لا ياسلفاكير

Quote: سلام يا عبدالدين و لعلك طيب ، يا عبد الدين الجنوبيين من حقهم ينفصلو كان عايزين و يقعدو كان عايزين و يصرحو الليله عايزين إنفصال و بكره يقولو ما عايزين إنفصال و يعملو الدايرنو في موضوع الانفصال ده بدون وصايه او مزايده من أحد : حرب في مناطقهم قضت علي أخضرهم و يابسهم ، أبادت منهم مئات الالاف و هجرت منهم ملايين : لا صحه ، لا تعليم لا تنميه و لا أبسط حق يكفل ليهم عيشه كريمه ، و بعد ده نحن في الشمال محملنهم مسؤليه الحرب الادت لتخلف البلد دي ! ظلم مستمر أكتر من خمسين سنه ، ظلم لو وزع علي البشريه لكفاها !! و تجي حسي إنت عايز تفرض عليهم البقاء (و لو بقوة السلاح ) ؟ والله يا عبدالدين يا أخوي أنا جنس وصايتك دي مما الله خلقني ما سمعت بيها ! ياخي ما ممكن تدعي إنك فاهم مشكلتهم أكتر منهم ، و إنهم ما من حقهم يختارو الانفصال اللي كفلتو ليهم نيفاشا و قبل كده كفاحهم و نضالهم ضد الظلم. و منطقك إنو نحن إتربينا على حقيقة لاتقبل التغيير إنو الجنوب جزء من السودان ؟!!! هذا والله ظلم فوق الظلم أربا بك منه يا عبدالدين !!! و أقعد عافيه .