الأحباش الفي بالى ما عندهم علاقة بالاحباش البتلقط في روابطك دي عنهم في أمه مختلفة الزيك ما ظن بعرفوا عنها حاجة أولوياته واهتمامته بعيده كل البعد عن تصورك ناس قدامهم تحديات فقر وتعليم وجفاف وفجوات غذائية وبلد جاد بحاول الخروج من عنق الزجاجه
تحياتي
11-14-2009, 00:57 AM
عبد الناصر الخطيب
عبد الناصر الخطيب
تاريخ التسجيل: 10-25-2005
مجموع المشاركات: 5180
من أصدقائي الإثيوبيين الامهري الخلوق ادم محمد امين يوم الكورة كان بتكلم معاى من اديس ولانو الكلام جاب الكلام كان سعيد بتنظيم والاستاد مفاجأتوا إنو كتار من الحبش بفتكروا انو كل السودانيين مصريين إلا ربع لكين فؤجوا بأنو كان في تشجيع كبير من السودانيين للجزائر لاحظ أنو معظم الاعلام الكانت في الملعب والأعلام الظهرت في المبارة وما بعدها أعلام الضيوف لو عندهم المبارة دي كان علم إثيوبيا ظهر في كل مكان مع العلمين
ودي الميزة البجد بحترمه في كل الإثيوبيين الاسعدني الزمن بمعرفتهم إنهم إثيوبيين للنخاع وده الخلى صاحبي الإثيوبي عبد الواسع ناقشني منفعل مساء الخميس متحفظ على الفدرالية الخلت رئيس الوزراء يصرح أنو لو أى أقليم ساعي يطلع من الاتحاد ما حيمانعوا قال بكدة إثيوبيا ممكن تتفتت عبد الواسع تجراى وهم القومية الفي السلطة لكين عشقوا إثيوبيا زي ما عرفه وقال من الحاجات البتزعلوا موضة رفع علم الأقاليم الفدرالية مع العلم الاثيوبي وفعلا أى أقليم برفع علم حكومتوا بجوار العلم الفدرالي وبتذكر أني علقته على الحته دي في بلاد التجراى ولاول وهله أستغربته من حبهم الكبير للمريخ ومحل ما تتلفت العلم الاحمر ابو نجمة صفراء طبعا ده كان علم أقليم التجراى الممكن مشجعين المريخ يستخدموا بكل أرتياح وخطر ببالى أنو العلمين العندنا في البيت حيلحقهم علم تالت ( علم السودان وعلم إثيوبيا ) لولا انو بت أبوبكر ما ستلطفت المسالة وما حينافس علمهم الخاص علم إثيوبيا بالوانو المميزة وحيظل الوحيد الحتحتفظ بيهوا وتحرص أنها كل سنة تبدلوا بعلم جديد من القنصلية طبعا انا ما عندي الترف ده علمي عملتوا براي فصلتوا عند ترزي تفصيل الاعلام بطريق المدينة النازل وكان مندهش انو نادر سوداني يطلب تفصيل علم السودان على أى حال ما وطنية زائدة لكين غيرة يكون علم إثيوبيا في البيت وأنا بلا علم
وما حصل سألته هل قنصليتنا بتوزع أعلام لو الواحد طلب منهم ولا ما فضين للحاجات الصغيرة دي ده غير أنو أغلب عربات الاثيوبيين أصحابي برضوا لازم يكون علمهم موجود مرات بيكون في حاجز الشمس البتخته وراء الزجاج مرات محتل الخلفية كلها ضخم ولا فت أضعف الايمان الملصق الفيوا أى والقب والعلم قلته أعمل أضعف الايمان وقدر ما فتشته للملصق ده بعلم السودان ما لقيتوا وعلى فكرة أكتر ناس بتخت علم السودان سواقين الدينات والتحية ليهم صحي بكون مرسوم رسم ومرات رسم ما متقن لكين المهم انو موجود
ما عارف يمكن الحته دي من تأثيرات الحبش السلبية ومخلياني مهتم بحاجات مرات لما افتحة في الكلام مع السودانيين صحي ما بعلقوا بصورة واضحة لكين بختوا في رأسهم انك زول فارغ وهم بقولوا ليك علم شنو يازول
ياربي محتاجين في حته العلم دي شوية تاثيرات حبشية ولا الناس ديل حساسيتهم في الحته زائدة شوية
***
11-26-2009, 07:33 PM
عبد الناصر الخطيب
عبد الناصر الخطيب
تاريخ التسجيل: 10-25-2005
مجموع المشاركات: 5180
العزيز / عاطف عابدون مساء الورد ,,, ------------------------------------------------- كل عام وانت بخير , والقابله على امنياتك تيدي الجميل أحترته أختار ليك من غناهو شنو
على أى حال يظل سمع مفضل لى وبلتقي معه في حب النقوس الموجود في بروفيلي رغم إنها حاجة ما مرحب بيها عند التجراى ومن قبيل في تفاوض نغير البروفيل ده
تحية لواحد من أباء أفريقيا المؤسسين الامبراطور هيلا سلاسي
11-29-2009, 04:07 PM
عبد الناصر الخطيب
عبد الناصر الخطيب
تاريخ التسجيل: 10-25-2005
مجموع المشاركات: 5180
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة