|
تكويــن رابطـة سودانيز أونلاين بالمنطقة الشرقية ..( يوجد ود ووئام واكييد صور)
|
تحيات للجميــع ..
تم بالأمس الجمعة 20/11/2009م بفندق الدمام الاجتماع التأسيسي لرابطة سودانيز اونلاين بالشرقية.. وسط حضور مقدر من الأخوة اعضاء واصدقاء وقراء سودانيز اونلاين اللذين حضروا من كآفة مدن المنطقة فشهدنا حضور من الدمام والخبر والجبيل والأحساء والخفجي ، كما اسعدتنا المشاركة الهاتفيــة من الاستاذة العزيزة ام سهى رئيسة البورداب في فترة سابقة .. تم في الاجتماع التأسيسي إجازة مسودة الدستور واللائحة وإنتخاب اللجنة التنفيذية الجديدة في جو ساد فيه التفاهم بين الجميع والرغبــة الصادقة في العمل المشترك الجاد تفاعلاً بين الاعضاء والعمل مع بقية الروابط المماثلة للموقع ومنظماته ..
بدأ الاجتماع بالتعارف بين الاعضاء والقراء والاصدقاء الذين التقي بعضهم لأول مرة ثم الإتفاق على اسم الرابطة ومناقشة مسودة والدستور والاتفاق عليها وتوكيل كل من الاستاذ عبد الله علقم والقانوني طه سورج بصياغتها في صورتها النهائية التي ستنشر هنا حال استلامها منهم بعد ان اجمع الحضور على إجازتها بعد نقاش مستفيض ثم تم بعدها إنتخاب رئيس الرابطة والتي سيقودها في دورتها الأولي الأخ عوض هارون بعد أن نال التزكيــة
...
|
|
|
|
|
|
|
|
Re: تكويــن رابطـة سودانيز أونلاين بالمنطقة الشرقية ..( يوجد ود ووئام واكييد صور) (Re: HAIDER ALZAIN)
|
في ختام الإجتماع تم إنتخاب اللجنة التنفيذيـة بالاقتراع المباشر على ان تكون من عشرة أعضاء بما فيهم الرئيس ولدورة مدتها سنة واحدة على ان يتم إنتخاب الرئيس من داخل الجمعية العموميــة وانتخاب تسعة اعضاء آخرين لتشكيل المكاتب فتم إنتخاب الأخ عوض هارون بالتزكيــة من داخل الجمعية العمومية للرئاسة وإنتخاب تسعة اعضاء آخرون هم :
1/ الطيب رحمة قريمان
2/صداح عبيد خوجلي
3/ بدري احمد بدري
4/ الدكتورة نفيسة ( مهيــرة )
5/ ابوبكر عثمان ( الزول زاااتو )
6/ حيدر الزين
7/ عبد الرحمن طبيق
8/ محمد صلاح مختار
9/ وليد الطيب قسم السيد ..
| |
|
|
|
|
|
|
Re: تكويــن رابطـة سودانيز أونلاين بالمنطقة الشرقية ..( يوجد ود ووئام واكييد صور) (Re: HAIDER ALZAIN)
|
حبيبنا حيدر ... سلامات وتهنئة حارة لكل اعضاء رابطة سودانيز اونلاين بالمنطقة الشرقية على النجاح الكبير للجمعية العمومية الاولى للرابطة وروح المحبة والوئام اللى اتخللت اللقاء وان شاء الله موعودين برابطة قوية تساهم بفعالية فى تطوير وتنشيط كل الفعاليات الثقافية والاجتماعية والرياضية وغيرها بالتضامن مع كل كيانات المجتمع المدنى بالمنطقة وتعمل جاهدة على نشر ثقافة الانترنت فى اوساط محيطها وتعكس صورة جميلة لموقع سودانيز اونلاين ... وبنقول لى ناس اللجنة التنفيذية شدو همتكم ونحن معاكم فى اى خطوة تخطوها ....
| |
|
|
|
|
|
|
Re: تكويــن رابطـة سودانيز أونلاين بالمنطقة الشرقية ..( يوجد ود ووئام واكييد صور) (Re: محمد عبداللطيف إدريس)
|
الأخ الزميل الكريم / حيدر الزين سلمك الله . أبعث إليكم والزملاء فى تجمع بورداب الشرقية الوليد بتحياتنا وأمنياتنا الطيبة . رغم صدق النية لحضور هذه الفعالية فقد حال طارىء دون حضورى وبعثت بإعتذارى للمنظيمن مع الزميل ماهر محمد صالح ورجوته أن يضيف اسمى إلى قائمة العضوية مع الإلتزام بكل ما يصدر عن الإجتماع . لاحظت أخى حيدر إشارتكم إلى المعتذرين دون تدوين أسماء من يرغبون فى العضوية وأنا أولهم . أرجو ضم اسمى إلى القائمة مع الشكر الجزيل . وفقكم الله .
| |
|
|
|
|
|
|
Re: تكويــن رابطـة سودانيز أونلاين بالمنطقة الشرقية ..( يوجد ود ووئام واكييد صور) (Re: محمد عبداللطيف إدريس)
|
ظللت انتظر الساعات حتى الواحدة مساء بتوقيت ماليزيا لكي اتمكن من الحضور ( هاتفيا) وفعلا وجدت البورداب كما عهدتهم جمع كريم لعمل مقدر واصيل شكرا لبكري الذي جعل هذا التجمع ممكنا ومفخرة هذه اللجنة التي تم انتخابها فقد عملت مع معظمهم وكانو مثالا حيا للهمة ونكران الذات اتمنى لكم كل التوفيق وسعيدة بمشاركة العزيزة دكتورة مهيرة فهي مفخرة النساء حقيقة هناك كلي استعداد للمشاركة معكم من على البعد وحارسل ماليتي بس أسألو منها عوض هارون ههههههههه شكرا حيدر على همتك ومبادراتك الطيبة افتقدت نادر عباس فقد كان دينمو اللجنة التنفيذية السابقة مع صديقنا العزيز تنقو كان بكون اللجنة التنفيذية الجديدة معظمها ناس اللجنة القديمة بس انا وتنقو الما فيها
| |
|
|
|
|
|
|
Re: تكويــن رابطـة سودانيز أونلاين بالمنطقة الشرقية ..( يوجد ود ووئام واكييد صور) (Re: عمار عبدالله عبدالرحمن)
|
بسم الله الرحمن الرحيم إيمانا منا بضرورة العمل الجماعي العام الذي يتجاوز الذات و لا يتمحور حولها و يتخطى النظرة الذاتية الضيقة ليعلو صوب السموق و الآفاق الشاسعة التي تسع و لا تضيق و تمتد و لا تتقزم ؛؛ و إتساقا مع حتمية التوجه الجماعي فقد تم تكوين رابطة سودانيز اونلاين بالمنطقه الشرقية والتى نراهن على انها سوف تكون من اقوى الروابط التى تم تكوينها اسفيريا.. الكوكبة المختارة للمرحلة الجديدة كوكبة صادقة جادة و فيها يصدق قول رسولنا الكريم ( إن لله عبادٌ اختصهم الله بقضاء حوائج الناس حببهم في الخير و حبب الخير إليهم ؛ إنهم الآمنون من عذاب الله يوم القيامة )
خالص تبريكاتنا للاخ الاستاذ عوض هارون والاخوان الطيب رحمة قريمان صداح عبيد خوجلي
بدري احمد بدري
الدكتورة نفيسة ( مهيــرة )
ابوبكر عثمان ( الزول زاااتو )
حيدر الزين عبد الرحمن طبيق
محمد صلاح مختار
ولكل من ساعد وساهم فى انجاح تكوين الرابطه من حجز وتحديد موعد ودعم وتصوير
بجهودكم و تمام هياكلكم يحذونا الأمل و يتجدد و بكم نستطيع أن نقول بملء الفم : ( دعونا نحلم بغدٍ أفضل أو أقله أرحم ) وفقكم الله وايانا و سدد على طريق الخير و النماء خطاكم .......
| |
|
|
|
|
|
|
Re: تكويــن رابطـة سودانيز أونلاين بالمنطقة الشرقية ..( يوجد ود ووئام واكييد صور) (Re: عبدالوهاب علي الحاج)
|
والله كلام !!
اسع كان بكري قام علي جنه ووقف ليهو كم نفر من اللجنة التنفيذية دي لي مخاشنات او اي اسباب بيعرفها بكري لجنتكم التنفيذية دي كلها حتكون متصفحين واصدقاء بيئة اما لو السيرفر بتاع بكري دا وقع غايتو الا تتحولوا لي لجنة جمع ( الطبرعات ) لعرس بدري اما لو باع بكري الموقع فاعملوا ليكم يوم ترفيهي بالاشتراكات الجمعتوها سريع قبل ما يبلعها الزول زاتو لاسع زول زمته نهايتها هيكة علي العموم ومن باب التفاؤل نقول ليكم مبروك الشغل المؤسس دا , ياخي انتو جادين في موضوع البورد دا جدية تخوف غايتو لو دايرين نصيحتي اول عمل ليكم مفروض تعملوهو انكم تعرسوا لي بدري لانه الود بقي( باير)
| |
|
|
|
|
|
|
Re: تكويــن رابطـة سودانيز أونلاين بالمنطقة الشرقية ..( يوجد ود ووئام واكييد صور) (Re: عبدالوهاب علي الحاج)
|
اخي حيدر الهميم يشهد الله كم كنت حريصا على حضور هذا الحشد والجمع الرائع لتك الكوكبة التي نمد لها جسور الحب والود والتقدير ونتمني صادقين اللقاء بهم والاجتماع والعمل معهم .. لكن لدينا ظرف ليس بطاريء لكنه مزمن ومؤلم .. حيث لدينا سجين بسجن القطيف المركزي ولدينا تحركات تسوية وصلح مع الشاكيين .. واعلن من هنا كامل استعدادي للعمل مع هذه المجموعة في أي موضوع وأي زمان وأي مكان .. وهذه الخطوة كانت حلم وأماني قديمة منذ أن كتب الله لنا الاغتراب والعيش في المنطقة الشرقية . للأمام بالتوفيق لكم ولأعضاء اللجنة ورئاستها الشفيع ابراهيم
| |
|
|
|
|
|
|
Re: تكويــن رابطـة سودانيز أونلاين بالمنطقة الشرقية ..( يوجد ود ووئام واكييد صور) (Re: awadharoun)
|
Quote: والله كلام !!
اسع كان بكري قام علي جنه ووقف ليهو كم نفر من اللجنة التنفيذية دي لي مخاشنات او اي اسباب بيعرفها بكري لجنتكم التنفيذية دي كلها حتكون متصفحين واصدقاء بيئة اما لو السيرفر بتاع بكري دا وقع غايتو الا تتحولوا لي لجنة جمع ( الطبرعات ) لعرس بدري اما لو باع بكري الموقع فاعملوا ليكم يوم ترفيهي بالاشتراكات الجمعتوها سريع قبل ما يبلعها الزول زاتو لاسع زول زمته نهايتها هيكة علي العموم ومن باب التفاؤل نقول ليكم مبروك الشغل المؤسس دا , ياخي انتو جادين في موضوع البورد دا جدية تخوف غايتو لو دايرين نصيحتي اول عمل ليكم مفروض تعملوهو انكم تعرسوا لي بدري لانه الود بقي( باير) |
الظلامي اساسي
ياخي انت في الايام المعدودات دي ماتقول ليك كلام حلو
للمتصفح والقارئ كامل الحق في نيل العضوية والترشيح للجنة التنفيذية
اذا حصل شئ للموقع لاقدر الله من وقوع او بيع كما ذكرت فان النشاط لا يتوقف حتى وان اطلق عليها رابطة بدون عنوان فالمهم الاهداف وليس المسميات
ح نحاول بقدر المستطاع انو نكون جادين وزواج بدري والاعضاء الغير متزوجون ح يكون من ضمن اهداف الرابطة
نصيحتك مقبولة لكن الفيك اتعرفت
تحياتي للاولاد وكل سنة وانت طيب
تحياتي الاكيدة
زاتوووو
| |
|
|
|
|
|
|
Re: تكويــن رابطـة سودانيز أونلاين بالمنطقة الشرقية ..( يوجد ود ووئام واكييد صور) (Re: ALZOLZATOO)
|
اساسى
انت منو و بتكتب من و ين ؟
طبعا حاتقول لى انت ما لك ؟
Quote: والله كلام !!
اسع كان بكري قام علي جنه ووقف ليهو كم نفر من اللجنة التنفيذية دي لي مخاشنات او اي اسباب بيعرفها بكري لجنتكم التنفيذية دي كلها حتكون متصفحين واصدقاء بيئة اما لو السيرفر بتاع بكري دا وقع غايتو الا تتحولوا لي لجنة جمع ( الطبرعات ) لعرس بدري اما لو باع بكري الموقع فاعملوا ليكم يوم ترفيهي بالاشتراكات الجمعتوها سريع قبل ما يبلعها الزول زاتو لاسع زول زمته نهايتها هيكة علي العموم ومن باب التفاؤل نقول ليكم مبروك الشغل المؤسس دا , ياخي انتو جادين في موضوع البورد دا جدية تخوف غايتو لو دايرين نصيحتي اول عمل ليكم مفروض تعملوهو انكم تعرسوا لي بدري لانه الود بقي( باير)
|
وين التفاؤل و التشجيع و المحبة يا أساسى ؟
| |
|
|
|
|
|
|
Re: تكويــن رابطـة سودانيز أونلاين بالمنطقة الشرقية ..( يوجد ود ووئام واكييد صور) (Re: عبداللطيف خليل محمد على)
|
Quote: عقب الجمعـية العموميــة جلس الاعضاء المنتخبون لللجنة التنفيذية برئاسة الاخ عوض هارون وتم تشكيل المكاتب كالتالي :
1/ الرئيس - عوض هارون
نائب الرئيس - دكتورة مهيــرة
2/ السكرتير العام - حيدر الزين
نائب السكرتير العام - وليد قسم السيد
3/ سكرتير مالي - ابوبكر محمد احمد ( الزول زااتو)
نائب السكرتير المالي - بدري محمد بدري
4/ السكرتير الاجتماعي - عبد الرحمن طبيق
نائب السكرتير الاجتماعي - محمد صلاح مختار
5/ السكرتير الثقافي - صداح عبيد خوجلي
نائب السكرتير الثقافي - الطيب رحمة قريمان
|
شباب يسدوا عين الشمس ... هنيئاً لسودانيز أون لاين بهؤلاء الفتية في ساحل الخليج الذهبي (المنطقة الشرقية) أشهد أن هؤلاء قادرون على إيصال رسالة بورداب سودانيز أون لاين بالمنطقة الشرقية خالص التهانيء والتحايا لهم على نيلهم ثقة البورداب بالمنطقة الشرقية وعضويتهم في اللجنة التنفيذية فالي الأمام ونحن من خلفكم .....
| |
|
|
|
|
|
|
Re: تكويــن رابطـة سودانيز أونلاين بالمنطقة الشرقية ..( يوجد ود ووئام واكييد صور) (Re: النزير جريس)
|
والله لو عايشتم معنا كيف إنتخبوا لسالت على خدودكم دموع الفرح ولخفقت قلوبكم من الغبطة والسرور ،، والله بتمنى أن تكون إنتخابات السودان بتلك الكيفية السلسة الجميلة ،، هذا يرشح وذاك يثنى والمرشح يقبل أو يقف بكل إحترام ويعبر عن عدم قدرته للعطاء لأسباب خاصة وعامة،، ومن ثم بعده وبعده ،، وعندما قفلنا باب الترشيحات كان العدد 14 ولكن المطلوب هو 9 من غير الرئيس ،، فوقف أربعة أشخاص واحداَ تلو الآخر وعبروا عن تنازلهم مع تقديم الأسباب الكافية لذلك وحتى يضمنوا ان التسعة الباقيين سيفوزون بالتذكية ،، وهذا ما حصل بالظبط ،، فهنيئاَ لأبناء الشرقية بهذه الكوكبة الجميلة التى ستقود عملنا فى المرحلة القادمة بإذن الله ،، ويقينى التام بأنهم أهل لذلك .
ومن ثم :
أين الصور يا شباب ؟؟ لو فى عجايز ( زى ) خاربين الرصة أحزفوهم طوالى ( وجه ضاحك ) ونزلوا الباقى .
مع التحية والتقدير للجميع ،،
ماهر
| |
|
|
|
|
|
|
Re: تكويــن رابطـة سودانيز أونلاين بالمنطقة الشرقية ..( يوجد ود ووئام واكييد صور) (Re: أم سهى)
|
Quote: الدمام دي مليانة قارئات بل مدمنات لسودانيز اونلاين , غير الصديقات والعضوات , وينهم؟؟؟ لماذا لم تتم دعوتهن؟؟؟؟ |
أم سهى, أكيد سعدنا بسماع صوتك أثناء الإجتماع, وأساساً سيرتك باقية فى الشرقية بكل خير لما قدمتيه طيلة وجودك ... عن الاخوات صديقات واعضاء المنبر بالشرقية ... الدعوة كانت من خلال بوست هنا وعليه لم تكن هنالك اتصالات هاتفية أو أي وسيلة اخرى للدعوة ... وطالما أنهن بالشرقية وحسب الحماس الذي رأيناهـ بالإجتماع, حتماً سينضمن اخواتنا فى اول نشاط تقوم به الرابطة.
| |
|
|
|
|
|
|
|