|
كتب الكاتب الفاتح جبرا المتوفرة بمعرض الدوحة
|
|
 Re: قصة ( ريدة) أحمد وريم ..من غيركم يعطي لهذا ( القلب) معنى أن يعيش وينتصر ؟! توجد ( ثقة بالله (Re: نادية عثمان)
|
أيوة يا أحمد مسافرة !
موش ده الإنت عايزو ووصلتني ليهو بفعل قسوتك وتجاهلك وتعذيبك لي بلا مبرر في الفترة الأخيرة ؟!
ماماشة الدوحة !
لا ولا ماشة سوريا !
ماشة بلداً طيرها عجمي يا أحمد !!
بلد بعيدة شديد مابكون فيها ماسكة تلفوني منتظرة رسالة ( صباح الخير حبيبتي ) الحرمتني منها ساي بلا ذنب جنيتو !
هلكتني شديد يا أحمد شديد فوق ماتتخيل !!
ماشة وبخلي ليك كامل الذكريات مابشيل منها ولا شنطة !!
بخليها ليك زي ماهي بكل حنانها وجنونها ومجونها تونسك وتعذبك !
بس ياريت ضميرك يريحك ومايفضل ( يكورك) جواك بالسؤال الصعب ( عملت ليك شنو ريم تتخلى عنها وتعذبها كدا ) !!
دقيقة يا أحمد بالله !!
ماتقول لي ماخليتك وباقي عليك زي كل مرة وإنت محلك سر !!
راجع نفسك كتير وأسألها بكل الصدق ( بتحبي ريم يانفسي ومابتقدري تعيشي بدونها) !
شوف نفسك ترد تقول ليك شنو وبعدها حاول تلحق طيارتي ويا لحقتها يا مالحقتها للأبد يا أحمد وليك الخيار !
في داخل كل منا بركان تتطاير شظاياه وحممه لتحرق الأخضر واليابس في أرواحنا والحب عربة الإطفاء الوحيدة !!
| |
 
|
|
|
|
|
|
|
|
Re: قصة ( ريدة) أحمد وريم ..من غيركم يعطي لهذا ( القلب) معنى أن يعيش وينتصر ؟! توجد ( ثقة بالله (Re: نادية عثمان)
|
طيب هي عشان تنتصر لي حبها دا ما تشوف الظروف شنو والملابسات تفكر شنو الخلاهو يتغير
لو اسباب منطقية للعقل تحكم عقلها..
| Quote: الظروف ازمة مالية ونفسية بمر بيها !! |
دا ما مبرر
لكن ممكن يكون عزر عايز يتخارج بيهو والله يا ريم الاولاد ديل مرات عندهم تفكير غريب شوية الواحد عايز يتخارج
يقوم يقول ليك سبب هو ظاهر انو سبب واهي بس عايز يتخارج والسلام!!
بكون حب بي عمق في البداية !!
عمق شديد
وما بتكوني عملتي اي شي يخليهو فجأة يفكر انو ينسحب من العلاقة مافي سبب
ويقوم يجيك بي عزر
انت مقتنعة تماما انو ما منطقي ولا عزر من اصلا
لانه حجم الشي البين الناس اكبر من خلق عزر
تقومي تلقى نفسك مافي مجال غير انك تقبلي بالعزر الواهي دا
لانو خلاص هو ختة في حساباته كدة
خلاص قال لا !!
ما بي شكل مباشر
بس المهم
لا
لا
حا تعملي شنو ؟؟
حا تقبلي بي لا دي
غصبا عن عين حبك
وتحاولي تعملي (ساتر)
وتقلبي الاية
بدل ما هو القال لا
تبقى انتي العايزة تقولي لا
عشان
انتي
بت
وقلبك رقيق
وما مفروض
تخسري انتي
يخسر هو
وتقومي
بعد داك تقنعي نفسك
انك خلاص ما عاوزاهو
بقى (غياظ) وتقومي تنسحبي
ويبقى هو حقق العايزه بانو دفعك لي دا دفع
-----
اها تقول لي بتعملي سناريو شوفي سناريو ( الشاكوش) دا جامد كيف ؟؟!!
بقيت صاحبة ريم يا ندوية (وش من حقينك ديلك) هههه
| |
|
|
|
|
|
|
|
|
|
Re: قصة ( ريدة) أحمد وريم ..من غيركم يعطي لهذا ( القلب) معنى أن يعيش وينتصر ؟! توجد ( ثقة بالله (Re: نادية عثمان)
|
مدة طويلة مرت وأنا في إنتظار ينصلح الحال !
كل يوم أقول : إستحملي يابت ياريم ( غمة) وبتزول وبكرة حلو وبالعديل والزين إن شاء الله !
بكرة بتصحي على رنة رسالة تفتحيها تلاقيها كلام حلووووووو من أحمد حبيبك المافي منو في الكون !
بكرة تفتحي الإيميل تلاقيهو كاتب ليك رسالة طووووويلة ( تتقطّر حنية) ! يبثك فيها أشواقه وحبه ويؤكد على صدق وعوده !
بكرة التلفون ده بصحيك على جرس طووووويل ورقم أحمد قدامك تنطي من الفرحة وبكل حب الدنيا .. !!
الو أحمد صباح الخير
ويجيك صوت أحمد : صباح الجمال والحب والصفاء حبيبتي خلاص ياغالية قررت أطلع من أزمتي
وكله بتصلح وبرجع إلا إنتي لو ضعتي من يدي يبقى الموت والحياة مافارقة !
البسي ياريم وتعالي نمشي المشوار الوعدتك بيهو وتاني مابفرقنا إلا الموت وسامحيني على تعذيبي ليك غصباً عني حبيبتي !
آه ومليون آه ( كما يقول أحمد) !!
كل إشراقة شمس صباح جديد بتمنى الجديد ولا جديد !
إيمكن الليلة يحصل جديد يا أحمد ؟!
إيمكن الليلة تكفّر عن ذنب إدخالي في دوامة ما لي فيها أي ذنب غير حبي ليك وموافقتي على الإرتباط بيك ؟!
عارف يا أحمد ؟
في إتنين مشوا طلبوا ( يدي) من أبوي !
وإنت قبلهم طالب ( قلبي) من ربنا بجلالة قدرو !
ولا قادرة أنا أقول لي أبوي أديهم ( يدي) !!
ولا قادرة أصدق إنو إنت تضيع منك ( قلبي) !!
ويبقى لكل شئ نهاية مثلما كانت له بداية ويبقى القرار في يدك ويدي برضو!!
وماتنسى تقول يالطيف !
| |
|
|
|
|
|
|
|
|
|
Re: قصة ( ريدة) أحمد وريم ..من غيركم يعطي لهذا ( القلب) معنى أن يعيش وينتصر ؟! توجد ( ثقة بالله (Re: نادية عثمان)
|
والله أنت حبيب زي العسل ياخ
خليها ماتزعل روحك وأنا ذاتي ماشغالة بيها تصدق ؟!
عليييييييييييك الله بتتكلم جد ؟
أها
يازول ؟
وتاني ؟
ههههههههههههههههه
خليها داقسة كده لكن المهم عرفنا إنها ( حاقدة) ومابتحب الخير لينا !
النبي فيك توريني ؟
اها
هههههههههههه
قطعت مصاريني من الضحك ياخ كفاية عليك الله
غايتو جنس دقسة !!
يازول قوم أرح نشتري الملايات والخروف العيد بكرة !
وماتنسى نشتري شريط علوية باروكة عشان نسمع أغنية
الشمار كتير أنا تاني مابجي !!
في البرايفت داك أنا تاني مابجي !!
سمح يا أحمدي الحبوب ؟!
| |
|
|
|
|
|
|
|
|
|
Re: قصة ( ريدة) أحمد وريم ..من غيركم يعطي لهذا ( القلب) معنى أن يعيش وينتصر ؟! توجد ( ثقة بالله (Re: نادية عثمان)
|
عارف ؟
صاح إنت مسافر غصباً عنك ولظروف شغلك يا أحمد
وصاح ظروفنا إتغيرت لا بيدي ولا بي إيدك !
لكن يا أحمد وعدك لي إنو نعيد في يوغسلافيا
ونكون هناك رابع يوم العيد ده أصلو ماقادرة انساه !
الو
أي يا أحمد معاك
ماقعد أبكي !
لا
لا ماببكي قلت ليك !
ياخ أي أيوة قعد أبكي بالجد أنا وكنت محتاجة ليك جنبي اليوم ده بالذات !
عارفة يا أحمد
والله عارفة ماتحلف !
غصباً عني حبيبي ماإتعودت توعدني بشئ مهما كان وماتوفي بي وعدك !
صحي يا أحمد ؟
بالجد ؟
أحلف !
لا ياخ ماتقول لي وحياتك !
أيووووووة كدا
حليفتك بإسم الله بتريحني رغم إني عارفة إنك يوم ماكذبت علي ياقلبي !
خلاص ياغالي
والله خلاص بمسح دموعي وبنتظر وعدك الجديد وبرضو نسافر يوغسلافيا ذاتا سمح؟
تسلم وربنا ماحرمني منك
شنو ؟
لا ياخ كفاية كلام كدا حاتدفع مرتب الشهر كلو فاتورة تلفون وحانأكل شنو باقي الشهر ؟!
لا عليك الله كفاية كلام حبي موش قلنا ماعايزين تبذير ؟!
كلها يومين وبترجع السودان ياصباح عيدي وبنتلاقى ياروحي ماتتجرس وتجرسني معاك ياخ !
أيوة جداً ياريدي
أيوة إنت بس ماتقلق علي باكل كويس وبنوم إنت بس خلي بالك من روحك سمح؟
يلا ياقلبي
باااي
لا الله إلا الله ,,,
| |
|
|
|
|
|
|
|
|
|
Re: قصة ( ريدة) أحمد وريم ..من غيركم يعطي لهذا ( القلب) معنى أن يعيش وينتصر ؟! توجد ( ثقة بالله (Re: نادية عثمان)
|
إنت العزيز
أفرد شراعك ضمني
إنت المهم
والناس جميع ماتهمني
إنت العزيز
أفرد شراعك ضمني
وخايف تفوت
والسكة بيك ماتلمني
إنت المهم
والناس جميع ماتهمني
إنت الوداد
نبض الفؤاد
بستان نضير
وصفاء وعبير
وجمال رهيب
ودلال عجيب
ريح شقايا وجمّني
وخايف تفوت
والسكة بيك ماتلمني
إنت المهم
والناس جميع ماتهمني
جيتك شعاع
نجمة وشراع
نسيني ياعمري الضياع
لو كنت جد بتعزني
وخايف تفوت
والسكة بيك ماتلمني
انت المهم
والناس جميع ماتهمني
قول لي قول
ياأغلى زول
خلي الحزن يرحل يزول
وريني وين درب الوصول
انا لسة تائه
دلني
خايف تفوت
والسكة بيك ماتلمني
وانت المهم
انا بيك وليك
متع عيونك مشتهيك
مهما تجور بنسى وبجيك
لا بقسى لا بزعل عليك
لانك إنت تهمني
وخايف تفوت
والسكة بيك ماتلمني
وانت المهم
والناس جميع ماتهمني !!!
http://www.youtube.com/watch?v=baaw2zRVrGo&feature=related
| |
|
|
|
|
|
|
| |
انعام حيمورة
فيس بوك
تويتر
انستقرام
يوتيوب
بنتيريست