|
|
|
 Re: معجبى المريخ غير ديل فى منو (Re: عبد الخالق امن الله)
|
Quote: الاخ عصام دهب اللسته دي عايزة مراجعة ...انا بعرف اتنيين فيها ما عندهم علاقة بالمريخ ولا الهلال ...
فلنرفع شعار (لا للعضوية المستجلبة )...وعندي التوثيق على كلامي ....مسجل
|
يا نعمات
روحى اشتكينا فى الاتحاد الافريقى 
| |
 
|
|
|
|
|
|
|
|
Re: معجبى المريخ غير ديل فى منو (Re: على محمد على بشير)
|
Quote: حسين يوسف...سلاااااام
الف حمدلله على السلااااامة مفتقدنك وكثير من عشاق النجمة
والله العظيم ختيت صورة البروفايل دى وكنت عاوزة اكتب دى صورة بروفايل
حسين يوسف ونتمنى نشوفو فى المعمعة دى...
كويس انك جيت .. |
مرحب بيك أستاذة أميرة وكيف حالك ...
معليش منتدى المريخ ماخد وقتنا كلو والله ...
وشرف لينا إنو الصورة عجبتك وهديتها ليك بكل فخر ..
وذكرتيني والله نضيف الأستاذة عفاف لبوست كتبتو
عن الاعلاميات والاعميين الصفوة ..
حيثما يكون الزعيم سنكون يا صفوة ..
تحياتي ...
وصدق من قال:
المريخ عالم جميل ..
| |
|
|
|
|
|
|
|
|
|
Re: معجبى المريخ غير ديل فى منو (Re: على محمد على بشير)
|
Quote: فلنرفع شعار (لا للعضوية المستجلبة )...وعندي التوثيق على كلامي ....مسجل
الكوتش لازم تحرسوا الكيمان زي ناس الانتخابات .... |
نعمات العزيزه
عرفتك من زماااااان صفوة كل شي
لكن الظاهر ما ليك كتير في الكوره
اكيد لما تتكوري بتطلعي فوق وتصلي الخلاصه والزبده والصفوه
.......................
تتكوري ما ليها علاقة بزيادة الوزن
ومشتاقين والله
| |
|
|
|
|
|
|
|
|
|
Re: معجبى المريخ غير ديل فى منو (Re: كمال سالم)
|
وصباح الجمال
لعموم امة مريخ السودان
ونحن في المريخ اخوة
نعشق النجم ونهوي
-----
والله ياكوتش ياصاحب
ورطتك نفسك وجماعتك جنس ورطة
حسع عليك الله زولا عااااااااااااقل
يجي يدخل نفسوا في جحر العقرب.....؟
انا لله
| |
|
|
|
|
|
|
|
|
 Re: معجبى المريخ غير ديل فى منو (Re: haroon diyab)
|
عبد اللطيف سلامات يا ابن الوهاج
| Quote: المفروض تشكرهم بعد كدا النجحو بوستك ناكر الجميل ! |
برغم الهكر و العضويه المستجلبه ولكن و للحقيقه
تشرفت بمرور اصدقائى من قبيلة الاحمر الوهاج
وايضا كانت فرصه طيبه على التعرف بآخرين
واتمنى من الذين لم يمروا من هنا
المرور من اجل الغزل و الدلال
فى المريخ عشقهم ، ولاتعرف انا
عنهم من قريب و اتبين ايهما
يصلح لكى نعمل معه ليعود الى
الرشد الجميل ويذهب مع الجماعات
الى حيث المنتهى و الحب الاخير ........
وراجعين
| |
|
|
|
|
|
|
|
|
|
Re: معجبى المريخ غير ديل فى منو (Re: Elmosley)
|
ويبقى المريخ الفريق السوداني الوحيد الذي ادخل كاسا من خارج الحدود
.............
فهل يفعلها الهلال هذه المرة ؟
لا اعتقد فهذه البطولات لا تعترف بفلسفة الصدفة.
.......
مازدا كان عملاقا وهو لاعب اما مدرب فلا ارجو ان يبحث
المريخ له عن مدرب ومساعدين للمدرب .
| |
|
|
|
|
|
|
|
|
|
Re: معجبى المريخ غير ديل فى منو (Re: نيازي مصطفى)
|
شفت كيف ياطارق يا ما كوتش ؟
شفت كيف المريخ وطني كيف؟
..
..
..
..
..
..
..
..
..
..
..
..
..
..
..
..
اداكم تلاتة نقاط وطنية منه..
بجد المريخ كبير ..
وكل دا عشان السودان ..
وعشان فريقكم يمشي ..
اها اعملو حاجة ..
_______________________________
احد مشجعي المريخ (صفوة ياناس )
| |
|
|
|
|
|
|
|
|
 Re: معجبى المريخ غير ديل فى منو (Re: ناصر جبريل)
|
استاذنا الموصلى سلامات يا رائع
Quote: شاهدت انتصارات الهلال علي المريخ وشاهدت انتصارات المريخ علي الهلال مرارا
لكن البسو فيهو الهلالاب هنا بيشوه صورة الهلال العظيمه للما بيعرف كوره
وكآنو الهلال ينتصر للمره الاولي علي المريخ
|
وايضا نحن شهدنا و انتصرنا الهلال على المريخ و المريخ على الهلال وفعلا كرة قدم لكن
- مباراة 11 من سبتمبر مباراة ذات طعم خاص و ذكرى لانها لن تتكرر كثيرا و قد لا تتكرر
مطلقا حيث انها الاولى فى بطولة افريقيا الكبرى و باشراف الاتحاد الافريقى ... لن تنسى للفريقين
مثل كاسات الدهب طرف قاقا و الدحيش و حلاوه مولد طرف جكسا و جوبا سامى عز الدين و الدوحه والى الدين
وكورة زيكو لما شال الكره و كاس الصحة طرف الرياضه الجماهيريه ولكنها تتفوق عليهم جميعا لانها رسميه
وافريقيه وبشهادة العالمين الاوسط و الاقصى
+ سبقتها شكاوى مزعومه خارجيا من جهات مريخيه لعرقلة مسيرة الهلال
+ فرح مشروع ياخى امكن زائد شويه للنقاط المذكوره اعلاه و التعبير
عن الفرح برضو حته نسبيه ولا يمكن التحكم فيه احيانا لان اصابع
اليد ما ذى بعض برغم احيانا بيخرج من المألوف لكن تأكد بنية
المناكفه وخصوصا اى بيت سودانى فيه الهلالابى و المريخابى
وتأكد الاحترام موجود وانا شخصيا اعز اصدقائى مريخابى موت
واصغر ااشقائى مريخابى على السكين والدنيا لاتحلى بدون
وجود المريخاب و الهلالاب معا وفى حوش واحد مثل حوش بكرى
+ انتشار النت والمحطات التلفزيونيه العالميه و المنتديات وفى السابق كان الاعلام حكرا
على صحيفتى الايام و الصحافه ساهم ليعبر اكبر قطاع ممكن وده برضو ظهر جليا عزيزى
الموصلى برضو السنه الفاتت لما المريخ فاز بالممتاز بعد 5 متواليات و ممكن ترجع
لارشيف سودانيز اونلاين لتتأكد
Quote: ملحوظه هم وينهم اللاعبين السودانيين وسط الجوطه دي
ياحليل جكسا وصديق منزول والدحيش
وياحليل برعي احمد البشير ودكتور كمال عبد الوهاب وابراهومه الاصلي
قال كوره سودانيه قال
اسامي كلها اسبيرات عربات وما اليه
مع الاعتذار لهم |
انا لا اتفق معاك حيث اننى معاصر وبدرجه كبيره لتلك الاجيال
مرور بالاجيال التى اتت بعد ذلك حتى الاجيال الحاليه
وفى كل جيل هنالك لاعبيه
مثلا جيل جكسا كما ذكرت
ثم النقر و سامى عز الدين
ثم حامد بريمه و هلال 87
ثم والى الدين
الى الجيل الحالى > هيثم و رفقائه والعجب رفقائه
مع وضع نقطه مهمه الكره زمان مفتوحه و المهاجمين قدر المدافعين 424
لكن اليوم لامساحه لازمن مع تغيير كامل فى خطط اللعب وده على مستوى العالم
احتراماتى
| |
|
|
|
|
|
|
|
|
|
Re: معجبى المريخ غير ديل فى منو (Re: طارق الكوتش)
|
Quote:
وايضا نحن شهدنا و انتصرنا الهلال على المريخ و المريخ على الهلال وفعلا كرة قدم لكن
- مباراة 11 من سبتمبر مباراة ذات طعم خاص و ذكرى لانها لن تتكرر كثيرا و قد لا تتكرر
مطلقا حيث انها الاولى فى بطولة افريقيا الكبرى و باشراف الاتحاد الافريقى |
اتاريك عجيز زينا ها ها ها
ياخي مش كفايه زمان خطفتو ود خالي
عز الدين الدحيش من اشبال المريخ
هسع عليك الله دكتور كمال عبد الوهاب (النحة) نجيب زيو من وين؟
كان ما اهتمينا بالاشبال وجبنا ليهم الخبيرين واديناهم قروش كويسه
تعرف ياكوتش المكاواه حلوه ولذيذه
لكن الشتيمه ونقل مايدور في الاستادات للنت
ماهو الا قصور
اقولها
اتمني ان يفوز الهلال بالبطوله وهذا لي فخر كسوداني اولا ومريخابي ثانيا
والبطوله الافريقيه ماجديده علي المريخ
واتمني ان يلحق الهلال به فتشتعل المنافسه
وتستقر البطولة بالسودان
------------
انا لعبت كوره لغاية ليق الخرطوم خلي بالك
وده كان ايام غناي بالرق
ولقيت الوتر احسن عشان كواريكم دي
| |
|
|
|
|
|
|
|
|
|
Re: معجبى المريخ غير ديل فى منو (Re: Elmosley)
|
Quote: انا لعبت كوره لغاية ليق الخرطوم خلي بالك
وده كان ايام غناي بالرق
ولقيت الوتر احسن عشان كواريكم دي |
اختيارك كان صاح.. وإلا كنت في خبر كان.. أو امات طه في رواية أخرى
تحياتي
| |
|
|
|
|
|
|
|
|
 Re: معجبى المريخ غير ديل فى منو (Re: Abdlaziz Eisa)
|
| Quote: الليله وووووووووووووب |
عليك الله ياكوتش كل ما الهلال ينتصر ارفع لينا البوست دا
ينوبك ثواب...
لانو لو مارفعتو ما كان استمتعنا بونسة الموصلى وعبدالعزيز دى ...
والله ما قايلة المريخ دا موجعكم قدر دا ...
| |
|
|
|
|
|
|
|
|
 Re: معجبى المريخ غير ديل فى منو (Re: Elmosley)
|
محمد ابراهيم الشهير بحموده سلامات
Quote: اداكم تلاتة نقاط وطنية منه..
بجد المريخ كبير .. |
شكرا يا مريخ يا كبير
شكرا حموده يا مبدع ...
وكل سنه وانت طيب
بس فى ناس قالوا من
مازدا
وناس قالوا
الحجاب
وآخرين
وارقو
ومجموعه قالوا
المطره ماجات و اللاعبين كانوا لابسين احذية مطر
ومجلس الاداره قال
الاعلام المريخى السلبى
والاعلام قال
ضعف المجلس الحالى
وآخرين قالوا
الحكم
وناس تانين قالوا
كلو من كليتشى لو جاب قونو داك
وآخرين قالوا
ياحليل اكرم
نحن الهلالاب نصدق منو ؟
| |
|
|
|
|
|
|
|
|
 Re: معجبى المريخ غير ديل فى منو (Re: طارق الكوتش)
|
اسامه الكرور كل سنه وانت طيب
| Quote: أنا ما من المعجبين .. أنا من العاشقين للنجمه |
اهداء الى اسامه الكرور هذا البيت الشعرى النادر
والذى ردده و تغنى به العملاق صلاح بن الباديه :
وبكى المساء الوردي وارتعشت كل النجوم عشية السبت
مناسبة هذا البيت الشعرى للفائده العامه:
كان الشاعر جالس فى امان الله يتناول عصير البرتقال باحدى
كافتريات شارع العرضه ولحظتها بدأت السماء تتلبد بالغيوم
والرعده من كل الاتجاهات وبكت السماء فى ذلك المساء الوريدى
وبدأت السيول تأتى من جميع الشوارع وتوقفت السيارات بعامل
الوحل فى مياه الامطار وكانت التايوتا الكامرى و الاتوز و النيسان
والبيجو و الهوندا و الهونداى من الضحايا... وبعد قليل قطع الارسال
التلفزيونى ارساله لازاعة البيان التالى من والى الولايه:
الى جماهير الشعب السودانى فى اى مكان السلام عليكم و رمضان كريم
نفيدكم بالآتى :
1- انقلاب عربه مازدا بسبب الرعده وقبل هطول الامطار بمقبرة امدرمان الرئيسيه
2- وجود ركشه عالقه فى السماء من شدة الريح و العواصف الهوائيه
3- تلك الاوضاع ساهمت فى ارتعاش النجوم فى تلك الليلة الحزينه
انتهى البيان وعاد التلفزيون السودانى فى بث المسلسل اليومى :
انف و ثلاثة عيون بطولة عمر الحريرى ........................
ولحظتها اتت لذلك الشاعر العملاق بيوت الافكار و نظم ذلك البيت الشعرى
من داخل الكافتريا بعد ان طلب كوب آخر من عصير الموز بدلا من كوب البرتقال
والذى ارتعش و سقط فى الارض من صوت الرعده
| |
|
|
|
|
|
|
|
|
|
Re: معجبى المريخ غير ديل فى منو (Re: طارق الكوتش)
|
الموصلى كل سنه وانت طيب
كل سنه و الغناء والموسيقى السودانيه بالف خير
Quote: هسع عليك الله دكتور كمال عبد الوهاب (النحة) نجيب زيو من وين؟
كان ما اهتمينا بالاشبال وجبنا ليهم الخبيرين واديناهم قروش كويسه |
اتفق معك 100 ال 100 يجب الاهتمام بالمراحل السنيه و الدورات المدرسيه
وذلك بمساهمة الدوله على الصعيدين المادى و التربوى وباشراف الاتحاد العام
Quote: تعرف ياكوتش المكاواه حلوه ولذيذه
لكن الشتيمه ونقل مايدور في الاستادات للنت
ماهو الا قصور |
وبرضو اوافقك رغم اختلاف الآراء .. فالذى يراه مناكفه قد يراه البعض تجريح
ولكن فى كل الاوضاع يجب البعد عن ذكر خصوصيات الناس ، ونهتم ايضا
بالقضايا الرياضيه التى تساهم فى تقدم الرياضه
Quote: اتمني ان يفوز الهلال بالبطوله وهذا لي فخر كسوداني اولا ومريخابي ثانيا
|
تشكر على هذا الشعور ....
ونتمنى للمريخ ان يعيد قوته ...
فقوة المريخ تعنى قوة الهلال و العكس صحيح > ويقوى التنافس و تتحقق البطولات الخارجيه
وانا هنا اتذكر عندما وصل الهلال نهائى الابطال الافريقيه 87 مما زاد من عزيمة المريخ فاحرز كاس الكوؤس الافريقيه 89
| |
|
|
|
|
|
|
|
|
|
Re: معجبى المريخ غير ديل فى منو (Re: طارق الكوتش)
|
طارق الكوتش .. الفرحان و ما مصدق حتى اللحظة إنتصار الهلال على المريخ
قريت ليك عنوان بوست بتجمع فيه أقوال المريخاب قبل المباراة ..
حينما إنزوى الهلالاب خوفاً و رعباً و أنت أولهم !.
وتعددت بوستاتك و مداخلاتك عقب الإنتصار ..
وفيها شعر وخيال قصصى كمان!
ينوبك ثواب أرصدها لينا يا فرحان .. لأنها بتعمل ليها كتاب!
و شايفك بترصد متهكماً فى ما قاله ناس عن أسباب هزيمة المريخ
ليه نسيت الحكم الظالم.. والطرد الجائر للباشا .. ولا دى مزعجة ليك
لم تطاوعك نفسك وفرحتك على كتابتها .. ولأنها حقيقه لا تحتمل التهكم
.. برضو رمضان والصيام ليهو فوائده!!!
وزى ما قال ليك الموصلى هى وينا الكورة .. الفرحان ليها لى هسة!
| |
|
|
|
|
|
|
|
|
|
Re: معجبى المريخ غير ديل فى منو (Re: نادر الفضلى)
|
بت الشيخ كل سنه و انت طيبه
كيفك و كيف اخبارك
Quote: عليك الله ياكوتش كل ما الهلال ينتصر ارفع لينا البوست دا
ينوبك ثواب...
لانو لو مارفعتو ما كان استمتعنا بونسة الموصلى وعبدالعزيز دى ... |
حااااااضر بس مع شوية تعديل > كل ما المريخ ينهزم لان الهلال لا دخل له بهذا
البوست > البوست عشان المريخاب فقط وممكن ترجعى للمداخلات الاولى لتتأكدى
ويظهر الموسم الحالى حنستمتع سويا بونسات الموصلى و عبد العزيز لا الهزائم
قادمه ذى المطر
| Quote: والله ما قايلة المريخ دا موجعكم قدر دا ... |
وانا ذاتى ما قائل المريخ مزعلكم قدر كده
بس تعرفى لايحلو الفرح الا بهزيمة المريخ
فما بالك اذا كانت بالتلاته ومن تلاته
تخريمه
اودعكم افارقكم لا لا لا انا مابقدر
دموع بتغطى عينى لكن آه آآآآآآآه
تخريمه تانيه
حمام الوالى يا راحل
تخريمه تالته
طيرى يا طياره طيرى
| |
|
|
|
|
|
|
|
|
 Re: معجبى المريخ غير ديل فى منو (Re: طارق الكوتش)
|
نادر يا فضلى سلامات
وكل سنه وانت طيب
| Quote: طارق الكوتش .. الفرحان و ما مصدق حتى اللحظة إنتصار الهلال على المريخ |
فرحان قدر زعلك وده عشان
- انتصار الهلال على المريخ
- مباراة تاريخيه وتحت اشراف الاتحاد الافريقى
- صعود الهلال للمربع الذهبى
- احتلال المريخ للمركز الطيش بأمر الهلال
لكن يا نادر اذا اعتبرت المريخ فريق عادى فهنا لك حق و مليون حق
ولكنى انا طارق الكوتش احترم المريخ واصفه حتى الآن بالفريق
الكبير .... والهلال انتصر على فريق كبير > عشان كده انا فرحان
بالاضافه للاسباب المذكوره اعلاه
Quote: قريت ليك عنوان بوست بتجمع فيه أقوال المريخاب قبل المباراة ..
حينما إنزوى الهلالاب خوفاً و رعباً و أنت أولهم !. |
اظن ابسط انواع الحريات اكتب وقت ما اشاء و شكرا للمريخ الذى اتاح
لى هذه الفرصه .... علما يمكنك ان تبحث فى هذا المنبر لتتعرف
ماذا كتب طارق الكوتش قبل لقاء القمه الاخير وعلى سبيل المثال
وليس الحصر هذا البوست > بعد فشل اغراض و اهداف الشكوى للنيل منه ، ما هو المطلو...رفقائه اسياد البلد
Quote: وتعددت بوستاتك و مداخلاتك عقب الإنتصار ..
وفيها شعر وخيال قصصى كمان!
ينوبك ثواب أرصدها لينا يا فرحان .. لأنها بتعمل ليها كتاب |
حيحصل بس خليك قريب يا زعلان
Quote: و شايفك بترصد متهكماً فى ما قاله ناس عن أسباب هزيمة المريخ
ليه نسيت الحكم الظالم.. والطرد الجائر للباشا .. ولا دى مزعجة ليك
لم تطاوعك نفسك وفرحتك على كتابتها .. ولأنها حقيقه لا تحتمل التهكم |
ذكرتها وارجع للمداخله يظهر ال 3 خلتكم تشوفوا الحاجات سبعه سبعه
على العموم نقصها و نلونها و نجيبها نلصقها نحن ما ورانا حاجه غيركم
Quote: بس فى ناس قالوا من
مازدا
وناس قالوا
الحجاب
وآخرين
وارقو
ومجموعه قالوا
المطره ماجات و اللاعبين كانوا لابسين احذية مطر
ومجلس الاداره قال
الاعلام المريخى السلبى
والاعلام قال
ضعف المجلس الحالى
وآخرين قالوا
الحكم
وناس تانين قالوا
كلو من كليتشى لو جاب قونو داك
وآخرين قالوا
ياحليل اكرم |
| Quote: وزى ما قال ليك الموصلى هى وينا الكورة .. الفرحان ليها لى هسة! |
احترامات لك و للموصلى والاخ الفنان الموصلى رديت ليهو على انغام حققنا احلامنا
اما انت فسوف ارد ليك على انغام اسفاى واردد بعد ذلك مع الاطفال >
طيرى يا طياره وطييييرى
قولى لمازدا فى بلد الغربه
بتك صفوه صغرت حبه
وطيرى يا طياره طيرى
| |
|
|
|
|
|
|
|
|
|
Re: معجبى المريخ غير ديل فى منو (Re: Abdlaziz Eisa)
|
ماعارف لكن ايدي حارقاني علي عنوان البوست
في فرق كبير بين معجب ومنتمي
المريخ انــتــمـــــاء
متوكر في مسارب الروح
في انتجين الشوف
وجوة الجوف
ساكن الحس
نبيل
وأصيل
ولو ماكنت من زي ديل
وا أسفاي
نورالهادي
| |
|
|
|
|
|
|
|
|
|
Re: معجبى المريخ غير ديل فى منو (Re: nourelhadi awad)
|
Quote: ماعارف لكن ايدي حارقاني علي عنوان البوست
في فرق كبير بين معجب ومنتمي
المريخ انــتــمـــــاء
متوكر في مسارب الروح
في انتجين الشوف
وجوة الجوف
ساكن الحس
نبيل
وأصيل
ولو ماكنت من زي ديل
وا أسفاي
|
لله درك يا نور الهادي..
كل عام وانت بألف خير
| |
|
|
|
|
|
|
|
|
|
Re: معجبى المريخ غير ديل فى منو (Re: طارق الكوتش)
|
الاخ على مزمل شكرا لرفعك هذا البوست
بس تعبت شديد لحدى ما لقيت مداخلتك
عموما حاطلب من بكرى باستمرار هذا
البوست فى الربع القادم ... احتياطيا
اكتب لاننى قد لا استطيع ان اكتب مره
اخرى فى هذا البوست اذا تأرشف ....
اكتب لاشكر معشر المريخاب الرائعون الذين
تشرفت بمعرفتهم وهم يمرون من هنا و عثرت
فى هذا العمر على بعض الاصدقاء منهم ....
واتمنى ان تدوم المعرفه بكل الود والاحترام
برغم الاختلاف اللونى والذى لا يحلو الا اذا كان خليط من
الاحمر و الازرق .... ولا ازيع سرا اذ قلت ان كل اصدقائى من دنيا
كرة القدم بلونيها الاحمر قبل الازرق ............................
شكرا للعزيز هارون دياب
شكرا الاخ وليد الشفت
شكرا الاخت العزيزه اميره بت الشيخ
شكرا الصديق د الصادق
شكرا الاخ الفاضل نادر الفضلى
شكرا الرائع عبد العزيز
شكرا استاذنا الموصلى
شكرا انور التكينه
شكرا مجدى القرشى
شكرا صديق الموج
شكرا منال
شكرا عصام دهب
شكرا كوستا
شكرا الزول زاتو
شكرا حبيب نوره
شكرا على محمد
شكرا نوفل عبد الرحيم
شكرا الدفعه الزنجى
شكرا للفرده محمد ابراهيم حموده
شكرا لكل المريخاب الذين مروا من هنا
والعفو و العافيه
مع كامل التقدير و الامتنان
طارق احمد عبد الحفيظ
وده تلفونى 00971504853878
وده ايميلى [email protected]
| |
|
|
|
|
|
|
|
|
|
Re: معجبى المريخ غير ديل فى منو (Re: طارق الكوتش)
|
Quote: اكتب لاشكر معشر المريخاب الرائعون الذين
تشرفت بمعرفتهم وهم يمرون من هنا و عثرت
فى هذا العمر على بعض الاصدقاء منهم ....
واتمنى ان تدوم المعرفه بكل الود والاحترام
برغم الاختلاف اللونى والذى لا يحلو الا اذا كان خليط من
الاحمر و الازرق .... ولا ازيع سرا اذ قلت ان كل اصدقائى من دنيا
كرة القدم بلونيها الاحمر قبل الازرق |
عشان تامن وتقتنع وما تهبش ساي من طرف... قلت لي الكلام في نهاية البوست بقي غير كان بكون جميل في بداية البوست كلامك دا
| |
|
|
|
|
|
|
|
|
|
Re: معجبى المريخ غير ديل فى منو (Re: Elkalakla_sanga3at)
|
سبحان مغير الأحوال يا كوتش، بديت بوستك بي لهجة:
Quote: عشان نفرز الكيمان
ونحسب النسب المئويه |
و ردت عليك الصفوة أميرة الشيخ
شايفك زغت من مسألة حساب النسبة المئوية دي و بقيت في آخر البوست
Quote: قبل الارشفه بـ 24 ساعه
لكل المريخاب الذين مروا
من هنا > تشكراااااااات
والعفو و العافيه |
و كان رد الصفوة نيازي:
| Quote: عشان تامن وتقتنع وما تهبش ساي من طرف... قلت لي الكلام في نهاية البوست بقي غير كان بكون جميل في بداية البوست كلامك دا |
ودي الارشيف يا اخوي و ما تهابش ساي خليك مباري:
| Quote: تجار العيش فى حي العرب امدرمان |
و انساك من:
| |
|
|
|
|
|
|
|
|
|
Re: معجبى المريخ غير ديل فى منو (Re: سامي صلاح محمد)
|
Quote: شكرا للعزيز هارون دياب
شكرا الاخ وليد الشفت
شكرا الاخت العزيزه اميره بت الشيخ
شكرا الصديق د الصادق
شكرا الاخ الفاضل نادر الفضلى
شكرا الرائع عبد العزيز
شكرا استاذنا الموصلى
شكرا انور التكينه
شكرا مجدى القرشى
شكرا صديق الموج
شكرا منال
شكرا عصام دهب
شكرا كوستا
شكرا الزول زاتو
شكرا حبيب نوره
شكرا على محمد
شكرا نوفل عبد الرحيم
شكرا الدفعه الزنجى
شكرا للفرده محمد ابراهيم حموده
شكرا لكل المريخاب الذين مروا من هنا
والعفو و العافيه |
حبيبنا يا كوتش
بالله مع القائمة الرايعة دي في داعي تشجع ليك فريق آخر غير الزعيم الأحمر القاني؟
وكل ارشفة و مريخاب البورد وهلالابه بالف خير
وليك التحية الخاصة يا طارق
ابن المريخ(من عمر سنتين)
ود الشيخ
| |
|
|
|
|
|
|
| |
تاج السر محمد حامد
علي مزمل
على محمد على بشير
حسين يوسف احمد
عبداللطيف حسن علي
نوفل عبد الرحيم حسن
كمال سالم
haroon diyab
ابراهيم محمد الحسن
Elmosley
نيازي مصطفى
Mohammed Ibrahim Othman
ناصر جبريل
معتصم عيدروس
أسامه الكرور
Abdlaziz Eisa
نيازي عبدالله مرحوم احمد
Elkalakla_sanga3at
MOHAMMED ELSHEIKH
فيس بوك
تويتر
انستقرام
يوتيوب
بنتيريست