|
|
|
 Re: احدث فيديو لجانب من مظاهرة الاثنين...امدرمان (Re: Medhat Osman)
|
الآن فقط أدركت سبب الذعر الذى أصاب البعض
العدد أكبر بكثير مما تصور الآخرون
التحية لهذه الجموع من أبناء وبنات وطنى
وهم يرفعون شعارات الحرية والعيش الشريف
والخذى والعار لكل المخذلين الذين يشككون
فى صدق هؤلاء والتضحية الكبيرة والمجازفة بارواحهم
ودمائهم من أجل خلاص هذا الشعب
| |
 
|
|
|
|
|
|
|
|
Re: احدث فيديو لجانب من مظاهرة الاثنين...امدرمان (Re: علاء الدين يوسف علي محمد)
|
| Quote: لازِق لي يوتيوب ما عندو علاقة بالموضوع |
عاين للفيديو كويس عشان تعرف لو في علاقة بالموضوع ولا لا
الصادق المهدي يتحدث عن احترام راي الاخر والانصار الشايلين اعلام حزب الامة في المظاهرة السلمية
محاصرين من كل اتجاه بجنود مدججة بالاسلحة كما يظهر في لقطات الفيديو.
والتظاهرات السلمية الكتلو فيها الناس ما شوية عشان يتحدث عن احترام الراي الاخر
ما في اي احترام للراي الاخر من هؤلاء القتلة.
وبعدين الكلام ده كان ممكن تنزلو بدون التشغيل المباشر.
انا لو عاوز اخرب اي بوست ممكن اشيل لي اغنية واشغلوا مباشر في اي بوست
مايعجبني .
الخراب اسهل منه مافي .
الافضل انك تعدل المداخلة.
| |
|
|
|
|
|
|
|
|
|
Re: احدث فيديو لجانب من مظاهرة الاثنين...امدرمان (Re: علاء الدين يوسف علي محمد)
|
Quote: دايماً بتخذليني فيك يا تراجي بإستعجالك للأمور
عارفة أحسن حاجة في علاء و ما فيكم إنتو كللللللللللللكم
الما بهبشني ما بهبشو
و العايز يعمل تفتيحة بكمِّلة معاهو
مشكلتِك ما راجعتي اللنك الأنا جبتو دة
|
علاء
انا شخصيا ما هبشتك ساي
هذا التجسيل منزل بطريقه فرضيه
يعني انا مثلا بحب اكون اسمع موسييقي وأقرا
او اكن في الاسكايب وبقرأ برضو
وبوقفهم في حاله واحده لما اكون عايزه اشوف فيديو او اسمع تسجيل
الادهشني وضايقيني انه حتى في لحظات كتابة رد بهذا البوست
الزول يقلة تسيجلك ده ناطي له يبقى من حقه يتضايق.
Quote:
و إلا كان عِرِفتي إنو هو جا و بدون أي مُقدِّمات و في بوست
أنا فاتحو لازِق لي يوتيوب ما عندو علاقة بالموضوع
عِرِفتي يا مُتسعجِلة
يا شفقانة
بعدين ياخ إنتي هشناك قلتي لي بتدافع عن المُسلّمي هو ما بيقدر
يدافع عن نفسو؟
أها إنتي بتدافعو عن زولنا دة هو مالو؟
ما بيتكلّم؟ |
بعدين شتان بين المثالين
انا هنا ما بدافع عن مدحت لاني اصلا ما عارفه انتو مشبكوين
في مكان آخر...انا هنا تحدثت اليه باعتباره صاحب البوست
وباعتباري قارئه ممكن يكون ليها حقوق....عشان كده كلبت منه يتصرف
في حدود صلاحياته كصاحب بوست ويوقف هذا التسجيل!!
ام دافعك عن العوض المسلمي فيختلف تماما عن ما كتتبه انا بشأن مدحت.
| |
|
|
|
|
|
|
|
|
|
Re: احدث فيديو لجانب من مظاهرة الاثنين...امدرمان (Re: Tragie Mustafa)
|
Quote: الآن فقط أدركت سبب الذعر الذى أصاب البعض
العدد أكبر بكثير مما تصور الآخرون
التحية لهذه الجموع من أبناء وبنات وطنى
وهم يرفعون شعارات الحرية والعيش الشريف
والخذى والعار لكل المخذلين الذين يشككون
فى صدق هؤلاء والتضحية الكبيرة والمجازفة بارواحهم
ودمائهم من أجل خلاص هذا الشعب |
يازول انت واعي ؟؟؟
وينو العدد الكبير ووينو اولاد وبنات شعبك البتتكلم عنهم ديل ؟؟
يازول ده ركن نقاش في وم اجازه كمان والطلبه مؤجزين
20 نفر ماتامين
.
| |
|
|
|
|
|
|
|
|
|
Re: احدث فيديو لجانب من مظاهرة الاثنين...امدرمان (Re: Tragie Mustafa)
|
الاخ علاء والله كلامك ده مامقبول
وكمان ما ظريف
اقترح أنك تسحب التسجيل وتعتذر
ودي بكون فيها كرامة ليك والاخرين
قبل أن يتدخل بكري
وتبقى شينة في حقك
واذا انت حاسي بالبوست بحرقك شديد
امشي اخذ ليك دش سريع واشرب ليك كباية شاي
والله لو استمريت كده بالعصبية دي بتجيك
جـــــلــــــــــــــطــــــــة
| |
|
|
|
|
|
|
|
|
 Re: احدث فيديو لجانب من مظاهرة الاثنين...امدرمان (Re: Amin Mahmoud Zorba)
|
يا زوربا
جلطة شنو صحكتني واللهِ
الزول الوهم دة انا ما شايلو خالِص دة النوع الأنا بجي كاتِل ملف كبير جمب أي عنوان ليهو
لكن قام جا لخلية النحل برجلينو و دخّل أصبعو فلحّقناهو الفيها النصيب
الموهوم المتنوضل المتنوهِض العامل فيها عايز يحرر السودان و يمنع سد كجبار عبر الإنترنت
جاني في محلي و في بوست لي و لزق لي واحدة من هبالتو
جيت لزقت ليهو أبو الهبالة ذاتة بالنسبة ليهو
قام جعّر لي بكري
بس
أصلو ديل جبناء الواحدي يجيك
تقبِّل عليهو يتجارى بشكل مخجل لبكري
بس علها تكون رسالة ليهو
لو جاني تاني بجي بلخبت ليهو هبالاتو دي كُللللللللللها
| |
|
|
|
|
|
|
|
|
|
Re: احدث فيديو لجانب من مظاهرة الاثنين...امدرمان (Re: علاء الدين يوسف علي محمد)
|
!!!!!!!!!!!!!!!!!!!!!!!!
كل اناء بما فيه ينضح.
| Quote: الموهوم المتنوضل المتنوهِض العامل فيها عايز يحرر السودان و يمنع سد كجبار عبر الإنترنت |
سد كجبار منعنا قيامه بكل الوسائل والسودان في طريقه للتحرر.
Woo Mahsson
Masha Ta Wallo Fam Dokki
Nuba Tartanga Fam Sokki
Woo Kajbar
Sabun Dawina Wallo Oskkon Gomor Folli
| |
|
|
|
|
|
|
|
|
|
Re: احدث فيديو لجانب من مظاهرة الاثنين...امدرمان (Re: Medhat Osman)
|
Quote: كل اناء بما فيه ينضح.
|
Quote: Woo Mahsson
Masha Ta Wallo Fam Dokki
Nuba Tartanga Fam Sokki
Woo Kajbar
Sabun Dawina Wallo Oskkon Gomor Folli |
بل كل بالوعة بما فيها تطفح
لحدي ما نشوف مُترجِم و يا سهر ليلك لو طلع فيها كلام هيك ولاّ هيك
و تاني لو جيت مادي دقنوسك دة في واحدة من بوستاتي بهبالاتك دي لا تلومن إلا رقيبتك دي
المي الحاااااااااااار ولا لِعِب قعونج
فاهِم؟
| |
|
|
|
|
|
|
|
|
|
Re: احدث فيديو لجانب من مظاهرة الاثنين...امدرمان (Re: علاء الدين يوسف علي محمد)
|
الاخ علاء الدين سلامات
لاحظت في كل خلافاتك انك بتصل مرحلة من العداوة و الحقد و الكراهية لا يمكن ان يستعوبه عقلي
يا أخي الكريم
الاخ مدحت كتب كلام باللغة النوبية التي لا تجيدها
اسأل في الاول معني الكلام و بعدين تعال رد
كدي فهمني سبب ردة فعلك بالطريقة دي في البوست ده
ده كلو عشان مدحت نزل لينك يوتيوب في البوست بتاعك ؟
كان ممكن ترسل ليهو رسالة خاصة و تستفسر منو ؟
و اذا ما اقتنعت بكلامو و اتأكدت انو هدفو يخرب ليك بوستيك
بعد داك ترد عليهو بالطريقة الانت تراها مناسبة
ملاحظ انك لو ما عندك شخص مختلف معاهو لدرجة العداوة في المنبر ما بتكون مرتاح
يا اخي اسلوب تغلط معاي مرة اغلط معاك مليون مرة ما صحيحة
مافي حاجة اسهل من انك تسب و تلعن و تهزأ ممن يختلف معك في الرأي
الصعب كيف انك تتحكم في اعصابك و تحاور الاخر باحترام
مافي داعي نصل درجة الفجور في الخلاف
صراحة شئ مؤسف التغير الذي حدث في سلوك السودانيين في عهد الانقاذ
الاخ مدحت
ارجوك اسحب لينك اليوتيوب من بوست الاخ علاء الدين
| |
|
|
|
|
|
|
|
|
|
Re: احدث فيديو لجانب من مظاهرة الاثنين...امدرمان (Re: nabielo)
|
الاخ علاء
سلام
Quote: الزول الوهم
المتنوضل المتنوهِض
من هبالتو
أبو الهبالة
قام جعّر
جبناء
يتجارى بشكل مخجل
بس علها تكون رسالة ليهو
بجي بلخبت ليهو هبالاتو دي |
الاخ علاء كدي انظر للجمل والكلمات التي استعملتها في ردك على مداخلتي
وهي كلمات زول احمق وزعلان داير يطرشق
بالمناسبة الطرشقة دي ذاتها الجلطة
عليك الله روق المنقة
والله ما دائم الا الدائم
كلوا بزول بسبب او بدون سبب
كان البشير وكان غيروا
بقدر الامكان وسع للراي الاخر أكثر
| |
|
|
|
|
|
|
|
|
|
Re: احدث فيديو لجانب من مظاهرة الاثنين...امدرمان (Re: Medhat Osman)
|
بيان من قوى الإجماع الوطنى
بيان إلى جماهير الشعب السودانى
حول حرية التجمع والتعبير
تؤكد مبادئ وحقوق الإنسان وحرياته الأساسية التى وردت فى جميع العهود والمواثيق الدولية والإقليمية على حرية التنظيم والتجمع والتعبير فى المجتمع الديمقراطى صوناً لمبادئ الحكم الراشد وسيادة حكم القانون. هذا ما سعت إتفاقية السلام الشامل والدستور الإنتقالى الشامل لسنة 2005 على التأكيد عليه فى إطار الإجماع السودانى على التحول الديمقراطى وإحقاق السلام والإستقرار للسودانيين كافة دونما تمييز. فالمادة 39 من الدستور الإنتقالى تكفل حرية التعبير، كما تكفل المادة 40 حق الجميع فى التجمع السلمى كأداة للتعبير، وتؤكد المادة 26 من قانون الأحزاب السياسية على ذات الحريات فى إطار الممارسة الديمقراطية.
غنى عن القول أنه فى التجمع السلمى ينبغى مراعاة السلامة والنظام وتجنب العنف والأذى للآخرين وممتلكاتهم وضرورات السلامة العامة. هذا ما سعت أن تبرزه المادة 127 من قانون الإجراءات الجنائية لسنة 1991 المعدلة بالقانون رقم 8 لسنة 2002 على منح الوالى أو المعتمد الحق بحظر أو تقييد أو تنظيم أى إجتماع أو تجمهر أو موكب فى الطرق والأماكن العامة "مما يحتمل أن يؤدى إلى الإخلال بالسلام العام" وعليه فإنه ليس هناك ما يحول دون تجمع أو تجمهر المواطنيين، ما لم تقرر السلطات وبأسباب كافية أن هناك ما يجوز أن يخل بالسلام أو الأمن العام. ويتضح من جميع النصوص المذكورة أن تنظيم التجمعات أو المسيرات لا يقتضى سوى الإلتزام بالحفاظ على الأمن وسلامة الآخرين وممتلكاتهم، وليس هناك من ضرورة قانونية لأخذ أى أذن مسبق من أى من السلطات للخروج فى أى تجمع أو مسيرة سلمية، على خلاف ما تزرعت به السلاطات الرسمية حينما تصدت أجهزة الأمن والشرطة لتفريق تجمع قوى الإجماع الوطنى فى السابع من ديسمبر الجارى بإستعمال القوة المفرطة والغاز المسيل للدموع والرصاص المطاطى وإعتقال بعض القيادات السياسية وتعرضها للمعاملة اللا إنسانية.
أخيراً، فيما يخص منشور السيد وزير الداخلية رقم 402 الصادر بتاريخ 17 سبتمبر 2009 والمتعلق بضرورة توجيه خطاب كتابى إلى السلطات المحلية أو الشرطية، فهو مجرد منشور لا يرقى إلى إلغاء أو التعارض مع القانون أو الدستور، فهو مجرد إخطار بغرض إتخاذ التدابير والتحوطات الأمنية اللازمة لتأمين رذلك النشاط وفق ما جاء نصاً فى المنشور المذكور وليس "طلب" بالتصديق على خروج التجمع السلمى. فضلاً أن منظمى التجمع المذكور قد سبق أن أوضحوا للسلطان أنهم بصدد تنظيم تجمع سلمى هدفه الأوحد هو تسليم رسالة إلى السيد رئيس المجلس.
ختاماً، إن قوى الإجماع الوطنى يوضح لجماهير الشعب ملابسات ما حدث حول الدعوى غير السلمية من جانب السلطات أن التجمع قد خرج بمخالفة القانون، تؤكد على إصرارها على ممارسة حقوقها وحرياتها الأساسية كافة فيما يخص التجمع والتعبير، مع الإلتزام التام بتفادى العنف أو تهديد السلامة العامة أو مقاومة عنف السلطات، كما تأمل أن تقوم السلطات المعنية بدورها فى تنظيم وحماية كافة التجمعات السلمية فى ممارسة الحقوق والحريات الدستورية فى سياق التحول الديمقراطى وتطالبها بوقف حملات الإساءة والتفكير ممن يسمون أنفسهم بالعلماء وأئمة بعض المساجد الموالية لنظام الحكم.
قوى الإجماع الوطنى
12 ديسمبر
| |
|
|
|
|
|
|
| |
Medhat Osman
احمد محمد بشير
حسن حماد محمد
فيصل محمد خليل
Tragie Mustafa
علاء الدين يوسف علي محمد
محمد الطيب حسن
نجلاء سيد أحمد
Ahmed Alim
Amin Mahmoud Zorba
عبد الخالق امن الله
nabielo
فيس بوك
تويتر
انستقرام
يوتيوب
بنتيريست