|
كتب الكاتب الفاتح جبرا المتوفرة بمعرض الدوحة
|
|
 Re: خيمة بت الهنا . New Version .. مش بيقولوا توجد؟؟ اذن (توجد تجربه) (Re: نوفل عبد الرحيم حسن)
|
أبتلي أحد الحكماء بمصيبه .... فجأءه أخوانه يعزونه في المصاب .... فقال اني عملت دواء من سته أخلاط .... فسألوه ماهي:
فقال لهم:
الخلط الأول : الثقة بالله
الخلط الثاني: علمي بأن كل مقدور كائن
الخلط الثالث: الصبر خير ما استعمله الممتحنون
الخلط الرابع: إن لم أصبر أنا فأي شئ أعمل؟
الخلط الخامس: قد يمكن أن أكون في شر مما أنا فيه
الخلط السادس: من ساعه الى ساعه فرج
اللهم لك الحمد ولك الشكر كما ينبغي لجلال وجهك وعظيم سلطانك.. الحمد لله الذي بنعمه تتم الصالحات.. الحمد لله، وله الشكر والفضل والمنة
في يوم 21 اكتوبر للعام 2009 و في تمام الساعه الثالثه و النصف ظهرا .... جاءتني مكالمه هاتفيه من طبيبتي المعالجه تخبرني فيهاأن صور الماموجرام قد اثبتت خلو جسمي تماما من مرض السرطان...
و لله الأمر من قبل و من بعد ...
ولله الحمد على نعمائه و على جزيل عطائه
| |
 
|
|
|
|
|
|
|
|
Re: خيمة بت الهنا . New Version .. مش بيقولوا توجد؟؟ اذن (توجد تجربه) (Re: BitAlhana)
|
أحلى حاجه
اتصال هاتفي من الممسوخ الطيب شيقوق
ثم مكالمه جماعيه أطرافها شخصي الضعيف .... العزيز ود شيقوق ... الغالي سيف الدوله
و الله يا أخونا قدر ما احكي ليكم عن شعوري لحظتها ما ح تتخيلوا
حقيقة دموعي جرت و انا بسمعهم الاثنين بيهنوا بعض بي سلامتي
والله الاثنين بيهنوا بعض و يباركوا لي بعض بي فرحه نابعه من قلويهم
تسلموا يا سيف و يا الطيب و ربنا يحلي أيامكم كلها
| |
|
|
|
|
|
|
|
|
|
Re: خيمة بت الهنا . New Version .. مش بيقولوا توجد؟؟ اذن (توجد تجربه) (Re: وليد عبد اللطيف)
|
الف حمد الله على السلامة - بالجد كان خبر جميل وقد اسعد الاهل والاحباب
Quote: اللهم ما اصبح بي بنعمتك او باحد من خلقك فمنك وحدك لا شريك لك فلك الحمد ولك الشكر.
الحمد لله الذي عافاك بعد الابتلاء , الحمد لله الذي من عليك بالشفاء,الحمد لله الذي ادخل الفرحة
والسرور في قلوب الاحباء, الحمد لله الذي اكرمنا بمعرفة ورفقة اخوة اجلاء,تجدهم في السراء والضراء.
الف حمدا لله علي العافية يا صفاء ومريم وان شاء الله ربنا يكرمكم ويجعلكم نورا يهتدي به لاخرين. |
| |
|
|
|
|
|
|
|
|
|
Re: خيمة بت الهنا . New Version .. مش بيقولوا توجد؟؟ اذن (توجد تجربه) (Re: نجاة محمد بابكر)
|
مليون حمدآ لله على السلامة
أنت والأخت مريم عبدالله
ويارب ان يكتمل الشفاء بصورة نهائية
وتعودن معافيات سليمات من كل سقم
الإنتصار على اللعين بيكون بسبب الكشف المبكر
وبقوة الإرادة والجلد والرغبة القوية في الحياة
وعدم لخوف لأنه بيحط من المناعة والمقاومة الذاتية
انا سعيد لأجلك وواضح أن روحك اللطيفة وتمتعك بالسخرية
ساهما في الشفاء
أرجو ، كما طلبت رشيدة ، تسجيل تجربتكما بكل التفاصيل
| |
|
|
|
|
|
|
|
|
|
Re: خيمة بت الهنا . New Version .. مش بيقولوا توجد؟؟ اذن (توجد تجربه) (Re: Mashaier Ahmed)
|
الخيماب
تحيات نواضر
مدخل و استهلال
الحمد لله الذى بلطفه و كرمه قد منّ على اختنا بت الهنا بكامل الشفاء من الداء اللعين
و انه لشكر يستوجب بذل المزيد من الطاعات من بت الهنا للواحد القهار فالمصائب يقربن العبد من ربه
ادعو الله العلى القدير ان لا يرى الاخت بت الهنا اى مكروه فى ربيع حياتها المقبل
للاسف الشديد لم اعلم بمرضها الا قبل ايام قلائل .... و الاخت بت الهنا لمن لا يعرفها نبع الاصالة و العزة و الطيبة، و هى كنز من المودة و الألفة يسعى و يمشى بين الناس ( خايفها يا ود شيقوق تصدق و تانى ما نعرف نكلمها).
فالحمد لله الذى تلطف بهذه الانسانة الرائعة و حفظها لنا و ان شاء الله يبدأ عمرها يادوووووووووووووووب.
| Quote: ونحيي ايضا والدتها التي يتفق الجميع على صفويتها ونخبويتها . |
اكيد مريخابية على السكين طالما هى صفوية و نخبوية.
و هنا ايضاً احىّ والدها الرجل المك و شيخ العرب المضياف و المرحاب
شاغلى المناصب الدستورية بالخيمة( مولانا ود شيقوق و استاذنا سيف الدولة كامل):
مطلوب منكم عمل عاجل لدعوة و تعبئة جميع الخيماب و اصهارهم و اقربائهم للقيام بالاحتفال الضخم بمناسبة شفاء الريس الكوماندو بت الهنا
لنا التواصل و مزيد تفاصيل ..... ولكم التهانئ الخضر.
| |
|
|
|
|
|
|
|
|
|
Re: خيمة بت الهنا . New Version .. مش بيقولوا توجد؟؟ اذن (توجد تجربه) (Re: KOSTA)
|
الاخ الاستاذ المناضل اخو الاخوان عشاء البايتات ومقنع الكاشفات كوستأاااااااااا
Quote: شاغلى المناصب الدستورية بالخيمة( مولانا ود شيقوق و استاذنا سيف الدولة كامل):
مطلوب منكم عمل عاجل لدعوة و تعبئة جميع الخيماب و اصهارهم و اقربائهم للقيام بالاحتفال الضخم بمناسبة شفاء الريس الكوماندو بت الهنا |
الصيف ضيعت اللبن . عملنا احتفال كونفرنسي انا والزعيم ود الكامل وحاولنا الاتصال بك خلال تلك الجلسة غير اننا علمنا ان حكومتكم قد ضبقتكم تحت جناحا ومشت بيكم كالفور واضاعت عليك فرصة الترقية والمكرمة التي سيمن علينا بها الريس الكوماندوز هانوي ..
| |
|
|
|
|
|
|
|
|
|
Re: خيمة بت الهنا . New Version .. مش بيقولوا توجد؟؟ اذن (توجد تجربه) (Re: ALZOLZATOO)
|
| Quote: عملنا احتفال كونفرنسي انا والزعيم ود الكامل وحاولنا الاتصال بك خلال تلك الجلسة غير اننا علمنا ان حكومتكم قد ضبقتكم تحت جناحا ومشت بيكم كالفور واضاعت عليك فرصة الترقية والمكرمة التي سيمن علينا بها الريس الكوماندوز هانوي .. |
المدير التنفيذى للخيمة و ناظر عموم الخيماب ود شيقوق:
عارفكم انت و سيف و حتى الكوماندو هانوى و( فنوم بن و سايقون كمان) ما عندكم ايتها خوة
قاتلين الدجاج و الفراريج و خامين دستات البيض
لولا قدسية مناسبة الاحتفال لكان لى مع ثلاثتكم شأن آخر!!!!!!
و بعدين يا مسنوح (الحوت ما بيهددوه بالغرق)واخوك عينو قوية و ما يجيبها الا رجالها
انت مسعول من الخير المسنوحة دى خلت ضيفانها و مشت وين ؟؟؟
و شيخنا ودالكامل مالو لابت كدى؟؟؟
تحياتى
| |
|
|
|
|
|
|
|
|
|
Re: خيمة بت الهنا . New Version .. مش بيقولوا توجد؟؟ اذن (توجد تجربه) (Re: سيف الدولة كامل)
|
Quote:
أحلى حاجه
اتصال هاتفي من الممسوخ الطيب شيقوق
ثم مكالمه جماعيه أطرافها شخصي الضعيف .... العزيز ود شيقوق ... الغالي سيف الدوله
و الله يا أخونا قدر ما احكي ليكم عن شعوري لحظتها ما ح تتخيلوا
حقيقة دموعي جرت و انا بسمعهم الاثنين بيهنوا بعض بي سلامتي
والله الاثنين بيهنوا بعض و يباركوا لي بعض بي فرحه نابعه من قلويهم
تسلموا يا سيف و يا الطيب و ربنا يحلي أيامكم كلها |
سيف الدوله هذا المشهد ابكاني
به نوع من الخوه والصداقة النظيفة الصادقة
لاني تخيلت الشعور كامل لبت الهنا ولكم الاثنين ود شيوق وسيف
ويا لها من مشاعر نبيله
| |
|
|
|
|
|
|
|
|
|
Re: خيمة بت الهنا . New Version .. مش بيقولوا توجد؟؟ اذن (توجد تجربه) (Re: Egbal Elmardi)
|
كوستا المارد
Quote: المدير التنفيذى للخيمة و ناظر عموم الخيماب ود شيقوق:
عارفكم انت و سيف و حتى الكوماندو هانوى و( فنوم بن و سايقون كمان) ما عندكم ايتها خوة
قاتلين الدجاج و الفراريج و خامين دستات البيض
لولا قدسية مناسبة الاحتفال لكان لى مع ثلاثتكم شأن آخر!!!!!!
و بعدين يا مسنوح (الحوت ما بيهددوه بالغرق)واخوك عينو قوية و ما يجيبها الا رجالها
انت مسعول من الخير المسنوحة دى خلت ضيفانها و مشت وين ؟؟؟
و شيخنا ودالكامل مالو لابت كدى؟؟؟ |
بالله قال لولا قدسية المناسبة!!! والله تكتر كلامك اكلم الكامل يشوتك ضفاري ومحل رهيفة تنقد
اوعاك تسعل من بكان مشت هانوي دى الايام دى مدللة تتجدع يمين وشمال حد يقول ليها ماشة وين او جيتى من وين مافي
| |
|
|
|
|
|
|
|
|
|
Re: خيمة بت الهنا . New Version .. مش بيقولوا توجد؟؟ اذن (توجد تجربه) (Re: الفاتح ميرغني)
|
| Quote: بالله قال لولا قدسية المناسبة!!! والله تكتر كلامك اكلم الكامل يشوتك ضفاري ومحل رهيفة تنقد |
ناظر عموم الخيماب
يا شيقة اطلع منها يا ريس انا و ود الكامل دفعة و حبايب و الراجل رقيق و ما بتاع شوت و ضفور كمان
بس هو كان فى الفصل ثالثة ماعارف شنو و انا كنت فى الفصل المعاكس ليهو( ثالثة ب) فى المقرن الثانوية
لكن المتأكد منو انو بدأ بالصف الاول (د) و ثانية(د) و نحنا كنا فى اولى و ثانية (هـ)
هسع قول لى التخريمة دى انا جبتها من وين ؟؟؟؟
| Quote: اوعاك تسعل من بكان مشت هانوي دى الايام دى مدللة تتجدع يمين وشمال حد يقول ليها ماشة وين او جيتى من وين مافي |
فى دى انا معاك يا مولانا و الايام دى الكوماندو ما شاء الله و ربنا يحفظ ما حد يقدر يسألها تلت التلاتة كم
بس يا شيقة قولها نظرة للضيوف الجايين من بعيد ديل
و بينى و بينك انا حكاية الباسوورد دى ما راكبه لى فى دماغ البت بتدلع علينا
تجى نعمل تحقيق يا غولدستون ؟؟؟؟
| |
|
|
|
|
|
|
|
|
|
Re: خيمة بت الهنا . New Version .. مش بيقولوا توجد؟؟ اذن (توجد تجربه) (Re: سيف الدولة كامل)
|
ولد الميرغني
Quote: بالله يا الطيب شيقوق ده كلام؟
ياخي تديني وصف غلط أنا نزلت في المحطة ولفيت باللفة حسب وصفك سيد الدكان أداني وصف تاني ومشيت ومشيت لمن لقيت الخيمة.
أها جيت ابارك لبت الهنا وإن شاءلله ايامك كلها هنا وسعادة.
حمدلله على السلامة وربنا يحفظك ويديم عليك بالصحة والعافية والهنا. |
عارفك بتكون جيت شايل شوال فتريتة رميتو ليها في طرف الخيمة كرامة وقدلت راجع عولك
| |
|
|
|
|
|
|
|
|
|
Re: خيمة بت الهنا . New Version .. مش بيقولوا توجد؟؟ اذن (توجد تجربه) (Re: سيف الدولة كامل)
|
ولد الميرغني
Quote: بالله يا الطيب شيقوق ده كلام؟
ياخي تديني وصف غلط أنا نزلت في المحطة ولفيت باللفة حسب وصفك سيد الدكان أداني وصف تاني ومشيت ومشيت لمن لقيت الخيمة.
أها جيت ابارك لبت الهنا وإن شاءلله ايامك كلها هنا وسعادة.
حمدلله على السلامة وربنا يحفظك ويديم عليك بالصحة والعافية والهنا. |
عارفك بتكون جيت شايل شوال فتريتة رميتو ليها في طرف الخيمة كرامة وقدلت راجع عولك
| |
|
|
|
|
|
|
|
|
|
Re: خيمة بت الهنا . New Version .. مش بيقولوا توجد؟؟ اذن (توجد تجربه) (Re: أحمد الشايقي)
|
Quote: تسلم يا دكتور كوستا يا دفعة,, شيقا ده عاوز يفتنا شقي الحال.
يا شقة يا أخي كوستا ده دفعة دراسةوكان كسر لي تلج برضو صاحبي,, |
سيف الدولة
عمك شيقة ده كان لقى فرصة بيلحقنا امات طه
دحين اعمل ساتر و ارمى قدام
شيقة
وينك يازعيم ؟؟
اعمل لينا الحفلة سريع خلينا ننسى تعب السنين
اها يا ناظر الخيماب شايف حكاية الباسوورد ما زالت مستمرة
جد لنا حلاً يا زعيم .... انا عندى ناس قالوا حيفرتقوا الخيمة دى اذا استمرت هذه الحالة
ملحوظة: نظارتك لعموم الخيماب فى محك صعب ..... و طالبان الخيماب على اهبة الاستعداد للانقضاض على النظارة
انت عارف انا ماسكهم فى وزيرستان على حدود الخيمة مع اراضى ود الكامل!!!!
| |
|
|
|
|
|
|
|
|
|
Re: خيمة بت الهنا . New Version .. مش بيقولوا توجد؟؟ اذن (توجد تجربه) (Re: KOSTA)
|
كوستا
Quote: عمك شيقة ده كان لقى فرصة بيلحقنا امات طه
دحين اعمل ساتر و ارمى قدام |
زولك دا ما فيهو فذع ليك تاني الكنتاكي بتّ حيلو طاااب خلاهو يمشي ام جنيّح
Quote: اعمل لينا الحفلة سريع خلينا ننسى تعب السنين
اها يا ناظر الخيماب شايف حكاية الباسوورد ما زالت مستمرة
جد لنا حلاً يا زعيم .... انا عندى ناس قالوا حيفرتقوا الخيمة دى اذا استمرت هذه الحالة
ملحوظة: نظارتك لعموم الخيماب فى محك صعب ..... و طالبان الخيماب على اهبة الاستعداد للانقضاض على النظارة
انت عارف انا ماسكهم فى وزيرستان على حدود الخيمة مع اراضى ود الكامل!!!! |
شوفو شيقا ولا فيها ولا ........... فيها
| |
|
|
|
|
|
|
|
|
|
Re: خيمة بت الهنا . New Version .. مش بيقولوا توجد؟؟ اذن (توجد تجربه) (Re: BitAlhana)
|
Quote: الباسورد رجعت
جاياكم للبري
هي... اقصد للحكي |
بشيشكن ياعيوني لاتفضحني
قلنا اول شي نجي ونسلم عليك في خيمتك
ونشرب جبنه ونحكي سر غيابك
إلا اقولك والله حبيناك وردناك من محبت الناس ليك ناس
شيقا وكوستا وسيف وكل الناس الجوك بهنا وهناك
وما قصرت وافتقدتك .
ومن هنا ممكن تعرفي قدرك عند الناس الطيبين وحلوين والله يكفيهم
من كل شر وكل مرض ونجيهم في ساعة خير
ياطيبة يا بت الطيبين ناس دحدوح وخضر والحارث ونهنيهم بعودتك ليهم
ويتنهنوا بيك .. وبيك يدوم هنانا
| |
|
|
|
|
|
|
| |
سيف الدولة كامل
الطيب شيقوق
نوفل عبد الرحيم حسن
مريم عبد الله
Dania Elmaki
الفاضل يسن عثمان
وليد عبد اللطيف
انعام حيمورة
نجاة محمد بابكر
أبو ساندرا
مهيرة
KOSTA
SHIBKA
ALZOLZATOO
Egbal Elmardi
الفاتح ميرغني
فيس بوك
تويتر
انستقرام
يوتيوب
بنتيريست