ندوة سياسية كبري للمؤتمر الوطني مساء اليوم

Quote: بالجد يا عصام لو الحاجات القلتها دي في كان في زول وقف ضدكم ؟؟؟ "بناء - تنمية - طرق قومبة - مطارات - كهرباء - بترول - نهضة زراعية - اتصالات - امن وامان - استثمارات - جياد -- صافات - سدود - ديمقراطية وحرية - انجازات دبلوماسية - صناعة - " بناء ............... دي فيها عمارة عبدالرحيم محمد حسين الوقعت قبل يدخلوا فيها؟؟؟؟ طرق قومية .....دي فيها طريق الإنقاذ الغربي (بالمناسبة قروشوا إتلقت ولا لسه خلوها مستورة؟؟؟) طرق قومية مرة أخري........ طيبة الذكر السكة حديد خبرها شنو؟؟؟؟؟؟؟ مطارات....... مما قمنا وبنسمع بمطار الخرطوم الدولي (حتي من قبل الإنقاذ والإنقاذ عشرين سنة) كهرباء...... ولسه بتقطع؟؟؟؟ البترول .......... بالحيل بس قروشوا وينها؟؟؟؟؟؟؟ نهضة زراعية ......... حصل شنو لمشروع الجزيرة عماد الإقتصاد السوداني ومشاريع القطن في النيلين الأبيض والأزرق ومشاريع الرهد والسوكي ؟؟؟ آخر مرة سمعت أنهم بصدد بيعهم لشركة كنانة.... طبعا حيبيعوها لأنها مشاريع ناجحة نهضة زراعية مرة أخري .......... قريبة لحكاية النفرة الزراعية والتي قال بعض منسوبوكم هنا أن مالها تفرق بين الولايات أمن وأمان...... الكم مليون ماتو في الحروب ما محسوبين؟؟؟؟؟ دارفور وملايين اللاجئين ما بشر سودانيين؟؟؟؟؟ إستثمارات....... بالمناسبة دي جماعتكم ديل دفعوا قروش الشركات الإتخصخصت (فندق السودان والمدبغة الحكومية مثالا؟؟؟؟؟) وكيف مع البنوك الفلست ديك وزولكم داك النهب 200 مليون دولار حصل ليهو شنو؟؟؟؟ جياد .......... إنجازكم الأساسي فقد صرنا نصنع أسلحة دمارنا محليا صافات ........ ما عرفتها سدود .............. يا ها مروي الغرقت المناصير وملت السوق بلطي؟؟؟؟؟؟؟؟؟ ولا كجبار الكتلتو المتظاهرين المتضررين منه؟؟؟؟؟؟؟؟؟؟؟ ديمقراطية وحرية ......... ما قادرين تتحملوا موكب سلمي أمام البرلمان وشرطي يعتقل وزير داخلية ؟؟؟؟؟؟؟ (دي بترجعنا لنقطة أمن وأمان) إنجازات دبلوماسية.......... رئيسكم مطالب لمحكمة دولية، ومبعوث السلطة للأمم المتحدة أدخل للغة الديبلوماسية كلمة (عهر) وفي الأمم المتحدة، و لا أقول ليك شنو طبعا دي من وجهة نظر الحكومة إنجازات. صناعة ......... قرأت تقارير أن كثير جدا من المصانع يعمل بطاقة إنتاجية أقل من 10 في المائة من الطاقة الإنتاجية وشايف ما جبت سيرة التعليم ولا الصحة ما دايرين نجيب ليك سيرة العلاج في الأردن، لكن دايرين تعليق منك علي حكاية ميزانية الدولة التي تصرف الحكومة فيها 75 في المائة علي الأمن والدفاع و5 (خمسة) بالمائة علي التعليم و 5 (خمسة) بالمائة علي الصحة. السودان يصرف 1 (واحد ) في المائة من الدخل القومي علي التعليم وتصرف أمريكا 15 في المائة من دخلها القومي علي التعليم (وفي دول بتصرف أكثر من أمريكا) ونفس النسب للصحة. أرثي لحال من يريد أن يصنع شرباتا من فسيخ الديكتاتورية