|
|
 Re: رؤوس(فلسطينية) حان قطافها ! (Re: محمد الامين محمد)
|
الاخ محمد
في الايام القليلة الماضية كتبت اكثر من بوست عن القضية الفلسطينية وكلها قدح وذم في السلطة وابومازن وفتح.
يا اخي الناس ديل جابوا اتفاقية اوسلو الوصلت ناس حماس للسلطة وبقت مجموعة من العاطلين والصيع والرموم والقتلة وزراء ومحافظين وضباط شرطةعلى مجموعة من الجياع والمتسولين المحاصرين والمقتولين في حروبها العبثية الاجنبية المدفوعة القيمة بالليرة السورية او التومان الايراني.
فيا محمد ناس ابومازن ديل قالوا وعاهم العرب كلهم سنة 2000 في بيروت انهم طريقة يجيبوا ارض ولا قدس بحرب ما عندهم وحماس هديك تساكك في الناس البيفكوا في الصواريخ على اسرائيل من شارع لشارع ومن زقاق لزقاق وبيعرضوا على اسرائيل هدنة لمدة 50 سنة لا فيها ايقاف استيطان ولا انسحاب من الضفة ولا عودة لاجئين ولانسحاب لحدود 4/6/1967 .
فيا سيدي الفاضل ممكن نعرف الحل عندك شنو؟ وبتقدر تقنع بيهو ناس حماس؟ ونحن عارفين رايهم لانه صراحة لعبة المقاومة والجهاد والذي منه بقت ما بتجيب همها ومافي زول بيصدقها وكفاية انه مجاهدينك ديل كلهم كانوا لابدين في مصر ايام حرب غزة.
نسيت ابارك لك زواج هنية ماشاء الله الظاهر الامور في غزة ظابطة 100% وما فضل الا العرس مثني وثلاث ورباع
تحياتي
|
|
 
|
|
|
|
محمد عمر الفكي
فيس بوك
تويتر
انستقرام
يوتيوب
بنتيريست