|
|
|
 Re: (تراجي مصطفى) وتجربة التبشير بقيم السودان الجديد (فيديو) (Re: Halema2)
|
الكريمة تراجي مصطفي, لكي مني تحية خاصة جدا علي هذه الكلمات الطيبات, ونرجو منكي الكثير في سبيل تحقيق السودان الجديد الذي ينتظره الكثيرون بعد فشل جميع اشكال الدوله والنظم السياسية,
فالنترك الفرصة للسودان الجديد و لاسيما ان فكر السودان الجديد مستمد من العديد من الانظمة العالمية التي ضمنت العيش الكريم للمسلمين وغير المسلمينوالامثلة كثير وليس هنالك ما يدهعونا في أن نخوض فيها.
____
أحيك للمره الثانية وشغل نضيف وواصلي علي كِده.
| |
 
|
|
|
|
|
|
|
 Re: (تراجي مصطفى) وتجربة التبشير بقيم السودان الجديد (فيديو) (Re: غباشي)
|
شكرا اخي عادل امين....
على مرورك وتشجيعك وكلماتك بحق ...الفكره....
Quote: جهد مقدر يا اخت تراجي
ويا ريت
لو تنقلي هذا النوع من العمل التنويري للفضائيات المعروفة
التي تقدم هذه الخدمة البي بي سي (نقطة حوار)والعربية والجزيرة
عشان تصل الرسالة لاكبر قدر من الناس
وكمان ما تنسي فضائية الحرة برنامج عين على الديموقراطية ومقدمه
صديقى محمد اليحيائي
[email protected]
بكون افيد واشمل ونحن محتاجين في هذه المرحلة للتواصل المباشر
مع جمهور السودانيين في الداخل والخارج في ظل ازمة منابر حرة طاحنة
...ولتعريف العرب والعجم بما هو مشروع السودان الجديد...الذى تعرض
لحملة تشويه كبيرة من اعدائه وادعيائه على حد السواء |
ربنا يدينا القدره يا عادل يا اخوي...و الله اختك نخت خلاص..بس قول يا لطيف.
ساعمل بنصيحتك باذن الله.
| |
|
|
|
|
|
|
|
|
|
Re: (تراجي مصطفى) وتجربة التبشير بقيم السودان الجديد (فيديو) (Re: السيد المسلمي)
|
اخت تراجي
قلت سابقا ان تجربة الصوت والصورة ناجحة ومؤثرة جدا..فلك التحية علي الابتكار دا..
لعل اوليات العمل نحو حياة راقية وممارسة سياسية محترمة..هي تصحيح قواعد الاشتباك ورفعها من المكان المتدني التي وصلت اليه من الجنوح في الخطاب السياسي والفحش في القول ضد الاخر...
الامر الثاني هو ان اي طرح باي مسمي كان لن يرتكز -وبوعي عميق- علي خصوصية وتنوع المجتمع السوداني فمصيره الفشل...فكم من شعار رفعت له علامات فلما علا مات..
ثالثا : ان نصرة اي فئة جهوية او عرقية او دينية لا يعني بالضرورة ظلم اومسح فئة او فكرة اخري سادت بذاتها او بعوامل قوة توفرت لها..فالامر يجب ان يقوم علي وضع موازين الحق وتساوي الفرص للجميع دون تمييز ثم يختارشعبنا ما يريد.
رابعا: انني اخشي ان ينزلق مشروع السودان الجديد هذا في براثن الاقصاء والتطرف فيعيد تجربة مشروع الانقاذ الحضاري الذي انتج هذا الواقع المرير,
اخيرا انني اعتقد انه مافي فرق في الوقت الراهن بين جوبا والخرطوم وإن تنادوا بالسودان الجديد او المشروع الحضاري..
| |
|
|
|
|
|
|
|
|
|
Re: (تراجي مصطفى) وتجربة التبشير بقيم السودان الجديد (فيديو) (Re: الهادي محمد ابراهيم)
|
العزيزه تراجى ,, تحياتى وعودا حميدا ,,
فكره بسيطه لكنها هائله وأثرها سوف يكون
كبيرا إذا تطورت كما ذكر الأخوان وتم بثها
فى قناه فضائيه .
وياحبذا لو تفاكر الأعضاء هنا فى إنشاء قناة
سودانيز أون لاين الفضائيه , طالما عجزت كل
أحزابنا السودانيه مجتمعه على تأسيس قناه تكون
صوتا ومنبرا لهم فى مواجهة عصابة الإنقاذ .
فحكومة المؤتمر الوطنى إستطاعت خداع البسطاء
وكسبهم من خلال القناة الفضائيه التى لا شغل لها
طوال فترة البث غير إظهار عمر البشير بأنه منقذ
السودان , الشئ الذى إنطلى على غالبية أهل السودان .
فليفتونا أهل التخصص والمعرفه فى كيفية إنشاء
قناه فضائيه .
تحياتى وتقديرى ,,
| |
|
|
|
|
|
|
|
|
|
Re: (تراجي مصطفى) وتجربة التبشير بقيم السودان الجديد (فيديو) (Re: محمد على طه الملك)
|
نهج جديد وجميل
يؤدي الرساله ويوصل المعني
يساهم في التبصير والتنوير - بعكس اسلوب المهاترات السياسيه
والالفاظ النابيه التي ينتهجها البعض .. فتكون منفره من الحزب بدلا من ان تكون مبشره له
بغض النظر عن اتفاقي او اختلافي معاك يا اخت تراجي . عايز اشيد بنهجك الجديد الجميل
اذا سلكته الاحزاب - بمختلف صوره طبعا - كان سيكون السودان والمواطن السوداني علي بصيره من امره
شكرا تراجي
| |
|
|
|
|
|
|
|
|
|
Re: (تراجي مصطفى) وتجربة التبشير بقيم السودان الجديد (فيديو) (Re: AnwarKing)
|
شكرا اخي انور على المعلومات الجيده
وفعلا العشره دقائق كافيه
لكن انا قهموني ب 5 فقط؟؟؟
غير كده فوق ال10 بيبقى الفيديو ممل فعلا.
Quote: أطول مدة فيديو للمستخدم العادي (زي حالتنا دي) 10 دقائق، وقد تزيد قليلاً بثواني...لكن أقل من 11 دقيقة..
وفي نظري أن هذه ال 10 دقائق كافية لتناول أكثر من قضية في نفس الفيديو إذا تم الإعداد له بصورة جيدة. |
كن بخير.
| |
|
|
|
|
|
|
|
|
|
Re: (تراجي مصطفى) وتجربة التبشير بقيم السودان الجديد (فيديو) (Re: ضياء الدين ميرغني)
|
سلامات يا تراجي
مشيت اشتريت لي سماعات خصيصا عشان اسمعك
الشريط جميل جدا وصوتك ممتاز جدا...
سعدت انك نبذتي الجهوية وبقيتي تبشري بالسودان الجديد
يلا تجي طالبتيبالعلمانية وافتكرتيها حل للمشاكل
وقلتي المسلم والمسيحي
متى في السودان في تأريحه يمنع الناس من التعليم عشان ديانتهم؟
السوان دا بوتقة الاديان والاعراق الا ان جو ناس الانقاذ وجيتو انتو
انا مسلمة واريد ان احكم بالشريعة الاسلامية
وكل القوانين والحقوق نابعة من الشريعة الاسلامية..
التي لا تميز بين البشر لا عرقيا ولا نوعيا ولا دينيا..
والناس كلها سواء..
عشان الملاين القلتي علمانين ديل
افضل شئ يصوت في السودان
شريعة ولا علمانية
الاغلبية تحكم دي كيف معاك
| |
|
|
|
|
|
|
|
|
|
Re: (تراجي مصطفى) وتجربة التبشير بقيم السودان الجديد (فيديو) (Re: د.نجاة محمود)
|
د.نجاة محمود
ازيك
قايتو البركه فى شراك السماعه الجديده ومبروكه .. واكيد فى مادة جيده فى الانترنت يمكن تستخدمى سماعتك الجديده لسماعه..
بالنسبه لتبشير تراجى (ب) سودانا الجديد قايتو بختها الاخوان والاخوات ما قصروا جاملوها وعملوا معاها الواجب السودانى التمام
وقصة التبشير ده ديما مربوطه عندى بالدين .. و الدين زى لما تمشى مطعم تختار الانت عايزه وربنا يسهل عليك فى اختيارك ..
تراجى طبعا ما غريب عليها الكلام ساكت .. ساااااااااااكت وبس ..
مهم هسى كلامك الانت كاتباهو هنا ....
Quote: انا مسلمة واريد ان احكم بالشريعة الاسلامية
وكل القوانين والحقوق نابعة من الشريعة الاسلامية..
التي لا تميز بين البشر لا عرقيا ولا نوعيا ولا دينيا..
والناس كلها سواء..
عشان الملاين القلتي علمانين ديل
افضل شئ يصوت في السودان
شريعة ولا علمانية
الاغلبية تحكم دي كيف معاك |
يعنى يا دكتوره كان فى زول ما مسلم يعمل شنو مع الشريعة ؟؟
يدفع جزيه .. ..
..
وبعدين ياتو شريعة فيهم الانت عايز السودان يتحكم بيها ..؟؟
(وطبعا انت ست العارفين انو المذاهب كتيره وكل مذهب مفسر القران بشكل وطبعا برضوا انت عارفه انو فى اكتر من شريعه.. ولا كيف)
اتخيل لى قصة الشريعة ده شويه صعبه يا دكتوره بيان .. مفروض انتو كمثقفين تشوفوا طريقه معقوله لغير المسلمين يقدر يعيشوا بيها معاكم كمواطنيين عادييين ساكت ..
او كمان الحل التانى انو غير المسلمين يتخارجوا من غير اى شروط .. وبعدها انشا الله تجيبوا الحجاج بن يوسف شخصيا يحكم ..
..
| |
|
|
|
|
|
|
|
|
|
Re: (تراجي مصطفى) وتجربة التبشير بقيم السودان الجديد (فيديو) (Re: الريح كودى)
|
Quote: يعنى يا دكتوره كان فى زول ما مسلم يعمل شنو مع الشريعة ؟؟
يدفع جزيه .. ..
..
وبعدين ياتو شريعة فيهم الانت عايز السودان يتحكم بيها ..؟؟
(وطبعا انت ست العارفين انو المذاهب كتيره وكل مذهب مفسر القران بشكل وطبعا برضوا انت عارفه انو فى اكتر من شريعه.. ولا كيف)
اتخيل لى قصة الشريعة ده شويه صعبه يا دكتوره بيان .. مفروض انتو كمثقفين تشوفوا طريقه معقوله لغير المسلمين يقدر يعيشوا بيها معاكم كمواطنيين عادييين ساكت ..
او كمان الحل التانى انو غير المسلمين يتخارجوا من غير اى شروط .. وبعدها انشا الله تجيبوا الحجاج بن يوسف شخصيا يحكم ..
.. |
كلام سمح يا الريح
ما تدفعو الجزية بس تدفعو الضرائب ذي ما بتدفعوها في اي دولة عايشين فيها اسع
والمسلم يتحاسب بالاسلام
يعني يسكر طوالي 40 سوط وهكذا هاهاههاها
الشريعة العايزاها شريعة الله والرسول ص
شريعة تحفظ لانسان دينه وعقله وماله ونسلو الخ الخ مقاصد اشريعة
اهم حاجة القيمين عليها يكونو من ذوي الصلاح والاستقامة والتقوى ما الكيزان بالتاكيد
وتكون بالتراضي ويعم السلام والعدل والمساواة
يازول خلينا نحلم ربنا بيدي الجنة..
| |
|
|
|
|
|
|
|
|
|
Re: (تراجي مصطفى) وتجربة التبشير بقيم السودان الجديد (فيديو) (Re: doma)
|
Quote: يا دكتوره نجاه انت بس جيبي لينا الناس من ذوي الصلاح والاستقامة والتقوي ديل
اولا بعدين نتكلم في الباقي . |
طبعا الناس الكويسيين اعتقد انو لسه فى منهم كتير ..
لكن ... لكن
اول ما القصه تكون فيها سلطه .. على سياسه وحكم.. واهم حاجه القوة والقروش ..
على الدين السلام .. والدين بيلحق امات طه ..
عشان كده قلنا الدين ابعدوهو عن السياسه وعن الدوله .. والعايز دين يمارسه كمعتقد خاص بيهو ..
| |
|
|
|
|
|
|
|
|
|
Re: (تراجي مصطفى) وتجربة التبشير بقيم السودان الجديد (فيديو) (Re: د.نجاة محمود)
|
| Quote: ما تدفعو الجزية بس تدفعو الضرائب ذي ما بتدفعوها في اي دولة عايشين فيها اسع |
مالوا بندفعه الضرائب .. اها المسلمين بيدفعو زينا الضرئب .. ؟؟
هنا محك الدين الما بيفرق وبيعامل الناس (سواسيه)!!
وكان جينا للضرائب البندفعه هنا .. يا سلام لما تمشى الدكتور مجانى .. وتعمل كل الفحوصات والتحاليل برضو مجانى .. ويا سلام لما تكون سكران وحايم فى الداون تاون وما قادر تمشى تتصل بالبوليس يجى يوصلك لحدى البيت ويطمن انك دخلت جوووه البيت ويقيف شويه ويمشى .. ويا سلام لما تكون ماشى فى شوارع نظيفه منظمة ومرتبه رغم العواصف والثلوج .. ويا سلام ,,, ويا سلام يادكتوره بيان على فائدة الضرائب اذا تم توظيفها لخدمة الوطن والموطن ...
Quote: الشريعة العايزاها شريعة الله والرسول ص
شريعة تحفظ لانسان دينه وعقله وماله ونسلو الخ الخ مقاصد اشريعة |
للاسف يا دكتوره بيان .. حاليا مافى حاجه اسمها شريعة الله ولا الرسول (ص)
حاليا فى تفصيل وابتذاز للقران .. فى هذا الزمن من المستحيل خلط الدين مع اى شى .. ببساطه سوف يتم استقلال الدين .. ومن ثم يفقد قيمته ..
| Quote: يازول خلينا نحلم ربنا بيدي الجنة.. |
والله مافى زول عاقل ما بيحلم معاك انو يكون فى عدل ومساواة بين البشر .. وده ما بيتم الا بعيد عن الدين اى كان نوعه ..
..
| |
|
|
|
|
|
|
| |
محمد على طه الملك
Tragie Mustafa
محمد عمر جبريل
ذواليد سليمان مصطفى
Halema2
احمد محمد بشير
غباشي
النذير حجازي
الهادي محمد ابراهيم
كمال سالم
الامين موسى البشاري
A.Razek Althalib
Abdel Aati
Rashid Elhag
نوفل عبد الرحيم حسن
ضياء الدين ميرغني
الريح كودى
doma
AnwarKing
فيس بوك
تويتر
انستقرام
يوتيوب
بنتيريست