|
Re: أفضل صحفي رياضي (Re: خالد الجبل)
|
ثقالات المواسير
Quote: ثقالات مواسير ..
ماسورة وانسكرت !!
سمعنا بي كسرة يا ابوعلي .. وسمعنا بي اكسر منو .. وسمعنا بي ( كسير) مقصورة ناس ود الياس
الكان بترجف خوفا من السقوط فحولها الوالي الي مقصورة ترقص فرحا من الجمال ولكن ولا كاس ممتاز
ما شافتو !! حتي البطولة الوحيدة والمشيحيدة شالوها في مقصورة الهلال ..
وسمعنا بالموية الانكسرت في استاد المريخ ايام المطرة وخلت دحية يغرف والدقير يقرف وقريش يغرف
.. حالة تقرف !!
سمعنا بي بتاع الموية الكان عايزين ( يكسروا ) في نادي المريخ قام طلع ليهم عقد البيع !!
عاملين عقد لبتاع موية وغالبكم تعملوا عقد لي لماسورة !!
سمعنا بالتكسير العشوائي وسمعنا بي كسر القزاز.. وربنا يسترنا ويستركم سمعنا بالكسر في السوق
الدخل الناس السجون ..! لكن كسرة ماسورة في الكورة دي ما سمعنا بيها ..!!
والناس خلاص قايلين الكورة ماشة درون وعايزين ضربات الترجيح امكن تلحق صلاح ادريس
( امات) طه علي طريقة الاهلي شندي والشمالي عطبرة ..
والجماعة خلاص قالوا نتعادل مع الهلال والموضوع يكون مريح عشان نحن محظوظين في
ضربات الترجيح ..
ناموا في العسل لمن حصل الحصل .. قام يوسف عكس الكورة ونطت عليها الماسورة وانكسرت ..
يا محمد كمال ما نطيت معاه لييه ؟ قال .. انا قايل جمال الوال متفق معاهو برضو ؟!
موية ماسورة ايفياني من عالم تاني .. اول حاجة فيها ملح غريب .. ما موية بحر !! مش ايفياني
لاعب كرة شاطئية .. وفيها لون ورائحة .. تقول ما موية .. ريحتها نيجيرية ولونها ترابي ..
مش سيدها حفيان .. شايل الطين في كرعينو !!
ومع حفياني .. مشت حتقدر تلبس تاني ..!!
بالمناسبة ايفياني بلبس مقاس كم .. مقاس 43 .. 43 بوصة !!
قون ماسورة اتنين بوصة .. بوسة لي قلبو وبوسة لرجلو .. المصيبة ده قلنا عيدوا ليهو كشف القلب
ولبسوا كدارة .. طع ثقيل ثقالة .. قال انا بجيب القون بي راسي .. الا تشوفو لي طاقية ..
والله مية المية .. لا نفع معاهو باشا ولا عطية .. انتو سعد ده ادوكم ليهو عطية مع الزهراء !!
ومن الواسوق ابت تطلع .. من الابرول ابت تطلع .. من المدفع طلع خازوق .. مواسير البلد زادت ..
والله نحن ما سورتنا دي مرة مرة بتجيب موية .. لكن ماسورة (اوبينا) دي في صحراء ما لقيناها ولا
نقطة ساكت يا كافي البلا .. وقال عامل ضفيرة !! حلوة منك والله يا كابتن !! انا قلت باجيو ده الجابو
كورة المواسير دي شنو ؟!!
قلنا لي همد ..الماسورة المكسورة دي عايزه ليها مجاري .. قال انا مالي ؟ انا ذاتي المعتمد الجديد
ده وقفني وعمل لي تحقيق !!
قلنا لي حسن محجوب شوف لينا الوالي يعمل لينا مجاري ؟! قام جاري ..
قلنا لي احمد محمد احمد شوف طريقة لي ماسورة ايفياني دي ؟ قال هو القون جابو ايفياني !!
مسكين احمد كان قايل المريخ بغلب الهلال في الدوري الممتاز .. طلع زعلان لكن الكاس صبروا شوية ..
قام كتب في العمود ثلاثية للابادة .. قامت المكسورة انكسرت ..
والله جنس موية .. سوبا بس !!
قالو احتياطي المريخ اخير من احتياطي الهلال .. طلعت مواسير الهلال احسن مواسير ..
يكون الجماعة ديل يا عصام مسكين غشوا في المواسير برضو !! متعودة .. دائما ..
الخندقاوي الصغير ( ناصر ) ربنا رزقوا بي بت نهار امس .. خلاها عمرها ستة ولا سبعة ساعات
وجري فرحان دخل الكورة .. قايل المريخ بغلب .. بعد الكورة سالوه حتسمي بتك منو ؟ من غير ما يشعر
قال ليهم ( ماسورة )وكل ما سالت عليك يقولوا مكسورة .. ليه الزعل والضيق .. ما قلتو ماسورة !!
كنت عايز اعمل زي مزمل وكل يوم اجيب صورة لي لاعب من لاعبين الهلال في العمود ..
لكن خفت الماسورة دي تنقط في حكايات وتبقي حكاية ..
وحكاية الماسورة حارة خالص .. اقصد كاسرة خلاص |
|
|
|
|
|
|
|
العنوان |
الكاتب |
Date |
أفضل صحفي رياضي | خالد الجبل | 11-12-09, 12:07 PM |
Re: أفضل صحفي رياضي | خالد الجبل | 11-12-09, 12:18 PM |
Re: أفضل صحفي رياضي | خالد الجبل | 11-12-09, 12:35 PM |
Re: أفضل صحفي رياضي | خالد الجبل | 11-12-09, 02:05 PM |
Re: أفضل صحفي رياضي | خالد الجبل | 11-12-09, 02:08 PM |
Re: أفضل صحفي رياضي | خالد الجبل | 11-12-09, 02:09 PM |
Re: أفضل صحفي رياضي | Giwey | 11-12-09, 02:13 PM |
Re: أفضل صحفي رياضي | احمد محمد بشير | 11-12-09, 02:17 PM |
Re: أفضل صحفي رياضي | خالد الجبل | 11-12-09, 02:23 PM |
Re: أفضل صحفي رياضي | خالد عبد الله محمود | 11-12-09, 02:30 PM |
Re: أفضل صحفي رياضي | خالد الجبل | 11-12-09, 02:30 PM |
Re: أفضل صحفي رياضي | خالد الجبل | 11-12-09, 02:35 PM |
Re: أفضل صحفي رياضي | خالد عبد الله محمود | 11-12-09, 02:47 PM |
Re: أفضل صحفي رياضي | عبود عبد الرحيم | 11-12-09, 03:03 PM |
Re: أفضل صحفي رياضي | خالد الجبل | 11-13-09, 07:02 PM |
Re: أفضل صحفي رياضي | وليد شريف | 11-13-09, 07:22 PM |
Re: أفضل صحفي رياضي | خالد الجبل | 11-15-09, 07:12 PM |
Re: أفضل صحفي رياضي | خالد الجبل | 11-15-09, 07:18 PM |
Re: أفضل صحفي رياضي | عبد الحميد عوض | 11-15-09, 08:20 PM |
Re: أفضل صحفي رياضي | خالد الجبل | 11-15-09, 09:15 PM |
|
|
|