|
Re: اساسى - عصام دهب -واخرون ... ماهى مبررات الانفصال عندكم لو سمحتوا ؟؟؟ (Re: jini)
|
ياجني دا لو اتفقنا انه مشكلة الجنوب اصلا مشكلة مؤتمر وطني وتنازلات , خلينا نتكلم بوضوح كامل ومن غير غتغتة , مشكلة الجنوب في نظري قبل ان تكون مشكلة سياسية بين حركة ومؤتمر هي مشكلة اجتماعية بين الجنوبي والشمالي , مشكلة استعلاء الشمالي علي الجنوبي ليست لفظة تطلق ولكنها ثقافة سائدة واعراف اجتماعية متبعة , مشكلة عرقين يعيشا متجاورين دون ان يكون بينهما ما يجمع وما يفرق بينهما اكثر مما يقرب , الجنوبي حتي اليوم وحتي الغد المنظور ما بتعرسوا ليهو بتكم , وحتي لو حدث هذا انما هي حالات فردية نادرة وجدت ما وجدت ما صراع حتي تمت وحتي بعد اكتمالها تلاحق الوصمة ابناء هذه الزيجة ولا يتم قبولهم قبول كامل كشماليين.والزواج كمثال واضح فقط والامثلة كثيرة جدا علي الاستعلاء العرقي فقبل ما تستمتعوا بخريطة السودان الكاملة ابدأوا بازالة الفوارق وهذا لعمري ليس امر سياسي يتم حله بتنازلات مؤتمر وطني لحركة شعبية وانماء تربية شعب ليتقبل الاخر قبولا كاملا لا قبول مشروط كما هو حادث منذ اجدادنا القدماء ولكن بالمقابل هناك تبعات لهذا الامر اي قبول الاخر , العادات والديانات والتقاليد تجعل من اندماج الشعبين في بعضهما البعض امرا مستحيلا علي المدى المنظور بغض النظر عن الاستعلاءات العرقية , وياجي خلينا في مثال الزواج دا بس وخليني اضرب ليك مثل بسيط , انت كزول مستنير جاك اخ جنوبي وطلب يد بنتك او ولدك طلب الزواج لجنوبية وانت وافقت رغم انه خيلان البت او الولد واعمامهم ممكن يقاطعوك عادي ولكنك اصريت واجبرت اهلك علي قبول الامر , وذهبتم اليهم في احدي قري او مدن الجنوب لقيام العرس انت واهلك , ابسط شيئ حيواجهكم عائد الدين وامكن تتجاوزوا ولكن عائقد الدين حيواجهكم في مناطق كثيرة , نسابتكم ديل عادي بفطروا بمريسة او كونجو مورو ودي ثقافة سائدة في الجنوب ومافيها مشكلة لكن في نفس الوقت انت كمسلم لو فطرت الفطور دا بتاخد ليك اربعين سوط من الصباح , اتجاوز موضوع الفطور دا , الناس دي دايرة تولم ليكم غدا وجابوا التور وضبحوا ليكم دا اذا ما كان ميتة ودي مافيها غضاضة في انه الميتة تؤكل في الكثير من معتقدات الجنوب عادي وحتي ضبيحة غير الكتابيين فيها مشكلة للمسلم ياخي خلينا من التفاصيل النية الممكن الناس تتجاوزها باي طريقة لكن ما شايف برضو انه فاتورة القبول عالية جدا اولا ابتداء باجبار العريس علي تغير ديانته ومرورا بكل التفاصيل السخيفة اللاحقة ولاحظ معاي انه الكلام دا في نقطة صغيرة جدا وهي الزواج بس خليك من مليون مركب اجتماعي ممكن ينفر اكثر مما يجمع , فالوحدة يا اخونا هي الحياة المشتركة بكل تفاصيلها وفاتورة الوحدة في الواقع المنظور تكلفتها اعلي من فاتورة الانفصال , لو الحكومات جادة في حل مشكلة الجنوب كان الاتنين مليون المشو يجاهدوا في الجنوب ديل اتزوجوا هناك هل كان في مشكلة جنوب الان ؟ اعذروني يا اخوانا انا ركزت علي الزواج لانه حاجة واضحة جدا وصريحة ولكن المشكلة اكبر من مشكلة زواج ونسب وانما مشكلة اجتماعية معقدة جدا ولا جدية في الافق لحلها , اذن انا اري انه الانفصال بكرامة هو الاولي بالاتباع فان يعيش الجنوبي كمواطن كامل الاهلية ومن الدرجة الاولي في وطنه خير له من الحياة كمواطن من ادرجة الثانية مستعلي عرقيا في وطن واحد او كما قال سلفا كير ومن بيدهم عقدة الانفصال ــــــــــــ المداخلة دي جايطة لان مقاطعات كثيرة حصلت اثنائها قد تجعلها ركيكة او غير مقنعة كفاية ولكن فيها الفكرة العامة
|
|
|
|
|
|
|
العنوان |
الكاتب |
Date |
اساسى - عصام دهب -واخرون ... ماهى مبررات الانفصال عندكم لو سمحتوا ؟؟؟ | عادل عبدالعزيز عبد الرحيم | 11-05-09, 07:26 PM |
Re: اساسى - عصام دهب -واخرون ... ماهى مبررات الانفصال عندكم لو سمحتوا ؟؟؟ | عادل عبدالعزيز عبد الرحيم | 11-06-09, 08:23 PM |
Re: اساسى - عصام دهب -واخرون ... ماهى مبررات الانفصال عندكم لو سمحتوا ؟؟؟ | الرفاعي عبدالعاطي حجر | 11-06-09, 08:42 PM |
Re: اساسى - عصام دهب -واخرون ... ماهى مبررات الانفصال عندكم لو سمحتوا ؟؟؟ | عادل عبدالعزيز عبد الرحيم | 11-06-09, 08:51 PM |
Re: اساسى - عصام دهب -واخرون ... ماهى مبررات الانفصال عندكم لو سمحتوا ؟؟؟ | اساسي | 11-06-09, 11:18 PM |
Re: اساسى - عصام دهب -واخرون ... ماهى مبررات الانفصال عندكم لو سمحتوا ؟؟؟ | jini | 11-06-09, 11:26 PM |
Re: اساسى - عصام دهب -واخرون ... ماهى مبررات الانفصال عندكم لو سمحتوا ؟؟؟ | اساسي | 11-07-09, 00:14 AM |
Re: اساسى - عصام دهب -واخرون ... ماهى مبررات الانفصال عندكم لو سمحتوا ؟؟؟ | الرفاعي عبدالعاطي حجر | 11-07-09, 02:42 PM |
Re: اساسى - عصام دهب -واخرون ... ماهى مبررات الانفصال عندكم لو سمحتوا ؟؟؟ | الرفاعي عبدالعاطي حجر | 11-07-09, 03:11 PM |
Re: اساسى - عصام دهب -واخرون ... ماهى مبررات الانفصال عندكم لو سمحتوا ؟؟؟ | زياد جعفر عبدالله | 11-07-09, 03:41 PM |
Re: اساسى - عصام دهب -واخرون ... ماهى مبررات الانفصال عندكم لو سمحتوا ؟؟؟ | عادل عبدالعزيز عبد الرحيم | 11-08-09, 08:06 PM |
Re: اساسى - عصام دهب -واخرون ... ماهى مبررات الانفصال عندكم لو سمحتوا ؟؟؟ | عادل عبدالعزيز عبد الرحيم | 11-08-09, 08:28 PM |
Re: اساسى - عصام دهب -واخرون ... ماهى مبررات الانفصال عندكم لو سمحتوا ؟؟؟ | عادل عبدالعزيز عبد الرحيم | 11-20-09, 05:07 PM |
Re: اساسى - عصام دهب -واخرون ... ماهى مبررات الانفصال عندكم لو سمحتوا ؟؟؟ | عادل عبدالعزيز عبد الرحيم | 11-21-09, 07:04 AM |
Re: اساسى - عصام دهب -واخرون ... ماهى مبررات الانفصال عندكم لو سمحتوا ؟؟؟ | عادل عبدالعزيز عبد الرحيم | 11-22-09, 10:16 PM |
|
|
|