كتب الكاتب الفاتح جبرا المتوفرة بمعرض الدوحة
|
Re: بورتــسودان جمـال يتـجلى وسحر لا يٌقاوم !!! (Re: haroon diyab)
|
الاخ حسين عوضاى صباحك سعيد ياخى خجيتنى خجة تاريخية من الصباح ما قادر اتفك منها لغاية حس اجمل سنين عمرى كانت من 84-90 -حى الاقاريق مقابل بيت عبدو ربه -بورتسودان الاميرية -البحر الاحمر الثانوية -حلوت -كيلو 8 -اربعات -ديم المدينة -سلالاب -هاشم ادريس على نور -يسن غلام -عمر صالح صابر -خالد على عبد الله لبن -ديم موسى -كوريا -فندق بوهين -عصام على دهب -النادى العالمى -راس السنة -نادى هيئة الموانى البحرية -نادى سودان لاين -الشطرنج واسامه هاشم -فريق الملاعين فى الشطرنج
ياخى هيجت على حاجات كتيرة لما خرمت وقلت حرم اجازة شهر خمسة اكون بهناك واتمنى اقدر
وما يفوتنى -الباشا احمد ادريس على نور
ياخى تشكر على البوست الجميل دا واتمنى يريحنا من الطمام شوية
هشام كمال (شدو)
| |
|
|
|
|
|
|
Re: بورتــسودان جمـال يتـجلى وسحر لا يٌقاوم !!! (Re: هشام كمال)
|
Quote: -سلالاب -هاشم ادريس على نور -يسن غلام -عمر صالح صابر -خالد على عبد الله لبن |
العزيز هشام كمال
تحياتى يا وريف ..
ياخى انتا زكرتا اجمل ناس فى بورتسودان الاحبه عمر وطلال وفيصل صالح صابر والفاضل خالد عبدالله لبن طيب ياخى معقوله
تنسى الوجهاء دياب وطه سيداحمد والحبيب جدآ ياسر مبارك عبدالله والزول الورده مدثر عبدالحميد باحيدر( حميدو )
وعدى لك بصور اكثر جمالا للمحبوبه بورتسودان .....
كامل احترامى
| |
|
|
|
|
|
|
Re: بورتــسودان جمـال يتـجلى وسحر لا يٌقاوم !!! (Re: حسين عوضاى)
|
رساله من الاستاذ احمد محمود
Quote: أخي العزيز عوضاي المحترم تحية تقدير ومحبة أخي أنا من المداومين علي تصفح سودانيزأونلاين برغم عدم عضويتي فيه وقد لفت نظري ضمن بوستات راقية هذا البوست الذي يتحدث عن بورتسودان فقد زرتها لأول مرة في حياتي في شهر أغسطس 2008 وبالرغم من سخونة ورطوبة الجو ألا إنها أسرتني بجمالها وتفردها زرت معظم مدن السودان ولم أشاهد مدينة بهذا الجمال والنظافة والتخطيط وخصوصا شوارعها الأنيقة وكورنيشها الرائع الذي لايوجد له مثيل في بلادنا.وحركة العمران الناشئة فيها وفوق كل هذا طيبة أهلها وبساطتهم وترحيبهم بالزوار .أحببت أن أكتب لك لكي أشكرك علي هذا البوست وتحياتي لجميع الناس في بورتسودان. أخوك أحمد محمود الدوحة قطر
|
شكرآ اخى أحمد محمود
لك عميق التحايا وكل الود ولتراب بورتسودان الانحناء والتقبيل ....
كن بالف خير
| |
|
|
|
|
|
|
Re: بورتــسودان جمـال يتـجلى وسحر لا يٌقاوم !!! (Re: هشام كمال)
|
Quote: ياخى خجيتنى خجة تاريخية من الصباح ما قادر اتفك منها لغاية حس اجمل سنين عمرى كانت من 84-90
|
الزول الجميل هشام كمال الدين ( شدو) وينك يا زميل الدراسة الشوق كتير لمّن مدفق بهناك
متابع نشاطاتك الحلوه وخاصة مع فرقة ساورا البديعة حقيقى شغل جميل وإبداع فايت الحد
وأتمنى إنك تكون تذكرتني خاصة بعد طول الأيام والسنوات
طبعا الشباب ديل كانوا من دفعتنا هاشم إدريس وعمر صالح صابر وخالد لبن إثنين منهم من الأميرية المتوسطة وبعدين جينا مع بعض فى مدرسة البحر الأحمر غايتو أيام أتمنى إنك تتذكرها
متذكر مين اللى سّماك شدو ومتين كان الكلام ده منتظرك تجي راجع تاني يمكن تكون الذاكرة حديد
| |
|
|
|
|
|
|
Re: بورتــسودان جمـال يتـجلى وسحر لا يٌقاوم !!! (Re: haroon diyab)
|
هارون دياب يا قيافه
تحياتى
عارف يا هارون انا مقيم فى مدينة الخبر وهى مصنفه تانى اجمل مدينه عربيه غايتو الناس ديل التقول الله عماهم من بورتسودان جمال مووووبالغه قعده جنب البحر كده وفنجان جبنه فى يدك والبحر يديك شبال كده تلقى نفسك بقيت الفيتورى ..... تزكر يا هارون الخور الفاصل ما بين ديم مايو وديم النور الخورده كان زمان لو شايل اربجى ما تقطعوا حسا تشيل اسرتك بكل اطمئنان وتمشى على الكورنيش بتاع ديم مايو اناره على كيف كيفك تخطيط على مستوى تنظيم راقى جدآ وفوق ده كلو نظافه ما عاديه ...
والصور حاتحكى ليك روعة المشهد .......
تقديرى
| |
|
|
|
|
|
|
Re: بورتــسودان جمـال يتـجلى وسحر لا يٌقاوم !!! (Re: محمد الكاب)
|
شكرآ استاذنا محمد الكاب
للمرور والاشاده ببورتسودان ...
حقآ يا عزيز بورتسودان الان تعيد سيرتها الاولى من حيث النظافه والجمال بعدما كان الاهمال والتنطيش حالهاوفى سنوات خلت حتى الغربان هجرتها ولم يبقى بها سوى اهلها الذين احبوها واحبتهم وهاهم الان قد رايناهم قد شمروا عن سواعد الجد واصبح لسان حالهم يقول سنعيد سيرتها الاولى وقد كان ... فشكرآ نبيلا الى كل الذين احالوا سنوات الاحباط والاهمال الى جد واجتهاد وهنيئآ لهم بما حققوه وهنيئآلبورتسودان بهؤلاء الابناء البرره ..
تقديرى
| |
|
|
|
|
|
|
Re: بورتــسودان جمـال يتـجلى وسحر لا يٌقاوم !!! (Re: Elmosley)
|
الاخ عوضاى سلامات وتحيةادروبية دبايوا ايتانينا
يؤسفنى جدآ اننى لم انتبه لهذه الدرر الا فى هذا الوقت المتاخر، والمتاخر جدآ الذى يرتبط بارشفة المنبر
ولكن ببوستيك هذا عدت الى الوراء قرابة الخمسة وعشرون عامآ ويا لها من ايام ليتها تعود كنت من قاطنى ديم مدينة ذلك الحى العريق ولاعبآ ببراعم فريق الياقوت
ارجعتنى الذاكرة الى مدرسة الشرقية وعن بعض الاصدقاء هيثم فضل (اشلاق البوليس بالقرب من المنطقة الصناعية على ما اذكر، جارى سيف الدين عثمان وقد(كنا نسكن فى ديم مدينة بالقرب من ملحمة السبع، اتذكرها؟ وبذكر للاخ فريد ابراهيم عبود، هل هو نفسه فريد الذى كنا نلقبه بفريد الاطرش؟ ذلك الفتى المدلل- فى تلك الفترة طبعآ. كان يقطن خلف مدرسة الاميرة على ما اعتقد...يااااااه لم احظى بملاقاته من العام 86 له تحياتى اينما كان واذا كان فريد اخر له التحية ايضآ
شكرآ لك اخى حسين عوضاى وشكرآ لمن اتحفونا بهذه الصور الرائعة
| |
|
|
|
|
|
|
Re: بورتــسودان جمـال يتـجلى وسحر لا يٌقاوم !!! (Re: هيثم درار)
|
هيثم درار يا ولدنا ويا حته مننا منور البوست يااااخ ... نعم هو ذاك يا عزيز فريد ابراهيم عبود بس بينى وبينك عجبتنى الحته بتاعت ( الفتى المدلل دى ) اما الاخ هيثم فضل محمد خير فهو جار واخ عزيز امنياتى ان يكون بخير ... بعدين ياخ انتا ما لقيت الا الكارثه سيف الدين عثمان ما جيرانك كتار تركى ومحمد عبدالمنعم وهرسيس الربوعى وعلى عبدالله عبدربه اوانشاء الله تقول لى جنب عمك عقيل بتاع البطاريات لكن تزكر سيف الدين لاحول الله ..... احكى ليك طرفة سيف الدين مره كان زعلان مع ناس بيتهم بعدين مشى بيت واحد صحبوا المهم لفوا اللف بتاعهم وجو راجعين بالليل والناس نايمه اها سيف الدين كان جعان قال لى صحبو ياخ العشاء صحبوا قال ليهو يا زول ناس البيت ديل ناموا مافى اى طريقه انا اكركب حسا المهم صحبك اكلها ورقد نام قام الصباح متاخر من النوم الظهر قال لى صحبوا الشاى صحبوا قال ليهو يازول ناس البيت ديل شربوا الشاى زماااان ومافى اى طريقه اعمل نايم بس سيف الدين عاين ليهو كده وقال ليهو ياخى صحى الغربه دى حاره يا زول انا راجع بيتنا .......
التحايا لك ولكل من زكرنا
| |
|
|
|
|
|
|
Re: بورتــسودان جمـال يتـجلى وسحر لا يٌقاوم !!! (Re: Elmosley)
|
Quote: حبيبنا حسين بورتسودان ترتبط في ذهني برحلتي الميدانية الي شرق السودان من اجل بحثي للماجستير(تصنيف وتحليل مقامات الموسيقي في شرق وغرب السودان) باعتبارها مادة خام للتآليف الموسيقي مزيد من التعرف بحيدر بورتسودان حيث اكرمني والتلاقي لاول مره بعادل مسلم حيث قال لي حيدر تعال اوريك الزول الفنان ده ووقتها كان صغمبوتي ولابد مع الكي بورد اكبرتها في حيدر وها قد ذاع صيت عادل الذي تغني لي ببلدنا نعلي شانا فاعجبتني عنده
كما تغني لي حيدر بشجر العنب واعجبتني عنده ايضا واجمل مافي بورتسودان اهلها وجارتها سواكن بضبابها الشتوي العجيب |
اووووووووووووه قامتنا واستاذنا ومبدعنا يوسف الموصلى اكوبام وينينا ولوتنينا.... شايف الترحيب والسلام ده يا استاذ ما بنديه لى زول ساى الا العمد والقامات الزيكم ديل ... لك الود لنا الشرف....ونحن نتنسم من شذي حرفك ....
والتحايا النديه نسوقها معك للجميل والاخ العزيز حيدرمحمد عثمان (بورتسودان ) وذو الانامل الذهبيه المبدع عادل مسلم ويا ليتك سمعته وهو يشدو الشوق فاض بى وحيرنى يا عروس البحر الورديه...
شكرآ نديآ لمرورك وتوقيعك ...
دم بالف خير
| |
|
|
|
|
|
|
Re: بورتــسودان جمـال يتـجلى وسحر لا يٌقاوم !!! (Re: حسين عوضاى)
|
Quote: اجمل سنين عمرى كانت من 84-90 -حى الاقاريق مقابل بيت عبدو ربه -بورتسودان الاميرية -البحر الاحمر الثانوية -حلوت -كيلو 8 -اربعات -ديم المدينة -سلالاب -هاشم ادريس على نور -يسن غلام -عمر صالح صابر -خالد على عبد الله لبن -ديم موسى -كوريا -فندق بوهين -عصام على دهب -النادى العالمى
|
يا هشام شدو وفى معيتنا الان الوجيه الحبوب محمد عبدالعزيز بازرعه بدعوه كريمه من الاخوان باسل وياسر عشرى وامنى امانه ان اهديك كميات من الشووووق والتحايا..
| |
|
|
|
|
|
|
Re: بورتــسودان جمـال يتـجلى وسحر لا يٌقاوم !!! (Re: خالد العطا)
|
Quote: حسين عوضاي *** محمد خليل *** اميمة سند *** هارون دياب *** ابوبكر** * انور كنج
والبقية محبي بورسودان
تعالوا
لنحكي زكريات اجمل مدينة |
لبيك ياود العطا
شكرآ لتواجدك يا عزيز واسفى الكثيف لانشغالى طوال هذه الفتره ....
المهم ... صحبك زااااتو ما لامين فيهو ...
| |
|
|
|
|
|
|
Re: بورتــسودان جمـال يتـجلى وسحر لا يٌقاوم !!! (Re: حسين عوضاى)
|
وانتفض المارد الجبار السوكرتا واخرس الالسن برباعيته مع الرأفه واحترامه لحق الجيره
اها يا سانى عاد عندك كلام تانى .. هارون دياب يا جميل مبروووك ومالك مطنش الاربعه دى اربعات مطرانه تب
انا ما حكيت لي زول عن سر هوانا الكان بين الرمال والموج محفور على الوجدان الشوق جبرني ابوح وارطن باحلى لسان حورية ساكنة القيف حبيبتي بورتسودان
حامد الناظر ياخى لكن ما موووبالغه عديل مطلوب حضورك يا وريف
| |
|
|
|
|
|
|
Re: بورتــسودان جمـال يتـجلى وسحر لا يٌقاوم !!! (Re: حسين عوضاى)
|
حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا
| |
|
|
|
|
|
|
Re: بورتــسودان جمـال يتـجلى وسحر لا يٌقاوم !!! (Re: حسين عوضاى)
|
انا ما حكيت لي زول عن سر هوانا الكان بين الرمال والموج محفور على الوجدان الشوق جبرني ابوح وارطن باحلى لسان حورية ساكنة القيف حبيبتي بورتسودان
حسين عوضاي يا زول ياجميل ،، انا والله ما عارف ابدا ليك من وين ؟؟ من الفجر الابتدائية ولا الاميرية المتوسطة ولا البحر الاحمر الثانوية ولا الدورات المدرسية ولا اذاعة بورتسودان ولا اتحاد الادباء والفنانين ولا مرطبات الملتقى ولا مكتبة محفوظ ومكتبة كردفان ولا الكافاب ولا ( حمده - الله فرجو قريب حمده ) ولا ود السارة وجورجيت الاغريقية وموسى قني قني ( اشتاق اليك كاشتياق السودان للبترول واشتياق عائشة فلاتية لمكة ) هاهاهاهاهاها .. موسى ده طبعا كان اظرف مجنون في بورتسودان .. غايتو الذكريات خليها نرجع ليها مرة تانية .. اكمل ليك اللوحة : شايقني فيك محياك وسحرالمسا الجذاب انا عمري ما تمنيت غير القى فيك احباب تعرف حكاويهم رامونا والكافاب غالية وهواك غلاب حبيبتي بورتسودان ****** وليلنا مهما طال تحكيلي واحكيلها كيف جار عليها زمان ومحسودة من جيلها خايل عليها العز واصلو الدلال هيلا ومشتاق اغنيلها حبيبتي بورتسودان ****** يا ريس الهوري لاحت فناراتها ارجوك اسرع بي وديني ساحاتها اشبع سماحة وشوف في ناسها في ذاتها حبيبتي بورتسودان
استاذنا الرائع يوسف الموصلي على ذكر بورتسودان والصديق الرائع عادل مسلم انا لا زلت احتفظ بشريط كاسيت تجيل لحفلة اقمتموها برفقة السمندل في بورتسودان وبالتحديد في نادي القوات المسلحة ( حوض السباحة سابقا ) وانت تتحدث فيه عن عادل مسلم وامكاناته واعتقد كانت المرة الاولى التي تلتقون فيها واذكر انه غنى فيها برفقة السمندل ( قلبي مالو اليوم - حبيبي انا عيان - اسيبك كيف لشقيق السقيد - واكتب رسالة طويلة يا أمي واغنيات اخرى ) بالاضافة طبعا لبعض المقطوعات الموسيقية ،، اكيد تكون متذكر .. العريس ساني ليك وحشة والله ،، وطلباتك في الطريق اليك بس الزميلة سلمى تعود من السودان
ولنا عودة صديقي عوضاي
| |
|
|
|
|
|
|
Re: بورتــسودان جمـال يتـجلى وسحر لا يٌقاوم !!! (Re: حامد الناظر)
|
العزيز جدآ حامد الناظر اكوبام وترودام
جميل ان تولج ابوابنا نافحآ وناثرآ من اناء روحك كل هذا الجمال والعبق .......... ليتك تمنحنا وصال حرفك وانت تدوزن هذه السيمفونيه الجميله لبرؤوت الجمال بورتسودان ..
لك الود ولبورتسودان الاعزاز لانها انجبت امثالكم من يمتهنون نظم الكلام ........
تحايا بعمق البحر الاحمر
| |
|
|
|
|
|
|
Re: بورتــسودان جمـال يتـجلى وسحر لا يٌقاوم !!! (Re: شعبان شريف)
|
العزيز محمد خليل سانى
خالص الود
Quote: متذكر مين اللى سّماك شدو ومتين كان الكلام ده |
حسن سنوكا الله يجازيهو فى الاميريه وقال لى جضومك ذى جضوم شدو المحامى و اعقبها بضحكة ماجنة إتسببت لينا بى 7 جلدات من الاستاذ. اها لقيت الذاكرة كيف؟ خالص الود هشام كمال
| |
|
|
|
|
|
|
Re: بورتــسودان جمـال يتـجلى وسحر لا يٌقاوم !!! (Re: هشام كمال)
|
الاخوة الاعزاء بسأل عن صديقنا المحترم عادل امام لو فى زول عنده خبره.
وعادل امام دا عندوا مشاكل كتيرة مرة عملنا لينا كبة فى مدرسة البحر الاحمر فقام استاذ رسلنا انا وهاشم ادريس وعادل امام للصول بتاع المدرسة ونقول ليهو الاستاذ قال ناخد جلدتين،عادل امام لانو كان واثق من البراءة كان ماشى قدامنا ووصل للصول فقام الصول سألوا إسمك منو فطبيعى عادل قال ليهو اعادل امام فما كان من حضرة الصول إلا ونزل فيهو كف رهيب وقال ليهو كمان بتهظر معاى. زكريات لا تنسى هشام كمال
| |
|
|
|
|
|
|
Re: بورتــسودان جمـال يتـجلى وسحر لا يٌقاوم !!! (Re: هشام كمال)
|
Quote: الاخوة الاعزاء بسأل عن صديقنا المحترم عادل امام لو فى زول عنده خبره.
وعادل امام دا عندوا مشاكل كتيرة مرة عملنا لينا كبة فى مدرسة البحر الاحمر فقام استاذ رسلنا انا وهاشم ادريس وعادل امام للصول بتاع المدرسة ونقول ليهو الاستاذ قال ناخد جلدتين،عادل امام لانو كان واثق من البراءة كان ماشى قدامنا ووصل للصول فقام الصول سألوا إسمك منو فطبيعى عادل قال ليهو اعادل امام فما كان من حضرة الصول إلا ونزل فيهو كف رهيب وقال ليهو كمان بتهظر معاى. زكريات لا تنسى |
سلامات يا زول يا راقي
الحكايه دي كنت حاضرها وبتذّكر تفاصيلها وكانت حكاية بـ تتحاكى حتى الآن
على فكره عادل إمام جاري الآن فى الثوره الجديده مربع 17 هو كان فترة فى السعودية بعد داك ما عارف مشى وين لكن جاييييك بالأخبار والتلفونات كمان بس خليك متابع معانا بـ هنا
| |
|
|
|
|
|
|
Re: بورتــسودان جمـال يتـجلى وسحر لا يٌقاوم !!! (Re: هشام كمال)
|
Quote: حسن سنوكا الله يجازيهو فى الاميريه وقال لى جضومك ذى جضوم شدو المحامى و اعقبها بضحكة ماجنة إتسببت لينا بى |
هشام تحياتنا
بزكر الحبيب الكارثه حسن سنوكاوضحكته الماجنه ايام الجامعه بالخرطوم كنا قاعدين فى الشارع امام منزل العم كوداى بالسوق العربى انا والعزيز ابراهيم كوداى والعزيز عماد فتحى والحبيب هيثم سوكراب المهم بدون اى مقدمات ودواعى ضحك حسن سنوكا ضحكته الشهيره والوقت كان متاخر بالليل وناس النظام العام كانوا مكمنين ليهم فى كمين اعتقد لاحد الاشخاص باحد المكاتب اها سمع الضحكه بتاعته واحد ملقوف من افراد النظام العام وجانا طاير وين البت القاعده معاكم نص الليل دى هنا رد حسن سنوكا للعسكرى اجى يا البت القاعده معاكم دى ضحكنا كلنا من سرعة الرد لحسن سنوكا العسكرى قال ليهو ياخى ما تشد حيلك حسن سنوكا قال ليهو ياخى من كترة ما شادى حيلى لمن انقطع واتحلج زاتو ...
الشوق والود للعزيز حسن سنوكا ولطرائفه البديعه ....
| |
|
|
|
|
|
|
Re: بورتــسودان جمـال يتـجلى وسحر لا يٌقاوم !!! (Re: هشام كمال)
|
الجميل هشام شدو
رمضان كريم وكل سنه وإنت طيب
Quote: حسن سنوكا الله يجازيهو فى الاميريه وقال لى جضومك ذى جضوم شدو المحامى و اعقبها بضحكة ماجنة إتسببت لينا بى 7 جلدات من الاستاذ. اها لقيت الذاكرة كيف؟ |
الذاكرة حديد ما شاء الله عليك بالله لسه متذكر الحاجه دي غايتو إمتحان جديد ليك مين الأستاذ اللى جلدك 7 جلدات؟ ههههههههههههههههههههههههههه أيام جميله إنشاء الله ربنا يجمعنا من تاني
| |
|
|
|
|
|
|
Re: بورتــسودان جمـال يتـجلى وسحر لا يٌقاوم !!! (Re: شعبان شريف)
|
مرحبآ والف مرحب اخونا شعبان شريف وانت تزكر احد احياء بورتسودان العريقه ترانسيت والدريق حيث تحلو السباحة على ذلك الشط الجميل ما اجمل هذا الحى وساكنيه الاحبه مدثر رفعت صالح ضرار وياسر شونه والحبيب جمال سيد على ( الحبشى ) والحبوب ناير محمد عمر ناير وامين وخالد احمد ورائحة المرحوم عبدالباسط احمد عبدربه نادى الدينمو واجتماعيته الانيسه اخى وحبيبى ودفعتى عبدالقادر يحى زكريا هشام يسن عيد وشغبه العجيب البلك وخالد والنجومى على شالاى القامه موسى حسين ضرار والصديق امين محمد على محمد نور و جعفر الشوربجى مغامرات كوتى والخدمه الوطنيه الشفيف ابو الحسن عمر المصرى والصديق موافى عبداللطيف و حسن هولى ومهارته الفائقه فى قيادة الموتوسيكل .....
لهم جميعآ الود ولك الشكر لاستنطاقك هذه الزكريات بصحبة هؤلاء النفر الكرام واسف فقد خانتنى الزاكره من اناس اعزاء ...............
تحياتى
| |
|
|
|
|
|
|
Re: بورتــسودان جمـال يتـجلى وسحر لا يٌقاوم !!! (Re: ماضي ابو العزائم)
|
العزيز ماضى ابو العزائم
رمضان كريم وكل سنه وانت طيب ...
حقآ كما زكرت من اين نبدأ فبورتسودان هى رقصه بجاويه مع سحنه اغريقيه ولهجه جداويه وبيوتات حضرميه
هى الهدندوه هى البنى عامر هى الارتيقه هى الامرار هى البشاريين هى العبابده هى الاتمن هى الاشراف والسواكنيه هى الحباب هى الدناقله هى الشوايقه هى االرباطاب هى البديريه الدهامشه هى الجعليين هى المساليت هى الرزيقات والتعايشه هى التراجم هى النوبه هى المحس هى السكوت هى الحلفاويين هى الدينكا هى النوير هى كل هذه البوتقه الجميله هى هذه اللوحه الانيقه من الود والالفه والتجانس يجمعهم حب بورتسودان يصهرهم فيها
هى حى العرب سوكرتا تلك الاهزوجه المحببه اليها هى الاسيد هى طلب هى فوده هى كبرى وترتار هى القيثاره نبيل الطيب والفولازى محمد الصافى هى نيبه وعلى قلد هى كبيده وعبدالحى هى بشرى وكمال الطاهر هى صديق عيسى هى قبسونى وهؤلاء سوامقها ابراهيم عبده احمد , عبدالله عبدربه , سعيد على حامد ,عثمان سويلم , سعيد بوارث , على ملاح ........... هى الثغر مدرسه هى الطاهر حسيب هى اسامه ادريس هى ضمره هى حسين عبدالحفيظ .. هى الاتحاد وعبدالله اوهاج هى مسعود وحسون .... هى الشبيبه شباب والدار بكى هى قرجى واشول .... هى الترسانه هى الهلال عمر ضو البيت وخميس هى عمر سعد بانقا ومنذر شوش ... فليرحم الله كل من اختاره لجواره ويديم نعمة الصحه لمن تبقى منهم ...
اكيد تقديرى لك
| |
|
|
|
|
|
|
Re: بورتــسودان جمـال يتـجلى وسحر لا يٌقاوم !!! (Re: ابوبكر على)
|
بورسودان
طبيب الاسنان الهندى الشهير مهندرا مهتا و الحلاق الهندى منقة و اولاده و فول سوق هدل الشهير و سويت كورنر و بوابة الكومبيرى (دى بعرفوها اولاد ترانسيت) و الموية الحارة (الملاحة) و صيد السلمانى و الدريق
أجمل منظر لبورسودان و أنت بالقطر النازل من عطبرة, تظهر بورسودان منخفضة جدا مقارنة بالبحر و كنت صغيرا دوما أتسائل مادا رأسى من النافذة ( البحر ليه مابغرق بورسودان؟ ) حينها لم أكن درست كروية الارض بعد
| |
|
|
|
|
|
|
Re: بورتــسودان جمـال يتـجلى وسحر لا يٌقاوم !!! (Re: ابوبكر على)
|
Quote: و فول سوق هدل الشهير و سويت كورنر
|
ااااى انتا عاد العضه دى بتعرف ليها ..
ابوبكر على الزول الورده ياخى ازيك وازيك وازيك يعلم الله شوق ما ليهو حد ..
الشكر اجزله لسودانيز اون لاين التى وهبتنا معرفتك واهدتنا وصالك فلك الود لكريم خصالك وطيب اصلك
ما خاب ظنى ابدآ فيك وفى بورتسودان وانا اقول زول بجمال الروح دى لازم يكون من ( أندينا )
وكل عام وانت ومن تحب بالف الف خير
ودى الاكيد
| |
|
|
|
|
|
|
Re: بورتــسودان جمـال يتـجلى وسحر لا يٌقاوم !!! (Re: حسين عوضاى)
|
مدرسة وسط المدينه النموزجيه احدى منارات بورتسودان التى انجبت وما زالت تنجب النجباء والتحيه والتقدير لكل من كان له الفضل فى ريادتها مدراء ومعلمين وتلاميذ
الاستاذ الفاضل احمد سالم بعشر لك الود ايها السامق الاستاذ حيدر وهو من كان له الفضل فى بناء اول مسرح مدرسى بالولايه الاستاذ السمانى ذو اللكنه النوبيه الاصيله وهو بحق نعم المربى الاستاذ حسين عوض المادح وخفة دمه اللطيفه والرياضى المطبوع بفريق الاتحاد العظيم الاستاذ الفاضل عبدالحميد عازف الاكورديون الماهر وهو من حبب التلاميذ لمادة الرياضيات بلطافته المعهوده الاستاذ الراقى جدآ والمحب لمهنته لحد الادمان حسن خليل الحلفاوى وعند زكر هذا الانسان لابد من الوقوف اجلالا له ولتفانيه .. له كامل الحب وكل الوفاء . الاستاذه امال محمد عبدالله والدة الكل ومكمن الامومه الحنونه لها التقدير وعظيم الامتنان الاستاذه محاسن احمد فؤاد وكفى .... علم من اعلام بورتسودان التعليميه ومناره يٌٌٌٌٌٌٌٌٌٌٌٌٌٌهتدى بها ..
لكم جميعآ ودى وحبى ووفائى واحترامى اللامحدود وهذه مساحه لكل خريجى هذا الصرح العظيم بان يستنطقوا حروفهم وفاء وتقديرآ ............
وسناتى لسرد بقية العقد من الاساتذه الاجلاء ....
| |
|
|
|
|
|
|
|