نسعى لرزقنا نهاراً وليلاً
ولا نجد وقتاً حتى مع أنفسنا ناهيك عن ممارسة هواياتنا
عندما كنت طالبة بالمدارس كانت من هواياتي القراءة
وكنت أسعى لإمتلاك المجلات والكتب خاصة الأدبية منها
ولكن بمرور الأيام وكثرة المسؤليات أصبحت قراءة الصحف اليومية مشكلة
ربنا يعين الجميع
| |
|
|
|
|
|
|
|
|
|
Re: أوقـات الفـراغ (Re: نصار)
|
العزيز نصار
نعم الحياة تغيرت كثيراً
ودوماً ما نتحسّر على ماضي الأيام منها
| Quote: لكن البحصل الان انه الواحد بكون مشغول طول اليوم و باقي الوكت بكون مهموم و محزون و بكدا مافي مزاج للاقبال علي الحياة خاصة او عامة. |
نعم هذا ما يحدث الآن وما يحزننا اننا لا نجد وقتاً نمارس فيه هواياتنا التي نحب
| |
|
|
|
|
|
|
|
|
|
Re: أوقـات الفـراغ (Re: انعام عبد الحفيظ)
|
وين يا انعام .. ازيك ومشتاقين
اصلا انا سبب اذاي في الدنيا دي كانت الجامعة ..
من يوم دخلت الجامعة وانا فارقت صينية الغداء ونومة العصرية واصبحت عرضة للوم من جميع الناس ...
عارفة مرة كده وانا جاية راجعة البيت راكبة الحافلة شفت لي اسرة نازلة من عربية فيها بنت قدري ومعاها ابوها وامها والساعة كانت زي 8 طوالي اتخيلت انو الناس ديل زي ماشين زيارة اسرية وكده ماعارفة لكن راودني شعور غريب بالاشتياق لرجوع البيت مبكرا والمرقة الامسيات للزيارات الاسرية والاصدقاء وكدي...
عارفة الشعور ده اكد لي حاجة واحدة انو الصياعة ما اصل فيني واني لازلت اكن ولاء للمنزل ...
| |
|
|
|
|
|
|
|
|
|
Re: أوقـات الفـراغ (Re: ريهان الريح الشاذلي)
|
انعاموتا,
Quote: ومنتظرنك تجينا تاني
وتحدثنا عن أيام زمان وأوقات الفراغ
وانا متأكده انك الآن بتبحث عن (وقت فراغ) زي زمان |
أجيكم وأفـوّت الطيارة ذاتها,
هو أنا لاقيكم وين؟
أحمـد
| |
|
|
|
|
|
|
|
|
|
Re: أوقـات الفـراغ (Re: ريهان الريح الشاذلي)
|
Quote: من يوم دخلت الجامعة وانا فارقت صينية الغداء ونومة العصرية واصبحت عرضة للوم من جميع الناس ...
|
ريهان ام صوت
والله يا ريهان انا كمان من ما دخلت الجامعة فارقت صينية الغداء
ولغاية الآن ما لميت فيها
عارفه اكثر ما يؤلمني التواصل الأسري الذي اصبح صعباً
فكم من مناسبة تمر على خالاتي واعمامي ولا استطيع المشاركة
الا (الشديد القوي) زي ما بقولوا غايتو ربك يعين
| |
|
|
|
|
|
|
|
|
|
Re: أوقـات الفـراغ (Re: walid taha)
|
الاستاذه انعام
تحياتي
انا غايتو رجعت للوطن فاضي الوفاض ومليئ باوقات الفراغ
ولكن .. وجدت الجميع هنا مشغولون بشيئ ما احاول ان اكتشف ما هو؟؟
اوقات الفراغ لم تعد كالماضي وكل الذين كنت التقيهم زمان اصبحوا الان يتعللون بالاولاد والبيت وام العيال والاغرب من كده كل اصدقائي من شواطين الامس
المليئ بالفراغ ضربت عليهم المسكنه والمزله والهم سالت مطر عن السبب قال لي دا كله من المره وام المره اول حاجه بيعملوها للراجل بعد الزواج بياكلوه
برضو ما عرفت قصده شنو
شكرا انعام
| |
|
|
|
|
|
|
|
|
|
Re: أوقـات الفـراغ (Re: رهف)
|
| Quote: غايتو يخيل لى القصة فى انه اليوم مابقى 24 ساعة زى زمان والاسبوع بقى السبت الثلاثاء الجمعة والمشكلة جرى فى الفاضى |
عارفه يا رهف
اول ما الاسبوع يبدأ تلقيني بديت احسب في الايام
القى نفسي زي الفطيت لي يوم
وفجأة القى الخميس في وشي
هسه عليك الله دا يسموهو شنو؟
| |
|
|
|
|
|
|
|
|
|
Re: أوقـات الفـراغ (Re: محمد عبد الله شريف)
|
Quote: اوقات الفراغ لم تعد كالماضي وكل الذين كنت التقيهم زمان اصبحوا الان يتعللون بالاولاد والبيت وام العيال والاغرب من كده كل اصدقائي من شواطين الامس
المليئ بالفراغ ضربت عليهم المسكنه والمزله والهم سالت مطر عن السبب قال لي دا كله من المره وام المره اول حاجه بيعملوها للراجل بعد الزواج بياكلوه
برضو ما عرفت قصده شنو
|
محمد عبد الله شريف
اولاً حمداً لله على السلامة
الكل إنشغل بهمومه وسعيه وراء الرزق
بس ما تسمع كلام مطر دا ويقول ليك
Quote: والهم سالت مطر عن السبب قال لي دا كله من المره وام المره اول حاجه بيعملوها للراجل بعد الزواج بياكلوه
|
مطر دا بكون حاقد
| |
|
|
|
|
|
|
|
|
|
Re: أوقـات الفـراغ (Re: walid taha)
|
Quote:
Quote: يخرجون للعمل صباحاً ويرجعون مساءً
يعنى الحجر التحت العمود حيكون فاضى ؟!
شكلى حألغى إجازتى دى
|
وليد طه
سلامات
تلغي الإجازة عديل كدا!!!!
لا ما ليك حق ما قدر دا ياخ
الحجر التحت العمود في أماكن كثيرة ما موجود
لأنو ناس الحجر بقوا جاريين مع أهلهم في الرزق
الأب والأم والولد والبنت كلهم شغالين وبرضو ما مكفي!!! شفت كيف!!!
عشان كدا غالباً ماتلقى الحجر التحت العمود مافي
بس برضو تعال الإجازة بلقوا ليك زمن
| |
|
|
|
|
|
|
|
|
|
Re: أوقـات الفـراغ (Re: طارق جبريل)
|
الأخت انعامQuote:
أوقات الفراغ إختفت من حياتنا
فما أحوجنا اليها الآن |
والله صحي يا انعام الدنيا بقت ما فيها بركة ولا الحاصل شنو؟ تصبحي الصباح تلقى الليل جاويجيك صباح تاني يوم جاري ...بقينا نسابق الزمن يا انعام....ولما تجي تشغلي وقت فراغك يطلع ليك موضوع من مافي !.
كل التقدير
| |
|
|
|
|
|
|
|
|
 Re: أوقـات الفـراغ (Re: salma subhi)
|
| Quote: والله صحي يا انعام الدنيا بقت ما فيها بركة ولا الحاصل شنو؟ تصبحي الصباح تلقى الليل جاويجيك صباح تاني يوم جاري ...بقينا نسابق الزمن يا انعام....ولما تجي تشغلي وقت فراغك يطلع ليك موضوع من مافي !. |
لأنو المواضيع ما بتخلص يا سلمى ولأنو الدنيا بقت زحمة
والحياة بقت معظم وقتنا فيها خلال اليوم شغل وجري
ربنا يكون في العون
| |
|
|
|
|
|
|
|
|
 Re: أوقـات الفـراغ (Re: انعام عبد الحفيظ)
|
انعام ..
الله يمسيك بالخير ..
من منا لا يحتاج لمثل هذه الأوقات ..
يمكن بفعل أيقاع الزمن المتسارع وهموم الناس ومشاغلهم وكذلك الإغتراب ساعد على سرقة هذه اللحظات منا وجعلنا خارج دائرة التواصل الإجتماعي ..
ولكننا نحتاج لهذا الوقت ..
نحتاج لجلسة أنس مع الأسرة في صينية الغداء أو كباية شاي المغربية ..
لذلك لأبد من تخصيص وقت معين نكون فيه معهم ومع أنفسنا ..
لك وللجميع هنا كل التحايا ..
| |
|
|
|
|
|
|
|
|
|
Re: أوقـات الفـراغ (Re: معتصم دفع الله)
|
| Quote: هو أنا لاقيكم وين؟ |
يا انعام ،،، أمسكى فى الشايقي دة ،،، واحسن تلمى وقت فراغك الى قت
فراغه هههههههههههههههههاااااااااا ،،، بالمناسبه اعتقد ان اسمهان
عندها وقت فراغ ،، خلينا نشوف ليكم حل لكى ننسف لكم الوقت الفارغ هذا
| |
|
|
|
|
|
|
|
|
|
Re: أوقـات الفـراغ (Re: كمال مبارك)
|
استاذة انعام
الناس في حاجة ما منتبها ليها ..
زمان اليوم كان أكتر من 24 ساعة والان بقى اقل من 18 ساعة لانو الاسبوع بقى 5 أيام .. ده طبعا بمقياس الاحساس ...
والله ايام يا زمان .. ببكي واتحسر عليك ..
مودتي
| |
|
|
|
|
|
|
|
|
|
Re: أوقـات الفـراغ (Re: معتصم دفع الله)
|
Quote: ولكننا نحتاج لهذا الوقت ..
نحتاج لجلسة أنس مع الأسرة في صينية الغداء أو كباية شاي المغربية ..
لذلك لأبد من تخصيص وقت معين نكون فيه معهم ومع أنفسنا ..
|
معتصم العزيز
إيقاع الحياة أصبح متسارعاً وكلما أسرعنا نجده أسرع
ولا ندري الى متى هذا السباق
نحتاج لوقفة بين الحين والآخر مع أنفسنا
حتى نلتقط على الأقل أنفاسنا
ندور ثم ندور ونعود لكي ندور
| |
|
|
|
|
|
|
|
|
|
Re: أوقـات الفـراغ (Re: انعام عبد الحفيظ)
|
| Quote: تمعنت كثيراً في اسلوب حياتنا في هذا العصر العجيب وجدت ان أوقات الفراغ إختفت من حياتنا |
ها أنذا في مقتبل العمر وبلا مسؤوليات جسام مثال" زوجة , أطفال " أصارع الحياة وأبحث بل أقاتل من أجل ساعات الفراغ وكل المحصلة يوم واحد في الاسبوع أو قل يوم وربع اليوم فأنا بين مطرقة الدوامين وسندان النوم .
أصبح وقت الفراغ رفاهية .
لم أحسد أحداً يوماً في رزق منحه الله لكننى صرت أحسد من يملكون أوقات الفراغ مع التمنيات بحصولي على أوقات أكثر منهم , أحيان كثيرة تخامرني فكرة أن أترك كل شيء ورائي بحثاً عن متعة الفراغ فأصطدم بواقع العطالة والحوجة فأصب اللعنة على شيطان الفراغ وأعود إلى ذحامي .
أعرف الآن أن لكن آن فراغ ..
أين هو ؟
لا أدري!
من منكم يعلم ؟
طارق المكي
| |
|
|
|
|
|
|
|
|
|
Re: أوقـات الفـراغ (Re: tarig almakki)
|
| Quote: أصبح وقت الفراغ رفاهية |
طارق المكي
صباحك نور
عارف يا طارق عبارتك أعلاه صادقة
فعلاً أصبح وقت الفراغ رفاهية
لا توجد إلا عند أقلية من الناس
تجدهم ينعمون بها ويتبخترون هنا وهناك
تراهم في شوارع الخرطوم عند غدوك من العمل
يتسابقون في الشوارع تارة ويتسكعون تارة أخرى
لا هم لديهم وحائر بهم الدليل وليتهم يستثمرون وقتهم
ويستثمرون فراغهم بما يفيدهم ويفيد من حولهم
| |
|
|
|
|
|
|
|
|
|
Re: أوقـات الفـراغ (Re: انعام عبد الحفيظ)
|
وقت العصر واحد من اهم أوقات الفراغ الضاعت بعد تغيير الساعة وبقي مافي وقت عصر.
بقت الحكاية صباح ........ مغرب .... ليل ...... صباح.
والساقية لسه مدورة .............
| |
|
|
|
|
|
|
|
|
|
Re: أوقـات الفـراغ (Re: omer osman)
|
تمعنت كثيراً في اسلوب حياتنا في هذا العصر العجيب وجدت ان أوقات الفراغ إختفت من حياتنا
فما أحوجنا اليها الآن حتى نستطيع ان نمارس هواياتنا التي نحب دون نعاني في إقتطاع زمن لها
هل من عودة هل
لقد تسارعت انفاس هذا العصر المادى
ليقطع حبل المودة
فهل يمكن ان تختزل الحياة
فى سبل كسب العيش فقط..
عشنا فى زمن ملىء بالجمال والتواصل
نتمنى بعضا من لمحاته
| |
|
|
|
|
|
|
|
|
|
Re: أوقـات الفـراغ (Re: عبد المنعم سيد احمد)
|
انعام ازيك..
نحن مصابين بهلع اكثر مما يجب ..
عايزين نلحق اى شئ فى الدنيا.. واصبحنا ننظر للحياة فى جانبها المادى فقط.
واى مجتمع يتحول افراده الى مستهلكين( بالكسرة) يصاب بالكثير من الامراض....
عايزين نمتلك كل شئ وباى ثمن ..
لذلك بدات تختفى من حياتنا كثير من القيم بسبب الهلع...
نحن غايتو بنجابد فى البيت لنحتفظ ببعض التواصل ..(مثل صينية الغداء وشاى المغرب )
| |
|
|
|
|
|
|
|
|
|
Re: أوقـات الفـراغ (Re: Amira Elsheikh)
|
إنعام..أيتها الحبيبة
وهل هنالك أوقات فراغ هذه الأيام..
أزحم نفسي بأكثر من طاقتها
تقول لي صديقتي دوما
(لم أرى شخصية تحب أن تنجز كل شيئ في نفس الوقت)
وأنا أرى أن إن لم أفعل ذلك،
فهذا هو الضياع بعينه..
أشتاق إلى يوم أقضيه
وليس في ظهري أحمال تنوء به
كل المحبة
غادة
| |
|
|
|
|
|
|
|
|
|
Re: أوقـات الفـراغ (Re: Amira Elsheikh)
|
Quote: نحن مصابين بهلع اكثر مما يجب ..
عايزين نلحق اى شئ فى الدنيا.. واصبحنا ننظر للحياة فى جانبها المادى فقط.
|
والله يا أميرة قصة الهلع دي حاصلة
الدنيا إتغيرت لأنو أي شئ بقى سريع
البريد السريع
البص السريع
الأكل السريع
الطريق السريع
وأي شئ بقى سريع
غايتو ربنا يسترنا من السرعة
وفي التأني السلامة
| |
|
|
|
|
|
|
|
|
|
Re: أوقـات الفـراغ (Re: عبد المنعم سيد احمد)
|
Quote: لقد تسارعت انفاس هذا العصر المادى
ليقطع حبل المودة
فهل يمكن ان تختزل الحياة
فى سبل كسب العيش فقط..
|
عبد المنعم سيد احمد
سلامات
وهذا ما يجعل الحياة بدون نكهة
فالمودة مهمة وهي روح الحياة
من غيرها تصبح حياتنا بلا طعم
| |
|
|
|
|
|
|
|
|
|
Re: أوقـات الفـراغ (Re: omer osman)
|
Quote: بقت الحكاية صباح ........ مغرب .... ليل ...... صباح.
والساقية لسه مدورة ............. |
يا عمر ازيك وحمداً لله على السلامة
مشكلتها ساقية يعني لازم تكون مدوّرة ودي مشكلتنا معاها اليوم كلو كدا
| |
|
|
|
|
|
|
|
|
|
Re: أوقـات الفـراغ (Re: انعام عبد الحفيظ)
|
سلام انعام
اليوم عندي انا صباح ليل الفي النص دا بيمشي وين ماعارفة
الصباح بشرب الشاي واخلي الكباية جنب الباب بي برا (اذا لحقت)
وبالليل بحاول انوم بدري شوية عشان اسلم نفسي لليوم البعدو
وعشان احلم بوقت فراغ
وبرضو مابجي حلم بالشكل دا
الله في
| |
|
|
|
|
|
|
|
|
|
Re: أوقـات الفـراغ (Re: ملكة سبأ)
|
| Quote: اليوم عندي انا صباح ليل الفي النص دا بيمشي وين ماعارفة |
ملكة سبأ
هو كلنا بقى عندنا صباح وليل
مافي عصر والمغرب زاتو بقى مافي
وحكمة الله آذان المغرب بيأذن
تقومي تعايني تلقي الدنيا بقت ليل
بختك بالإجازة بقى مافي مفر غيرها
| |
|
|
|
|
|
|
|
|
|
Re: أوقـات الفـراغ (Re: انعام عبد الحفيظ)
|
إنعام سلامات :
في زيارتي الأخيرة للسودان بعد حوالي 9 سنوات لفت نظري انشغال الناس الشديد و جريهم وراء لقمة العيش ..
حتى ملاقاة الأصحاب و الأقارب لي بعد غياب 9 سنوات كانت صدمة .. برود شديد و كأني فارقتهم قبل شهر أو شهرين !!!
في ناس اكتفوا فقط بالإتصال (و أنا المتصل ) ..
حاجة عجيبة !!
| |
|
|
|
|
|
|
|
|
|
Re: أوقـات الفـراغ (Re: Alsa7afa_30)
|
الاخت انعام
جد موضوع رائع الفراغ الكان قاتل زمان اصبحنا نحن اليوم
في أمسى الحاجة ليه والله زمن عجيب ,,, لكن لو لقيت فراغ
بجيك تاني ...................................
| |
|
|
|
|
|
|
|
|
|
Re: أوقـات الفـراغ (Re: عمر صالح عمر)
|
Quote: لكن لو لقيت فراغ
بجيك تاني ................................... |
الأخ عمر
شكراً لوجودك هنا وهو زمنالعجائب فعلاً
انا كمان لو لقيت زمن برجع ليك
| |
|
|
|
|
|
|
|
|
|
Re: أوقـات الفـراغ (Re: Alsa7afa_30)
|
الصحافة 30
الناس أصبحت كل همها لقمة العيش والجري وراءها
ولكن حياتنا الآن رتيبة بلا طعم
ونأسف ونتأسى على ماضي أيامنا والجميل منها
اتمنى في إجازتك الجاية تلاقي أصحابك كلهم
وهم اليتصلوا عليك ويفتشوا عنك
| |
|
|
|
|
|
|
|
|
|
Re: أوقـات الفـراغ (Re: انعام عبد الحفيظ)
|
العزيزة .. أنعام
نحنا مش بنقول يا حليل ايام الفراغ .. نحنا بنقول يا حليل زمن شيلة النفس
وحليل زمن العلاقات الجميلة .. لانو ما فضل للواحد وقت من الجري ..
والواحد مننا بجي السودان وداير يلقى الناس فايقة ورايقة وتونسو
ويتفاجأ بأنو الناس ما فاضية ليهو ...
أنت عارفة انو الحالة دي قمة العبودية .. لانو الواحد كل افكارو بكرة ياكل شنو..
ربنا يحررنا ويحرر بلدنا .. ونلقى روحنا ..
تسلمي على الموضوع المهم ده
| |
|
|
|
|
|
|
|
|
|
Re: أوقـات الفـراغ (Re: امل احمد عمر)
|
أزيك أنعام
اهم ما نملكة في عمرنا هذا هو الوقت وخصوصا في هذا الزمن
الذي نحن فيه والذي يعد اسرع من لمح البصر حيث ننظر حونا
لنجد ان يومنا انتهى دون اي فائدة لمن لم يستخدم وقتة صح
فهل نحن واعيين لهذا الشئ
فلو تأملنا دقيقة بيننا وبين انفسنا لوجدنا اننا نختنق فعلا
| |
|
|
|
|
|
|
|
|
|
Re: أوقـات الفـراغ (Re: محمد صباحى)
|
محمد صباحي
نعم اليوم ينتهي سريعاً وفي لمح البصر
وعلينا إستثمار الوقت إستثماراً صحيحاً
وعلينا أيضاً ان نبحث عن زمن نجد فيه وقتاً ولو بسيطاً
لنقضيه مع أنفسنا ونستثمره في راحة روحية او شغله بهواياتنا التي نحب
شكراً لك يا محمد ومرورك يسعدني
| |
|
|
|
|
|
|
|
|
|
Re: أوقـات الفـراغ (Re: امل احمد عمر)
|
Quote: أنت عارفة انو الحالة دي قمة العبودية .. لانو الواحد كل افكارو بكرة ياكل شنو..
ربنا يحررنا ويحرر بلدنا .. ونلقى روحنا ..
|
فعلاً يا أمل هي قمة العبودية
الحالة النحنا فيها دي هي من أجل ان نعيش فقط
وان كنا ندري كيف نعيش ونحيا ونتمتّع بحياتنا ولكننا لانستطيع
| |
|
|
|
|
|
|
|
|
|
Re: أوقـات الفـراغ (Re: انعام عبد الحفيظ)
|
نعومى حبيبة كيفك
عليك الله اوقات شنو الانتى بتتكلمى فيها انتى هسة مخلين فرصة للفراغ ذاتو
من قندهار الى بندهار وصولا الى تندهار
لقتكم مبالغة بس حبيبه انتى حايمه ومعاكى جهازك ولاشنو تكتبو وتاكلو
| |
|
|
|
|
|
|
|
|
|
Re: أوقـات الفـراغ (Re: ماجدة عوض خوجلى)
|
اجمل حاجة يا انعام
انو السودانيين انشغلو بلقمة العيش لكي يسحب عنهم العرب تهمة الكسل
والان البيت كله يعمل بدل الاعتماد علي شخص واحد يعمل والبيت كله نائم
وزي ما قال عمك المنصور ود الفكي ( جنس تبش)
| |
|
|
|
|
|
|
|
|
|
Re: أوقـات الفـراغ (Re: khaleel)
|
Quote: اجمل حاجة يا انعام
انو السودانيين انشغلو بلقمة العيش لكي يسحب عنهم العرب تهمة الكسل
والان البيت كله يعمل بدل الاعتماد علي شخص واحد يعمل والبيت كله نائم
|
خليل العزيز
فعلاً السودانيين انشغلوا بلقمة العيش
ومن الملاحظ ان الكل يعمل وليتهم يسدوا حوجة بيوتهم
لأن الحياة أصبحت تستنزف كل ما ترزق به ولا مجال لكي توفر شيئاً
| |
|
|
|
|
|
|
|
|
|
Re: أوقـات الفـراغ (Re: ماجدة عوض خوجلى)
|
ماجدة ازيك وتسلمي يا غالية
فقدناك كتير يا ماجدة
واهو بنلقى زمن لمنى لما تجي وبنقضي معاها وقت ظريف
ودا من الأوقات القليلة البنقدر نقول عليها وقت فراغ
| |
|
|
|
|
|
|
|
|
|
Re: أوقـات الفـراغ (Re: انعام عبد الحفيظ)
|
Quote: أصبحنا نتحسر على كل ما فات من حياتنا كان الناس قديماً في غاية البساطة
وكانوا في غاية النبل وفي غاية الكرم وكانوا يخافون على بعضهم البعض
وكانوا يعطون الجار المحتاج بلا من أو أذى وكانوا وكانوا ووووووووووووووووو
|
صحي و الله .... و صُح لســانك يا إنعــام....
Quote: من الأشياء التي نتحسر عليها أوقات الفراغ
قديماً كان هنالك وقت فراغ كان الناس يذهبون للعمل صباحاً
ويعودون بعد ظهر اليوم يتناولون وجبة الغذاء مع ذويهم
ويأخذون قسطا من الراحة ومن ثم يبدأون رحلتهم لشغل أوقات فراغهم
بهواياتهم المحببة الى نفوسهم بعضهم بالقراءة وبعضهم بزيارة الأهل والأصحاب
وبعضهم بتمضية بعض الوقت في الأنشطة الرياضية
الآن أصبح الجميع يلهثون وراء لقمة العيش يخرجون للعمل صباحاً ويرجعون مساءً
لا تفكير لديهم سوى ان يتناولوا الوجبة الثانية ومن ثم النوووووووووووووووم
لكي يصحوا صباحاً لتبدأ دائرة العمل وهكذا.... |
انا غايتو زمان اوقات فراغي كنت بقضيها ما بين كرة القدم و السباحة و القعدة جنب البيت مع الأصدقاء و نشرب شاي المٌغرب بعد التمرين .... لن ننسى أياماً مضت أحححح ....
و هسع بقن وجبتين و لا خفضوها كمان ... ؟؟؟ ... لكن أوقات الفراغ الإجبــارية مملة و قاتلة خصوصاً إذا كان الواحد متوقع و مترقب شئ يفرحــه ...
| Quote: لكي يصحوا صباحاً لتبدأ دائرة العمل وهكذا.... |
و العمل في ذات حدو عبادة و مسؤوليــة ... و من أخــذ الأجر حاسبه الله بالعمـل ... أهــا إنت عاملة كيف و مشتاقين ياااخ...
| |
|
|
|
|
|
|
|
|
|
Re: أوقـات الفـراغ (Re: محمد عثمان)
|
الحبيبه انعام
ايام الفراق
ايام البال رايق
و الحياه حلوي ترقص امامك
كفراشه تقبل الزهر عند الاصيل
ممكن اسميها اوقات الخلوه مع النفس
و الراحه
و التزود بوقود لاتمام الرحله الطويله
كل عام اجيد الاختفاء لعدد ايام لكسر الروتين و اعاده النشاط
اي صنع الفراغ لقهر الرتابه
بس اوقات الفراغ الزمان هي اجمل الاوقات
و ياريت تعود
| |
|
|
|
|
|
|
|
|
|
Re: أوقـات الفـراغ (Re: bent-elassied)
|
Quote: بس اوقات الفراغ الزمان هي اجمل الاوقات
و ياريت تعود |
مي الأسيّد
شكراً يا مي لوجودك معنا هنا
فعلاً أصبحنا نقول يا ليت ويا ريت
وحياتنا أصبحت حسرات على أجمل الأوقات
| |
|
|
|
|
|
|
| |
انعام عبد الحفيظ
أحمد الشايقي
Zeinab
هاشم أحمد خلف الله
tmbis
نصار
عبدالغني كرم الله بشير
gamal elsadig
khaleel
ريهان الريح الشاذلي
walid taha
رهف
طارق جبريل
salma subhi
معتصم دفع الله
علاء الدين حيموره
tarig almakki
omer osman
عبد المنعم سيد احمد
غادة عبدالعزيز خالد
ملكة سبأ
Alsa7afa_30
عمر صالح عمر
امل احمد عمر
محمد صباحى
ماجدة عوض خوجلى
Haytham Abdulaziz
bent-elassied
فيس بوك
تويتر
انستقرام
يوتيوب
بنتيريست