|
المعلقة السودانية موديل 2009م.. طرفــة دارجية شيقة!!!
|
وصلتني للتو يالإميل ولم أحصل على اسم كاتبها لنسجل حقه الأدبي..
المعلقة السودانية موديل 2009
الـفار فرفر في الفـروة شابكنا يومـاتي فـتاوي! كم أرنـب جوه الطاقيـة مستني منـديل الحـاوي! الحاجـة اليـوم تتحـرم وينكتلو علـشانا شـباب! تتحلل في اليـوم التانـي ويـقولو لي ناسا حـباب! الجـن من جنـو اتجنـن واتعـوذ مـن الـجايات!
@@@
والهـون رفـع التلفـون في لحظة ضرب البليـون! والهـم واقــف طابـور من تصبح ما نلقى فـطور! الفــات فات لف اللـفات فـي جـيبو الكـنجالات! من مافـي ركب العربات جالوصو أصبح صرايات! والفـلة وقعت في البـير محروسة بي كم خـنزير! لا محاسب لا كشف حساب لا ذمــة لا إقــرارات!
@@@
الحالـة بس زي الطـين في جيبـنا مافيش مليـن! وأي سـعر أصبح سعران ما بـنقدر ندخـل دكـان! والسـوق أصبح مطلـوق وأي قرش أصبح ممحوق! يا حلـيلو زمن الضـيفان ما بنقـدر نعـزم إنسـان على فطـرة بمـوية فول لا جبـنة فيـها لا زيـت لا سلـطـة لا طعمـيات!
@@@
بترولنا بى نسمـع بيهو بس منو ما ضقنا ثمـار! العـائد أكـبر مجـهول وتوزيعو ســر الأسرار! أفتــونا يا مـدنيـيـن ورونا يا نـاس الـجيش لى جدادنا ما نلقى العيش! لى غنمنا مافـيش برسيم لو جعـنا بس ناكل نيـم! كم ليلـة القـوى بتناهو وأصبحـنا زي الحطبات!
@@@
ورسوم راجياك بيـجاي وجباية حارساك بيهـناك! على راسك تدفع دقنـية النبكة مقسـومة مـعاك! وضرائب حولك تتـحاوم لو تجري تلـقـاها وراك! التـور ذاتـو يحلبــوه الأرحم عهــد الاتـراك! باى باى سوولا رسـوم تحصيلا بدون إيصـالات!
@@@
الكـان مستـور الحــال الليلـة مقـطوع الـراس! وابليـسنا سارح بي غنمو وغـنمو سارحات بالناس! الفاطـي سطـرين وتلاتة الفاطـي كـل الكــراس! لا يحلـو الشيخ الجعلـي لا تحـلو سيطان كـدباس!
|
|
|
|
|
|
|
العنوان |
الكاتب |
Date |
المعلقة السودانية موديل 2009م.. طرفــة دارجية شيقة!!! | Abdlaziz Eisa | 10-12-09, 12:41 PM |
Re: المعلقة السودانية موديل 2009م.. طرفــة دارجية شيقة!!! | Abdlaziz Eisa | 10-12-09, 12:43 PM |
Re: المعلقة السودانية موديل 2009م.. طرفــة دارجية شيقة!!! | Abdlaziz Eisa | 10-12-09, 12:44 PM |
Re: المعلقة السودانية موديل 2009م.. طرفــة دارجية شيقة!!! | Abdlaziz Eisa | 10-12-09, 12:45 PM |
Re: المعلقة السودانية موديل 2009م.. طرفــة دارجية شيقة!!! | Abdlaziz Eisa | 10-12-09, 12:47 PM |
Re: المعلقة السودانية موديل 2009م.. طرفــة دارجية شيقة!!! | Abdlaziz Eisa | 10-12-09, 12:48 PM |
Re: المعلقة السودانية موديل 2009م.. طرفــة دارجية شيقة!!! | Abdlaziz Eisa | 10-12-09, 12:49 PM |
Re: المعلقة السودانية موديل 2009م.. طرفــة دارجية شيقة!!! | الفاتح شلبي | 10-12-09, 01:40 PM |
Re: المعلقة السودانية موديل 2009م.. طرفــة دارجية شيقة!!! | Abdlaziz Eisa | 10-14-09, 11:16 AM |
Re: المعلقة السودانية موديل 2009م.. طرفــة دارجية شيقة!!! | محمد يوسف الزين | 10-21-09, 02:37 PM |
Re: المعلقة السودانية موديل 2009م.. طرفــة دارجية شيقة!!! | Abdlaziz Eisa | 10-22-09, 09:19 AM |
|
|
|