|
|
|
 Re: خيمة بت الهنا . New Version .. مش بيقولوا توجد؟؟ اذن (توجد تجربه) (Re: BitAlhana)
|
وقفة تحية واحترام لي ست النظام
الف حمدا لله علي العودة للمنبر
والطلة البهية لي اجمل شخصية
والله المنبر نور يا ست الكل
وان شاء الله الخيمة عامرة بث
المسنوح هسع بيكون نايم والحمد لله.
باكر لامن يصحي بجي يجوطة ليك.
يالا كباية شائ بي قرفة وكوز موية
بارد من الزير الطرفاني الفيهو المستكا,
تسلمي يا بت الهنا والله فرحنا شديييييد .
نوفل يا بت الهنا حبيبنا وزول خيمتنا شوفيهو
داير شنو والله عاوزين نضمه لي كندا ولا نيويورك.
| |
 
|
|
|
|
|
|
|
|
Re: خيمة بت الهنا . New Version .. مش بيقولوا توجد؟؟ اذن (توجد تجربه) (Re: BitAlhana)
|
الحمد الاف ,, الشكر الاف لله الذى أنعم عليك بالشفاء ,, ونسأله سبحانه وتعالى أن يتقبل صبرك على البلاء وأن يحعله كفارة لك . والله لم أكن أعلم بعودتك لأننى أرقد مريضا بالبيت والمنبر مسبب لى زهجة زى زهجة أخونا هاشم وجاء عليهو مرض لكن خبر عودتك الذى نقله لى ألأخ عبدالرجيم منصور والفرحة جعلت النشاط يدب فىّ لأكتب لك هذه الكلمات متعك الله بالعافية وجعلها آخر الأبتلاء. نسأل الله أن يعينك على شكر جزيل نعمائه.
| |
|
|
|
|
|
|
|
|
|
Re: خيمة بت الهنا . New Version .. مش بيقولوا توجد؟؟ اذن (توجد تجربه) (Re: عبدالعزيز الفاضلابى)
|
صراحه يابت الهنا
الواحد من زمان معجب بكتابتك
وشايفك مره دخلتي على ناس الشعبية
وطبعا رسلت رساله الى اخونا حاج حمد
وقلت ليهو كيف تجيكم بت حلتنا وما ترحبوا بيها كويس
وهي درجه اولى في الكتابه (تعرفي زمان ما كنا بفترق انا وعاطف وهو حال
اولاد الشعبية ) من الابتدائي وحتى المرحله الجامعية درسناها مع بعض
يالها من ايام
ياخي ماتخلي الحساب علينا المره دي
=======
حاولي تعالي لينا هناك على الاقل تشمي هوي الاحباب (ناس الشعبية)
| |
|
|
|
|
|
|
|
|
|
Re: خيمة بت الهنا . New Version .. مش بيقولوا توجد؟؟ اذن (توجد تجربه) (Re: Saifeldin Gibreel)
|
الف الف الف حمد الله على السلامة
النار ولعت ولعت
Quote: بت الهناء الكلك هناء
وقفة تحية واحترام لي ست النظام
الف حمدا لله علي العودة للمنبر
والطلة البهية لي اجمل شخصية
والله المنبر نور يا ست الكل
وان شاء الله الخيمة عامرة بث
المسنوح هسع بيكون نايم والحمد لله.
باكر لامن يصحي بجي يجوطة ليك.
يالا كباية شائ بي قرفة وكوز موية
بارد من الزير الطرفاني الفيهو المستكا,
تسلمي يا بت الهنا والله فرحنا شديييييد .
نوفل يا بت الهنا حبيبنا وزول خيمتنا شوفيهو
داير شنو والله عاوزين نضمه لي كندا ولا نيويورك. |
ابصم بالعشرة واعمى على كلام المسنوح دا
المسنوح صار كلالالالالالالالالالالالام بعد لبسوهو العمة - يستاهل اما يعرس او ينزل في انتخابات ابريل الجاية ممثلا لقطاع المسانيح
جاييكم بعد انجم شوييييييييييييييية
| |
|
|
|
|
|
|
|
|
|
Re: خيمة بت الهنا . New Version .. مش بيقولوا توجد؟؟ اذن (توجد تجربه) (Re: BitAlhana)
|
جاطت ثم جاطت ثم جاطت
حضر ود شيقوق يوما في ثياب الواعظينا
و مشى في الارض يهدي و يسب الماكرينا
اها كنت لابد وين زمنك ده كله يا خوي؟؟؟
و الله قصه عجيبه
يا خوانا ود شيقوق اخ فاضل و صديق عزيز
و حقيقه من الأشخاص اللي كانوا قريبين لي جدا في فتره العلاج
و كان بيطمئن علي باستمرار ... وساهم في تخفيف المرض عني كتير
و د شيقوق ما تفضحنا ياخي
لالوب و نبق ده في البردانه و الدفيانه هناك ... قالوا ليك انا في كالفورنيا
يا عالم اتطوروا
| |
|
|
|
|
|
|
|
|
|
Re: خيمة بت الهنا . New Version .. مش بيقولوا توجد؟؟ اذن (توجد تجربه) (Re: abubakr)
|
الاخ عبد الرحمن منصور
شكرا يا وجيه
بدلتك استايل ورباط عنقك استايل وابتسامتك بتجيب الحمام بجاى
Quote: ود شيقوق الزول يقول ليك "يا اخوي بت الهنا في كاليفورنيا بتلقط في التفاح والبرتقال والعنب والرومان"
وتحلى بالتفاح واليمون
و انت تجى راجع تقولو تحلى بالليمون، الليمون في أمريكا يستخدم كعلاج بلدي قديم و متأخر "للطمام" و احيانا شراب "عصير" |
بس انا فاكرها جات السودان وشالت معاها الفسيخ والبصل الناشف والحلو مر والتمب.................اك لود الكامل .
Quote: لكن كلاكمك مقبول تب،
و فى عينا و راسنا،
و خيمنتنا حلوه و جميله بالناس الفيها،
و انا مبسوط بوجودى هنا،
رغم التحليه ليمون :) |
خليك معانا بس واخفض جناح الذل من الرحمة لبت الهنا المسنووووووووووحة
| |
|
|
|
|
|
|
|
|
|
Re: خيمة بت الهنا . New Version .. مش بيقولوا توجد؟؟ اذن (توجد تجربه) (Re: الطيب شيقوق)
|
نواصل
توقفنا في الحلقه السابقه عند و صولنا الى الاسكندريه .. و قبل أن ننزل من القطر
سألنا و الدي أميره كيف؟؟ فأجبناه انها بخير و أننا قد اتصلنا بهم امس و سوف يغادروا اليوم الى الخرطوم
بعد ان انزلنا أغراضنا في الشقه المطله على بحر الاسكندريه... و قفنا نتأمل البحر و نستنشق نسيمه انا و بنت عمتي
و بنت أختي... بعد قليل روادني شعور أن انظر الى أمي ... و جدتها ساهمه و تدلك صدرها ... فوقفت أراقبها من بعيد ...
يا ربي أمي مالها؟؟ و تلاحقت الاحداث سريعا ... رن جرس الموبايل .. دخلت بنت اختي ريان الى الداخل لتحضره ... انا و اقفه
اراقب و الدتي ... والدي من خلفي يتابع التلفزيون ... احضرت ريان التلفون .... (هاكي قالوا أميره ماتت ) للحظه لم استطع استيعاب الموقف ... ( أميره منو يا بت)؟؟؟ .... ما عارفه هاكي ياخ !!!! وضعت سماعه الهاتف على اذني .. و جأءني صوت الهادي ابن خالتي ... الحقيني يا صفاء .. الحقوا أمي... و اصبحت انا خرساء بكماء ... و هو على الطرف الاخر يصرخ .. المعاي منو في التلفون
كلمه و احده قلتها ليه ... خلاص... و اغلقت الهاتف...
جلست على حافه الكرسي المواجه لوالدتي التي تنظر في عيني بعمق ...نظرات متسائله ... قلت ليها أميره دي قالوا تعبانه شويه ... ما تقولي لي تعبانه قولي لي ماتت!!!
فقمت من مكاني و أحتضنتها عل الله يثبت قلبي و قلبها. حضرت ابنه عمتي و احتضنت و الدتي هي الأخرى و بدأتا في بكاء يحرق القلوب
التفت خلفي لارى و الدي و أحاول ان اخبره بالخبر المؤلم.. فألفيت ريان قد تداركت الموقف و أخبرته بهدوء و هي تجلس بجانب جدها و تضع يدها على كتفه ... لله درك يا ريان .. ابنه الاربعة عشره عام تقف بجانبي و تساعدني على تدارك هول الموقف.
كان لابد أن أكون قويه و أن لا اجعل الضعف يشل تفكيري .. خرجت من الشقه و طرقت باب الشقه المجاوره... و سألت السيده .. عايزين نرجع القاهره الان.. ممكن توريني أسرع طريقه؟؟ فأخبرتني أن القطارات قد و قفت الأن لكن السوبر جيت لازال يعمل.
نزلت السلم بسرعه البرق .. أوقفت التاكسي ... اخبرته بوجهتي ... صعدت مره اخرى ... لكي اخبر أمي اننا سوف نذهب الان
وصيت غاده ابنه عمتي و ريان على والدي .. و تحركنا...
اصبحت المسافه بالتاكسي حتى محطه البصات كأنها قرن ... و صمت رهيب و قمئ يسيطر علينا انا و والدتي.
وصلنا المحطه و استفسرنا عن الباص التالي الى القاهره .. فأخبرونا أن البص سيتحرك في تمام التاسعه ... و الساعه كانت حوالي السابعه و النصف... جلسنا ننتظر الباص تسألني و الدتي (ما قالوا ليك أميره مالها؟؟) (ماقولوا ليك الحصل شنو؟؟) و تبدأ في البكاء مره أخرى ... الليله اختي ح تتبهدل ... الليله مصر مصر الشوم ... الليله يا نفيسه العصرك منو؟؟ ... الليله أختي غريبه!!! الليله أختي براها!!!
و نواصل
| |
|
|
|
|
|
|
|
|
|
Re: خيمة بت الهنا . New Version .. مش بيقولوا توجد؟؟ اذن (توجد تجربه) (Re: سيف الدولة كامل)
|
نواصل
بعد ان تم تأكيد مواعيد الباص في تمام الساعه التاسعه مساء ... جلسنا ننتظر في الساحه الخارجيه انا و والدتي...
غريبه هذه الدنيا... أميره حضرت الى القاهره و هي في قمه السعاده... تكاد تطير فرحا ... و الان انتقلت الى رحمه مولاها في القاهره ...( سبحان الله و ما تدري نفس بأي أرض تموت )...
ومن غرائب الدنيا و تصاريف الدهر ... ان فرحه أميره كانت لا تضاهيها فرحه بالسفر ... و عندما استلمت جواز السفر قالت و بالحرف الواحد أنا ح الم الجواز ده عشان أمشي بيه العمره انشاء الله... لكن البني أدم في قول و الله في قول ...
اخذت الاتصالات تتوالى علينا من جميع الاتجاهات ... الكل منزعج و الكل يتساءل عن الذي حدث .... و هكذا طبع الانسان ... (ما بيتقبل الشينه)؟
المهم في خضم هذه الاحداث المتلاحقه ... اتصلت بالهادي ... اها يا الهادي الموقف كيف؟ نعمل شنو يا صفاء أهو الحمد لله ... راجين الحانوتي ... كانت اقسى كلمه سمعتها في حياتي ... حانوتي؟؟ لا عمرنا سمعنا بي الحانوتي... و لا بنعرف عنه حاجه ... و لا هو في ثقافتنا ... سبحان الله...
سالتني و الدتي أها قال شنو؟؟ حاولت ان انقل اليها الكلام بطريقه مبسطه ... فقلت لها ... الحمد لله الهادي متماسك و اسي هو متحرك على المطار .... عشان يبدوا في اجراءات ... و قبل ان اكمل كلامي ... ووووب علي يا حبيبتي جيتي برجلينك ... ح ترجعي بي صندوق... و انخرطت في بكاء حار جدا ... لكن الله الهمها ان تلتفت الي و تقول : يا صفاء اضربي لي ناس فوريه أهل أبوكي ديل .. عشان يحصلوا أختي دي و يضموها عليهم ... اختي دايره ليها زول يهجرها و يثبت قلبها...
من تصاريف القدر اني كنت قد احتفظت بهذا الرقم من السودان و ارسلته الى و الدي حتى يزورهم و يقدم لهم و اجب العزاء في والدتهم... و فعلا استرجعت الرقم .. و اخذت والدتي تشرح لفوزيه الموقف.
ان الله يسخر من يشاء من عباده لييقضوا حوائج عباد أخرين ... تحركت فوزيه و شقيقاتها على الفور الى خالتي نفيسه ... وكن على حد قولها ملائكة الرحمه ... ضممنها عليهن ... حدثوها عن أن الموت حق.. يا حجه استغفري ... الموت سبيل الاولين و الاخرين.. الدنيا دار زوال ... ما دائم الا وجه الكريم...
و شرعوا في اجراءات الغسل و التكفين ... و بكل همه و عزيمه ... أتممن عملهن ... و أضحت أميره ... عروسنا المتوجه بأكفانها البيضاء ... عروسنا الى السماء...
| |
|
|
|
|
|
|
|
|
|
Re: خيمة بت الهنا . New Version .. مش بيقولوا توجد؟؟ اذن (توجد تجربه) (Re: sharnobi)
|
نواصل
استأجرنا التاكسي من ميدان لبنان و حتى المهندسين جوار بيت الطالبات... لم نسمع صوت و لم نجد أي شخص نسأله عن أي شي
و الدتي من خلفي تردد ... ميته الغربه صعبه ... ميته الغربه شينه ...
رننت الجرس .. فتحت الباب فتاه سودانيه و كانت خائفه و متردده .... سألتها اسمعي في بت سودانيه أتوفت هنا... قالت لي أي ... و لازالت تنظر الى من الشراعه... طيب ما تفتحي الباب ده؟؟
في الداخل كان المنظر الذي لن ينمحي من زاكرتي ... خالتي و اضعه يدها على خدها و تردد الليله يا أميره مبيتك وين؟ الليله يا أميره ساقوك وين؟؟ و كانت هذه هي اللحظه التي ادركت فيها اننا فقدنا أميره و الى الأبد ...
ارتميت في خالتي ... و بدانا جميعنا في الصراخ و البكاء ... و احتضنت والدتي خالتي و جلستا على الأرض تصرخان و تبكيان... يالها من أقدار؟ نخرج جميعنا من السودان لنفقد أميره في القاهره... و لأن مسمار لعين قرر أن يستقر قي قدمها و يسلبها شبابها؟؟؟
سبحان الله و لا نقول الأ ما يرضي الله ... انا لله و انا اليه راجعون....
قضينا الليله مسهدين و باكين حتى الصباح ... و عندما حضر الهادي من المطار و معه أحد أصدقائه .. هاج الناس و ماجوا مره أخرى و سلمى شقيقتها تصرخ : وديتها وين و بيتها وين؟؟
و والدتها تبكي و تنتحب : صباحك كيف يا أميره؟؟ نحنا صباحنا شين ... لا حول الله يارب...
ذهبنا الى المطار في تمام العاشره بعد هذه الليله البائسه ... و كانت المأساه هنا ... لا يوجد عدد مقاعد كافي ... حتى يسع الاسره بأكملها ... خالتي تقول ما بمشي من غير سلمى بتي ... كفايه فقدت واحده... و ما بمشي من غير الهادي ... لازم هو يستر أخته... المهم دخلوا الى الصاله الداخليه في انتظار الفرج ... وجلسنا في الصاله الخارجيه مده من الزمن حتى جاءنا مسؤل الجوازات بالسفاره السودانيه ... برتبه عقيد... و كان معنا منذ الصياح الباكر ... لانعرفه و لا يعرفنا ... فقط قام بتأديه واجبه على أكمل وجه ... جاء و أخبرنا انهم سوف يسافرون جميعا في نفس الطائره... لان احد الركاب قال: يا جماعه ده ظرف طارئ و انا ح أشيل ولدي في رجليني و أتنازل من كرسي...
عظيم انت يا وطني برغم قساوه المحن
وقفنا نودع الاسره المكلومه ... و والدتي تقول لي : شوفي شناة رجعتهم....
ختاما نسألك يا الله ... اللهم ارحمها وادخلها فسيح جناتك واجعل قبرها روضة من رياض الجنة وأبدلها أهلا خيرا من أهلها ودارا خيرا من دارها وتجاوز عن سيئاتها وزد اللهم من حسناتها . اللهم يمن كتابها و يسر حسابها و لين ترابها و ثبت أقدامها و ألهمها حسن الجواب.
| |
|
|
|
|
|
|
|
|
|
Re: خيمة بت الهنا . New Version .. مش بيقولوا توجد؟؟ اذن (توجد تجربه) (Re: BitAlhana)
|
الاعزاء الكرام
رأيت أن ابدأ توثيق تجربتي مع المرض بهذه القصه ... و قد يتسأل البعض مالنا و هذه القصه؟؟؟
لكن هذه الحادثه تسببت في تغيير كثير من المفاهيم و القناعات في حياتي .....
كما ان لها تداعيات وجدانيه أسهمت و بشكل مباشر في تقبلي للحقائق .... و رفعت من ايمانياتي كثيرا
الجزء الثاني
تفاءلوا خيرا تجدوه
بعد وفاة المرحومه أميره ... كنا جميعا نتذكرها في كل و قت وفي كل حين,,, كانت قد رحلت عن دنيانا بجسدها ... و لكن روحها الجميله و أعمالها الطيبه و برها باهلها و صلتها لارحامها ... كانت ثوابت تعيش معنا
في احدى المرات خرجت مع صديقتي بعد انتهاء الدوام ... لنتناول طعام الغداء ... و فجأه خطرت المرحومه أميره في بالي ... فبكيت .. و أخذت احدث صديقتي عنها ... و استرسلت في اجترار الاحزان ... ثم تذكرت سميه ابنه خالتي و التي توفت فجأه و بدون سابق انذار ... و كانت وفاتها فاجعه بالنسبه لنا ... و حتى الان لم نستطيع استيعاب الامر ... لكن لولا بقيه من ايمان ... لطار اللب و الفؤاد .... قلت لها تعرفي في كل مره يموت شخص عزيز ... الانسان بيفتكر انه مافي ميته احر من كده ... و يموت اخر ... فتنكأ الجراح و تتفتق ... و حدثتها عنها......
وانفتحت بوابه الاحزان على مصراعيها فتذكرت اثنتين من خيرة بنات خالاتي أصيبتا بهذا المرض.... هما شابتان غايه في التعليم و في الادب و الثقافه ... حسنتا الخلق و الاخلاق (أسأل الله أن يشفيهما شفاء تاما)... و لم أتوقف عن الكلام ... و لم اتوقف عن الحزن ... و لم اتوقف حتى شرقت بدمعي....
التفت اليها و قلت لها ... الظاهر انه انا بعد ده ح اْؤمن بالعين ... لانه الحاجات المتواليه البتحصل لينا دي اظنها عين
قالت لي: ما تتشاءمي يا صفاء
قلت ليها و الله جد و انا يا اما حا يجيني سرطان أو ح أموت
بدأت صديقتي في الصراخ : مالك بتقولي كده ... مالك عايزه تنكدي علينا الغداء
و سرحت انا في عوالم بعيده
يتبع .....
| |
|
|
|
|
|
|
|
|
|
Re: خيمة بت الهنا . New Version .. مش بيقولوا توجد؟؟ اذن (توجد تجربه) (Re: الطيب شيقوق)
|
احم,,,احم,,,احم,,, انا جيت يا المسنوح.
عراقي الدمورية ده امشي بيهو البردانة يا اخوي,
نحن هنا ناس جينز ساكت,, وكان شايف العمة والجلابية
ده لزوم الطلعة والتغيير,, ياود شيقوق انت قايل مشية
السودان هينة من امريكا 6 تذاكر بي 7 الف اقل حاجة
حليل عمان تذاكر مجاني ومرتب اجازة شهرين وايجار البيت
مدفوع. وحاتك هنا كان داير تسافر اقل من 15 الف ما بتحلك.
لكن ان شاء الله الصيف القادم بزورك في البردانة كان الله مد
في العمر. يديك العافية ويسكنك الصافية بيت ناصية.
| |
|
|
|
|
|
|
|
|
 Re: خيمة بت الهنا . New Version .. مش بيقولوا توجد؟؟ اذن (توجد تجربه) (Re: الطيب شيقوق)
|
الأخ: شيقوق
تحية بالكوم
Quote:
الاخ عبد الرحمن منصور |
يا جماعة انتو مالكم مع اسمى دا
Quote:
شكرا يا وجيه
بدلتك استايل ورباط عنقك استايل وابتسامتك بتجيب الحمام بجاى
|
عشان كلامك السمح دا انا مسامحك
~~~~
الاخت: بت الهنا، الله يهنئك دنيا و آخره – بس كترى من آمين
و نحنا ما فى يوم بيمر الا بنجى نتاوق فى خيمتكم السمحة ذى الناس الفيها
ّّّّّّّّّّّّّّّّّّّّّّ
~~~~~~~~~~~~~~
عبدالرحيم منصور
*
**
| |
|
|
|
|
|
|
|
|
|
Re: خيمة بت الهنا . New Version .. مش بيقولوا توجد؟؟ اذن (توجد تجربه) (Re: BitAlhana)
|
| Quote: احم,,,احم,,,احم,,, انا جيت يا المسنوح. |
هلا هلا جاى بدين شبعان كنتاكي وبيتزا ونعيمية - الله يزيد نعيمك وتتهنا بيهو في بوست هانوى
Quote: عراقي الدمورية ده امشي بيهو البردانة يا اخوي,
نحن هنا ناس جينز ساكت,, وكان شايف العمة والجلابية
ده لزوم الطلعة والتغيير,, ياود شيقوق انت قايل مشية |
يعني هسع الهندمة السمحة دى كلها لكف العين؟
Quote: لكن ان شاء الله الصيف القادم بزورك في البردانة كان الله مد
في العمر. يديك العافية ويسكنك الصافية بيت ناصية. |
لكن تجينا بلبستك دى عشان وشايلك سبحة عشان تصلى بالناس صلاة الجنازة
يديك انت العافية ويسكنك ..
ود النيل
| |
|
|
|
|
|
|
|
|
|
Re: خيمة بت الهنا . New Version .. مش بيقولوا توجد؟؟ اذن (توجد تجربه) (Re: BitAlhana)
|
نواصل
كانت هذه الحادثه - أي قيامي بالفحص الذاتي- قد حدثت في اليوم الأول من أغسطس للعام 2008... و لكنني لم احرك ساكنا تجاهها ... و لم أعرض نفسي على طبيب.
حتى جاء الشهر التالي ... شهر سبتمبر... و قمت بالكشف على نفسي مره ثانيه ... فوجدتها(تلك الحبه اللعينه) لا تزال هناك قابعه في مكانها... في صمت... و كنت انساها أو أتناساها ... لست أدري أيهما؟؟
مرت الأيام متتاليه ... ولازلت على مبدئي .... (مكضبه للشينه) ... وفي يوم جاءت احدى جاراتنا الى و الدتي ... و كنت حينها أستعد للذهاب الى عملي ... و قالت لها ... عليك الله يا خالتي سكينه تعالي شوفيني .. أظني جاني كانسر ؟؟؟ و قامت و الدتي بالكشف عليها.. و قالت لها .. مافي حاجه واضحه ... لكن احسن تمشي تعملي فحوصات كامله ... سمعت هذا الكلام ... توجست خيفه ... وايضا لم احرك ساكنا ....
حتى كنت أتسامر مع و الدتي ذات مساء .. و كانت هي تقرأ احدى الصحف اليوميه ... و التفت الي و قالت : و الله الكانسر ده بقى منتشر بي طريقه غريبه ... انشاء الله انا ح امشي لي تابيتا بطرس .. و أناقشها في كيفيه أفتتاح مركز (الكشف المبكر عن أمراض الثدي) .... لم أرد على و الدتي ... عاودني الصمت الذي يحل علي كلما غص قلبي ....
وواصلت و الدتي كلامها : مفروض نحنا المعاشيين ديل يستفيدوا من خبراتنا في المجال ده ... و نوعي النسوان و البنات .. و نفيد المجتمع.
تقطن وزيره الصحه ... السيده- تابيتا بطرس اخر عهدي بها على بعد أميال من منزلنا ... الامر الذي شجع و الدتي في التفكير في هذا الامر... فقلت لها : و الله فكره كويسه ... و انا بساعدك في الطباعه و المنشورات...
قامت و الدتي بقطع الموضوع من الجريده ... و طبقته بعنايه فايقه .. و أنا أراقبها ... و أحسست أن قلبي تعتصره يد من الجليد... و خلدنا الى النوم...
وضعت رأسي على الوساده و انا أقول : مالك يا الكانسر بقيت عايش معانا كده؟؟؟ شكلك داير تبقى حقيقه و لا شنو؟؟
حاشيه:
من الكلمات الصعبه و المؤلمه جدا ... والتي اتذكرها مرارا و تكرارا ... ما قالته والدتي بعد أن علمت بمرضي:
انا اقول افتح مركز سرطان و تراهو معاي في بيتي و انا ما جايبه خبر؟؟؟
| |
|
|
|
|
|
|
|
|
|
Re: خيمة بت الهنا . New Version .. مش بيقولوا توجد؟؟ اذن (توجد تجربه) (Re: ombadda)
|
اخر إحصائيات السرطانات فى الولايات المتحدة. نلاحظ تربع سرطان الثدى فى القمة كأكثر سرطانات النساء شيوعا (192,370) حالة جديدة فى العام 2009 فقط
أرجو ألا تثير كلمة (سرطان) الفزع ..فالسرطان مرض كباقى الأمراض..ودرجة الشفاء الكامل تعتمد على الإكتشاف المبكر للمرض. ومن هنا تأتى أهمية هذا البوست فى تبيان أهمية الكشف المبكر للمرض ليس
بواسطة الطبيب فحسب بل بواسطة المريض..فالمرض يعمل بصمت شديد فى مراحله الأولية...
------------------
الصورة مأخوذة من:
CA
A Cancer Journal for Clinicians
Cancer Statitics 2009
CA Cancer J Clin 2009;59;225-249; originally published online May 27, 2009
| |
|
|
|
|
|
|
| |
وليد عبد اللطيف
نوفل عبد الرحيم حسن
Muna Khugali
سيف الدولة كامل
Abdelrahim Mansour
عبدالعزيز الفاضلابى
Saifeldin Gibreel
الطيب شيقوق
abubakr
هند محمد
abdalla osman
sharnobi
SHIBKA
سيف اليزل برعي البدوي
شمس الدين ساتى
ombadda
فيس بوك
تويتر
انستقرام
يوتيوب
بنتيريست