|
|
|
 Re: أغاني وأغاني.. للقدامى والمستجدين.. (Re: صديق الموج)
|
..
.
| Quote: فرفور ما قصر اتحفنا اليوم بوصلاته ( الكوراكية) |
والله يا مايا صدقت
بس الزول دا اداءه متذبذب مرات كويس ومرات يرفع حنجرتو لمن تسد اضنينك ..
البغيظ .. الرشاقة ..
والحركات انا ما عارف الناس دى مالها بتخفف كدا
من عمنا السر لفرفور ..
غايتو ناذر طلع الرزين فى الجلسة
_________
يا ملاسي لاحظت انه ريماز قلعت الدبلة
ولا ما ما لاحظت .. عشان تأمن ..
نحنا ما بنرمى الكلام فى الهواء 
| |
 
|
|
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
يا بكرى : مالو عمك قايم سدارى كدا؟؟
معانا الشاعر محمد يوسف موسى-امير الاغنية السودانية-
اهلاً بيك يا استاذ محمد .. عمك اتلفت عليهو
وقبل ما الراجل يرد عمك دخل فى الموضوع
طبعاً انت عارف عمك ما داير زول يتكلم غيرو
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
| Quote: معانا الشاعر محمد يوسف موسى-امير الاغنية السودانية- |
صدقت يا حسن سنوسى ،،،
اول حب
ريماز ومنار
اجمل مايميزهم الحفظ وجودة الاداء وتناغم الصوت ....
كنبة الاحتياطى عودونا فى معظم الحلقات بعدم استعمال البخرات الا ماندر ....
حلقة تنبئ بالجمال ....
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
انتوا خلاص فطرتوا و حضرتوا البرنامج ! بختكم نحن فاضل لينا 7 ساعات و شوية على الفطور
المؤسف انه النيل الأزرق ما بتجينا في كندا لكن غايتو استمتعنا بالبرنامج في ال12 يوم الاولانيين
من رمضان لمن كنا في مصر اسه مفتقدين البرنامج ده شديد
عشان كده ادونا تفاصيل الحلقة كاملة , الفنان منو او الشاعر منو و اكتبوا
عن كل المعلومات القيمة البقولا الاستاذ السر قدور عن ضيف الحلقة, كده حنحس انه نحن حضرنا البرنامج معاكم و تكونوا مشكوريين
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
Quote: مسابقة:
في واحد (غيري) عارف اسماء ثنائي النغم |
قرضابي يارائع
بيتكون من زينب + خديجة
ثانئي خطير
ونحن لانعرف تقدير المبدعين ونقف معهم
في محنهم بقدر ما ابدعوا لنا في يوم من الايام
وهم من تغنوا بـ
ست الودع
نار ام بادر ياحليلا
الليله وين لاوين ياعني انا عجبوني كالو العين
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
رغم الاغاني الجميلة التي تم تقديمها في الحلقة
لكن للامانة
فرفور زودها كتير شديد
وكما سماها الاخ تبلدينا ( الرشاقة ) الزايدة دي يوم حتكتل زول
فرفور ده المضحكه قدر كدا شنو لدرجة البكا والدموع؟؟ وليه التركيز على الفرفرة والرشاقة الشديدة من جانب الكاميرا!!
في نص الحلقة هروبا من تلك الفرفرة حولت على قناة نايل سينما وشفت جزء برنامج جذور عمر الشريف لعل وعسى ترتاح المرارة قليلا
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: وليد عبد اللطيف)
|
Quote: وهم من تغنوا بـ
ست الودع
نار ام بادر ياحليلا
الليله وين لاوين ياعني انا عجبوني كالو العين |
وست الودع هنا غير ست الودع بتاعت عبدالله البيعيو
كان من كلمات تلك الأغنية:
يا ست الودع أرمي الودع
وشوفي اللي كان
عاش منخدع
يااا ست الودع
أرمي الودع
وشوفي اللي غاب
ولينا ما
عامل حساب
لا سأل يوم ولا اسنجاب
كأنو لا شاف لا سمع
أرمي الودع
وكشكشيهو
شوفي أية
بالله فيهو
لو قلتي برجع زي زمان
بديك بياض
يا ست الودع
ولهن أغنيات كثيرة
فهم من تغني بسايق العظمة( قبل الراحل عبد العظيم حركة)
والعاجكو
وانا غيرك ما حبيت يا حبيبي
ان متا ذنبي عليك
وبنحب بعض
ومن أجمل اغنياتهم:
أنا ما اتغيرتا وما اتنكرتا ليك
مانسيت الريدة
وما ضنيت عليك
واغنيات كثيرة أخري
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: ALGARADABI)
|
انتو يا ناس الشمار كاتلكم ولا شنو ،، بى ضحك فرفور و الدموع دي ،،،
////////
على كل ،، الحلقة ما بطالة ،، لانها اخر حلقة امكن احضرها وذلك لسفري الى
الاراضى المقدسة ،، ،،
صلاح ابن البادية صوت لا يعلو عليه ،، ياريت عاصم وفرفور كانو يشوفو ليهم اغانى
تانى ،، لانه الاداء كان ضعيف ،،
اجمل مافى الحلقة الثنائ ريماز ومنار ،،،
عصام اهو يعنى ،، ما بطال ،،،
شباب العفو والعافية وكل سنة وانتو طيبين ،،
وربنا يجمعنا السنة الجاية ويكون البرنامج احلى واجمل واطعم من كدا ،،
احى نجوم الغد فى هذا البرنامج لى الاداء الجيد والحفظ الممتاز والمظهر الحسن
واحى الكتيبة المناضلة من سنة 2006 ،، ونتمنى منهم التجويد اذا كان فى دورة تانى
فى رمضان القادم ،،،
تحياتى لكم جميعا ،،،
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: ودالعباسية)
|
Quote: على كل ،، الحلقة ما بطالة ،، لانها اخر حلقة امكن احضرها وذلك لسفري الى
الاراضى المقدسة ،، ،، |
فلقد امتعناك ثلاث اسابيع بلوشي سااي صورة وتعليقات وكمان صوت فلذا رد الدين بدعوات صادقات لنا من هناك ..
وان امد الله في الاجال سنلتقي
___________
ما تنسي الكمامة ...
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: mohmmed said ahmed)
|
اختيار فرفور لفات الاوان كان يتناسب مع امكانيات فرفور الكوراكية
كان ممكن يكورك بي راحتو لو اختار الجزء من الأغنية البقول:
الله
الله
الله لحبي الاندثر
يوم ما ظهر
ما ضاق شباب
الله لقلبي الاحترق
يوم انفتح للجنة باب
الله لشمعات انطفن
يوم الظلام بالفرحة داب
الله لعمري الانتهههههههههي
يوم مابديت أحسب حساب
وقووووووووول
قول الوداع فات الأوان
ياريتو فات قبل الأوان
بس ما اختار الجزء ده
وضيع فرصة جيدة للكواريك
انسب اغنية تلائم امكانيات فرفور الكوراكية من أغاني ابن البادية هي سال من شعرها الذهب
بس ما كان ممكن يغنيها
لأنها كلمات أبو آمنة حامد
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: mohmmed said ahmed)
|
السلام عليكم
......
حلقة مميزة أخرى
لا أعرف ماهية ارتباط الحلقات المميزة بوجود الضيوف
ناس البرنامج ديل
بقوا زي سيدات السودان
في الأيام العادية شيء
ولما يكون في ضيوف ولّ مناسبة (إن شاء الله بيت بكا)
يجوك على سِنكة عشرة
..
منار وريماز
ثنائي قادم بقوة
لم يخيبن ظننا
وظن الأستاذ محمد يوسف موسى
.....
فات الأوان
اتحسر وأقووووول ليه عرفتك من زمان
يا فرفور صوتك خانك عديل كدي
يخيل لي بسبب عدم التركيز
مالك ومال أغاني إبن البادية الصعبة دي
.....
عصام محمد نور ابدع في أغنية وردي
وليهو حق وردي زاتو يشيد بيهو
(لو بتذكرو في حلقة حسن ساتي الله يرحمو)
...
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: الزوول)
|
السلام عليكم
......
من المواقف الطريفة
مرة كنت بشاهد في حلقة من برنامج أغنيات من البرامج
تقديم المذيع الرائع (شيبة الحمد )
وكانت الأغنية لثنائي النغم
وعمك شيبة الحمد ده لسانو انعقد
قدر ما داير يقول ثنائي النغم
تطلع ثنائي الغنم
المشكلة البرنامج كان على الهواء مباشرة
..
يا ربي
فرفور اتذكر الحلقة ديك؟؟؟
.....
| |
|
|
|
|
|
|
|
|
 Re: أغاني وأغاني.. للقدامى والمستجدين.. (Re: SHIBKA)
|
Quote: بالنسبة لافراح دي
قطع شك زول جاب ليها طاقة ستان احمر وقال ليها اتصرفي
وقامت طوالي اتصرفت |
يا اخواني شبكةدي ذاااتة حاقدة
زي ناس وجن ودانيا وسارة كرودي
وباقي المعارضة
ياخي سيتان احمر
الهلال الاحمر
إنتي مالك
كدة عاجباااااانا في شنو
الزولة دي أختيها ياخ
كرهتونا
| |
|
|
|
|
|
|
|
|
 Re: أغاني وأغاني.. للقدامى والمستجدين.. (Re: SHIBKA)
|
Quote: حبيب نورة
والله هي الكرهتنا الستان الاحمر |
ما بسألك يا شبكة
البت عملت ليكن نفسيات
وسويتن معاها حساسيات
السؤال
دة عدم إمكانيات
واللا الأعمال بالنيات
يختي أحلا سيتان و أحلا فستان
الكريم يدي والحسود زعلان
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
الزول
Quote: وكانت الأغنية لثنائي النغم
وعمك شيبة الحمد ده لسانو انعقد
قدر ما داير يقول ثنائي النغم
تطلع ثنائي الغنم
المشكلة البرنامج كان على الهواء مباشرة
..
يا ربي
فرفور اتذكر الحلقة ديك؟؟؟ |
لووووووووووووووووووووول
_
(أمنطق) تحليل لضحكة فرفور الهستيرية اليوم.
الله يجعل أيامكـ كلها باسمة.
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: فيصل نوبي)
|
Quote: الله
الله
الله لحبي الاندثر
يوم ما ظهر
ما ضاق شباب
الله لقلبي الاحترق
يوم انفتح للجنة باب
الله لشمعات انطفن
يوم الظلام بالفرحة داب
الله لعمري الانتهههههههههي
يوم مابديت أحسب حساب
|
يا ســـــــلام!
والله أكاد أسمع ابن البادية
وفرقته الماسية!
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
Quote:
اها يا حبيب نورة خليت شبكة تصحي من نومة بعد الافطار بدرررري .. ياااخ انت مالك والاحمر خليك العب دافوري مع ودالموج هناك في نادي الليق بتاعكم ... |
عشنا وشفنا يا دنيا
عليك النبي شبكة دي زولة قلبا أسود
خليني منها
وبعدين أنتي حتة مصوراتي شغال معانا بالقطعة
ما تخش في سياسات الرابطة
علي اليمين ود الموج يعمل فيك مرسوم دستوري يقطع عيشك
وكان لي شبكة
قول ليها البت ذاتة سيتان في غصن بان
مالك لايكاها لبان
وعلي فكرة
شبكة دي مرفوضة لدينا تماماً في الرابطة المنبثقة علي هامش الإعجاب
يعني كراعا ما تختها هناك
يعني بي العربي الفصيح
تختانا عديل كدي
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: حبيب نورة)
|
Quote: فات الأوان
اتحسر وأقووووول ليه عرفتك من زمان
يا فرفور صوتك خانك عديل كدي
يخيل لي بسبب عدم التركيز
مالك ومال أغاني إبن البادية الصعبة دي |
يا زوولنا كيفك..
لو ركّز قدر ما الله أداه، برضو كان ح يجلّي..
وعلى وزن الفيليه وما الى ذلك،
غنا ناس فرفور زي الشاورما كده، ساندوتشات سريعة لا عمق لها..
وما أبعد الشاورما من الأكل المسبّك ..
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: نجوان)
|
Quote: يا زوولنا كيفك..
لو ركّز قدر ما الله أداه، برضو كان ح يجلّي.. |
نجوان
غناء الفنانين القُدام ياخي دا بصمة ولكل انسان
من يوم مايلدوه بصمة لايستطيع احد تقليدها
وخلوهم يكوركوا ويجعروا وعليك الله
منو في الشباب ديل بقدر على
ليل الكاشف
ولما يقول : الليله ليل كم ليل ويوم سهران ولهان العيون ياعيوني
ومنو في الشباب بقدر على لالات سيد خليفة
لما يقول : لالا مابقدر اودعكم افارقكم لالالالالالالالالا ما بقدر
نجوان احكي ليك
في يوم من الايام في حفله ببحري وقف ابن الباديه في المسرح
وقام بتهنئة العريس وقال انا في نفس المكان قبل 25 عام غنيت
في ختان هذا العريس واليوم اغني لزواجه .
وتعالي شوفي الاناقه والشياكة والصوت نفس الصوت الجميل
_________________________
نجوان يكفي انك جمعتينا ومتنازل بكامل جائزتي ليك
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: SHIBKA)
|
Quote: عصام محمد نور ابدع في رائعة وردي ..عذّبني وزيد عذابك..
عصام كان مصحصح وعنده طاقة (خلافا للمعتاد منه)
الأغنية مناسبة جدا لصوته ..
يا ســـلام.. غفرنا لك يا عصام ما تقدّم من ذنبك وما تأخر.. |
اختنا نجوان في الجزء الاول معاك
ام الجزء الثاني فلا...
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
..
.
ريماز ميرغنى ومنار الصديق
حقيقة ادائه كان رائع فى اغنية
يا اجمل حبيب ..
وصراحة ذكرنى اداء ايمان وامانى
عصام محمد نور تميز .. كعادته
وهو الوحيد الذى تغنى باخلاص وحافظ على مستواه
عصام البنا اداء الاداء الطبيعى
وبعد داك قعد يعاين من علِ .. لا يشارك ولا
حتى يتكرم بالمتابعة !!؟؟
__________
يا ملاسي شفت الخاتم رجع
حتابعو ليك تلفون وصورة :)
بس بالله ورينى فرفور دا كان بضحك لمن بكى فى اغنية البنا
مالو !! غايتو خفه دم .. بتجيب ضغط
| |
|
|
|
|
|
|
|
|
 Re: أغاني وأغاني.. للقدامى والمستجدين.. (Re: abubakr)
|
| Quote: ياجماعة ممكونة وين ؟؟واللا الاناقة الزائدة بتاعة الجماعة سوتليها حساسية |
ممكونة قاعدة و صابرة...و ماعارفة تكتب شنو...اللي نقولو نعيدو..
البرنامج ممل ممل ممل...و ال Fashion Crimes إبتدت تبقى جرائم في حق الإنسانية! و إبتدت تجيب المرارة و الفشفاش و متلازمة المش عارف ايه..
ملاحظاتي ليوم الأمس...
* فرفور كان بيضحك سولو..أنا برضو ضحكت - حتى بانت بالأربعين -لما شفت ساعة الحائط التي تزيٌن معصمه.
* لاحظت شعيرات بيضاء متفرقة عند ندوري ..الظاهر صبغتو من النوع المضروب...انصحو يجيب من بتاعت عبدالعزيز المبارك.
* ( عذبني و زيد عذابك ) كان لسان حال الشاعر محمد يوسف موسى و هو يستمع لأوان فرفور.
* رماز و منار 
* لاحظتو من الحلقات الاولى للبرنامج للبسمات و النظرات الحلوة بين رماز و عصام كوجين !!
أي تفسير ؟؟؟
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: Hussein Mallasi)
|
يا جماعة النصيحة دي ما تطلعوها
الله ده بيسألكم منها !!!
عاصم البناء ده اكتر زول مستواها
متدهور في البرنامج والسبب هو نفسو
والسر قدور ذاتو سبب كيف؟! لانو عاصم البناء
عارف تمام انو امكانياتو بتبين
وبقوة في غناء الحقيبة ومفروض يحرص
ويركز علي كده وما ينساق وراء عمكم
السر قدور في ترديد الغناء لفنانين
الغناء من غير الحقيبة .
بس لوعايز يغني شعبي يغنيهو برضو لانو
قريب لامكانياتهو الصوتية .
عارف الكلام ده ما حيعجب ناس كتار الزول
ده صاحبهم وفردتهم بس طلعو النصيحة ياخ!
| |
|
|
|
|
|
|
|
|
اختي نجوان
والله ما فهمت ردك
لكني قصدت ان عصام محمد نور بالفعل ابدع في رائعة وردي عذبني واداها بصوره جيده وان الاغنيه كانت
مناسبه مع صوته.
اما اننا غفرنا له ما تقدم من ذنبه وما تاخر .... فلا...
ولك ودي
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: Hussein Mallasi)
|
انا كنت فاكر من الاول انو عمكم السر باختيارو لتسعة اصوات تشاركو في البرنامج دة حيستفيد من تنوع امكانات كل صوت ويخلي كل صوت يغني البيناسبو ولكن الحكاية طلعت فتة ساااااي يعني مثلا انا ذااااتي كااان ممكن اسوي زي البيسو جماعة في البرنامج دة.. اصلو اندنا كولنا بنغني مع الشار( المطرب علي حد قولكم )...
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
| Quote: طالما الحليب طعمو ما عادي يعني معفن... |
لاااا.. في زول ممكون أكتر من طارق ميرغني وممكونة ذاتها!
______
متفائلين خير يا باش بعد شلالات الزيت والحليب البايظ
الحلقة عن الجميل الأستاذ العاقب محمد حسن..
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
مع ود العربي..
عصام قتل تدللّي.. دون رحمة..
منار أداء حلو..
لكن كان ممكن يكون أحلى ..
شريف أبدع في يا حليلك يا أسمر
أداء جميل وصوت أجمل..
يا ســـــلام عليك يا ابو الشوش..
_____
التحية للفنان الراقي نجم الدين الفاضل..
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: maia)
|
| Quote: اغاني الاستاذ العاقب ما بتحتمل البشتنة دي |
اخر واحد يستاهل البشتفة .. يعني عمكم قال انو صاحبو وسكنو سوا وووو ويقوم يبشتفو كدة ..لو فكرو شوية واستعانو باصوات تناسب كل مقام ومقال لما اضاعو كل الجهد هكذا في سبهللية ...صبرنا علي اللبس والجعيير والفرفرة والوان قوس قزح اها غني صاح ما بيقدرو عليهو ؟؟
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
Quote: اخر واحد يستاهل البشتفة .. يعني عمكم قال انو صاحبو وسكنو سوا وووو ويقوم يبشتفو كدة ..لو فكرو شوية واستعانو باصوات تناسب كل مقام ومقال لما اضاعو كل الجهد هكذا في سبهللية ...صبرنا علي اللبس والجعيير والفرفرة والوان قوس قزح اها غني صاح ما بيقدرو عليهو ؟؟
|
الاستاذ العاقب محمد حسن فعلا والله اخر من يستاهل البشتنة كان بيقدم اغانيه بمنتهى الجمال والرقي والهدوء
الليلة حسيت الاغنية كاني بسمعها بطريقة ( من ربوع البادية)
| |
|
|
|
|
|
|
|
صديق الموج
abubakr
طارق جبريل
نجوان
فيصل نوبي
ALGARADABI
بابكر التوم
سناء عبد السيد
وليد عبد اللطيف
ودالعباسية
mohmmed said ahmed
الزوول
حبيب نورة
SHIBKA
mamkouna
-010604.jpg)
Hussein Mallasi
سفيان بشير نابرى
احمد العربي
فيس بوك
تويتر
انستقرام
يوتيوب
بنتيريست