جاياني بالاشواق؟ يا ستي بيكي سعيد بي محنّة العشاق اللهفة ليكي تزيد يومي الاشوف عينك بلقاهو يوم العيد واحشاني يا ضلي يا زارعة فيني الريد يا احلى من الناس وحنينة زيي شديد
حيرتي قلبي زمان وملكتي لي الاحساس يا فاردة فيني الخوف بلقاكي في الانفاس مجنون وبحلم بيك لو يقدرو الحرّاس ياخدوكي مني بعيد بلقوني فيكي اساس مسكونة ساكنة هواي وندية زي الناس
يا الجيتي بالافراح مستني شوفتك حول لاسكتك مليت لا اخترتا غيرك زول زيدييني في الاشواق يا الشلتي مني القول زيدي المحنة سماح يا الحاروا فيكي عقول انا اصلي مستنيك والشوق عقد مبهول
عبدالله وداعه الامين
لندن 23.07.2005
07-23-2005, 11:12 AM
عماد شمت عماد شمت
تاريخ التسجيل: 12-02-2004
مجموع المشاركات: 3857
لك كل التحايا وشكرا لك على المرور الجميل وتسلم حبيبنا يديك الف عافية . شكرا لك حبيبنا على التشجيع ولك انبل الود وربنا يجعل ايامك كلها افرح لك مودتي والتحايا هطول
عبدالله
07-25-2005, 03:31 PM
Elmosley Elmosley
تاريخ التسجيل: 03-14-2002
مجموع المشاركات: 34683
يا الجايا تغشاني والله ما معقول ريدك مجنني احتارو فيكي عقول حبك بشرفني يا سارقة مني القول لو انتي جد مني خليني اقدر اطول ريدك .. بطمني يا اغلى من كل زول واحنّى من حني وحنينة في المدلول يا ستي لو مني برجاكي مية حول بي منية بتهني واشواق يدفو فصول مشتاقة تسالني غرقانة في المجهول والشوق مغرقني وانا بي هواك مشغول
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عماد شمت
Elmosley
waleedi399
نصار
فيس بوك
تويتر
انستقرام
يوتيوب
بنتيريست