|
|
 Re: ما مصير ديون السودان عندما ينفصل الجنوب ...؟ (Re: Mohamad Shamseldin)
|
الدِيون دي أكتر مِن نُصها سببا الجنوب (حرب/تنمِية/سرِقة ... إلخ) ... لو ما يتحمل الجنوب النُص ... يِتحمل نفس النِسبة المئوِية البِياحدو بيها البِترول ... لو فُعِل المبدأ القانوني < مِن أين لك هذا > نُص الدِيون على السودان كلو حيِندفِع على دايِر مليم ... بعرِف زول (م ع ع) ساكِن في حِلتنا (نِهاية لفه شارِع النُص بِتاع الشعبِية ... مركز مكاوي الصِحي خليهو وراك وأمِش بِوَشك عديل ... مع الملف الشِمال ... جنب الدُكان الناصِية ... بس وصلت ... أنزِل هِنا) قبل الإنقاذ كان شغال سواق في تاكسي هِلمن بِتاع زول تاني بِالنُص ... بعد ما الإنقاذ أخدت ليها كمين سنة كِده أصبح صاحِب أملاك ... فيلا في كافوري وشقة في شمبات وإستثمارات في الدالي والمذموم وعِندو كام عربِية كِدة وحِساب في البنك صايِط بيهو بحري صُواطا ... حرم أكان بِشتري نُقطة بوليس بحري جت ... يِدفع ليهُم بِجاي ونتكرتن نِحنا بِهِناك ... دِيون السودان ما في تنمِية وفشلت ... لا لا في سِرقات ونهب وشِراء ذِمم وسهرات وإمتِيازات وحوافِز وسفرِيات ومؤتمرات كشا مشا ... شوف مشروع < البكور > كلف قدُر شنو؟ تغيير العُملة مرتين ... تغيير السُلُم التعليمي ... تعريب الجامعات ... فتح 26 جامعة جديدة ... 26 ولاية بِـ26 حكومة ... المُركب الرِئاسي ... الفِلل الرِئاسِية ... سُندُس الزِراعي ... العِمارات الحكومِية البِتتساقط مِتِل صفق الخريف ... الأحزاب الإشتروها ... الإسْتِرضاءات ... حرب الأطراف ... إيواء المُنظمات والشخصِيات الإرهابِية ... السد السد ... يا زول دي جبانة هايصة ...
|
|
 
|
|
|
|
|
| العنوان |
الكاتب |
Date |
| ما مصير ديون السودان عندما ينفصل الجنوب ...؟ | Mohamad Shamseldin | 11-06-09, 01:53 PM |
| Re: ما مصير ديون السودان عندما ينفصل الجنوب ...؟ | عزام حسن فرح | 11-06-09, 02:16 PM |
| Re: ما مصير ديون السودان عندما ينفصل الجنوب ...؟ | ذواليد سليمان مصطفى | 11-06-09, 03:38 PM |
| Re: ما مصير ديون السودان عندما ينفصل الجنوب ...؟ | Mohamad Shamseldin | 11-07-09, 00:05 AM |
| Re: ما مصير ديون السودان عندما ينفصل الجنوب ...؟ | Frankly | 11-07-09, 00:19 AM |
| Re: ما مصير ديون السودان عندما ينفصل الجنوب ...؟ | jini | 11-07-09, 07:57 AM |
| Re: ما مصير ديون السودان عندما ينفصل الجنوب ...؟ | Mohamad Shamseldin | 11-07-09, 02:04 PM |
| Re: ما مصير ديون السودان عندما ينفصل الجنوب ...؟ | Mohamad Shamseldin | 11-07-09, 06:35 PM |
| Re: ما مصير ديون السودان عندما ينفصل الجنوب ...؟ | Mohamad Shamseldin | 11-08-09, 02:59 PM |
| Re: ما مصير ديون السودان عندما ينفصل الجنوب ...؟ | الفاتح سليمان | 11-08-09, 06:13 PM |
|
| |
عزام حسن فرح
فيس بوك
تويتر
انستقرام
يوتيوب
بنتيريست