|
|
 Re: أطلب مرافق مقيم في برلين ،،، هل من صديق ؟ (Re: Mahassin Ibrahim)
|
العزيز / نصار :
Quote: سلامة العيون يا ابو ساندرا
ما عندك عوجة تب يا حبيب الاخوان راقدين و ما بهملوك
زي ما قال عادل عبد العاطي بيتي في برلين لكن انا
لي سنة متواجد في بروكسل، الاسبوع التاني من ديسمبر
ح اقضيه في برلين اذا مستعجل نخلي الشباب يظبطوا
امورك مع المستشفي او اذا بتنتظر فسوف يسعدني ان
انجزل الامور بنفسي.. اخونا دكتور عبدالمنعم مختار
زول هميم و شغال في مجال التأمينات الصحية ما بقصر
و بفيدك يمكن في مسألة التكاليف. عبد المنعم رئيس
النادي السوداني. ان شاء الله تجي و تتعافي تماما
و تستمتع ببرلين بعبقها التاريخي و متاحفها و
وجهها الحداثي... اخونا ابوبكر الرسل ليك الايميل
زول هميم و اخو اخوان ما بنتظر يطلبوا منه مساعدة
و فعلا نسيبه علي المتعارض خليفة خلفا كبير
يا زول ابشر بالخير |
بشرت ، وبشراي بكم وبإهتمامكم الحميم
Quote: الاسبوع التاني من ديسمبر
ح اقضيه في برلين اذا مستعجل نخلي الشباب يظبطوا
امورك مع المستشفي او اذا بتنتظر فسوف يسعدني ان
انجزل الامور بنفسي |
الإجراءات سوف تحتاج زمن
الأحد 6ديسمبر سوق أقدم للحصول على تقرير من المستشفى في الدوحة
وقد يستغرق الأمر يومين تلاتة حتى استلمه وبعدها أرسله للأخ سيف مساعد
والاخوة هناك في برلين لتقديمه للطبيب والحجز زارسال دعوة لزوم التأشيرة
وهناك أمور اخرى تتعلق بتوفير مبلغ مالي يكفي قد تستغرق وقت حتى بداية يناير 2010
غالبآ بتكون رجعت لبروكسل لكن أتعشم أن اراك في برلين او في بروكسل
وما بتقصر تب
Quote: اخونا دكتور عبدالمنعم مختار
زول هميم و شغال في مجال التأمينات الصحية ما بقصر
و بفيدك يمكن في مسألة التكاليف. عبد المنعم رئيس
النادي السوداني. |
بالطبع لو حصلنا على عون من دكتور عبدالمنعم فيما يتعلق بتقليل تكلفة العلاج
وفيما يتعلق بربطنا بالأخوة هناك من خلال موقعه في النادي بيكون طيب ومفيد
وعليك يا نصار نوكل مسألة الإتصال بدكتور منعم والتنسيق معه
مع جزيل الشكر وعالي التقدير لكما
Quote: ان شاء الله تجي و تتعافي تماما
و تستمتع ببرلين بعبقها التاريخي و متاحفها و
وجهها الحداثي. |
يارب يتم ذلك ، الشفاء والمعالجة الناجعة
ومن ثم الإستمتاع ببرلين بإعتبارها مدينة مؤثرة وعابقة بالتاريخ
| |
 
|
|
|
|
|
|
|
 Re: أطلب مرافق مقيم في برلين ،،، هل من صديق ؟ (Re: معتصم ود الجمام)
|
مريم عبدالله :
Quote: ابو ساندرا
الف لا باس عليك سلامتك
والله العظيم لو كان الدكتور في اثينا كنا شمرنا محمد وانا و جيناك في الدوحه
ورافقناك لغايت هنا وتنزل عندنا وكنا فزعنا معاك للدكتور
سلامت عبد الرحمن يا رشيده ما يشوف شر وربنا يقومو ليكم بالسلامه
كل سنه وانتو بخير وبصحه |
العزيزة روما
كتر خيرك ، وعارفك ما بتقصري والدليل سؤالك عنا وتواصلك الحميم
وأرجو أن تبلغي الأخ محمد شكري الجزيل
ويارب نلتقي قريبآ هنا في الدوحة أو عندكم في اثينا
كوني بعافية
وجعل الله ايامكم كليها اعياد و اوقاتكم كلها افراح
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: أبو ساندرا)
|
خالد العبيد :
Quote: سلامة عيونك يا غالي..
ربي يطمًنك ويطمًن أحبابك معاك
when you arrive to Germany ask for;
Ahmed Rashed
or Adbulgani Mohamad nour
i hope for you a successfull operation
thanks you |
انت معي يا خالد أذن انا طيب ومعافى
جبدت سيرة زول ماساهل كان نورتنا في القاهرة
العزيز أحمد راشد الرجل عالي التهذيب لطيف الروح عميق التحليل
أتمنى ان التقيه هناك والأخ عبدالغني محمد نور
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: أبو ساندرا)
|
محمد فضل الله المكي :
Quote: مع تمنياتي لك بعوده كزرقاء اليمامة،دون
الحاجة لعملية تحول جنسي! |
يا سعادتك ما قبل التحول مايحصل رجعتنا زي زرقاء اليمامة
وكان مفروض أرجع زي أزرق اليمامة
التحول حصل يا سعادة اللواء
والعقبى ان يحصل التحول الديمقراطي
قول آآآميييين .
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: أبو ساندرا)
|
عوض / ملهم
Quote: العزيز ابوساندرا ...
كل عام انت واسرتك بالف خير وعافية ..
وسلامة العيون ..
كما ذكر لك الاخوان احمد معتصم و سيف جبريل برلين فيها كمية من الاخوان و اخوان الاخوان ..وما بقصروا
حاليا انا في الخرطوم وبرجع منتصف ديسمبر ومع اني مقيم بالجنوب حيث يقيم الاخ جمال ميرغني .. الا اني على اتم
الاستعداد لمرافقتك ببرلين ان احتاج الامر ..
لك خالص الود و تسلم العيون
..عوض.. |
وتسلم أنت ، ونراك خلال الصيف القادم رفيقآ طيبآ وعارفآ بتفاصيل المكان
وقطع شك سوف أجوب معك والأصدقاء المانيا كلها ونلتقي بكل الأصدقاء
وخاصة بشبيهي زي ما قال بكري ابوبكر ، الأخ جمال ميرغني
وبالأعزاء سهير الحاج وطه نقد ومحمد علي بشير
ويريت سيف الدين جبريل ذاتو يجيي وصحبته بدرالدين عبدالتام وأسامة عبدالجليل
و نصار صاحب عادل عبدالعاطي
| |
|
|
|
|
|
|
|
|
|
Re: أطلب مرافق مقيم في برلين ،،، هل من صديق ؟ (Re: أبو ساندرا)
|
عثمان دغيس :
| Quote: وفجأة كده معاك أكورديون ألماني إسمو ..WELTIMEISTER 120 BASS لأخوك .. |
غالي والطلب رخيص يا غالينا
بس المشكلة ح تكون في الترحيل
عشان ناوي أشحن معاي المانية نازية أطول من باكنباور
ولو عاوز وما ملاوز من بت سند ، ح اشحن ليك معاي واحدة
| |
|
|
|
|
|
|
| |
أبو ساندرا
معتصم ود الجمام
أحمد الصديق
فيس بوك
تويتر
انستقرام
يوتيوب
بنتيريست